ဖေဖေပေးခဲ့မယ့်အမွေများ-၁၃

 

Inspire Myanmar

 

ဖေဖေပေးခဲ့မယ့်အမွေများ-၁၃

သမီးကညာများ

ဂျဝါဟာလာနေရူးတက္ကသိုလ်က ဂုဏ်ထူးဆောင်ပါမောက္ခ မို့ဒ်ဟာဆန် (အမ်အေ၊ အယ်လ်အယ်လ်ဘီ၊ ပီအိပ်ခ်ျဒီ) က ၁၉၉၆ ခုနှစ် နိုဝင်ဘာလ ၇ ရက်နေ့မှာ ဖေဖေ့ကို နှစ်ကြိမ်တိုင်တိုင် တိုက်တွန်းခဲ့တာကတော့ ဖေဖေ့အတွေးအမြင်တွေကို ရေးနေတဲ့အထဲမှာ သမီးကညာများအကြောင်း လည်း ထည့်သွင်းရေးသားပါတဲ့။ ခုဖေဖေ့ရဲ့ ချွေးမလောင်းများနဲ့ မြေမလောင်းများကို ရည်စူးပြီး ဆောင်းပါး ရေးလိုက်တယ်။ မင်းတို့မှာ သမီးကညာတွေများ မွေးလာခဲ့ရင် သူတို့ကို ဒီဆောင်းပါး ဖတ်ကြည့်ခိုင်းရင် ကောင်းမယ်ထင်တယ်။

ဘုရားသခင်က လူတိုင်းကို တူညီစွာ ဖန်ဆင်းပေးမထားဘူးဆိုတာ မိန်းကလေးတစ်ယောက်အနေနဲ့ သမီးတို့ သိထားရမယ်။ ယောက်ျားတွေက ကလေးမမွေးနိုင်ကြဘူး။ သမီးတို့က ကလေးမွေးနိုင်ကြတယ် ဆိုတာ သမီးတို့ ကောင်းကောင်းသိပြီးသားနော်။ ဘုရားသခင်က သမီးတို့ကို သမီးတို့ခင်ပွန်းသည်ရဲ့ အဖော်မွန်အဖြစ် ပါရမီဖြည့်ဖက်အဖြစ် ဖန်ဆင်းပေးထားတယ်။ သူတို့ရဲ့ အောင်မြင်မှုဟာ သမီးတို့ အပေါ်မှာ အများကြီးမူတည်နေတယ်ကွယ့်။

သမီးတို့ သိပြီးတဲ့အတိုင်း လောကမှာ ပြီးပြည့်စုံတဲ့ လူရယ်လို့ ဘယ်သူမှ မရှိဘူး။ ဒီတော့ ဘ၀မှာ ပျော်ရွှင်ချမ်းမြေ့စွာနဲ့ ငြိမ်းအေးသာယာစွာ နေနိုင်ဖို့အတွက် သမီးတို့မှာ ကရုဏာနှလုံးသားနဲ့ သည်းခံခွင့်လွှတ်စိတ် ရှိနေရမယ်။ သမီးတို့ရဲ့ ခင်ပွန်းသည် စီးပွားရေးအရ၊ ဒါမှမဟုတ် လုပ်ငန်းပိုင်းအရ အဆင်မပြေချိန်မှာ သူ့ကို အားပေးပါ။ အားဖြည့်ပါ။ သမီးတို့ တတ်နိုင်သမျှ နည်းပေါင်းစုံနဲ့ ကူညီပါ။ သူ့အတွက် အကူအညီလိုနေချိန်မှာ သူ့နဲ့ အလှမ်းဝေးအောင်လုပ်ဖို့ မကြိုးစားပါနဲ့။ သူ့ကို ထုထောင်းဖို့ အခွင့်အရေးမယူပါနဲ့။ ဖေဖေ့မှာ မိတ်ဆွေတစ်ယောက်ရှိတယ်။ သူဟာ သူ့အဖေဆီက ဒေါ်လာ သန်း ၃၀၀ လောက် ဆက်ခံအမွေရစရာရှိတယ်။ ဒါပေမယ့် ထင်ရှားကျော်ကြားတဲ့ သူ့အဖေနဲ့ စကားများရန်ဖြစ်ပြီး သူ့အဖေပိုင်တဲ့ စီးပွားရေးလုပ်ငန်းကို ကျောခိုင်းလိုက်ရတယ်။ အဲဒီလို အကျဉ်းအကျပ်တွေ့ပြီး စိတ်ထိခိုက်နေရတဲ့ ကာလမျိုးမှာ သူ့ကို အားပေးကူညီမယ့်အစား သူ့မိန်းမက သူနဲ့ အဆက်ဖြတ်လိုက်တယ်။ ပြီးတော့ ကွာရှင်းပြတ်စဲလိုက်တယ်။ သူဟာ စိတ်ဆင်းရဲလွန်းလို့ ကိုယ့်ကိုကိုယ် သတ်သေမိမတတ် ခံစားခဲ့ရတယ်လို့ ဖေဖေ့ကို ပြောပြတယ်။

