ကမ္ဘာ့လူသိအများဆုံး အကျော်ကြားဆုံး ဓါတ်ပုံ

 

Junior Cyra‎Camera နဲ့ ပတ်သက်သမျှ အထွေထွေ

ကမ္ဘာ့လူသိအများဆုံး အကျော်ကြားဆုံး ဓါတ်ပုံ
===========================================

ကမ္ဘာ့လူသိအများဆုံးနဲ့ အကျော်ကြားဆုံး ဓါတ်ပုံဆိုတော့ အဲ့ဒီဓါတ်ပုံကို လူတော်တော်များများမြင်ဖူးပြီးသားဖြစ်သလို ရင်းနှီးပြီးသားလည်းဖြစ်နေမှာပါ ။ အထူးသဖြင့် ကွန်ပျူတာနဲ့ အလှမ်းမဝေးတဲ့ နယ်ပယ်က လူတိုင်းနီးပါးလောက် မြင်ဖူးတွေ့ဖူးပြီး ဖြစ်မှာ ကျိန်းသေပါတယ် ။ အဲ့ဒီလို လူတိုင်းနီးပါးနဲ့ ရင်းနှီးကျွမ်းဝင်နေလို့ လည်း အဲ့ဒီဓါတ်ပုံကို ကမ္ဘာ့လူသိအများဆုံး အကျော်ကြားဆုံး ဓါတ်ပုံအဖြစ် သတ်မှတ်လို့ ရမှာပေါ့ ။ အဲ့ဒီ ဓါတ်ပုံကတော့ Microsoft ကော်ပိုရေးရှင်းရဲ့ ကမ္ဘာကျော် Windows XP ရဲ့ နောက်ခံ Default Wallpaper အဖြစ်အသုံးပြုထားတဲ့ ဓါတ်ပုံပဲဖြစ်ပါတယ် ။ Wallpaper ရဲ့နာမည်ကတော့ Bliss လို့ အမည်ပေးထားပါတယ် ။
ဓါတ်ပုံကို ရိုက်ကူးခဲ့သူကတော့ Charles O'Rear ဆိုတဲ့ အမေရိကန်လူမျိုး ဓါတ်ပုံဆရာပဲဖြစ်ပါတယ် ။ မိတ်ဆွေအပေါင်းအသင်းတွေနဲ့ ရင်းနှီးသူတွေက Chuck O'Rear လို့ခေါ်လေ့ရှိတဲ့ Charles O'Rear ကို အမေရိကန်ပြည်ထောင်စု Missouri ပြည်နယ်မှာ ၁၉၄၁ က မွေးဖွားခဲ့ပါတယ် ။ Charles ဟာ ဒီ Bliss ဆိုတဲ့ အမည်ရတဲ့ ကမ္ဘာကျော်ဓါတ်ပုံအပြင် ၊ Wine Country ဆိုတဲ့ ဓါတ်ပုံစာအုပ်တွေကို ရိုက်ကူးပြီး ကမ္ဘာ့နာမည်ကြီး ဓါတ်ပုံဆရာအကျော်အမော်တစ်ဦးဖြစ်လာတဲ့သူပါ ။

၁၉၇၀ နှစ်များလောက်ကစပြီး Charles ဟာ သဘာဝပတ်ဝန်းကျင်ထိန်းသိမ်းရေး အေဂျင်စီရဲ့ ပရောဂျက်ဖြစ်တဲ့ DOCUMERICA မှာပါဝင်ကူညီ ဓါတ်ပုံရိုက်ပေးဖြစ်ခဲ့ပါတယ် ။ ဒါ့အပြင် သူဟာ ကမ္ဘာကျော် National Geographic Magazine အတွက် နှစ်ပေါင်း ၂၅ နှစ်လောက်အထိ ဓါတ်ပုံတွေ ရိုက်ပေးခဲ့ဖူးပါတယ် ။ အဲ့ဒီနောက်မှာတော့ ၁၉၇၈ လောက်ကစပြီး သူစိတ်ဝင်စားတဲ့ ၀ိုင်အရက်ချက်လုပ်တဲ့ အကြောင်းတွေကို မှတ်တမ်းတင် ဓါတ်ပုံရိုက်ကူးတဲ့ဘက်ကို ခြေဦးလှည့်ဖို့ ၀ိုင်လုပ်ငန်းတွေရှိရာ ကယ်လီဖိုးနီးယားပြည်နယ်ထဲက Sonoma ခရိုင် ၊ Napa တောင်ကြားဒေသ ခရီးဆန့်ခဲ့ပါတယ် ။

