နေ၀င်ရီတရောသော မိန်းမတို့ မည်သည်

ကျွန်မ တို့ အမျိုးသမီးများ ၏ နေ၀င်ရီတရော အရွယ်ဆိုတာက တစ်သက်တာ လည်ပတ်လာရတဲ့ ရာသီစက်ဝန်း တစ်ခု ကုန်ဆုံးခါနီး အချိန်မျိုး မှာ ဖောက်ပြန်လာတဲ့ ရုပ်ခန္ဓာ ကိုယ် နဲ့ ဖြစ်ပျက်လာရတဲ့ စိတ်ခံစားချက် အမျိုးမျိုး ကို တင်စား ဆိုလိုထားခြင်းသာ ဖြစ်ပါတယ်။ဒီပိုစ့်ဟာ ကျွန်မတို့ မိန်းမတွေတိုင်း မအိုချင်ပါပဲ အို၊ မနာချင်ပါပဲ နာ၊ မလိုချင်ပါပဲ ရလာမည့် ဇယာများနဲ့ ကြုံဆုံရမယ် နေဝင်ရီတရောအချိန်ကို ကြံကြံခံရင်ဆိုင်နိုင်စေမယ့် စိတ်ကုထုံး မှန်ကန်တဲ့ ဆေးစွမ်းကောင်းပဲ ဖြစ်ပါတယ်။

ကျွန်မ တို့ အမျိုးသမီးများ နေ့တဓူဝ ကျင်လည် ဖြတ်သန်းနေရတဲ့ လူမှုရေး ၊ စီးပွားရေး ၊ အိမ်ထောင်ရေး စတဲ့ လူမှု တာဝန်တွေ အမျိုးမျိုးကြား မှာ တစ်လ တစ်ခါ ရာသီချိန် ကို နာကျင်ခံခက် စွာနှင့် ကျော်ဖြတ်ရတာ ၊ မွေးရာပါ မိခင်စိတ် က ပေးသော အာဂသတ္တိ နဲ့ ကိုးလလွယ် ဆယ်လ ဖွားတဲ့ ကိုယ်ဝန်ဆောင်ပြီး မီးဖွားချိန် ကို ကျော်ဖြတ်ရတာ ၊  မီးယပ်သွေးဆုံးချိန် များ မှာ ကိုယ် / စိတ်ခန္ဓာ ဂယောက်ဂယက် ခံစားချက်များစွာ ကို ကြိတ်မှိတ်ခံရတာ စတာတွေ အားလုံး က ကျွန်မ တို့ အမျိုးသမီးတိုင်း မလွဲမသွေ  ရင်ဆိုင်ကြုံတွေ့နေရတဲ့ ရုပ်ခန္ဓာ ရဲ့ ဆင်းရဲခြင်း၊ဒုက္ခ အဖြာဖြာ ဘဲ ဖြစ်ပါတယ်။

အိမ်ထောင်ရက်သား ကျလို့ ကိုးလလွယ် ကာ ဆယ်လ မှာ ဖွားလို့ မီးဖွားချိန် ကို ကျော်ဖြတ်ရပြန် လျှင်လည်း မီးတွင်း မှာ စိတ် ပင်ပန်း ဆင်းရဲရလျှင် ၊ အလွန်အမင်း စိတ်ထိခိုက် ခံစားရ လျှင် သွေးနု သားနု နှင့် သွက်သွက်ခါအောင် ရူးသွားနိုင်တဲ့ အထိ စိတ်ဖောက်ပြန် သွားနိုင်လောက်အောင် ဖြစ် တတ်တာမို့ စိတ်ဆင်းရဲ စရာ ရှိခဲ့လျှင် မီးနေသည် အမျိုးသမီးများ ကို အသိ မပေးကြလောက်အောင် အထိ အမျိုးသမီးများ ၏ သွေးသား သဘာဝ နှင့် မီးယပ်ရောဂါ ဆိုတာ အလွန်ပင် ကြောက်ရွံရပါတယ်။
              
