ယဉ်ကျေးမှုကော်ဖီတစ်ခွက်

Nine Nine Sanay @ နိုင်းနိုင်းစနေ

 

ယဉ်ကျေးမှုကော်ဖီတစ်ခွက်
----------------------------
အလုပ်ကိစ္စကြောင့် ပြင်သစ်ကို ကျွန်မတစ်ခေါက်ရောက်ခဲ့တယ်။ ပြင်သစ်ရောက်ပြီး သိပ်မကြာခင်မှာပဲ မိတ်ဆွေတစ်ဦးက ကျွန်မနဲ့ဆုံဖို့ ကော်ဖီဆိုင်တစ်ဆိုင်မှာ ချိန်းလိုက်ပါတယ်။
.
အဲဒီကော်ဖီဆိုင်က ဆိုင်အပြင်အဆင်ရော၊ ဆိုင်ဆိုင်းဘုတ်ပါ ရိုးရှင်းတဲ့ သာမန်ကော်ဖီဆိုင်လေးတစ်ခုပါ။ ကော်ဖီမမှာခင် ပြင်သစ်လူမျိုးတို့ရဲ့ ပွင့်လင်းဖော်ရွေမှုက ကျွန်မကို အံ့သြတုန်လှုပ်စေခဲ့ပါတယ်။ ကျွန်မဘေးက ခပ်ဝဝအမျိုးသားတစ်ဦးဟာ ဘာအရိပ်အယောင်မှမပြဘဲ ဘေးခုံက အမျိုးသမီးတစ်ဦးကို ပွေ့ဖက်နှုတ်ဆက်လိုက်ပါတယ်။ အဲဒီအမျိုးသမီးကလည်း ဝမ်းသာအားရ သူ့ကိုပြန်ဖက်နှုတ်ဆက်ပါတယ်။ တဆက်တည်းမှာပဲ အဲဒီခပ်ဝဝအမျိုးသားဟာ ကော်ဖီတစ်ခွက်မှာပြီး နေရာတစ်ခုမှာ ဝင်ထိုင်လိုက်တယ်။ ကော်ဖီအရောင်းစာရေးက သူ့ဆီကနေ ကော်ဖီဖိုး ၁.၄ ယူရိုယူလိုက်တာကို ကျွန်မတပ်အပ်တွေ့လိုက်တယ်။ ကော်ဖီကဈေးနှုန်းချိုလိုက်တာ ဒါကြောင့်လည်း ဒီဆိုင်လူစည်နေတာနေမှာလို့ ကျွန်မတွေးလိုက်မိတယ်။
.
ချိန်းထားတဲ့မိတ်ဆွေရောက်လာတဲ့အခါ ကော်ဖီကောင်တာမှာ ကျွန်မကော်ဖီသွားဝယ်ပါတယ်။ သိပ်မပီပြင်တဲ့ ပြင်သစ်စကားနဲ့ “ကော်ဖီတစ်ခွက်ပေးပါ” လို့ ကျွန်မပြောလိုက်တယ်။ အရောင်းစာရေးက အံ့သြတဲ့ပုံစံနဲ့ ကျွန်မကိုကြည့်ပြီး “ခုနားစကားကို ကျေးဇူးပြုပြီး ထပ်ပြောလို့ရနိုင်မလား” လို့ ဆိုတယ်။ ကျွန်မရဲ့ မတတ်တစ်ခေါက်ပြင်သစ်စကားကို သူနားမလည်လို့ ထပ်မေးတယ်ထင်ပြီး ရှိုးတိုးရှန့်တန့်နဲ့ ကျွန်မထပ်ပြောလိုက်ပါတယ်…
.
“ကျွန်မကို ကော်ဖီတစ်ခွက်ပေးပါ”။ အရောင်းစာရေးမက ဘာမှထပ်မပြောတော့ဘဲ ကျွန်မကို ကော်ဖီတစ်ခွက် ခပ်မြန်မြန်ပေးလိုက်ပါတယ်။ ပြီးတော့ “ဒီကော်ဖီ ၇ ယူရိုကျပါတယ်ရှင်” လို့ဆိုတယ်။
.
ထိုင်ခုံနေရာဆီရောက်တဲ့အခါ မိတ်ဆွေကို ကျွန်မ မကျေမနပ်ပြောပြလိုက်တယ်။
“ဒါ ဘယ်လိုဖြစ်ရတာလဲ.. ကော်ဖီတစ်ခွက်ချင်းအတူတူ ခုနားက ဟိုအမျိုးသားကို ၁.၄ ယူရိုပဲယူပြီး ကျွန်မကိုကျတော့ ၇ယူရိုတောင်ယူတယ်… ဒါ မတရားဘူး”
.
ကျွန်မရဲ့အဖြစ်ကိုနားထောင်ပြီး မိတ်ဆွေက ရယ်ပါတယ်။ နေရာမှာထိုင်ပြီး ကော်ဖီလာဝယ်သူတွေကို စောင့်ကြည့်ပါ.. သဘောပေါက်သွားလိမ့်မယ်လို့ သူကဆိုပါတယ်။
.
