ဖင်လန်က ကလေးများ အဘယ်ကြောင့်တော်

shared by knight on 09/02/17  -  maukkha.org  -  Education
ဖင်လန်နိုင်ငံ ပညာရေးသည် ကမ္ဘာကျော်သည့် ပညာရေးစနစ်တစ်ခုဖြစ်ပါသည်။ ကမ္ဘာကိုကျော်လောက်အောင် တော်ရသည့်အကြောင်းတရားများစွာအနက် ကလေးများကို ပညာပေးသည့် နည်းလမ်းများမှာ စနစ်ကျပြီး မည် သည့်နိုင်ငံ ပညာရေးစနစ်နှင့်မှ မတူကြောင်း တွေ့ရသည်။

ဖင်လန်ကလေးများသည် ကမ္ဘာကိုယှဉ်ပြီး သင်္ချာတော်ကြသည်။ စာဖတ်နှုန်းလည်း မြင့်မားကြသည်။ သိပ္ပံစွမ်း ရည်လည်း ထက်မြက်နေကြသည်။ အသက် ၇ နှစ်မှ ကျောင်းစတက်သည့် သူတို့ကလေးတွေ အဘယ်ကြောင့် တော်နေကြောင်း လေ့လာဆန်းစစ်ရန်လိုပါသည်။


ဖင်လန်နိုင်ငံမှ ကလေးများ အဘယ်ကြောင့် ထူးချွန်ကြသနည်း။

ဖင်လန်နိုင်ငံသည် မူကြိုနှင့် နေ့ကလေးထိန်းကျောင်းများကို အစိုးရက အလေးထားပြီး ကောင်းအောင် ထူထောင်ထားကြောင်းတွေ့ရသည်။ အခြေခံတွင် အခြေခိုင်အောင် တည်ဆောက်ခြင်းဖြစ်သည်။

Washington Post သတင်းစာတွင် ဆောင်ပါးရှင် မိုက်ကယ် အယလ်လီဆန် ချန်ဒလာက

“သူတို့နိုင်ငံပညာရေးက အစောကြီးကတည်းက ကောင်းအောင်လုပ်ထားတယ်။ အစိုးရက မူကြိုတွေ၊ နေ့ကလေးထိန်း ဌာနတွေကို ထောက်ပံ့ကြေးတွေ ပုံအောပြီးပေးထားတယ်။ မူကြိုတွေ၊ ကလေးထိန်းဌာန တွေမှာ လေ့ကျင့်ပေးနေတာတွေက နောက်တက်မယ့် အတန်းစနစ်တွေကို အများကြီး အထောက်အကူ ပြုနေတာလည်း တွေ့ရတယ်။ အခြေခံကို ကောင်းကောင်းစနေတာပါ။ အသက် ၆ နှစ်အရွယ်အထိ မူကြိုကို မဖြစ်မနေတက်လာခဲ့ရပြီး လိုချင်တဲ့ပုံစံကို တစ်ခါတည်း ရိုက်သွင်းပေးလိုက်ကြတာ” ဟုဆိုသည်။

ချန်ဒလာက ဖင်လန်နိုင်ငံ ပညာရေးဝန်ကြီး ကရစ္စတာ ကီရူးနှင့် တွေ့ဆုံ မေးမြန်းခွင့်ရခဲ့သူဖြစ်သည်။ ကီရူးက ဝါရှင်တန်ရှိ ပညာရေးအရာရှိများတွေ့ဆုံပွဲကို လာရောက်စဉ် အခွင့်အရေးတစ်ခုရခဲ့ခြင်းဖြစ်သည်။

ကီရူးက ဖင်လန်နိုင်ငံတွင် သတ်မှတ်ထားသည့် မူကြိုကျောင်းများသို့ အသက် ၆ နှစ်အရွယ် ကလေး ၉၈ ရာခိုင်နှုန်းခန့် တက်ရောက်သင်ကြားနေကြကြောင်း ပြောသည်။ ၆ နှစ်ထက် ငယ်သူများကို သူတို့က နေ့ကလေးထိန်းကျောင်းများတွင် လေ့ကျင့်ပေးကြသည်။

“ကျွန်မတို့က နေ့ကလေးထိန်းဌာနကို လူမှုဝန်ထမ်းဝန်ကြီးဌာနနဲ့ ကျန်းမာရေးဝန်ကြီးဌာနလက်အောက်ကနေ ပညာရေးဌာနလက်အောက်ကို လွှဲယူလိုက်တယ်။ ဘာကြောင့်လဲဆိုတော့ နေ့ကလေးထိန်းလုပ်ငန်းနဲ့ မူကြိုဟာ ကျောင်းတွေကိုဝင်ဖို့ အရေးအကြီးဆုံး နေရာဌာနတွေ ဖြစ်နေလို့ပဲ။ သူတို့ကို ပညာရေးဌာနကနေ စောင့်ကြည့် နိုင်ပြီးတော့ ကျောင်းတွေကို လက်လွှဲနိုင်မှဖြစ်မှာ။ ဒါမှလည်း သူတို့ရဲ့ ရလဒ်ကို ကောင်းကောင်းပိုင်းဖြတ်နိုင် မှာပေါ့။ အစောပိုင်းကတည်းက ပညာရေးမှာ ခိုင်မာအောင် တည်ဆောက်ပေးလိုက်ဖို့ အရေးကြီးပါတယ်” ဟု ကီရူးကဆိုသည်။

