ရုန်းထွက်နိုင်ဖို့ ကြိုးစားပါ

Aung Ko U - UMK added 3 new photos.

တတိယ အကြိမ် ပြန်လည် ထုတ်ဝေထားတဲ့
"အားရှိတဲ့အချိန်မှာ ခုန်လိုက်ပါ" စိတ်ဓါတ်ခွန်အားဖြည့် စာစုများ
စာအုပ်ထဲက စာစု တစ်ခုကို စာဖတ်သူများ အတွက် တင်ပေးလိုက်ပါတယ်။
ရုန်းထွက်နိုင်ဖို့ ကြိုးစားပါ
==================
ဖြစ်ချင်တာတွေ ဖြစ်မလာတဲ့ အခါ ဖြစ်တဲ့ နေရာမှာ အကောင်းဆုံးဖြစ်အောင် ကြိုးစားမယ် လို့ လူတွေပြောလေ့ရှိကြတဲ့ စကားတစ်ခွန်းရှိပါတယ် … တကယ်တော့ ဒီစကားဟာ ထင်သလောက်တော့ မလွယ်ပါဘူး၊ မလုပ်ချင်တဲ့ကိစ္စတစ်ခုကို အကောင်းဆုံးဖြစ်အောင် လုပ်ဖို့ဆိုတာ ရိုးရိုးလေး စဉ်းစားကြည့်ပါ။ ကိုယ်မလုပ်ချင်တဲ့ ကိစ္စဆိုရင် သေးသေးလေးက အစ ကြာရှည်မလုပ်ချင်တတ်ကြတာ သဘာဝပါ … တကယ်လို့ မလုပ်မဖြစ်လို့ လုပ်ရတယ်ဆိုရင်လည်း တာဝန်ကျေရုံလောက်ပဲ အာရုံစိုက်ကြပါတယ် … ။
ဒါကြောင့် ဖြစ်နေတဲ့နေရာမှာ အကောင်းဆုံးဖြစ်အောင်လုပ်ဖို့ ဆိုတာ အပြောလွယ်သလောက် အလုပ်ခက် ပါတယ်။

Julio Mellara က Do You Have Time for SUCCESS? စာအုပ်ထဲမှာ ပြောထားတဲ့ စကား တစ်ခွန်းကို အရမ်းကြိုက်ပါတယ် … ဒီဆောင်းပါးနဲ့လည်း ဆက်စပ်နေပါတယ် … ။ “No one ever drowns because they fall in the water. They drown because they stay in the water.” “ဘယ်သူမှ အမြဲတမ်း ရေနစ်မနေပါဘူး … ရေနစ်နေတဲ့သူတွေကလည်း ရေထဲမှာ နေလို့ပါ” လို့ Julio Mellara က ပြောပါတယ်။ တစ်ခါ တစ်လေ လုပ်တော့ လုပ်နေကြတယ် … ဘာမှ ပြောင်းလဲမလာဘူး … တိုးတက် မလာဘူး .. လို့ခံစားနေရ တဲ့အခါ ဘာကြောင့်ဒီနေရာမှာ ဆက်နေတာလဲ … ဆိုတာကို စဉ်းစားကြည့်ဖို့ လိုပါတယ် … ရုန်းထွက်နိုင်ဖို့ ကြိုးစားကြရပါလိမ့်မယ် … ။ ဘာကြောင့် ရုန်းမထွက်နိုင်တာလဲ … ? ဖြစ်နိုင်တာတစ်ခုက ရုန်းထွက်နိုင်တဲ့ အင်အား တနည်းပြောရင် အရည်အချင်းမရှိလို့လည်း ဖြစ်နိုင်ပါတယ် … နောက်တစ်ခုက comfort zone လို့ပြောနိုင်တဲ့ သက်တောင့်သက်တာ နေရတာကို သာယာနေမိ လို့လည်း ဖြစ်နိုင်ပါတယ်။ ဆိုလိုတာက တက်လမ်းတော့ မရှိဘူး … ဒါပေမယ့် ဒီမှာလုပ်နေရတာက