ဦးရေးကိုသာလွမ်းတော့သည် (မင်းဒင်)

မင်း ဒင်

 

၁၆ ဒီဇင်ဘာ ၂၀၁၅ နေ့ထုတ်
သည်ဗွိုက်ဒေးလီးစ်သတင်းစာမှ။ ။

ဦးရေးကိုသာလွမ်းတော့သည်

(မင်းဒင်)

(၁)
“ကိုယ်တို့ညီအစ်ကိုမောင်နှမတစ်သိုက်ကို၊မိခင်ကြီးကဆုံးမဖူးတယ်ကွ။
အိမ်ထောင်ဘက်ရွေးတဲ့အခါနှစ်ခါပြန်အဆဲခံရမဲ့၊ချွေးမတို့၊သားမက်တို့
ကို၊ဝေးဝေးကြရှောင်ကြပါတဲ့။သဘောကတော့ကွာ။သားလုပ်သူအိမ်ထောင်ပြုတဲ့
အခါချွေးမတော်လာရမယ်ပေါ့။လင်ရယ်မယားရယ်ဖြစ်လာတော့၊ထုံးစံအတိုင်း
လျှာနဲ့သွားမတော်တဆကိုက်မိသလိုတခါတရံလင်မယားနှစ်ယောက်
ကတောက်ကဆဖြစ်ကြတဲ့အခါ၊ဒေါသအလျှောက်ကြမ်းတမ်းရိုင်းစိုင်းတဲ့
စကားလုံးတွေနဲ့အပြန်အလှန်ပြောဆိုမိတာတွေရှိတတ်တော့၊
တချို့စကားတွေကိုမိဘမသိအောင်ဖုံးတန်ဖုံး၊ဖိတန်ဖိ လုပ်တတ်ရမယ်တဲ့။တချို့အလိုက်ကန်းဆိုးမသိတဲ့ချွေးမများဟာ၊သူတို့ရန်ပွဲကို
မူရင်းစကားလုံးအတိုင်းမိဘများဆီဖောက်သည်ပြန်ချတော့၊မိဘတွေခမျာ
နှစ်ခါပြန်အဆဲခံရရောတဲ့”

“နည်းနည်းရှင်းပါဦးအကိုကြီးရဲ့”

“အမေရေ။အမေ့သားနဲ့ကျွန်မ၊ညတုန်းကစကားများလိုက်ကြတာ၊
သူကကျွန်မကို-ာသယ်မလို့ဆဲတော့၊ကျွန်မ လည်းမအေ -ိုး လို့ပြန်ဆဲလိုက်မိတယ်အမေရယ်…၊ဆိုတာမျိုးပေါ့ကွာ”

“ဟာ၊နားထဲကိုသံမှိုနဲ့ရိုက်သွင်းလိုက်သလိုပါပဲလား”

“အေးကွ။မိတ်ဆွေအပေါင်းအသင်း၊ဆွေမျိုးညီအစ်ကိုမောင်နှမတပည့်
သားမြေးတွေမှာလည်းအဲသလိုနှစ်ခါပြန်အဆဲခံရအောင်လုပ်တတ်တဲ့သူတွေ
ရှိမနေတာအကောင်းဆုံးပဲကွာ။တော်ကြာ..၊”ဆရာ့ကိုဟိုလူက ခွေးမသားလို့ ဆဲ နေတယ်ဆရာ”ဆိုရင်မခက်ချေဘူးလားကွာ”

သူ့မိခင်ကြီး၏ဆုံးမသွန်သင်ချက်ကိုကျွန်တော့်အားအထက်ပါအတိုင်း
တဆင့်ပြောပြဆိုဆုံးမနေသူမှာကျွန်တော်အကိုကြီးသဖွယ်ချစ်ခင်
လေးစားခဲ့ရသော၊ဘဏ်မန်နေဂျာဟောင်းကြီးတစ်ဦးဖြစ်ပါ၏။

လွန်ခဲ့သောတစ်ဆယ့်ခြောက်နှစ်ကျော်ကဖြစ်၍ယခုသော်သူကွယ်လွန်ခဲ့လေပြီ။
အခြေခံလူမှုကျင့်ဝတ်ကိုမျှနားမလည်ကြသောသူတို့အကြောင်းကြားမြင်
ဖတ်မိလေတိုင်း၊မှတ်သားထိုက်လှသောသူ့စကားကိုမကြာခဏဆိုသလို
ကျွန်တော်ပြန်လည်ကြားယောင်နေမိသည်။