သိပ်မကြာပါဘူး.. ကြော့ရှင်းရည်မွန်တဲ့အမျိုးသမီးတစ်ဦး ကော်ဖီဆိုင်ထဲဝင်လာပြီး အရောင်းစာရေးမကို “ကျေးဇူးပြုပြီး ကျွန်မကို ကော်ဖီတစ်ခွက်ပေးပါ” လို့ဆိုတယ်။ အရောင်းစာရေးက သူ့ကို ကော်ဖီတစ်ခွက် ချက်ချင်းကမ်းပေးလိုက်ပြီး ၄.၂၅ယူရို ယူလိုက်ပါတယ်။
.
အဲဒီအမျိုးသမီးမှာတဲ့ကော်ဖီကို ကျွန်မသေချာသတိထားကြည့်လိုက်မိတယ်။ ကျွန်မမှာတဲ့ ကော်ဖီနဲ့တစ်ပုံစံတည်းပါပဲ။ ဒီဆိုင်က လူကြည့်ပြီး ကော်ဖီခယူလား…၊ ခုနားက ခပ်ဝဝအမျိုးသားနဲ့ ဘာခြားနားနေတာမျုိးမှမရှိတာ….
.
ကျွန်မရဲ့အခဲမကျေ နားမလည်ဖြစ်နေတာကိုကြည့်ပြီး မိတ်ဆွေကရယ်ပါတယ်။ ပြီးမှ
.
“အရောင်းစာရေးကိုပြောလိုက်တဲ့ သူတို့ရဲ့စကားကို သေချာသတိထားလိုက်မိလား၊ တကယ်လို့ အရောင်းစာရေးကို “ကော်ဖီတစ်ခွက်ပေးပါ”လို့ပဲ ပြောရင်
ကော်ဖီတစ်ခွက်ရဲ့တန်ဖိုးက ၇ယူရို၊
တကယ်လို့ “ကျေးဇူးပြုပြီး ကော်ဖီတစ်ခွက်ပေးပါ”ဆိုရင်
ကော်ဖီတစ်ခွက်ရဲ့တန်ဖိုးက ၄.၂၅ယူရို၊ ဒါပေမယ့် “မင်္ဂလာပါ… ကျေးဇူးပြုပြီး ကော်ဖီတစ်ခွက်ပေးပါ”လို့လည်းပြောတယ်..
ပြီးတော့ သူစိမ်းကိုလည်း ပွေ့ဖက်မှုတစ်ခုပေးတယ်ဆိုရင်
ကော်ဖီရဲ့တန်ဖိုးက ၁.၄ယူရိုပဲကျတယ်”
.
မိတ်ဆွေရဲ့ရှင်းပြချက်ကို နားထောင်ပြီး ကျွန်မအသိတရားရမိတယ်။ ဒီဆိုင်ရဲ့ဆန်းသစ်မှုကိုလည်း ကြည်ကြည်နူးနူးခံစားမိလိုက်တယ်။ ကိုယ့်နိုင်ငံမှာနေတုန်းက ဆိုင်အရောင်းဝန်ထမ်းတွေကို မထီမဲ့မြင် လက်ယက်ခေါ်လိုက်၊ ပါးစပ်စုပ်သတ်ခေါ်တဲ့နည်းနဲ့ ကျွန်မတို့ဆက်ဆံခဲ့တယ်။ ခုနားက အရောင်းစာရေးအပေါ် ဖော်ရွေမှုမရှိတဲ့ကိုယ့်လေသံကို ပြန်ကြားယောင်ရင်း ကျွန်မကိုယ်ကျွန်မရှက်ရွံ့မိလိုက်တယ်။
.
“ကြေးနန်းတွေစတင်တဲ့ခေတ်မှာ ပြင်သစ်လူမျိုးတွေဟာ “ကျေးဇူးပြု၍” ဆိုတဲ့ စာတစ်လုံးအတွက် ငွေကုန်ကြေးကျ တော်တော်များများခံခဲ့တယ်။ ကြေးနန်းပို့ရင်တောင်မှ “ကျေးဇူးပြု၍”ဆိုတဲ့စကားလုံး ထည့်သွင်းဖို့ သူတို့မမေ့ခဲ့ကြဘူး။ လူတွေကို ယဉ်ကျေးတမှုပြောဆိုဆက်ဆံမှုကို ပြင်သစ်လူမျိုးတွေ ခိုင်ခိုင်မြဲမြဲလက်ကိုင်ထားခဲ့တယ်” လို့ မိတ်ဆွေက ဆက်ပြောပါတယ်။
.
“ယဉ်ကျေးမှုကော်ဖီ” တစ်ခွက်က လူအများကို နွေးထွေးတဲ့ပတ်ဝန်းကျင်တစ်ခု ဖန်တီးပေးနေသလို လူတွေကိုလည်း“ယဉ်ကျေးမှု” အရသာကို ပျော်ရွှင်သက်ဝင်ခံစားနေစေခဲ့တယ်။ လူမျိုးတစ်မျိုးရဲ့ ရည်မွန်မှုကိုလည်း အဆုံးမရှိ တသွင်သွင်စီးဆင်းနေစေခဲ့ပါတယ်။
.
မူရင်းလင့်-- http://www.85nian.net/zhihui/33590.html
.
#NineNineSaNay (The Chic မဂ္ဂဇင်း၊ နိုဝင်ဘာ)