နောက်မျိုးဆက်များထံ လက်ဆင့်ကမ်း ရောက်ရှိသွားမည့် အမည်နာမများ

 U Than Win added 3 new photos.

နောက်မျိုးဆက်များထံ လက်ဆင့်ကမ်း ရောက်ရှိသွားမည့် အမည်နာမများ
အနောက်တိုင်းယဉ်ကျေးမှုအရ အမည်ပေးရေးစနစ်ကို ကြည့်လျှင် Christian Name ဟု ခေါ်သော မိမိကို ကင်ပွန်းတပ်ပေးလိုက်သည့် အမည်၏ နောက်တွင် Surname ခေါ် Family Name ထည့်သွင်းရသည်။
တရုတ်ယဉ်ကျေးမှုတွင်လည်း အမည်ပေးရာ၌ “တန်၊ လီ၊ ကျောက်” အစရှိသော မျိုးရိုးစာလုံးကို ထိပ်ဆုံးမှ ထည့်သွင်းရသည်။ ထို့ကြောင့် နာမည်ကို ကြည့်၍ မျိုးရိုးစဉ်ဆက်ကို သိနိုင်သည်။ မြန်မာတို့တွင် အလားတူ အစဉ်အလာမျိုး မရှိသော်လည်း မျိုးဆက်ကို အလွယ်တကူ သိရှိနိုင်သော နာမည်အချို့ ရှိသည်ကို သတိပြုမိကြမည် ဖြစ်သည်။ အထူးသဖြင့် နာမည်ကိုကြည့်၍ ထင်ရှားခဲ့သူတို့၏ မျိုးဆက်များဖြစ်ကြောင်း အလွယ်တကူ သိနိုင်သူများရှိသည်။
“ကြက်မှာ အရိုး၊ လူမှာ အမျိုး”ဟုဆိုကာ မျိုးရိုးကို အထူးပြုပြောဆိုလေ့ ရှိခြင်းကို မြန်မာ့လူ့အဖွဲ့အစည်း၌လည်း တွေ့ရသည်။ “သူတို့အမျိုးက ထူးချွန်သူတွေချည်းပဲ”၊ “ငါတို့ အမျိုးတွေက ကတိတည်တယ်၊ ကလိမ်ကကျစ် မရှိဘူး” အစရှိသဖြင့် ပြောဆိုကြသည်။ ထို့ကြောင့် Family Name ထည့်သွင်းပေးလိုက်ခြင်းသည် တစ်စုံတစ်ဦး၏ ပခုံးပေါ်သို့ စောင့်ထိန်းရမည့် ၀တ္တရားတစ်ခု ကြိုတင်ပြဋ္ဌာန်းပေးလိုက်သကဲ့သို့ ရှိသည်။
“စိန်နားကပ်အရောင်နှင့် ပါးပြောင်” ဆိုသကဲ့သို့ မျိုးရိုးကြောင့် ဂုဏ်သိက္ခာတက်ရသူများ ရှိသကဲ့သို့ မျိုးရိုးနာမည်ကြောင့် အရှက်ရသူများလည်း ရှိသည်။ ဂဠုန်ဦးစော၏ မျိုးဆက်များသည် ကိုယ်တိုင် ပြစ်မှုကျူးလွန်သူများ မဟုတ်ပါဘဲလျက် မျက်နှာငယ်ခဲ့ရသည်။ ဒေါ်အောင်ဆန်းစုကြည်သည် နိုင်ငံအတွက် မည်သည့်စွမ်းဆောင်ရည်မျှ မပြသေးမီကပင် ပြည်သူများစွာ၏ ချစ်ခင်လေးစားမှု ခံရခြင်း၌ “အောင်ဆန်း”ဟူသည့် အမည်သည် အကြောင်းတရား တစ်ခုအနေဖြင့် ပါဝင်ခဲ့သည်။