သက်တောင့် သက်တာဖြစ်တယ် … ဟိုဘက်ရွေ့လိုက် ဒီဘက်ရွေ့လိုက်နဲ့ အချိန်ဆွဲရင်း လကုန်ရင် လစာ ထုတ်လို့ရတယ် … ဆိုတာမျိုးပါ။ မိသားစုထဲမှာလည်း ဒါမျိုးတွေ ဖြစ်နိုင်ပါတယ် … တစ်ချို့ဆို အသက်ကြီး နေပြီ ဘာမှဟုတ်တိပတ်တိ မလုပ်သေးတာမျိုးတွေ တွေ့ဖူးကြမှာပါ။ ဒါမျိုးက comfort zone မှာ သာယာ နေတာပါ … ကိုယ်စွမ်းကိုယ်စနဲ့ ကြိုးစားဖို့ တွေးလိုက်ရင် ပင်ပန်းမှာ အခက်အခဲတွေ တွေ့မှာကို မရင် ဆိုင်ချင်တာပါ။
ဒါက ထားလိုက်ပါတော့ အလုပ်နဲ့ပတ်သက်တာ ဆက်ပြောပါမယ်။
အလုပ်တစ်ခုကိုလုပ်တဲ့အခါ ကိုယ့်အတွက် … တနည်းပြောရင် အနာဂတ်အတွက် … ရေရှည် အတွက် ဘာတွေအကျိုးရှိမလဲ … ဘယ်လိုအကျိုးရှိမလဲ .. ဘယ်လောက် အကျိုးရှိလဲ … ဒါကို ထည့်သွင်း စဉ်းစားဖို့လိုပါတယ် … ။ စာရေးသူကတော့ စံနှုန်း ၃-ခု ထားပါတယ် … ပထမတစ်ချက်က ပညာပါ … ဒီအလုပ်မှာ ကိုယ်ကလုပ်နေတဲ့အချိန်မှာ လစာမကောင်းပေမယ့် နောင်တစ်ချိန်မှာ ကိုယ်တိုင် အသက်မွေး ဝမ်းကြောင်းပြုနိုင်တဲ့ ပညာရပ်တစ်ခုခု ရမယ် ဆိုရင် ဒီအလုပ်ကို ရေရှည် လုပ်ထိုက်ပါတယ်။ ဒုတိယ တစ်ချက်က ဝင်ငွေပါ … ကိုယ့်အတွက် စုမိဆောင်းမိနိုင်တဲ့ ဝင်ငွေရမယ် … တစ်ချိန်မှာ ကိုယ်ပိုင်လုပ်ငန်း လေးတစ်ခုလောက် စတင် နိုင်မယ့်ဝင်ငွေမျိုး ရနိုင်တယ်ဆိုရင်လည်း လုပ်ထိုက်ပါတယ် … (စာရေးသူတို့ နိုင်ငံရဲ့ လစာနှုန်းထားနဲ့တော့ ဒီအချက်ကို ထောက်ပံ့ပေးနိုင်တဲ့ အလုပ်မျိုးက ရှိတော့ရှိတယ် ရှားတယ် ဆိုတဲ့ အုပ်စုထဲမှာ ပါဝင်လိမ့်မယ် ထင်ပါတယ်)။ တတိယတစ်ချက်က အခြားခံစားခွင့်ပါ … လစာသိပ် မကောင်းပေမယ့် ရှေရှည်မှာ နေရာ/ထိုင်ခင်း စီစဉ်ပေးတာမျိုး …. ကျန်မာရေး စောင့်ရှောက်မှုပေးတာမျိုး စတဲ့ ကိစ္စမျိုးတွေ ကောင်းတယ် ဆိုရင်လည်း ရေရှည် လုပ်ထိုက်ပါတယ် ။ ကိုယ်လုပ်နေတဲ့ အလုပ်က အဲဒီအချက် ၃-ချက်မှာ တစ်ချက်မှ မကိုက်ညီဘူး ဆိုရင်တော့ ရုန်းထွက်ဖို့ ကြိုးစားရပါတော့မယ်။
