ကျွန်တော်တို့ပြက္ခဒိန်မှာ ရက်ရာဇာမပေါ်ဘူး

 

ကို လင်း

 

မေမေရေ
နောက်ဆို အိမ်နောက်ဖေးက ခွေးလေးတွေကို
အရိုးချကြွေးရင် သေချာကျွေးပါနော်
_

ဖားကန့်က ရေမဆေးကျောက်ရှာတဲ့ပြည်သူတွေကို
ဖြစ်ချင်ရာဖြစ် ပစ်ထားတဲ့အုပ်ချုပ်သူတွေလိုမဖြစ်ပါစေနဲ့

ပြည်သူတွေပါ ...
အသားမတောင်းရဲပါဘူး
အရိုးကပ်နေတဲ့အသားလေးတွေ ခွာစားရတာ

တိုင်းပြည်ထဲကို သည်စက်ကြီးတွေဘယ်လိုဝင်လာသလဲမသိပါဘူးလို့
ဗြောင်ငြင်းတဲ့ သူတွေကို
ပြန်မပြောနေပါနဲ့တော့

ကိုယ့်မြေကပွင့်တဲ့ပန်းကို ကိုယ်မခူးရတဲ့ဘဝတွေပါ
လည်ပင်းထိ မြုပ်နေတဲ့ ဆင်းရဲမွဲတေမှုက
သေမိန့်ကျပြီးသား မနက်ဖြန်တွေ
ကန်းလို့တိုးတာမဟုတ်ဘူး
ရူးလို့လုပ်နေတာမဟုတ်ဘူး
သိ၊မြင်လျက်နဲ့ ပြုနေရတာ

မြန်မာပြည်သူတစ်ယောက် ဝမ်းရေးဖြေရှင်းရတာ
နေ့စဉ်ရှေ့တန်းရောက်စစ်သားတွေလိုပါပဲ
အချိန်မရွေးအသက်သေသွားနိူင်တာတွေချည်း

မဒိမ်းကျင့်ခံရတဲ့ ၁၃ နှစ်သမီးအိမ်ဖော်လေး
ပျောက်ဆုံးနေတဲ့ ကလေးတွေ
ပေါများလာတဲ့ ကလေးလုပ်သားတွေ
ပြည်တွင်းမှာတင်လူမျိုးခြားဇနီးလုပ်ဖို့ အရောင်းခံရတဲ့အသက်မပြည့်သေးတဲ့အမျိုးသမီးတွေ
ငွေမတတ်နိူင်လို့ သေသွားတဲ့မြန်မာပြည်သူလူနာစစ်စစ်တွေ
ပြည်ပရောက် အနှိမ်ခံမြန်မာတွေ
သေစာရင်းပါခွင့်မရှိတဲ့ အိုဗာစတေးတွေနဲ့
ပြည်တွင်းက အစုလိုက်သေသွားတဲ့ ရေမဆေးကျောက်ရှာသူတွေ ...

ဒါဟာ
ကျရှုံးနေတဲ့ လုံခြုံမှုကြီးပါ
ကျားရဲမှ ရှင်သန်တဲ့တောပျက်ကြီးထဲ
ယုန်ဖြူတွေ မလုံခြုံတော့ဘူး

ကျွန်တော်တို့ပြက္ခဒိန်မှာ ရက်ရာဇာမပေါ်ဘူး
အခြေခံလူတန်းစားဘဝဟာ
သရဏံဂုံတင်ထားရတဲ့ ပြဿဒါးတွေချည်းပါပဲ . . . ။


ကို လင်း

— with Ko Lynn.