ထွေထွေပြားပြား စာလုံးပေါင်းများ

စုပြည့်စုံ

 

ထွေထွေပြားပြား စာလုံးပေါင်းများ
==============
စာလုံးပေါင်းသတ်ပုံနှင့် ပတ်သက်၍ ဟိုလိုရေးရမလို ဒီလိုရေးရမလို မသဲမကွဲဖြစ်တတ်သော ပြဿနာများတွင် တ နှင့် တစ် ပြဿနာလည်း တစ်ခုအပါအ၀င်ဖြစ်သည်။

ဘယ်စာလုံးကို တ ဟု ရေ့းမည်။ ဘယ်စာလုံးကို တစ်ဟုရေးရမည်ဆိုသည်ကို မကြာခဏပင် မသဲမကွဲ ဖြစ်တတ်ကြသည်။

ဤပြဿနာကို အလွယ်ဆုံးဖြေရှင်းနည်းမှာ မြန်မာစာအဖွဲ့က ပြုစုထုတ်ဝေထားသော မြန်မာစာလုံးပေါင်းသတ်ပုံကျမ်းကို အနားမှာထားပြီး မသဲမကွဲဖြစ်သည့်အခါတိုင်း လှန်ကြည့်ရန်ဖြစ်ပါသည်။

သို့သော် စာလုံးပေါင်းသတ်ပုံကျမ်းကို အမြဲတမ်းအနားမှာထားဖို့ လွယ်ချင်မှ လွယ်ပါလိမ့်မည်။ ဤဆောင်းပါးတွင်မူ တ - တစ် ပြဿနာနှင့် ပတ်သက်၍ မှတ်သားထားသင့်သော အချက်အချို့ကို တင်ပြမည်ဖြစ်ပါသည်။

ယေဘုယျအားဖြင့် ကိန်းဂဏန်းအရေအတွက် သဘောသက်ရောက်လျှင် တစ် ဟုသုံးရန်။ အရင်းခံစကားလုံးကို ရှေ့ကတွဲဆက်ရသည့် စကားလုံးမျိုးဖြစ်လျှင် တ ဟု သုံးရန်ဟူ၍ မှတ်သားနိုင်ပါသည်။

တစ်ကိုယ်တည်း၊ တစ်ခဏချင်း၊ တစ်ခြမ်း၊ တစ်ဝက်၊ တစ်ဆင့်၊ တစ်ပြိုင်နက်၊ တစ်သီးပုဂ္ဂလ၊ တစ်ဟုန်ထိုး၊ တစ်နေ့ စသည့်စကားလုံးများတွင် တစ် ဟုရေးကြောင်း တွေ့ရပါသည်။ အရေအတွက် တစ် သဘောသက်ရောက်သောကြောင့် ဖြစ်သည်။ တကွဲတပြား၊ တခမ်းတနား၊ တငေးတမော၊ တပင်တပန်း၊ တရင်းတနှီး တို့တွင် တ ဟု ရေးပါသည်။ ကွဲပြား၊ ခမ်းနား၊ ငေးမော၊ ပင်ပန်း၊ ရင်းနှီး ဆိုသော အရင်းခံစကားလုံးများတွင် တစ်လုံးစီ၏ရှေ့က တ တွဲပြီး အဆက်ပစ္စည်း စကားများအဖြစ် သုံးခြင်းဖြစ်သည့်အတွက် တ ဟု ရေးခြင်းဖြစ်သည်။ ထို့အတူ တကြော်ကြော်ခေါ်၊ တငြိမ့်ငြိမ့်စီး၊ တမှိုင်မှိုင် တတွေတွေနေ၊ တငိုငိုတရီရီဖြစ်၊ တတွတ်တွတ်ပြော စသည့် ကြိယာအထူးပြုများ၊ တ၀ုန်းဝုန်း၊ တဒိုင်းဒိုင်း၊ တဂွမ်ဂွမ် စသည့်မြည်သံစွဲစကားများကိုလည်း တ ဟု ရေးရပါသည်။ တကယ်၊ တကွ၊ တခြား၊ တချို့၊ တ၀ (တ၀တပြဲ) စသည်တို့ကိုလည်း တ ဟု ရေးရပါသည်။

တ ရော တစ် ရော ၂ မျိုးပါသည့် စကားလုံးအချို့ရှိပါသည်။ သီးသန့်မှတ်သားထားလျှင် မမှားနိုင်ပါ။ တချို့တစ်ဝက်၊ တစ်ယောက်တလေ၊ တစ်ခုတလေ၊ တစ်ခါတလေ၊ တစ်နေ့တခြား စသည်တို့ဖြစ်သည်။ လူလည်း တစ်ထွေ၊ ရေလည်းတခြား ဟူသော အသုံးကို သတိပြုနိုင်ပါသည်။

ကိန်းဂဏန်း တစ်ဟု အဓိပ္ပါယ်ရသော်လည်း အစဉ်အဆက် တ နှင့်ရေးခဲ့သော ကိုယ်ပိုင်အမည်များကိုမူ၊ မူလအတိုင်း တ နှင့်ရေးရန်ဖြစ်သည်။ ကိုယ်ပိုင်အမည်များကို မြန်မာစာလုံးပေါင်းသတ်ပုံကျမ်းတွင် ပြဌာန်းသတ်မှတ်ထားခြင်း မရှိပါ။ ဗိုလ်တထောင်ဘုရား၊ ထန်းတပင်မြို့၊ တပင်ရွှေထီး စသည့်အမည်များ ဖြစ်သည်။

