တာဝန်ယူချင်စိတ်

သုတဇုန်

 

တာဝန်ယူချင်စိတ်

=========

ကျွန်တော်ဟာ နွမ်းပါးတဲ့ မိသားစုကနေ မွေးဖွားလာသူပါ။ မြို့မကျ တောမကျ နေရာလေးမှာ နေပါတယ်။ ကျွန်တော့် အဖေဟာ နေ့စဉ် မနက်အာရုဏ် မိုးလင်းခင် အစောကြီးထပြီး ကုန်စိမ်းကားတွေနဲ့ အဖော်လိုက်ရသူပါ။ ပြောရရင် ကုန်စိမ်းကား နောက်လိုက်ပေါ့ဗျာ။ ဈေးမှာ လိုရင်လိုသလို ကုန်စိမ်းတောင်းတွေ ထမ်းပေးရတယ်..။ ဒီလိုနဲ့ ပင်ပင်ပန်းပန်းရှာရတဲ့ငွေနဲ့ နေ့စဉ် စားစရာဝယ်၊ ပိုတဲ့ ငွေလေးကို ခြစ်ခြုတ်စုပြီး ကျွန်တော့်အတွက် ပညာသင်စရိတ်ရှာပြီး မြို့မှာ ကျောင်းထားပေးရှာတယ်..။

နွေရာသီ ကျောင်းပိတ်လို့ ကျွန်တော် အိမ်ပြန်ရောက်လာတဲ့ တစ်ရက်မှာတော့ အဖေက ကျွန်တော့်ကို သူနဲ့အတူ ကုန်စိမ်းကားနဲ့ လိုက်ခဲ့ခိုင်းတယ်။

” သား..အဖေနဲ့ လိုက်ခဲ့…၊ သားဘာမှ မလုပ်ရပါဘူး…၊အဖေ့အနားမှာ အဖော်လိုက်ယုံလေးပါ “..လို့ အဖေက ပြောတယ်။

ကျွန်တော်လည်း ကျောင်းပိတ်ရက်လေး အိမ်မှာ နားရမလား မှတ်တယ်၊ အခုလို သူနဲ့ လိုက်ခိုင်းတော့ စိတ်ထဲ သိပ်မကြည်လင်ချင်ဘူး။ အဖေဆိုတော့ လွန်ဆန်လို့ကလဲ မရတော့.. မလိုက်ချင်လိုက်ချင်နဲ့ပဲ မနက်စောစော အရုဏ်မလင်းခင်ထ…၊ အဖေနဲ့အတူ ဈေးကားနဲ့ လိုက်ရတော့တာပေါ့။ အဖေက ကျွန်တော့်ကို ဘာမှ မထမ်းမပိုးခိုင်းပေမယ့် အဖေ့နောက်ကနေ ကျွန်တော့်မှာ တစ်ကောက်ကောက် လိုက်ယုံနဲ့တင် ပင်ပမ်းလိုက်တာ မပြောပါနဲ့တော့။ ရက်အနည်းငယ်ကြာတဲ့အထိ ဈေးကားနဲ့ လိုက်လည်းပြီးရော ပင်ပမ်းတဲ့ ဒါဏ်နဲ့ ကျွန်တော် အပျင်းဖျားယူရပါတယ်။ အဲ့ဒီတော့မှ အဖေလည်း ဘာမှ မတတ်နိုင်ရှာပဲ၊ သက်ပြင်းတွင်တွင်ချှပြီး ကျွန်တော့်ကို အနားပေး၊ နောက်နေ့တွေ သူတစ်ယောက်ထဲပဲ ဈေးကားနဲ့ လိုက်ရတော့တာပေါ့။

ဒါပေမယ့် လူ့လောကမှာ မမျှော်မှန်းနိုင်တာတွေက ဖြစ်လာတတ်တယ်လေ။ တနေ့တော့ အဖေဟာ နေ့စဉ်ရက်ဆက် ပင်ပမ်းတဲ့ ဒဏ်တွေနဲ့ ရုတ်တရက် နာမကျန်းဖြစ်ပြီး အိပ်ရာထဲ လဲပါလေရော။ သုံး..လေးပါတ်လောက် အိပ်ရာထဲက မထနိုင်ရှာဘူး။ အိမ်ရဲ့ ၀င်ငွေကလည်း အဖေ့ပေါ်တည်နေတော့ ပိုက်ဆံပြတ်ပြီး ထမင်းငတ်မယ့်ကိန်း ဆိုက်နေတော့တာပေါ့။ ဘယ်လိုမှ မဖြစ်တဲ့အဆုံး ဘာမှ မလုပ်တတ်ရှာတဲ့ အမေနဲ့ လူမမယ် ညီမလေးကို ငဲ့ကွက်ပြီး၊ ကျွန်တော် အဖေ့နေရာ ၀င်ယူ ရတော့တယ်။ အဖေလုပ်တဲ့အတိုင်း မနက် မိုးမလင်းခင် စောစောထ၊ ဈေးကားနဲ့လိုက်၊ ဟင်းသီးဟင်းရွက် တောင်းကြီးတွေကို ထမ်း၊ ဈေးထဲက ဆိုင်တွေစီ တစ်ဆိုင်ဝင်တစ်ဆိုင်ထွက် ထမ်းပိုးပြီး ကုန်တွေပို့ပေါ့။ သြော်.. အဖေနဲ့ငါ အရင်က လိုက်သွားခဲ့မိလို့ အခုလို လုပ်နိုင်တာ၊ တော်သေးတာပေါ့လို့ တွေးမိတယ်။