    ကျွန်မ ပြောချင်တဲ့ နေ၀င်ရီတရော အရွယ် ဆိုတဲ့ သွေးဆုံးခါနီး အချိန်များမှာတော့ ထို့သို့သော အထက်ပါ ဝေဒနာများထက် ဆိုးရွားလှစွာ ခန္ဓာ ကိုယ် က နာကျင် ကိုက်ခဲလိုက် ၊ ပူလိုက် ၊ အေးလိုက် ၊ ချမ်းလိုက် ၊ အိုက်လိုက် နှင့် ခန္ဓာ ကိုယ် ၏ ရုပ်သဘော က ဖောက်ပြန် လာလိုက် ၊ သွေးသားပြောင်းလဲသဖြင့် မျက်နှာ နှင့် ခန္ဓာ ကိုယ် တွင် တင်းတိတ် နှင့်တကွ အညိုစက် ၊ အမည်း စက် စသည့် အစက် အပျောက်များ ပေါ်လိုက် ပျောက်လိုက် ၊ ရာသီသွေး က ဆင်းလိုက် မဆင်းလိုက် ဖြစ်လိုက် ၊ တခါ စိတ်အသွင်မှာ ငိုချင်သလို ၊  ရယ်ချင်သလို နှင့် ဟိုလူ့ ကို အလိုမကျ ၊ ဒီလူ့ ကို စိတ်တိုင်း က မကျ နှင့် စိတ် အစဉ် က လွင့်ချင်ရာလွင့် ၊ ကိုယ်ထင်သလို မဖြစ် ၊ လူတွေ က ကိုယ့်ကို နားလည်မပေး နှင့် စိတ်တိုင်း မကျတာ များလို့ မထိန်းနိုင်စွာနှင့် စိတ်အလိုကိုလိုက် လို့ သွေးဆိုး သောင်း ကျန်းပေါက်ကွဲ မိပြန်ပါလျှင် လည်း ခင်ပွန်းသည် နှင့် မိသားစု အမြင်မှာ သွေးဆိုးလှတဲ့ အမြင်ကတ်စရာ မိန်းမကြမ်းကြီး ဖြစ်လို့ သူတို့ ဆီက အကြင်နာနှင့် နားလည်မှုလေးရဖို့ ဆိုတာ ဝေးစွ ကိုယ့် ကိုမြင်တာ နှင့် ထွက်မပြေးရင်တောင် တော်လှ လို့သာ ဖြစ်နေရတတ် ပါသေးတယ်
မိသားစု ထံ မှ နားလည်မှု မရသမျှ အလုပ်လေး ရှိနေသေးလျှင် ပိုက်ဆံ မရရင်တောင် ကိုယ့် အလုပ်နှင့် ကိုယ့် ၀န်ထမ်း ၊ ကိုယ့် လုပ်ငန်းခွင် က ကိုယ့် အတွက် ဖြေသိမ့်စရာ စိတ်ထွက်ပေါက် ဖြစ်နိုင်ပါသေးတယ်။ ထိုသို့ မဟုတ်ဘဲ တချို့ဆိုလျှင် အလုပ် ကို ပါ နားလိုက်တဲ့ အတွက် ကြုံလာရ တဲ့ ရောဂါ ကို နားလည်ပေးသူ မရှိရတဲ့ အထဲ အဆင်မပြေ တာတွေ အပေါ် ထပ်ထပ်ပြီး အလိုမကျမှု နှင့် ကိုယ့် ကိုယ် ကိုယ် အစွမ်းအစ မရှိသည့်သူ အဖြစ်ရောက်တဲ့ အတွက် စိတ်ကျရောဂါရတဲ့ အထိ ဖြစ်လာရတတ်ပါတယ်။
