စင်္ကာပူက လူငယ်တွေ ဘာလို့ စာဖတ်ကြသလဲ

ဗန်းမော်သိန်းဖေရဲ့မျှဝေလိုသောအတွေးများ added 7 new photos.

#စင်္ကာပူက လူငယ်တွေ ဘာလို့ စာဖတ်ကြသလဲ
ကျွန်တော် မကြာခင်က နတ္တလင်းနားက တာပွန်မြို့လေးကို ပဉ္စဂံစာအုပ်တိုက်က ကိုအောင်သူ (Mg Pyae) လိုက်ပို့ပေးလို့ ရောက်သွားခဲ့တယ်။ အဲဒီမြို့က လူငယ်လေးတွေက စကားနည်းနည်း ပြောပေးပါဆိုလို့ အတူပါလာတဲ့ စာရေးဆရာ မောင်ဇေယျာနဲ့ ကျွန်တော်တို့ စကားနည်းနည်း ပြောပေးခဲ့တယ်။

ကျွန်တော်ပြောတဲ့ စကားထဲမှာ ခုလို ပြောလိုက်တဲ့ စကားတစ်ခွန်းပါပါတယ်။
- "စင်္ကာပူမှာ လူငယ်တွေကို လက်ဖက်ရည်ဆိုင်ထိုင်တာ မတွေ့ရဘူး။ ညပိုင်းနဲ့ ကျောင်းပိတ်ရက်တွေမှာ လူငယ်တွေကို ဘယ်မှာ တွေ့ရသလဲ။ စာကြည့်တိုက်တွေမှာပါ"
အချိန်မရလို့ သူတို့ကို အဲဒီလောက်ပဲ ပြောပြခဲ့ပါတယ်။ အခု အဲဒီအကြောင်းနဲ့ ပတ်သက်ပြီး ပိုပြီးပြည့်စုံအောင် ရေးပြလိုက်ပါတယ်။