(၂)
ရှေ့နေဦးရေးသည်ရတနာပုံခေတ်နှောင်းကမန္တလေးမြို့တွင်ထင်ရှားသော
ခုံတော်ရှေ့နေမင်းတစ်ဦးဖြစ်၏။အထူးသဖြင့်အများနှင့်မတူသော
သူ့အတွေးအမြင်နှင့်ခံယူချက်ကြောင့်လူသိများခဲ့ပုံရသည်။

ကျွန်တော်အထက်တန်းကျောင်းသားဘဝကဖတ်ရှုခဲ့ဖူးသော၊အထက်တန်း
စိတ်ကြိုက်စကားပြေလက်ရွေးစင်ကျောင်းသုံးစာအုပ်ပါ၊ရှေ့နေ
ဦးရေးအကြောင်းမှတ်မိသမျှတစွန်းတစမှာအောက်ပါအတိုင်းဖြစ်၏။

တခါသော်ရှေ့နေဦးရေး၏အိမ်ထောင်ရှင်သမီးတစ်ယောက်မီးဖွားလုဆဲဆဲ
အချိန်တွင်၊အာဝေဏိကဒုက္ခနာကျင်သောဝေဒနာကြောင့်ဖခင်ကို
တိုင်တည်အော်ဟစ်သည်ဆို၏။ရှေ့နေဦးရေးသည်သားဖွားခန်းအတွင်းမှ
သမီးဖြစ်သူ၏အော်ဟစ်သံတစ်ကြိမ်ကြားလေတိုင်းလက်သည်တစ်ယောက်
ပင့်ခိုင်းလေရာ၊မန္တလေးမြို့တခွင်၊တောင်ပြင်၊မြောက်ပြင်၊အရှေ့ပြင်၊
အနောက်ပြင်၊ပြင်လေးရပ်မှ၊နာမည်ကြီးလက်သည်ကုန်သောဟူ၏။

နံနက်မိုးသောက်၍ထိုသတင်းကိုကြားသိကြသောမန္တလေးမြို့သူမြို့သားတို့၊
ရယ်မောကဲ့ရဲ့သံတို့ကြောင့်ရှက်နိုးကြလေသောသားသမီးတို့က
ဖခင်ဖြစ်သူအား၊ငြီးတွားပြစ်တင်ကြရာ၊ရှေ့နေဦးရေး၏တုန့်ပြန်စကားမှာ
မှတ်သားလောက်သည်။

ယင်းမှာ..၊”ကဲ့ရဲ့တာက..၊အရပ်။မတော်တဆပျက်စီးသွားခဲ့ရင်ဆုံးပါးရမှာက..၊
ငါသွေးသားဟ”။ဟူသတည်း။ဦးရေး၏အဓိကနှင့်သာမညခွဲခြားပုံမှာ၊
များစွာအတုယူလောက်လေသည်။

တစ်နေ့သော်၊အမူးသမားတစ်ဦးသည်ရှေ့နေဦးရေးအိမ်ရှေ့အရောက်တွင်.၊ “ငါ -ိုးမသား၊ငရေး၊မင်းကိုယီးပဲ ထင်

တယ်”ဟု၊မူးမူးနှင့်အော်ဟစ်ဆဲဆိုသွားသည်ဟုဆို၏။ထိုဆဲသံကြောင့်ဦးရေး၏
အရွယ်ရောက်နေသောသားဖြစ်သူတို့တုတ်ဆွဲဓားဆွဲဖြစ်ကုန်ကြရာ၊အိမ်အပေါ်ထပ်
တွင်နေသောဦးရေးက၊ဒေါသူပုန်ထနေသော၊သားတို့ကိုခေါ်ယူမေးမြန်းသည်။

အကြောင်းစုံကိုကြားလတ်သော်ဦးရေးက…၊

“ငါ့ဆဲတဲ့ကိစ္စဟုတ်မဟုတ်။မှန်မမှန်ငါစုံစမ်းဦးမည်။နင်တို့အသာနေချေဦး။
မှန်ခဲ့လျှင်နင်တို့သဘောအတိုင်းရှိစေ”ဟု..၊