Charles ဟာ Napa တောင်ကြားဒေသမှာပဲ အခြေချပြောင်းရွေ့နေထိုင်ပြီး ကမ္ဘာ့တ၀န်းလုံးကို လှည့်လည်ကာ အနယ်နယ်အရပ်ရပ်က ၀ိုင်လုပ်ငန်းတွေအကြောင်း မှတ်တမ်းတင် ဓါတ်ပုံရိုက်ကူးခဲ့ရင်းနဲ့ အခုဆို ဓါတ်ပုံစာအုပ် (၇) အုပ်တောင် ထွက်ရှိပြီးသွားပါပြီ ။
Charles ရိုက်ကူးခဲ့တဲ့ ဒီ ကမ္ဘာ့လူသိအများဆုံး ဓါတ်ပုံ Bliss ရဲ့ နောက်ကြောင်းရာဇ၀င်က အရမ်းပဲ စိတ်ဝင်စားဖို့ကောင်းပါတယ် ။ Bliss ဓါတ်ပုံကို ၁၉၉၆ ခုနှစ် နွေဦးလရဲ့ မနက်ခင်းတစ်ခုမှာပဲ ရိုက်ကူးခဲ့တာပါ ။ ဓါတ်ပုံရိုက်ကူးခဲ့တာ နေရာ ကတော့ ကယ်လီဖိုးနီးယားပြည်နယ် ၊ ဆိုနိုမာ ခရိုင်တွင်းက ဒေသတစ်ခုဖြစ်တဲ့ နာပါ တောင်ကြားရဲ့ တောင်ကုန်းတစ်ခုနားမှာ ဖြစ်ပါတယ် ။ သာယာလှပတဲ့ကောင်းကင်ပြာကြီးနဲ့အတူ ပျံလွင့်နေတဲ့ တိမ်စိုင်တိမ်လိပ်တွေကို နောက်ခံထားပြီး လှပစိမ်းစိုနေတဲ့ မြက်ခင်းစိမ်းတွေပေါက်ရောက်ရာ တောင်ကုန်းဒေသတစ်ခုကို ရှု့ခင်းပန်းချီဆန်ဆန် ရိုက်ကူးထားတဲ့ ဓါတ်ပုံကောင်းတစ်ပုံပဲဖြစ်ပါတယ် ။

Charles ဟာ သူ့ရဲ့ မူလဘူတ ၀ါသနာအရင်းခံ သက်မွေးဝမ်းကျောင်းမှုဖြစ်တဲ့ ၀ိုင်ချက်လုပ်မှုလုပ်ငန်းများကို မှတ်တမ်းတင် ဓါတ်ပုံတေရိုက်ကူးနေရင်း ဒီ Bliss ဓါတ်ပုံကို ရိုက်ကူးဖြစ်ခဲ့တာပါ ။ ဓါတ်ပုံထဲမှာ ပါတဲ့ မြက်ခင်းစိမ်းတွေနဲ့တောင်ကုန်းက Charles ရဲ့ ချစ်သူအမျိုးသမီးဆီ သွားရာ လမ်းမှာရှိနေခဲ့ပါတယ် ။ ချစ်သူဆီသွားနေရင်း တနေ့တော့ ပြာလွင်တဲ့ကောင်းကင်ပြင်နဲ့ လှပတဲ့ တိမ်စိုင်တိမ်လိပ်တို့ရဲ့ တည်ရှိပုံနဲ့ မြက်ခင်းစိမ်းစိမ်းတောင်ကုန်းတို့ဟာ ဓါတ်ပုံရိုက်ကူးချင်စရာကောင်းလောက်အောင် ပနံရ သက်ဝင်ဆန်းကြယ်နေတာကြောင့် မောင်းလာတဲ့ ကားကို ရပ်ပြီး စီစဥရိုက်ကူးဖြစ်ခဲ့ပါတော့တယ် ။
အဲ့ဒီ Bliss ဓါတ်ပုံကို Charles ဟာ Microsoft Corporation ကြီးရဲ့ သူဌေးဖြစ်သူ ကမ္ဘာ့အချမ်းသာဆုံးပုဂ္ဂိုလ် Bill Gates ထံသို့ ရောင်းချခဲ့ပါတယ် ။ Bliss ဟာ Microsoft ရဲ့ အဓိက ထုတ်ကုန်ဖြစ်တဲ့ Computer တွေကို အသက်သွင်းမောင်းနှင်တဲ့အရာဖြစ်တဲ့ Windows စနစ်တွေနဲ့ ကမ္ဘာအနှံအပြားသို့ ရောက်ရှိ ပျံ့နှံ့ခဲ့ပါတယ် ။