မိဘဆိုတော့… အဖေက ကျွန်တော် ချွေးသံတစ်ရွှဲရွှဲနဲ့ အိမ်ကိုပြန်လာတိုင်း.. ကျွန်တော်ရှာလို့ ရလာတဲ့ ပိုက်ဆံတွေ၊ အဖေ့ကို အပ်တိုင်း ဂရုဏာစိတ်နဲ့ ” ငါ့သား ပင်ပမ်းရှာတယ်.. ကျန်းမာရေး ထိခိုက်မယ်၊အဖေ နေပြန်ကောင်းရင် ငါ့သား မလုပ်ရတော့ပါဘူးကွာ” ..လို့ ပြောရှာတယ်။ ဒါပေမယ့် အံ့သြ စရာကောင်းတာက တစ်စက်လေးမှ ကျွန်တော် မောပမ်းခြင်း မရှိတော့တာကိုပါဘဲ။

ဒါနဲ့ ကျွန်တော် အဖေ့ကို ပြောမိတယ်..။ ” အဖေ.. သိပ်အံ့သြစရာ ကောင်းတယ်ဗျာ.. အဖေသားကို ဟိုးတစ်ခါဈေးကား လိုက်ခိုင်းတုန်းက သားမှာ အဖေ့နောက်လိုက်ပြီး ဘာမှ မယ်မယ်ရရ မလုပ်ရတာတောင် ပင်ပန်းခဲ့လိုက်တာ မပြောပါနဲ့၊ ဒါပေမယ့်.. အခု.. မနက်တိုင်း စောစောထရလဲ၊ ကုန်စိမ်းတောင်းတွေကို ထမ်းနေရလဲ၊ နည်းနည်းမှကို ပင်ပမ်းတယ် မထင်မိဘူးဗျ.. ” ..လို့ ပြောမိတယ်..။

အဲ့ဒီတော့ အဖေက ပြန်ပြောတယ်။ သူပြန်ပြောလိုက်တဲ့ စကားက ရိုးရိုးလေးပါ..။ ဒါပေမယ့် ကျွန်တော့်ဘ၀အတွက် တကယ့်ကို လက်ဆောင်မွန်ပါဘဲ။

” သား.. တစ်ဖက်က သားရဲ့ခန္ဓာကိုယ်က ကျင့်သားရလာလို့ စွမ်းအင်တိုးလာတာရယ်..၊ ပိုဖြစ်နိုင်တာက သားရဲ့ စိတ်ဓာတ် ရင့်ကျက်လာမှုကြောင့် ဖြစ်မှာပါ..၊ ရင့်ကျက်မှုက သားကို ကြီးလေးတဲ့ တာဝန်ကို ယူလိုစေတဲ့ သထ္ထိမျိုးကို ဖြစ်ပေါ်စေလိုက်တာပါ..၊ ဒီတော့ ဘယ်လောက်ပဲ ပင်ပမ်းပင်ပမ်း..၊ အလုပ်က ငါ့သားကို သက်တောင့်သက်သာ ဖြစ်နေစေတာပေါ့.. “

အခုတော့ ကျွန်တော် အဖေ့စကားတစ်ခွန်းထဲနဲ့ တာဝန်ယူလုပ်ကိုင်လို့ ရလာတဲ့ ရလာဒ်ရဲ့ ချိုမြိန်တဲ့ အရသာကို ကောင်းကောင်းခံစား သိခွင့်ရနေပြီလေ..။

ဒီအကြောင်းကို ပြောပြသူ လူငယ်လေးဟာ လက်ရှိ ကုမ္မဏီတစ်ခုမှာ ထူးချွန်ဝန်ထမ်းတစ်ဦးအနေနဲ့ အလုပ်တာဝန်တွေ ထမ်းဆောင်ရင်း မိဘကို တစ်ဖန်ပြန်လည် ကျေးဇူးဆပ်ခွင့် ရနေသူ ဖြစ်နေပါပြီ။ သူပြောပြတဲ့ အပေါ်မှာ ကျွန်မက ခံစားလို့ ရသလို ပြန်လည်တင်ပြခြင်းပါ။ တကယ်တော့ မိမိမှာ တာဝန်ရှိတယ်လို့ ခံယူလိုက်တာနဲ့ အဲ့ဒီ ဖိအားကြောင့် တွန်းအား ဖြစ်ပေါ်စေပြီး၊ မိမိတာဝန်ကို ပြီးမြောက်စေတဲ့ စွမ်းအား၊ ရှိလာတာချည်းပါဘဲ။ အဲ့ဒီ ဖြစ်စဉ်အစနဲ့ ဖြစ်စဉ်အဆုံးရဲ့ အတွင်းမှာလည်း ပျော်ရွှင်မှုဆိုတာက ရှိနေမှာပါ။ ကျွန်မတို့အားလုံး ကိုယ့်ကိုယ်ကို ယုံကြည်စိတ် ရှိနေဖို့တော့ လိုအပ်ပါတယ်။

ဆန္ဒနဲ့ဘ၀ တစ်ထပ်ထဲ ကျကြပါစေ။
မြသွေးနီ
(https://www.facebook.com/myathwayni)