ဒါကို မြတ်စွာဘုရားရှင်ကိုယ်တော်မြတ်ကြီးက မင်္ဂလသုတ်မှာ ဟောကြားတော်မူထားပါတယ် … “ပတိရူပ ဒေသ၀ါသော စ၊ ပုဗ္ဗေ စ ကတ ပုညတာ။ အတ္တသမ္မာပဏိဓိ စ၊ ဧတံ မင်္ဂလ မုတ္တမံ။” “ကုသိုလ် ပညာ ဥစ္စာရဖို့ သင့်ရာ ဒေသ အမြဲနေ” အစချီတဲ့ မင်္ဂလာကဗျာလေးကို သိကြပြီးသားပါ … လက်တွေ့ကျင့်သုံး ကြဖို့ အရေးကြီးပါတယ်။ ဒီလိုရုန်းထွက်ဖို့ ကြိုးစားတဲ့အခါ … ဘာတွေရင်ဆိုင်ရနိုင်လဲ … ဘာတွေဆုံးရှုံးနိုင်လဲ …. ဒါတွေကိုလည်း ထည့်သွင်းတွက်ချက်ဖို့ လိုပါတယ် … ။ အဲဒီလို ရုန်းထွက်ဖို့ ကြိုးစား တဲ့အခါ တစ်ချို့တွေက ကိုယ့်မှာ ရုန်းထွက်နိုင်တဲ့ အရည်အချင်းမရှိတာ မဟုတ်ဘဲ ကိုယ့်ကိုယ်ကို မယုံမရဲ ဖြစ်နေတာမျိုးတွေလည်း ရှိတတ်ပါတယ် … နောက်တစ်ချက်က ဒီအလုပ်ကထွက်လိုက်ရင် ကြုံလာမယ့် risk ကို စိုးရိမ်ကြောင့်ကြတာလည်း ပါပါတယ်။ အဲဒီ risk ကို စိုးရိမ်ကြောင့်ကြနေတယ် ဆိုတာကိုက comfort zone ကို သာယာနေတာလည်း တစ်စိတ်တစ်ပိုင်း ပါဝင်ပါတယ်။ risk ကို ကျော်ဖြတ်နိုင်ဖို့အတွက် ကိုယ့်ရဲ့ အရည်အချင်းက ဘာတွေလိုအပ်လဲ …. အချိန်ဘယ်လောက် ယူဖို့လိုအပ်လဲ … ဒါတွေကို ထည့်သွင်းတွက်ချက်ဖို့ လိုပါတယ် … ။ အရည်အချင်းဖြည့်ဖို့အတွက် လက်ရှိအလုပ်ထဲကပဲ … အချိန်ယူမလား … အလုပ်ကို တစ်ခါတည်းထွက်ပြီး အချိန်အပြည့်အဝ ယူမလား ဒါတွေကိုလည်း ထည့်သွင်းစဉ်းစားဖို့လိုပါတယ် … ။ risk အတွက် စဉ်းစားတွက်ချက်ပြီးရင် နောက်ထပ် ဆက်လုပ်မယ့် အလုပ်အတွက် ဆက်ပြီး အစီအစဉ်ချဖို့လိုပါတယ် … ဘယ်လိုအလုပ်မျိုးကို လုပ်ချင်တာလဲ … ဘာကို လိုချင်တာလဲ … ဘာကြောင့်လိုချင်တာလဲ … ဘယ်လောက်လိုချင်တာလဲ … ဘယ်အချိန်မှာ လိုချင်တာလဲ … ဒီအကြောင်းတွေ ဆက်တွေးကြည့်ပါ … သေသေချာချာ သိပြီဆိုရင် အသေးစိတ် အစီအစဉ် ချမှတ်ပါ … ။
ဒါတွေအာလုံး စဉ်းစား တွက်ချက်၊ အစီအစဉ်ချပြီးသွားတဲ့ အခါ … အထက်မှာပြောခဲ့တဲ့ အချက် ၃-ချက်မှာ တစ်ချက်မှ မကိုက်ညီဘူးဆိုရင် … ဘုရားဟော်ဒေသနာတော်နဲ့လည်း မကိုက်ညီတဲ့ “ပတိရူပ ဒေသ၀ါသော စ၊” မဟုတ်တဲ့အခါ …. ရုန်းထွက်နိုင်ဖို့ ကြိုးစားပါလို့ တိုက်တွန်းလိုက်ပါတယ် … ။
အောင်ကိုဦး(UMK)
Be The Best !
ပထမအကြိမ်၊ ဒုတိယအကြိမ် ထုတ်ဝေစဉ်က အရောင်းရဆုံး စာရင်းဝင်ခဲ့သလို
အခု တတိယအကြိမ်မှာလည်း အရောင်းရဆုံး စာရင်းဝင်အောင် အားပေးကြတဲ့ စာဖတ်သူများကို ကျေးဇူး အထူး (အထူး) တင်ရှိပါတယ်ဗျာ ....