ဖေဖေအံ့သြတကြီးနဲ့ တုန်လှုပ်ရတာကတော့ ခေတ်သစ်မိန်းကလေးတချို့ဟာ ထမင်းဟင်း မချက်မပြုတ် တတ်ဘူးဆိုတာ သိရလို့ပဲ။ သမီးတို့ ထမင်းဟင်းချက်ပြုတ်တာမှာ ပျော်မွေ့ရမယ်နော်။ ကိုယ့်လင်ယောက်ျားက ကိုယ်ချက်ပြုတ်ကျွေးတဲ့ ထမင်းဟင်းကို ကိုယ့်အိမ်မှာ မြိန်ရေရှက်ရေစားချင် လာအောင် သမီးတို့ အချက်အပြုတ်ကောင်းရမယ်။ ကိုယ့်ယောက်ျားက တခြားသူတစ်ဦးဦးအိမ်မှာ သွားပြီး စားသောက်တာမျိုးကို ညည်းတို့ လိုလားမှာမဟုတ်ဘူးဆိုတာ ဖေဖေသိတာပေါ့။ သူဟာ ဒုတိယနေအိမ် ကို တွေ့သွားနိုင်တယ်လေ။

ဖေဖေ့မိတ်ဆွေ သွားရောဂါကုဆရာဝန်တစ်ယောက်က သူ့မိန်းမဟာ ကလေးမွေးရမှာကို သိပ်ကြောက်တယ်လို့ ညည်းညူဖူးတယ်။ အဲဒီတော့ ဘာဖြစ်သလဲ။ ခုသူတို့ အသက်လေးဆယ်နား ကပ်နေပြီ။ သားသမီးတစ်ယောက်မှ မရှိဘူး။ ရှေ့ဆက်ပြီးပွားစည်းပါစေ ဆိုတာ ဘုရားသခင်ရဲ့ မိန့်မှာချက်ပဲ။ သမီးတို့ တတ်နိုင်မယ်ဆိုရင် သားသမီးသုံးယောက်ထက် ပိုယူပါ။ နှစ်ယောက်ဆိုတာ ကတော့ နည်းလွန်းတာအမှန်ပဲ။ အသက်ခြောက်ဆယ်ကျော်၊ အောင်မြင်တဲ့ စီးပွားရေးသမားကြီး တစ်ယောက်က ဖြစ်နိုင်ရင် နောက်ထပ် သားသမီးတွေ လိုချင်သေးကြောင်း ဖေဖေ့ကို ပြောတယ်။ သူ့မှာ လောလောဆယ်ကိုပဲ သားသမီး ငါးယောက်ရှိနေပြီ။ ဒါတောင် သူက နောက်ထပ် လိုချင်သေးသတဲ့လေ။