“ကျွန်မတို့ ၂၀၁၆ မှာကတည်းက နေ့ကလေးထိန်းကျောင်းတွေနဲ့ မူကြိုတွေမှာ သင်ရိုးသစ်တွေနဲ့ စပြီးတော့ သင်ခဲ့တယ်။ ဖင်လန်မှာ နေထိုင်တဲ့ ကလေးတိုင်း အားလုံးတန်းတူညီမျှ ပညာကိုရနိုင်အောင် စီစဉ်ပေးထား တယ်”

ဖင်လန်နိုင်ငံတွင် လေ့ကျင့်သင်တန်းပေးထားသည့် နေ့ကလေးထိန်း ဆရာပေါင်းများစွာ ရှိနေသည်။ နေ့ကလေး ထိန်းကျောင်းများတွင် တာဝန်ထမ်းဆောင်မည့် ဆရာ ဆရာမများသည့် အနည်းဆုံး ဘွဲ့တစ်ခုခုတော့ ရထားကြ ရသည်။

ကီရူးက နေ့ကလေးထိန်းကျောင်းများ၏ အရေးပါပုံကို ဤသို့ရှင်းပြသည်။

“ကျွန်မတို့က လုပ်အားကဏ္ဍကို တိုးမြှင့်ချင်တယ်။ မိခင်လောင်းတွေ ကောင်းကောင်း အလုပ် လုပ်နိုင်ဖို့ ဆိုတာ သူတို့သားသမီးတွေကို ကောင်းမွန်စွာ ထိန်းသိမ်းစောင့်ရှောက်ထားပါ့မယ်လို့ အာမခံချက် ပေးထားနိုင်ရမယ်။ အစိုးရက ဘာကြောင့် နေ့ကလေးထိန်းကျောင်းတွေကို အလေးထားပြီး လုပ်ဆောင်နေရသလဲဆိုတဲ့ အထဲမှာ အဲဒီအချက်လည်း ပါတယ်။ မိဘတွေစိတ်ချစွာလုပ်ကိုင်နိုင်ရေးနဲ့ ကလေးတွေရဲ့ ပညာရေးကလည်း ဆက်စပ်နေတယ်ဆိုတာ သိထားဖို့လိုတယ်”

ဖင်လန်နိုင်ငံတွင် မူကြိုနှင့် နေ့ကလေးထိန်းကျောင်းများကို သားသမီးများအား အခမဲ့လာပို့နိုင်သည်။ မည်သည့်မိဘမှ အခကြေးငွေပေးပြီး လာထားစရာမလိုပေ။ အဘယ်ကြောင့်ဆိုသော် ပြည်သူများထံက အခွန် အကောက်များကို လုံလောက်စွာ ကောက်ယူထားပြီးဖြစ်သောကြောင့် အစိုးရ၏တာဝန်တစ်ခုအနေဖြင့် သတ်မှတ် လုပ်ဆောင်နေခြင်းဖြစ်သည်။

“ဖင်လန်မှာ ဆင်းရဲတဲ့ မိဘတွေက ပေါက်ဖွားလာတဲ့ ကလေးတွေလည်း တကယ့် ထိပ်တန်းကျောင်းကြီးတွေကို တက်ရောက်ပြီး ပညာသင်ကြားနိုင်တယ်။ အမေရိကမှာဆိုရင် ဆင်းရဲတဲ့ ကလေးတွေက ဆင်းရဲတဲ့ ကျောင်း တွေမှာပဲ တက်ရောက်ပညာသင်ကြားကြရတယ်။ အဲဒါ အမေရိကနဲ့ ဖင်လန် ကွာခြားချက်တွေပဲ” ဟု ကီရူးက ဆိုသည်။

ဖင်လန်တွင် ဆင်းရဲသည့် ၄ နှစ်ကလေးက မူကြိုကျောင်းကို ပိုက်ဆံတစ်ပြားမှ မပေးဘဲ လာတက်နိုင်ချိန်တွင် အမေရိကန်ပြည်ထောင်စုမှ မိဘများမှာ ငွေကြေးမတတ်နိုင်သောကြောင့် ကျောင်းနေအရွယ်ရောက်လျှင်ပင် ကျောင်းမပို့နိုင်သည့် အနေအထားဖြစ်နေသည်။ ယင်းမှာ ဖင်လန်နိုင်ငံပညာရေး အဘယ်ကြောင့် တိုးတက်နေရ သနည်းဆိုသည့် အဖြေပင် ဖြစ်နိုင်ပါသည်။

နောက်ဆုံး အဖြေထုတ်ခဲ့ကြပါသည်။ ဖင်လန်ပညာရေးကောင်းသည်ဆိုခြင်းမှာ လူတိုင်းပညာသင်ကြားခွင့်၊ အရွယ်မရွေး ပညာသင်ကြားခွင့်၊ ဆင်းရဲချမ်းသာမရွေး ပညာသင်ကြားခွင့်များကို ကောင်းစွာ အကောင်အထည် ဖော်နိုင်သောကြောင့်ဖြစ်သည်။

(Ref : Finland’s Approach to Child Care and Preschool Programs, Alyssa Haywoode)
Credit: maukkha