ကြိုးစားရေးသားလျှက်ပါ ...
++++++++++++++++++++++++++++++++++++++
"အားရှိတဲ့အချိန်မှာ ခုန်လိုက်ပါ" စာအုပ်ကို
စာအုပ်ဆိုင်များမှာ အလွယ်တကူ ဝယ်ယူနိုင်ပါပြီ။
တန်ဖိုးက ၂၀၀၀ကျပ်ပါ။
*စာအုပ် ရရှိနိုင်သော နေရာများ *
ရန်ကုန်မြို့မှာဆိုရင်တော့....
🔰City Mart ဈေးဝယ်စင်တာနဲ့
အိုရှင်း ဈေးဝယ်စင်တာတို့မှာရှိတဲ့
စာအုပ်စင်များအားလုံး
🔰စာပေလောက (၂) (ပန်းဆိုးတန်း)
🔰စာပေနန်းတော် (ပန်းဆိုးတန်း)
🔰အင်းဝ စာပေ ( ပန်းဆိုးတန်းနှင့် လှည်းတန်း)
🔰ရာပြည့် စာပေ ( ပန်းဆိုးတန်းနှင့် လှည်းတန်း)
🔰Tab Book ဆိုင်ခွဲများ
( တော်ဝင်စင်တာ၊ ပြည်သူ့ရင်ပြင်၊ လှည်းတန်းစင်တာ)
🔰Book Shop (မြောက်ဥက္ကလာ)
🔰နင်္ဂါးနီ စာပေ ( စမ်းချောင်းဆိုင်နှင့် သင်္ကန်းကျွန်းဆိုင်)
🔰တူဒေး စာအုပ်ဆိုင်ခွဲများ
(ဂမုန်းပွင့် ကုန်တိုက်များရှိ တူဒေး ဆိုင်ခွဲများအားလုံး)
🔰INNWA Book & Cafe
(မြန်မာပလာဇာ ဒုတိယထပ်)
🔰စာပေဗိမာန် (ကုန်သည်လမ်း)
🔰သံဈေး ငါးလွှာမှာ ဖွင့်လှစ်ထားတဲ့
🔰Yangon book plaza က
ကောင်းဆုသာ စာပေတို့မှာလည်း ဝယ်ယူလို့ ရပါပြီ။
မန္တလေးမှာ ဆိုရင်တော့
🔰နင်္ဂါး စာပေ
🔰ထွန်းဦး စာပေ
🔰စိတ်ကူးချိုချို (၇၇လမ်း)
🔰စိတ်ကူးချိုချို (၂၆ လမ်း)
နယ်မြို့ စာအုပ်များကတော့..
🔰နေစေး စာပေ (ပြည်)
🔰သုခ စာပေ ( ပြည်)
🔰နေစေး (တောင်ကြီး)
🔰ကျော်ကျော် စာပေ (မော်လမြိုင်)တို့မှာ လွယ်ကူစွာ ဝယ်ယူနိုင်ပါပြီ။
အခြားနယ်မြို့များကိုတော့....
🔰စောဦး စာပေ
🔰ကိုလတ် စာပေ
🔰နေစေး စာပေတို့မှတစ်ဆင့် ထပ်မံ ဖြန့်ချိပေးထားပါတယ်။
မြန်မာပြည် အရပ်ရပ်က စာအုပ်များ တိုက်ရိုက် ဝယ်ယူမရနိုင်သည့် နယ်မြို့များအတွက်
အထူး ဝန်ဆောင်မှုအနေဖြင့်
မှာယူသူ၏ နယ်မြို့အရောက်ကို စာတိုက်ဖြင့်လည်းကောင်း၊ ရန်ကုန်မြို့ကနေ ထွက်ခွာသော
အဝေးပြေးကားများဖြင့် လည်းကောင်း ပို့ဆောင်ပေးပါမယ်။
စာအုပ် မှာယူလိုပါက
'' ကောင်းဆုသာ စာပေ ''
ဝ၉ ၄၂ဝဝ ၈၃၄၈၂ ကို ဖုန်းဆက်ပြီး 📲
တိုက်ရိုက် မှာကြားနိုင်ပါတယ်။