သမီးတို့ရဲ့ လင်ယောက်ျားနဲ့ သားသမီးတွေကို ကြင်နာပါ။ ယုယပါ။ အဲဒါဆို သူတို့က သမီးတို့ကို ဒီထက်မကတောင် တုံ့ပြန်ကြင်နာယုယလာကြပါလိမ့်မယ်။ တချို့မိခင်တွေဆို သူတို့ရဲ့ သားသမီးတွေကို ကြမ်းတမ်းရင့်သီးတဲ့ စကားလုံးတွေနဲ့ ဆူပူကြိမ်းမောင်းနေတာ၊ သေပါစေလို့ ကျိန်ဆဲနေတာ ဖေဖေကိုယ်တိုင် မြင်တွေ့ခဲ့ရတယ်။ တကယ်တော့ သူတို့ စိတ်ထဲကပါလို့ ပြောတာမဟုတ်ဘူးဆိုတာ ဖေဖေ သိတယ်။ သူတို့ဟာ သူတို့ရဲ့ ဒေါသကို ထုတ်ဖော်ပြသနေတာပါ။ ဒီနေရာမှာ ဖေဖေ ပြောချင်တာကတော့ ကလေးတွေနာကြည်းသွားစေမယ့် စကားလုံးမျိုးတွေ သုံးနှုံးပြောဆိုတာ မှားတယ်။ အဲဒီလို သုံးနှုံးပြောဆိုခြင်းဟာ ကိုယ့်ကိုယ်ကို သတ်သေမှုမျိုးတောင် ဖြစ်ပေါ်စေနိုင်တယ်ဆိုတာပါပဲ။ ဒီတော့ ကြမ်းတမ်းရင့်သီးတဲ့ စကားလုံးတွေ မသုံးပါနဲ့။ အဲဒီစကားလုံးတွေကို သမီးတို့ရဲ့ ဝေါဟာရ စာရင်းထဲက ဖျက်ထုတ်ပစ်လိုက်ပါ။

ဖေဖေရေးထားတဲ့ လင်မယားကွာရှင်းပြတ်စဲခြင်း ဆောင်းပါးကို ဖတ်ကြည့်ပါ။ သွက်လက်မြန်ဆန်တဲ့ ဒီခေတ်သစ်ကြီးထဲမှာ လင်မယားကွာရှင်းပြတ်စဲမှုဆိုတာ အချိန်တိုတိုအတွင်း ပြီးပြတ်သွားနိုင်ပြီး ပြန်ပြင်လို့ မရတော့တဲ့ ဆုံးရှုံးပျက်စီးမှုကို ဖြစ်ပေါ်စေတယ်။ ထင်ရှားကျော်ကြားတဲ့ စီးပွားရေးသမားတစ်ယောက်ဟာ သူ့မိန်းမရဲ့ မိသားစုအသိုင်းအ၀ိုင်းက အတင်းအကျပ်ကိုင်တာနဲ့ သူ့မိန်းမကို ကွာရှင်းပေးလိုက်ရတယ်။ နောက်ပိုင်းကျတော့ ဒီလိုလုပ်လိုက်တာ မှားတယ်ဆိုပြီး သူ့မိန်းမက နောင်တရတယ်။ ဒါနဲ့ သူ့ခင်ပွန်းဟောင်းဆီ သွားပြီး ကွာရှင်းပြတ်စဲမှုကို ရုပ်သိမ်းပေးဖို့ ဒူးထောက်တောင်းပန်တယ်။ ဒါပေမယ့် အချိန်သိပ်နှောင်းသွားပြီလေ။ အဲဒီအချိန်မှာ အဲဒီလူက နောက်အိမ်ထောင်ပြုထားပြီကိုး။

အထက်ပါအကြောင်းအရာတွေကို ဖေဖေရေးပြနေရတာဟာ သမီးတို့အနေနဲ့ စိတ်ဆင်းရဲစရာအကောင်းဆုံး ဆုံးရှုံးနစ်နာမှုတချို့ကို ရှောင်ကွင်းနိုင်အောင်လို့ပါ။ ကမ္ဘာကြီးကို အလှဆင်ဖို့နဲ့ အကြင်နာတရား လွှမ်းခြုံပေးဖို့ သမီးတို့ လူဖြစ်လာကြရတာလေ။

မြတ်ငြိမ်း

http://myanmarthway.blogspot.com/ မှရယူဖော်ပြအပ်ပါသည်။