တ နှင့် ရေးရမည်ကို တစ် နှင့် မှားရေးတတ်ကြသော စာလုံးများ ရှိပါသည်။ အမှန်တစ်ကယ်၊ အများတစ်ကာ၊ အတူတစ်ကွ စသည့်စာလုံးများ ဖြစ်သည်။ တကယ်၊ တကာ၊ တကွ ဟု ရေးမှ မှန်ပါလိမ့်မည်။

နောက်ပြဿနာတစ်ခုမှာ ကိုယ့်ကိုယ်ကို၊ ကိုယ့်ကိုကိုယ်၊ ကိုယ့်ကိုယ်ကို ဟူသော ရေးပုံ ၃ မျိုးတွင် ဘယ်ရေးပုံက မှန်ပါသလဲဟု မေးတတ်ကြပါသည်။ ၃ မျိုးစလုံး ရေးနေကြသည့်အတွက် ဘယ်ရေးပုံမှန်သလဲဟု ဇဝေဇ၀ါဖြစ်တတ်ကြပါသည်။

စာလုံးပေါင်းအမှန်ကိုမပြောမီ ထိုစာလုံး၏ အသုံးအနှုန်းကို အရင်စဉ်းစားကြည့်သင့်ပါသည်။ မြန်မာစကားမှာ ကိုယ်တိုင်ပြုမူ ပြောဆို တွေးကြံသည့်ကိစ္စများကို ဖော်ပြသည့်အခါ ‘ငါ့ကိုယ်ငါ၊ ကျွန်တော့်ကိုယ်ကျွန်တော်၊ ကျွန်မကိုယ်ကျွန်မ၊ မင်းကိုယ်မင်း၊ နင့်ကိုယ်နင်၊ သူ့ကိုယ်သူ’ ဟူ၍ သုံးကြပါသည်။ ထိုအသုံးအားလုံး မှန်ပါသည်။ ကိုယ်ခန္ဓာဟူသော သဘောဖြင့် ကိုယ်ဟူသော စကားလုံးကို အလယ်ကထား၍ သုံးခြင်းဖြစ်သည်။ မိမိကိုယ်မိမိ ဟုလည်း သုံးပါသည်။ ကိုယ် ၏ ရှေ့နောက်တို့တွင် ‘ကျွန်တော်၊ ငါ၊ သင်’ စသည့်နာမ်စားတစ်လုံးကို နှစ်ခါထပ်သုံးခြင်း ဖြစ်ကြောင်း တွေ့နိုင်ပါသည်။ ကိုယ် ဆိုသည်မှာလည်း ငါ၊ မင်း၊ သူ တို့ကဲ့သို့ နာမ်စားတစ်ခု ဖြစ်ပါသည်။ ‘ကိုယ့်အကြောင်းကိုယ် ပြန်တွေးမိပါတယ်’၊ ‘မင်းကကိုယ်သိတာ ကိုယ်ပြောမှပေါ့’ စသည်ဖြင့် ပြောသူကိုရော နာသူကိုပါ ရည်ညွှန်းနိုင်သော နာမ်စားဖြစ်ပါသည်။ သို့ဆိုလျှင် ‘သူ့ကိုယ်သူ’၊ ‘ငါ့ကိုယ်ငါ’၊ ‘မိမိကိုယ်မိမိ’ စသည့်အသုံးများတွင် သူ၊ ငါ၊ မိမိ ဟူသော နာမ်စားများ၏ နေရာမှာ ‘ကိုယ်’ ဟူသော နာမ်စားကို အစားထိုးသုံးချင်လျှင် ဘယ်လိုရေးရပါမည်လဲ။ ‘ကိုယ့်ကိုယ်ကိုယ်’ ဟု ရေးရမည်မဟုတ်ပါလား။ ထိုသို့ရေးမှသာ အခြားအသုံးများနှင့် သုံးပုံချင်း တူပါလိမ့်မည်။
…….
အချုပ်အားဖြင့်ဆိုရလျှင် ‘ကိုယ့်ကိုယ်ကိုယ်’ဟူသော စာလုံးပေါင်းမှာ အမှန်ပင်ဖြစ်သည်။ လွယ်လွယ်မှတ်မည်ဆိုလျှင် ‘သူ့ကိုယ်သူ’တွင် ‘ကိုယ်’၏ ရှေ့နှင့်နောက်မှာ ‘သူ’ နှစ်ခါထည့်ရသလို၊ ‘မိမိကိုယ်မိမိ’ တွင် ‘ကိုယ်’၏ ရှေ့နှင့်နောက်မှာ ‘မိမိ’ နှစ်ခါထည့်ရသလို ‘ကိုယ့်ကိုယ်ကိုယ်’ တွင်လည်း ‘ကိုယ်’၏ ရှေ့နှင့်နောက်မှာ ‘ကိုယ်’ နှစ်ခါထည့်ရခြင်း ဖြစ်သည်ဟု မှတ်နိုင်ပါသည်။

မောင်ခင်မင် (ဓနုဖြူ)

( မြန်မာစာလုံးပေါင်းသတ်ပုံကျမ်းကို အွန်လိုင်းမှာ ပြုစုထားတဲ့ဝက်ဘ်ဆိုက်ရှိပါတယ်။ အဲသည်နေရာမှာ စာလုံးပေါင်းအမှားအမှန် စစ်နိုင်ပါတယ်။ လိပ်စာက http://myanmarwords.pikay.org/ ပါ။

အားလုံးပဲ ကိုယ်စိတ်နှစ်ဖြာ ချမ်းသာကြပါစေ။
စုပြည့်စုံ )