 အသက် ၄၀ ကျော် ၀န်းကျင် အရွယ် များ ရောက် လို့ ထို ဝေဒနာ များ ကြုံဆုံနေရရင်ဖြင့် ကိုယ် နှင့် နည်းနည်းလေး မှ အပေါက်အလမ်း က မတည့် ၊ ကိုယ် နဲ့ အတူနေသည့် မိန်းမ စိတ် က ဖြူနေ သလား ၊ မည်းနေသလား၊ စိတ်မ၀င်စား တဲ့ ခင်ပွန်းသည် ၊ အရွယ်လေးရောက်လာလို့ မိဘ နဲ့ သဟဇာတ မဖြစ်တဲ့ သားသမီး ၊ ထင်သလို ဖြစ် မလာ အလုပ်အကိုင် အကျိုး စီးပွား နဲ့ ခင်ပွန်း သည် နဲ့ သားသမီး ရဲ့ ဝေယျာဝစ္စ တွေ နဲ့ အိမ်မှာသာ အချိန်ကုန်ပြီး သူငယ်ချင်း ၊ မိတ်ဆွေ အားလုံးနဲ့ အဆက်ပြတ် လို့ စိတ် ရဲ့ ပြင်ပ ထွက်ပေါက် ဆိုတာ လုံးလုံး မှ မရှိရှာရတဲ့ အိမ်ထောင်သည် အမျိုးသမီးများ ခမျာ ကူကယ်ရာ မရှိ ၊ ကိုယ့် ကို စာနာ နားလည်ပေးမယ့် သူ မရှိ ၊ စိတ်ဖြေစရာ ရယ်လို့ ဘယ်သွားလို့ ဘယ်လာရမှန်း လည်း မသိ ၊ ပြောပြ ရင်ဖွင့်တိုင်ပင်စရာ လည်း လူမရှိ နဲ့ ဇရာ က ရလာတဲ့ ဝေဒနာ အမျိုးမျိုး ကို စိတ်လူ ပင်ပန်းဆင်းရဲခြင်း များစွာဖြင့် အင်မတန် မှ သနားစရာ ကောင်းလှပါတယ်။
ဤ သို့သော အချိန်ကို ကြုံဆုံနေရသည့် အမျိုးသမီးများ မှာ ခင်ပွန်းသည် ၏ ကြင်နာစွာ နားလည်ပေးမှု ၊ သားသမီးများ ၏ ချစ်ခင်ကြင်နာမှု နှင့် ဂရုတစိုက် ရှိမှု ၊ ကိုယ် အမှန်တကယ် ပျော် ရွှင်ခင်မင်ရသည့် စိတ်ရော လူပါ နှစ်နှစ်ကာကာ ပေါင်းလို့ရသည့် ချစ်ခင်ရင်းနှီး သည့် ဆွေမျိုး အပေါင်းအသင်း နှင့် မိတ်ဆွေ သူငယ်ချင်း များ ၏ လှိုက်လှဲ နွေးထွေးသော ဆက်ဆံမှုများသည် သာလျှင် အကောင်းဆုံး ကုစားရာ ဖြစ်သော်ငြားလည်း အကယ်၍များ ထိုသို့သော စာနာစွာ နားလည်ကြင်နာ ဖေးမပေးမည့်သူများ မရှိခဲ့လျှင်
***** အလှအပ ၀ါသနာ ပါလျှင် အလှအပ နေရာများဖြစ်သည့်  Beauty Spa  များ Saloon  များ သို့ ရံဖန်ရံခါ သွားခြင်း ၊ အပန်းဖြေ ခရီး ထွက်ခြင်း ၊ဘုရားကျောင်းကန်များ သို့သွား၍ အလှုအတန်း လုပ်ခြင်း ၊ တတ်နိုင် သလောက် တရား ဘာဝနာ ပွားများခြင်း ၊ သွေး လှည့်ပတ်မှုကောင်းစေပြီး ခန္ဓာ ကိုယ် ၏ ဖောက်ပြန်လာသည့် ရုပ် လက္ခဏာ သဘောတရား များ ကို သက်သာရာ ရစေမည့် အားကစား တစ်ခုခု ကို ကြိုးစားပြီး လုပ်ခြင်း ၊ ကိုယ့် ကို အမှန် တကယ် ချစ်ခင်ကြင်နာစွာ တွဲခေါ်ပေးနိုင်မည့်  လူမှုရေး အဖွဲ့အစည်း