အင်္ဂလန်၏ နာမည်ကျော်ဘောလုံးသမား ဖရန့်ဂျိမ်းလမ်းပတ်က အင်္ဂလန်လက်ရွေးစင် ဘောလုံးသမားတစ်ဦးပင်ဖြစ်သော ဖရန့်ရစ်ချက်ဂျော့လမ်းပတ်၏ သားဖြစ်သည်။ သူ ငယ်စဉ်က ကွင်းထဲ၌ ဘောလုံးကို ကောင်းစွာ မကစားနိုင်သည့်အခါ ဖခင်ဖြစ်သူ၏ ဒဏ်ပေးမှုကို ခံခဲ့ရကြောင်း ပြောပြခဲ့ဖူးသည်။ ပရော်ဖက်ရှင်နယ် ဘောလုံးသမားတစ်ဦး ဖြစ်လာရန် ရည်မှန်းထားသော သားဖြစ်သူကို ခပ်ညံ့ညံ့ ဘောလုံးသမားတစ်ဦးသာ ဖြစ်မလာစေဘဲ မျိုးရိုးဂုဏ်သိက္ခာထိန်းသိမ်းရန် ဖခင်က လိုလားခဲ့ခြင်းဖြစ်သည်။ ဟောလိဝုဒ်မင်းသား နီကိုလက်ကေ့ဂ်ျကမူ ဟောလိဝုဒ်ဘုရင်အဖြစ် လျှမ်းလျှမ်းတောက် အရှိန်အ၀ါကြီးသော ဦးလေးအရင်းဖြစ်သူ ဒါရိုက်တာကြီး ဖရန်စစ်ဖို့ဒ်ကော်ပိုလာ၏ အရှိန်အ၀ါက သူ့အပေါ် ရိုက်ခတ်မည်စိုးသောကြောင့် ရုပ်ရှင်လောကထဲသို့ ၀င်သည့်အခါ သူ၏အမည် နီကိုလက် ကင်မ်ကော်ပိုလာဟူသည့် အမည်ရင်းကို ပြောင်းပစ်ခဲ့သည်။
အမေရိကန်၏ ၄၁ ဦးမြောက် သမ္မတ ဂျော့အိပ်ခ်ျဒဗလျူဘုရှ်၏သား ဂျော့ဒဗလျူ ဘုရှ် ၄၃ ဦးမြောက် အမေရိကန်သမ္မတ ဖြစ်လာခြင်းက ဖခင်ဖြစ်သူ၏ မျိုးရိုးအမည်နာမနှင့် သက်ဆိုင်မှု များစွာရှိသည်။ အကယ်၍သာ ဖခင်သည် နိုင်ငံသားအများအပြားက မုန်းတီးစက်ဆုပ်မည့် လုပ်ရပ်များ လုပ်ခဲ့ပါက သားဖြစ်သူ သမ္မတဖြစ်လာရန် အခွင့်အလမ်း နည်းပါးပေလိမ့်မည်။ ကံကောင်းထောက်မစွာပင် ဂျော့ဒဗလျူဘုရ်ှသည် ဖခင်ထံမှ ကောင်းမွန်သော ဂုဏ်သိက္ခာအမွေကို ဆက်ခံရရှိခဲ့သည်။ အိန္ဒိယနိုင်ငံရေးလောကတွင်လည်း ဂျာဟာဝါလာနေရူး၏ မျိုးဆက်များ လွှမ်းမိုးထားခဲ့သည်။ နေရူး၏အဘိုး ဂန်ဂါဒါနေရူးနှင့် နေရူး၏ ဖခင် မိုတီလာနေရူးမှသည် သမီး အင်ဒီယာဂန္ဒီ၊ မြေး ရာဂျစ်ဂန္ဒီနှင့် ဆန်ဂျေး ဂန္ဒီ၊ ရာဂျစ်၏ ဇနီး ဆိုနီယာဂန္ဒီနှင့် မြစ်ရာအူးဂန္ဒီအထိ အိန္ဒိယနိုင်ငံရေးလောကကို လွှမ်းမိုးထားခဲ့သည်။
ထို့ကြောင့် သင်၏ နောင်မျိုးဆက်များက သင်၏ အမည်ကို ဂုဏ်ယူစွာ ခံယူလေမည်လား၊ သင်၏ အမည်အား ခံယူရမည်ကို ရှက်ရွံ့နေကြမည်လား ဟူသည် ယခု သင်၏ လုပ်ရပ်များပေါ်တွင် မူတည်နေမည်ဖြစ်ပါကြောင်း The Daily Eleven သတင်းစာက ရေးသား အပ်ပါသည်။
Eleven Media Group
(ဒီဇင်ဘာလ ၂၄ ရက်နေ့ထုတ် The Daily Eleven သတင်းစာ အယ်ဒီတာ့အာဘော်)