သားတို့ကိုဟန့်ကာတန့်စေ၏။

(၃)
စင်စစ်ကားအမူးသမား၏ဆဲဆိုသံကိုဦးရေးကိုယ်တိုင်နားနှင့်ဆတ်ဆတ်ကြား
ခဲ့ပြီးဖြစ်၏။ဦးရေးသည်လက်ရင်းတပည့်တစ်ဦးကိုအဆိုပါအမူးသမား၏
မိဘများအိမ်သို့ငွေတစ်ကျပ်နှင့်စေလွှတ်၍၊မိမိအိမ်သို့ကန်တော့ပွဲဖြင့်
လာရောက်ရန်၊စေခိုင်းညွန်ကြားခဲ့သည်။မိမိတို့သားအမူးသမားဖက်ကလည်းမှား၊
ထိုခေတ်ကရှေ့နေမင်း၏သြဇာမှာလည်းမသေးလှသည်ဖြစ်ရာ၊
အဆိုပါအမူးသမား၏မိဘတို့မှာ၊ချက်ချင်းဆိုသလိုပင်ဦးရေး၏အိမ်သို့၊
သားတော်မောင်ငမူးနှင့်တကွကန်တော့ပွဲဖြင့်ရောက်ရှိလာခဲ့ကြ၏။

ထိုအခါဦးရေးက၊အမျက်ထွက်နေခဲ့သောသားတို့ကိုခေါ်ယူ၍..၊

“အေး၊မင်းတို့ကြားလိုက်တဲ့ကိစ္စအတွက်အဲဒီငမူးရဲ့မိဘများကိုယ်တိုင်၊
အခုအိမ်တိုင်ယာရောက်လာပြီးတောင်းပန်နေပြီ။ဆဲသံကိုငါမကြားတော့၊
ငါ့အနေနဲ့ခွင့်မလွှတ်နိုင်စရာမရှိ။မင်းတို့သာကန်တော့ခံပြီး၊ကျေနပ်လိုက်ကြ”

ဟုဆိုဆုံးမသည်ဆို၏။

၎င်းခြင်းရာတွင်ရှေ့နေဦးရေးအနေဖြင့်မုသားလုံးလုံးကင်းသည်ဟုတော့မဆိုနိုင်ပါ။
သို့သော်ရေးကြီးခွင်ကျယ်မဟုတ်သည့်၊အသေးအမွှားပြဿနာကို၊အမှိုက်ကစ
၊ပြဿဒ်မီးလောင်ဆိုသကဲ့သို့၊တုတ်တပြက်ဓားတပြက်သွေးထွက်သံယိုမှု
မဖြစ်ရလေအောင်ဖြေရှင်းသွားခဲ့ပုံကိုမူ၊ကျွန်တော်နှစ်ခြိုက်သဘောကျမိသည်။

အကယ်၍အဆိုပါပြဿနာကိုဦးရေးသာဆိုခဲ့သောနည်းဖြင့်ဝင်မရှင်းပါမူ…၊
အင်အားနည်းသူအမူးသမား၏မတန်မရာပေးဆပ်ရမည့်ဒုက္ခ၊ကြီးနိုင်ငယ်ညှင်း
လုပ်ရာကျမည့်ဦးရေး၏သားတော်မောင်များ၊တရားတဘောင်ဖြစ်၊
အချုပ်အတန်းနှင့်ရင်ဆိုင်ရနိုင်သည့်မလိုလားအပ်သောနောက်ဆက်တွဲဖြစ်ရပ်
များမှာ၊တွေးကြည်လျှင်အလွယ်တကူမြင်သာသည်။

ထိုသည်ကြောင့်ပင်ရှေ့နေဦးရေးသည်သနားသည်းခံဝေဖန်ထောက်ရှုဟူသော
နာယကဂုဏ်၊အကြီးအကဲဂုဏ်နှင့်ပြည့်စုံသူဟု၊ကျွန်တော်ဆိုချင်သည်။