တစ်ခုခု ( သို့) လူစုဝေးရာ သင်တန်း တစ်ခုခု နှင့် ရံဖန်ရံခါ သွားလာ ဆက်သွယ်ခြင်း ၊ မိတ်ဟောင်းဆွေဟောင်း ၊ ကိုယ် ခင်မင် ခဲ့ရာ ကျောင်း ( သို့ ) အလုပ် မှ သူငယ်ချင်း မိတ်ဆွေ များနှင့် ပြန်လည် အဆက် အသွယ် ရစေမည့် နေရာမျိုး နှင့် ဆက်သွယ်ပြီး ရှေးဟောင်းနှောင်းဖြစ် များဖြင့် စိတ်သက်သာပျော်ရွှင်မှု ရစေခြင်း ၊ သားသမီး များနှုင့် ခေတ်ကို မျက်ခြေမပြတ်ရလေအောင် အင်တာနက် က နေ သတင်းနှင့် ၊ လူမှုကွန်ယက်ဝက်ဆိုက်များ ကို အပျင်းပြေလေ့လာခြင်း များဖြင့် ကိုယ့် စိတ် ကိုယ် ကုစားနိုင်သလို တခါတရံ အလွန်အမင်း စိတ်ဆင်းရဲ ပင်ပန်း မွန်းကြပ်ရသည့် အခါမျိုး မှာ အရင်းနှီးဆုံး ရင်ဖွင့် တိုင်ပင်လို့ရနိုင်သည့်  Psychiatrist ( သို့)  Psychologists  တစ်ဦး ကို အပွင့်လင်းဆုံး တိုင်ပင်ဆွေးနွေးပြီး  စိတ်လေ့ကျင့်ခန်းများ လုပ်ခြင်း ၊ OG  တစ်ဦးဦး နှင့် ပုံမှန် ပြ၍ လိုအပ်သည့် အစား အသောက် နှင့် သင့်တော်သည့် ဆေးဝါး ဓာတ်စာများ မှီဝဲခြင်းဖြင့် လည်း စိတ် နှင့် ခန္ဓာ ကိုယ် ကို ပြန်လည် ကျန်းမာလာအောင် လိုအပ်သလို ကုစားသွားပြီး အသက်ရှည် ကျန်းမာစွာဖြင့် စိတ်ချမ်းချမ်း သာသာ နေသွားနိုင်မှာဖြစ်ပါတယ် .....
                   ကျွန်မ တို့ အမျိုးသမီးများ အားလုံး သည်လည်း တစ်ခုသော အချိန်မှာ မလွဲမသွေ ရင်ဆိုင်လာရမည့် နေ၀င်ရီတရော အချိန်များစွာ ကို အပြုံး မပျက် ၊ အလှ မပျက် ၊ အပျော် မပျက် ၊ အလုပ် မပျက် နှင့် ချစ်ခင်နွေးထွေးသည့် မိသားစု၊ သူငယ်ချင်း ၊ မိတ်ဆွေ အပေါင်းအသင်းများ ၏ ချစ်ခင်ရင်းနှီးမှုများ ကို အပွင့်လင်းဆုံး ညှိနှိုင်းယူပြီး ပျော်ရွှင်စွာနှင့် တိုတောင်းစွာ နှင့် ရခဲလှသည့် လူ့ဘ၀ ၏ နောက်ဆုံး အချိန် များစွာကို ကြံ့ကြံ့ခံကာ လျှောက်လှမ်းရင်း  သက်ဆုံးတိုင် အောင်မြင်သော အမျိုးသမီးများဖြစ်ကြစေဖို့ ဆန္ဒပြုဖော်ပြအပ်ပါတယ်။
စွဲမြတ်ဟေသီ

 http://yangonlife.com.mm/mm/article/15301