ဂျပန်မှာ အိမ်ငှားမည်ဆိုလျှင်

 

အကီ

 

ဂျပန်မှာ အိမ်ငှားမည်ဆိုလျှင်

ဂျပန်ရောက်တာကြာပြီး ဂျပန်မှာအသားကျလာတဲ့အခါ မိမိနာမည်ဖြင့်အိမ်ခန်းငှားနေထိုင်ကြခြင်းဟာ ပိုမိုအဆင်ပြေလိမ့်မယ်လို့ထင်မိပါတယ်။
ဂျပန်ရောက်ကာစလူတွေအတွက်ကတော့ မိမိနာမည်ဖြင့် အိမ်ငှားနေတာထက်၊ အသိရဲ့အိမ်မှာ(သို့)အဆောင်မှာ လခပေးပြီး ဝင်ရောက်နေထိုင်ခြင်းက ပိုအဆင်ပြေပါလိမ့်မယ်။

ဂျပန်မှာ အိမ်ခန်းငှားကြတဲ့အခါ မြန်မာနိုင်ငံနဲ့မတူတဲ့ အချက်တွေရှိပါတယ်။ ကျွန်တော်တို့တွေ လေ့လာကြည့်ကြရအောင်။

၁။ အိမ်ခန်းရှာဖွေခြင်း
ဂျပန်မှာအိမ်ငှားကြတဲ့အခါ အိမ်ပိုင်ရှင်နဲ့အိမ်ငှား တိုက်ရိုက်ငှားရမ်းကြတာ အလွန်ရှားပါးပါတယ်။
မြန်မာအခေါ်အိမ်ပွဲစားလို့ခေါ်တဲ့ အိမ်အကျိုးဆောင်ကုမ္ပဏီတွေကနေတစ်ဆင့် ငှားကြရပါတယ်။

သင်အိမ်ခန်းလိုချင်ပြီဆိုလျှင် အိမ်ပွဲစားရုံးခန်းကို သွားပြီး၊ သင်လိုချင်တဲ့ အခန်းအရေအတွက်(အိပ်ခန်း၊ ထမင်းစားခန်း၊ မီးဖိုခန်း)၊ အကျယ်အဝန်း၊ ဘူတာနဲ့အနီးအဝေး၊ လစဉ်သုံးနိုင်မယ့် အိမ်လခ စတဲ့ အချက်အလက်တွေကို ဖြည့်စွက်ရပါတယ်။
အိမ်ပွဲစားရုံးခန်းက သင်နဲ့ကိုက်ညီမယ့်အိမ်ခန်းကို ရှာဖွေပေးပါလိမ့်မယ်။

သင်ရှာခိုင်းတဲ့အချက်တွေနဲ့ကိုက်ညီတဲ့ အခန်းကိုတွေ့လျှင်၊
အိမ်ပွဲစားရုံးခန်းက ဆက်သွယ်အကြောင်းကြားပြီး သင့်ကို အခန်းလိုက်ပြပါလိမ့်မယ်။ သင့်စိတ်ကြိုက်အိမ်ခန်း တွေ့ရှိသည်အထိ ရှာဖွေမိတ်ဆက်ပေးပါလိမ့်မယ်။(အချို့အိမ်ပိုင်ရှင်တွေ နိုင်ငံခြားသားဆို မငှားကြပါဘူး)

သူတို့လိုက်ပြတဲ့အခန်းကို သင်သဘောကျပြီဆိုတော့မှ စာချုပ်ချုပ်ဆိုရပါလိမ့်မယ်။

၂။ စာချုပ်ချုပ်ဆိုခြင်း
ဂျပန်မှာ စာချုပ်ချုပ်တဲ့အခါ ပုံမှန်အားဖြင့်၂နှစ်စာချုပ်ချုပ်ရပါတယ်။ ၂နှစ်ပြည့်လျှင် နောက်တစ်ခါ စာချုပ်အသစ်ထပ်ချုပ်ရပါတယ်။
၂နှစ်မပြည့်သေးပေမယ့် သင်အိမ်ပြန်အပ်ချင်တဲ့အခါမှာလည်း တစ်လကြိုပြောပြီး ပြန်အပ်လို့ရပါတယ်။
အိမ်ရှင်ကလည်း သင့်ကိုမငှားချင်တော့ဘူးဆိုလျှင် တစ်လကြိုပြောပါလိမ့်မယ်။

စာချုပ်ချုပ်ဖို့အတွက် ဂျပန်နိုင်ငံသားတစ်ယောက်က အာမခံပေးရပါတယ်။ အာမခံပေးမယ့် ဂျပန်နိုင်ငံသားမရှိလျှင် အာမခံကုမ္ပဏီကို ဝန်ဆောင်ခပေးပြီး အာမခံခိုင်းလို့လဲရပါတယ်။ ယန်း၃သောင်းခွဲ၊ ၄သောင်းလောက်ပေးရပါလိမ့်မယ်။