(၄)
မကြာသေးမီလပိုင်းများက၊ဖေ့စ်ဘွတ်လူမှုကွန်ယက်စာများတွင်ဖတ်ရှုရသော
သတင်းများအရ၊တပ်မတော် ကာ ကွယ်ရေးဦးစီးချုပ်ဗိုလ်ချုပ်မှူးကြီး မင်းအောင်လှိုင်ဝတ်ဆင်ထားသောယူနီဖောင်းသည်ဒေါ်အောင်ဆန်းစုကြည်
ဝတ်ဆင်ထားသည့်ထဘီအရောင်နှင့်ဆင်တူသည်ဟုလူမှုကွန်ရက်စာမျက်နှာပေါ်
တွင်ရေးသားဖော်ပြခဲ့ခြင်းကြောင့်မချောစန္ဒီထွန်းကိုတပ်မတော်ကိုယ်စား
ပုသိမ်အခြေစိုက်အနောက်တောင်တိုင်းစစ်ဌာနချုပ်မှပထမတန်းစစ်ရေးဦးစီး
အရာရှိဒုတိယဗိုလ်မှူးကြီးကျော်ထင်ကတရားလိုပြုလုပ်တရားစွဲဆို
ထားသည်ဟုသိရှိရသည်။

အလားတူနောက်ထပ်သတင်းတစ်ပုဒ်မှာ၊ဦးခွန်ဂျာလီဆိုသူသည်
တပ်မတော်ကာကွယ်ရေးဦးစီးချုပ်ဓာတ်ပုံကို ခြေထောက်ဖြင့်နင်း၍ရိုက်ထားသည့်
ဓာတ်ပုံကိုလူမှုကွန်ယက်တွင်မျှဝေခဲ့သည်ဟုဆိုကာတရားစွဲဆိုခြင်းခံထားရသည့်
သတင်းဖြစ်ပါသည်။

ထို့အပြင်မောင်ဆောင်းခအမည်ရှိကဗျာဆရာတစ်ဦးကိုလည်းသမ္မတကြီးအား
၊ညစ်ညမ်းစွာကဗျာရေးဖွဲ့စပ်ဆိုမှုဖြင့်တရားစွဲဆိုထားသည်ကိုလည်း
ဖတ်ရှုရပြန်ပါသည်။ယင်းအမှုအသီးသီးကို၊ဂုဏ်သရေထိခိုက်စော်ကားခြင်း
ခံရသောပုဂ္ဂိလ်ကြီးတို့ကိုယ်တိုင်တရားစွဲဆိုခြင်းမဟုတ်သည်ကိုမူ
ကျွန်တော်ကောင်းစွာကောင်းစွာသတိချပ်မိပါသည်။

အဆိုပါအမှုခြင်းရာတို့နှင့်ပတ်သက်၍၊ရေးသားဖြန့်ဝေသူတို့ဘက်မှ၊
မှန်ကန်သည်ဟုကျွန်တော်မဆိုချင်ပါ။သူတို့လွန်သည်မှားသည်ဆိုသည့်ူ
အချက်ကိုလည်းကျွန်တော်အငြင်းမပွားလိုပါ။

သို့သော်၊အရှိန်အဟုန်ကြီးစွာဖြင့်နည်းပညာတိုးတက်နေသောခေတ်ကြီးတွင်၊
အလွန်ကျယ်ဝန်းလှသောလူမှုကွန်ယက်စာမျက်နှာများ၌အလားတူ
ဖြန့်ဝေရေးသားခြင်းမျိုးမှာထူးခြားဆန်းကျယ်လှသည်ဟုတော့မဆိုနိုင်ချေ။

ကမ္ဘာ့နိုင်ငံရေးခေါင်းဆောင်များ၊စီးပွားရေးလုပ်ငန်းရှင်များ၊ထင်ပေါ်ကျော်ကြား
သူများအားလုံးလိုလိုကြုံတွေံ့ရင်ဆိုင်နေရသည့်ကိစ္စခြင်းရာသာဖြစ်ပါသည်။

ထိုပြစ်မှုမျိုးကိုကျူးလွန်သည်ဟူသောစွပ်စွဲချက်ဖြင့်၊လက်သည်တရားခံ
အားလုံးကိုရေဆုံးရေဖျားလိုက်လံရှာဖွေ၍တရားစွဲဆိုရမည်ဆိုပါလျှင်
တကမ္ဘာလုံးရှိတရားရုံးများတွင်၊ဆိုခဲ့သောအမှုမျိုးဖြင့်သာပြည့်နှက်နေပါလိမ့်မည်။