ကျွန်တော်လည်း ရုံးပိတ်ရက်ဆိုရင် စင်္ကာပူက စာကြည့်တိုက်ကို အမြဲလိုလို ရောက်တတ်ပါတယ်။ ရောက်သွားတဲ့ အမြဲတမ်းလိုလိုမှာ ထိုင်စရာထိုင်ခုံနေရာမရပါဘူး။ ထိုင်ခုံတွေအားလုံးမှာ အသက် ၁၅ နှစ်နဲ့ ၂၅ နှစ်ကြားလူငယ်တွေ ထိုင်ပြီး စာဖတ်နေကြတယ်။ လူလတ်ပိုင်းနဲ့ အသက်ကြီးသူ နည်းနည်းပါးပါးတော့ ရှိပါတယ်။
ဒါနဲ့ စင်္ကာပူမှာ လူငယ်တွေ ဘာကြောင့် စာအရမ်းဖတ်ကြတာလဲဆိုတာကို လေ့လာကြည့်မိတယ်။ အဲဒီမှာ သိသာထင်ရှားတဲ့ အချက်နှစ်ချက်ကို တွေ့ရတယ်။
ပထမအချက်က စင်္ကာပူမှာ မြို့နယ်တိုင်းရဲ့ လူစည်ကားတဲ့နေရာတွေမှာ စာကြည့်တိုက်တွေရှိတယ်။ စာကြည့်တိုက်တွေဟာ အများအားဖြင့် ၃ ထပ် ၄ ထပ်နဲ့ စာအုပ်ပေါင်း သိန်းချီရှိတယ်။ စာကြည့်တိုက်တွေမှာ အများအားဖြင့် အထပ်တွေကို reference books; media room အဖြစ် သတ်မှတ်ခွဲခြားထားတယ်။ ထူးခြားတာတစ်ခုက ပထမထပ်ကို ကလေးတွေ ပြေးလွှားဆော့ကစားဖို့ နေရာကျယ်ကျယ်ဝန်းဝန်း လုပ်ထားပေးတယ်။ မိဘတွေကလည်း အပြင်မှာ ပူလို့ လေအေးစက်ပေးထားတဲ့ အဲဒီအခန်းထဲကို ကျောင်းပိတ်ရက်ဆိုရင် သူတို့ ကလေးတွေကို ခေါ်လာကြတယ်။ ကလေးတွေဟာ အခန်းကျယ်ကြီးထဲမှာ လွတ်လွတ်လပ် ပြေးလွှားဆော့ကစားကြတယ်။ သူတို့ ဆော့ကစားလို့ မောလာတဲ့အခါမှာ ဘာလုပ်ကြသလဲ။ ကြမ်းပေါ်မှာ ထိုင်ချလိုက်တယ်။ အနားက စာအုပ်စင်ပေါ်မှာ ပြထားတဲ့ ရောင်စုံကလေးစာအုပ်လေးတွေကို ကောက်ကိုင်ပြီး ကြည့်တယ်။ သူတို့ စာမဖတ်တတ်ကြသေးပါဘူး။ ဒါပေမဲ့ အမြဲတမ်း စာကြည့်တိုက်ကို လာနေလို့ စာအုပ်နဲ့ ရင်းနှီးသွားပြီ။ စာအုပ်ကို မကြောက်ကြတော့ဘူး။ စာအုပ်ကို စိတ်ဝင်စားသွားပြီ။ ဒါက စင်္ကာပူအစိုးရရဲ့ စာမဖတ်တတ်သေးတဲ့ ကလေးတွေကို စာအုပ်နဲ့ ရင်းနှီးအောင် လုပ်ပေးလိုက်ခြင်းပါ။
ဒုတိယအချက်က စာအုပ်နဲ့ ရင်းနှီးသွားတဲ့ ကလေးတွေ စာဖတ်တတ်လာချိန်မှာ စာဖတ်အောင် ကျောင်းတွေက လေ့ကျင့်ပေးခြင်းပါ။ လွန်ခဲ့တဲ့ တစ်နှစ်လောက်က အသက် ၆ နှစ်ရွယ် မူလတန်းကျောင်းတက်နေတဲ့ ကျွန်တော့်မြေးမလေးက ရုံးပိတ်ရက် တနင်္ဂနွေနေ့မှာ သူ့အဖေ (ကျွန်တော့်သားကြီး) ကို အိမ်နားက စာကြည့်တိုက်ကို လိုက်ပို့ခိုင်းတယ်။ သူ့အဖေက ဘာဖြစ်လို့ စာကြည့်တိုက်ကို သွားချင်တာလဲလို့ မေးတော့ မြေးမက ပြန်ဖြေတယ်။ သူတို့ ကျောင်းက ဆရာမက စာကြည့်တိုက်က စာအုပ်တစ်အုပ် ငှားရမယ်၊ စာအုပ်ကို ဖတ်ပြီးရင် အတန်းထဲက ကျောင်းသူ ကျောင်းသားတွေကို အတန်းရှေ့ထွက်ပြီး စာအုပ်ထဲက အကြောင်းတွေကို ပြောရမယ်တဲ့။ အတန်းထဲက ကလေးတိုင်းကို အဲဒါလုပ်ဖို့ ဆရာမက အလှည့်ကျ တာဝန်ပေးတယ်။ ကလေးတွေ စာ မဖတ်လို့ မရတော့ဘူး။
ဒီအချက် ၂ ချက်က သိသာထင်ရှားလို့ ရေးပြတာပါ။ စင်္ကာပူအစိုးရက စာဖတ်ချင်အောင် လုပ်ပေးတဲ့ အစီအစဉ်တွေ အများကြီး ရှိပါသေးတယ်။ အွန်လိုင်းက စာအုပ်ငှားလို့ရအောင် လုပ်ပေးတယ်၊ 10000 fathers reading ဆိုတဲ့ ကလေးအဖေ အယောက် တစ်သောင်းဟာ ကလေးတွေကို စာဖတ်ပြပေးတဲ့ အစီအစဉ် စတာတွေပါ။ စာရှည်မှာစိုးလို့ မရေးပြတော့ပါဘူး။
စင်္ကာပူအစိုးရက ဘာကြောင့် လူငယ်တွေ စာဖတ်တာကို အရမ်းအားပေးနေရတာလဲ။ အဖြေက ရှင်းရှင်းလေးပါ။ သူတို့ဟာ နောင်တချိန်မှာ စကင်္ကာပူနိုင်ငံကို လူငယ်တွေလက်ထဲ အပ်ခဲ့ရမှာမို့ လူငယ်တွေကို စဉ်းစားဆင်ခြင်ဉာက် ပြည့်ဝအောင် လုပ်ပေးနေတာပါ။ နောက်ပြီး ရန်ကုန်လောက်ပဲ ကျယ်ဝန်းတဲ့ စင်္ကာပူကျွန်းလေးမှာ သယံဇာတ လုံးဝမရှိဘူး။ နောက်ဆုံး သောက်စရာ ရေမထွက်လို့ နိုင်ငံခြားက ဝယ်နေရတယ်။ သူတို့မှာ ရှိတာ လူတွေပဲ။ ဒါကြောင့် လူတွေကို အသိဉာဏ်ပညာနဲ့ ပြည့်စုံအောင် အကောင်းဆုံး တက္ကသိုလ် ကျောင်းတွေကို ဖွင့်ထားတယ်။ ကြီးကျယ်ခမ်းနားတဲ့ စာကြည့်တိုက်တွေ ဖွင့်ပေးတယ်။ စာကြည့်တိုက်တွေမှာ လူငယ်တွေ စာဖတ်ချင်အောင် ကလေးဘဝကတဲက လေ့ကျင့်ပေးတယ်။
စင်္ကာပူနိုင်ငံဆိုတဲ့ ပိစိကွေး နိုင်ငံလေးဟာ ကမ္ဘာ့ထိပ်တန်နိုင်ငံတစ်ခု ဖြစ်နေတာဟာ သူတို့ဆီက လူတွေ စာအရမ်းဖတ်ကြတယ်။ လက်ဖက်ရည်ဆိုင် မထိုင်ဘူး။ တီဗွီရှေ့မှာ အကြာကြီး ထိုင်ပြီး အချိန်မဖြုန်းကြဘူး။ ဖေ့ဘုတ်ပွတ်ပြီး အချိန်မဖြုန်းဘူးဆိုတဲ့ အချက်ဟာလည်း အဓိကအခန်းက ပါဝင်ပါတယ်။ သူတို့နိုင်ငံ ကံကောင်းလို့ ချမ်းသာတာ မဟုတ်ပါဘူး။ အစိုးရကောင်းသလို လူတွေကလည်း အသိဉာဏ်ပညာတွေ ပြည့်စုံကြလို့ပါ။
ကျွန်တော်တို့ စင်္ကာပူကို အမှီလိုက်ချင်ရင် ဒါလေးနဲ့ပဲ စလုပ်ကြရအောင်ပါ။
ကျွန်တော့ အမြင်သက်သက်ကို ရေးထားတာပါ။
ဗန်းမော်သိန်းဖေ
၂၁-၁၀-၂၀၁၇