၃။ ကုန်ကျစရိတ်
မြန်မာနိုင်ငံမှာ အိမ်ငှားကြတဲ့အခါ
စပေါ်ကိုသိန်း၅၀၊ ၁၀၀ပေးပြီး လခနည်းနည်းနဲ့ငှားတာနဲ့၊ စပေါ်မပါပဲ လခပိုပေးပြီးငှားတာဆိုပြီး ၂မျိုးရှိပါတယ်။
စပေါ်ပေးထားတဲ့လူဆိုရင် အိမ်လခကို တစ်လတစ်ခါပေးရပါတယ်။ စပေါ်မပေးနိုင်တဲ့လူဆိုလျှင် အိမ်လခကကို ၆လစာ၊ တနှစ်စာဆိုပြီး အပြတ်ပေးပြီး စာချုပ်ချုပ်ကြရပါတယ်။

ဂျပန်မှာကတော့ အိမ်လခရဲ့တစ်လစာကိုပဲ စပေါ်အနေနဲ့ပေးထားရပါတယ်။ အိမ်လခကိုလည်း တစ်လတစ်ခါသွင်းရပါတယ်။ စပေါ်ငွေကို ဂျပန်လို敷金(shikikin) လို့ခေါ်ပြီး၊ အိမ်ပြန်အပ်တဲ့အခါ စပေါ်ငွေပြန်ပေးပေမယ့်၊ အကုန် ပြန်မရပါဘူး။ အိမ်ပျက်စီးတဲ့ဟာတွေအတွက် ပြင်ဆင်ခနှုတ်ယူပြီး ပိုမှ သင့်ကိုပြန်ပေးပါတယ်။

နောက်ပြီး ထူးခြားတာတစ်ခုကတော့ 礼金(reikin) ဆိုတာပါပဲ။ သင်နေမယ့်အိမ်ပိုင်ရှင်ကို သူ့အိမ်မှာ နေခွင့်ပေးတဲ့အတွက် ကျေးဇူးတင်တဲ့အနေနဲ့ ပေးရတဲ့ငွေပါ။
ဒီငွေဟာလည်း အိမ်လခရဲ့ တစ်လစာ အနည်းဆုံးပေးရပါတယ်။ ပြန်မရတဲ့ ကုန်ကျမှုတစ်ခုပါပဲ။

ပြီးတော့ သင့်ကိုအိမ်ခန်းရှာပေးတဲ့ အိမ်ပွဲစားရုံးခန်းကိုလည်း အိမ်လခရဲ့တစ်လစာနဲ့ညီမျှတဲ့ ဝန်ဆောင်ခပေးရပါလိမ့်မယ်။

အိမ်လခတစ်လစာကိုလည်း ကြိုသွင်းရပါတယ်။

မီးအာမခံကိုလည်း မဖြစ်မနေဝင်ရပြီး ယန်း၁သောင်း(သို့)၂သောင်းခန့်ကုန်ကျပါလိမ့်မယ်။
သော့လဲခ၊ အိမ်သန့်ရှင်းရေးခတွေလည်း တောင်းတတ်ကြပါတယ်။

ဒီကုန်ကျစားရိတ်တွေအားလုံးကို စာချုပ်ချုပ်ဆိုတဲ့အခါမှာ ပေးသွင်းရပါတယ်။
ဂျပန်မှာ အိမ်ခန်းတစ်ခန်းငှားတော့မယ်ဆိုလျှင် ကနဦးကုန်ကျစားရိတ်ဟာ အိမ်လခရဲ့ ၅စလောက်ကုန်ကျပါတယ်။
(တစ်လ ယန်း၈သောင်းတန်အိမ်ငှားမယ်ဆိုလျှင် ကနဦးကုန်ကျငွေဟာ အနည်းဆုံးယန်းသောင်း၄၀လောက် ကုန်ပါလိမ့်မယ်။)

၎။ တက်ရောက်နေထိုင်ခြင်း
စာချုပ်ချုပ်ဆိုပြီးလျှင် သင့်ကို အိမ်သော့အပ်ပါလိမ့်မယ်။
အိမ်သော့ရပြီးတဲ့နောက်မှာ ရေ၊ မီး၊ gas ကုမ္ပဏီတွေကို ဖုန်းဆက်ပြီး စာချုပ်ချုပ်ဆိုရပါတယ်။
အဲ့ဒီနောက်မှာတော့ တက်ရောက်နေထိုင်လို့ ရပါပြီ။
အိမ်လခကို လမကုန်ခင် တစ်လတစ်ခါ ဘဏ်ထဲသို့ထည့်ပေးရပါတယ်။ ရေ၊ မီး၊ gas ဖိုးကိုလည်း ကိုယ်ကကျခံရပါတယ်။