အထူးသဖြင့်မြန်မာ့အတိုက်အခံနိုင်ငံရေးခေါင်းဆောင်အား၊ယင်းနည်းဖြင့်
ဂုဏ်သရေဖျက်ခဲ့သောသူများစာရင်းတွင်၊လက်ရှိတာဝန်တာဝန်ထမ်းဆောင်ဆဲ
အစိုးရဌာနအကြီးအကဲများ၏ဆွေမျိုးသားချင်းများနှင့်တပ်မတော်အရာရှိတချို့
ပါဝင်နေသည်မှာ၊ငြင်း၍ရနိုင်သောအချက်မဟုတ်ပါ။

(၅)
ဤလောကတွင်ကဲ့ရဲ့ပြစ်တင်ခံရခြင်းမှကင်းသောသူဟူသည်ရှေးယခင်ကလည်းမရှိခဲ့။
ယခုလည်းမရှိ။နောင်တွင်လည်းရှိမည် မဟုတ်ချေဟု၊ဗုဒ္ဓဘုရားရှင်ကိုယ်တိုင်
မိန့်မြွက်ခဲ့ဖူးပါ၏။

အထူးသဖြင့်အများနှင့်သက်ဆိုင်သောလုပ်ငန်းဌာနများတွင်တာဝန်ယူ လုပ်ကိုင်နေကြသူများအနေဖြင့်၊ကဲ့ရဲ့ပြစ်တင်ခံရခြင်းကိုရှောင်လွဲနိုင်ရန်မှာ
အလွန်ခဲယဉ်းလှပါသည်။ခေတ်စနစ်အမှားကြီးဖြင့်ခရီးနှင်ခဲ့သော
ကျွန်တော်တို့တိုင်းပြည်မှခေါင်းဆောင်များအဖို့၊ယင်းအမှုမျိုးကြုံရသည်မှာ
ဓမ္မတာသဘောဟုသာကျွန်တော်မှတ်ယူလိုပါသည်။

ခေါင်းဆောင်ကောင်းဟူသည်မှာကြီးသောအမှုငယ်စေ၊ငယ်သောအမှုပပျောက်စေ
ဟူသောခံယူချက်မျိုးထားနိုင်လျှင်အကောင်းဆုံးဖြစ်၍၊မိမိကိုချစ်ခင်လေးစားသည့်
အကြောင်းပြချက်ဖြင့်၊အကြိမ်ပေါင်းများစွာထပ်မံအဆဲခံရမည့်အမှုကိစ္စတို့ကို
ဖန်တီးတတ်သည့်အချို့တပည့်သားမြေးတို့၏စရိုက်ကိုကောင်းစွာသတိချပ်သင့်
သည်ဟုထင်ပါသည်။

အကယ်၍သာရှေ့နေဦးရေးတစ်ယောက်သက်ရှိထင်ရှားရှိနေသေးသည်ဖြစ်အံ့။
အထက်တွင်ဖော်ပြခဲ့သောအမှု ခြင်းရာအကြောင်းတို့ကိုမြင်လတ်ကြားလတ်သော်
၊ခေါင်းတဆတ်ဆတ်ငြိမ့်ရင်း၊ပြုံးနေပေလိမ့်မည်ဟုကျွန်တော်တွေးမိသည်။

တဆက်တည်းမှာပင်၊ယခုလူမှုကွန်ယက်များပေါ်တွင်ဂုဏ်သရေညှိုးနွမ်းအောင်
အသရေဖျက်ခြင်းခံရသည့်နိုင်ငံအကြီးအကဲများနှင့်ရှေ့နေဦးရေးတို့ကို၊
မိတ်ဖြစ်ဆွေဖြစ်၊အနေဖြင့်၊လက်ဖက်ရည်ဝိုင်းစကားဝိုင်းတစ်ခုတွင်
ဆုံတွေ့စေလိုလှပါဘိသည်။

အာဃာတတရားတို့မှုန်ဝါးလွင့်ပြယ်သင့်ပြီဖြစ်သော၊ဤကာလမျိုးတွင်
၊ရှေ့နေဦးရေးကိုသာ၊ကျွန်တော်လွမ်းမိပါတော့သည်။ ။