၅။ သက်တမ်းတိုးခြင်း
ပုံမှန်အားဖြင့် ၂နှစ်တစ်ခါ သက်တမ်းတိုးရပါတယ်။
သက်တမ်းတိုးတဲ့အခါ သက်တမ်းတိုးကြေးထပ်ပေးကြရပါတယ်။ပုံမှန်အားဖြင့် သက်တမ်းတိုးစာချုပ်ချုပ်ဆိုလျှင် အိမ်လခတစ်လခစာ ဝန်ဆောင်ခထပ်ပေးကြရပါတယ်။

၆။ ပြန်လည်အပ်နှံခြင်း
အိမ်ပြန်အပ်တော့မယ်ဆိုလျှင် တစ်လကြိုပြောကြရပါတယ်။ အိမ်ထဲက ပစ္စည်း၊ အမှိုက်တွေကို အကုန်သိမ်းပြီး၊ သန့်ရှင်းရေးလုပ်ပြီးမှ ပြန်အပ်ကြရပါတယ်။ အိမ်ပွဲစားရုံးမှ အိမ်ကိုလာရောက်စစ်ဆေးပြီး သောပြန်သိမ်းပါလိမ့်မယ်။ သင်အိမ်ပြန်အပ်ပြီးနောက်၊ အိမ်ရဲ့ပျက်စီးမှုတွေကိုပြင်ဆင်ပြီးမှ စပေါ်ငွေ အနည်းငယ်ပြန်ပေးတတ်ပါတယ်။

၇။ အခြားသိထားသင့်သည့်အချက်များ
ဂျပန်ကအိမ်ခန်းတွေဟာ ယေဘုယျအားဖြင့် ဂျပန်စတိုင်ဖျာ(တာတာမိ)ခင်းတဲ့အခန်းနဲ့ flooring ခင်းတဲ့အခန်းဆိုပြီး ၂မျိုး၂စားရှိပါတယ်။
1Rဆိုတာကတော့ အခန်းတစ်ခန်း(1room)တည်းပါတဲ့အခန်းကိုပြောတာပါ။
1Kဆိုတာကတော့ အခန်းတစ်ခန်းတည်းပေမယ့် အိပ်ခန်းနဲ့မီးဖိုခန်း(kitchen)က သက်သက်ခွဲထားတယ်ဆိုတာကို ပြောတာပါ။
2Kဆိုလျှင် အိပ်ခန်း၂ခန်းနဲ့မီးဖိုခန်း(kitchen)တစ်ခန်း
2LDKဆိုလျှင် အိပ်ခန်း၂ခန်း၊ ဧည့်ခန်းတစ်ခန်း(living room)၊ ထမင်းစားခန်းတစ်ခန်း(dining room)၊ မီးဖိုတစ်ခန်း လို့အဓိပ္ပါယ်ရပါတယ်။

敷金(shikikin)၊ 礼金(reikin) မပေးရတဲ့အိမ်တွေလည်းရှိတတ်သလို၊ ၂နှစ်တစ်ခါ သက်တမ်းတိုးတဲ့အခါ သက်တမ်းတိုးခ更新料(kōshinryō) မပေးရတဲ့အိမ်တွေလည်း ရှိတတ်ပါတယ်။ အိမ်ရှာဖွေတဲ့အခါ သတိထားရှာဖွေပါက ကုန်ကျစရိတ်သက်သာပါလိမ့်မယ်။

အချို့အိမ်တွေမှာ အဝတ်လျှော်စက်ထားလို့မရတာတို့၊ အဝတ်လှမ်းဖို့ ဝရန်တာမပါတာတို့ ရှိတတ်ပါတယ်။ အဲယားကွန်းမပါတာတဲ့အိမ်တွေလည်း ရှိတတ်တာမို့ သတိထားပြီးရှာဖွေသင့်ပါတယ်။

အိမ်ခန်းစရှာဖွေတာကနေ စာချုပ်ချုပ်ပြီးတဲ့အထိ အနည်းဆုံး ၁လကနေ၂လအထိ အချိန်ကြာတတ်တာမို့လို့ ကြိုတင်ပြင်ဆင် ရှာဖွေသင့်ပါတယ်။ Feb နဲ့ March လတွေကတော့ ဂျပန်တွေအိမ်ပြောင်းရွှေ့တဲ့ရာသီမို့လို့ အိမ်ရှာဖွေဖို့ရှောင်ရှားသင့်ပါတယ်။

အားလုံးအဆင်ပြေကြပါစေ
အကီ ။ ။