၂၀၀၂ ခုနှစ်မှာ ထွက်ရှိခဲ့တဲ့ Windows XP ရဲ့ Standard Wallpaper အဖြစ်ထည့်သွင်း အသုံးပြုခဲ့ပါတယ် ။ Windows XP ဟာ တရားဝင်ဖြန့်ချိရောင်းချခဲ့တဲ့ အချိန်ကစလို့ ယနေ့အထိ ကမ္ဘာ့တ၀န်း ချပ်ရေ ၁ ဘီလီယံကျော် ( ခိုးကူးခွေများမပါ ) ရောင်းချခဲ့ရပါတယ် ။ ဒါ့ကြောင့် လက်ရှိ ကမ္ဘာ့လူဦးရေ ဘီလီယံ ၇၀ နဲ့ အချိုးချကြည့်မယ်ဆိုရင် Bliss ဟာ ကွန်ပျူတာပေါင်း ဘီလီယံ ဆယ်ဂဏန်းလောက်ပေါ်မှာရောက်ရှိခဲ့ဖူးပြီး ကွန်ပျူတာအသုံးပြုသူနဲ့ နည်းပညာနယ်ပယ်က လူတွေ အားလုံးနီးပါး မြင်ဖူး ပြီးဖြစ်နေပါပြီ ။ Microsoft ရဲ့ Windows တွေကို Promotion လုပ်တဲ့ ဒေါ်လာသန်း ၂၀၀ အကုန်အကျခံ ကြော်ငြာစီမံကိန်းနဲ့အတူ Bliss ဟာလည်း ကျော်ကြားလူသိများခဲ့ပါတယ် ။
Bliss ကို ရောင်းချခဲ့သူ Charles ကို Microsoft က အနုပညာကြေး မည်ရွေ့မည်မျှ ပေးအပ်ထားတယ်လို့ တရားဝင်သတင်းထုတ်ပြန်ထားခြင်းမရှိသလို လျှို့ဝှက်ထားပါတယ် ။

ဒါပေမယ့် ဒီဓါတ်ပုံရဲ့ အနုပညာကြေးဟာ ကမ္ဘာမှာ ဓါတ်ပုံတစ်ပုံတည်းအတွက် ရရှိတဲ့ အနုပညာကြေးတွေ အားလုံးထက်ပိုတယ်ဆိုတာ ကျွမ်းကျင်သူတွေ အားလုံး အတည်ပြုကြသလို Charles ကိုယ်တိုင်ကလည်း ၀န်ခံခဲ့ပါတယ် ။ ဓါတ်ပုံအတွက် ပြန်ရတဲ့ ငွေကြေးဟာ သာမန်ထက် ထူးကဲသာလွန်အောင်ကို များပြား ပါတယ် လို့လည်း သူက အင်တာဗျုးတွေမှာ ပြောကြားခဲ့ပါတယ် ။ Charles ကိုယ်တိုင်လည်း ထင်မှတ်မထားလောက်အောင် အံ့သြဖွယ်အောင်မြင်မှုနဲ့ ဆုလာဘ်ငွေကြေးကို ရရှိခဲ့ပါတယ် ။
ယခုဆိုရင် Charles ဟာ သူချစ်တဲ့ချစ်သူမိန်းကလေးနဲ့ လက်ထက်ပြီး သူ့ရဲ့ Bliss ဓါတ်ပုံမွေးဖွားရာ ၊ သူစိတ်ဝင်စား ၀ါသနာပါတဲ့ ၀ိုင်လုပ်ငန်းတည်ရှိရာ နာပါတောင်ကြားဒေသမှာပဲ အခြေချနေထိုင်လျက်ရှိပါတယ် ။ Charles ဟာ Bill Gates ရဲ့ ကိုယ်ပိုင်လုပ်ငန်းတစ်ခုဖြစ်တဲ့ Stock Photography ကုမ္ပဏီ Corbis အတွက်လည်း ဓါတ်ပုံတွေကို ရိုက်ပေးခဲ့ဖူးပါတယ် ။ Charles ဟာ ဒီ Bliss ဓါတ်ပုံ မတိုင်ခင်တည်းက ကမ္ဘာ့ရှားပါးသက်သေအထောက်အထားဓါတ်ပုံတစ်ပုံကို ရိုက်ကူးပြီးလည်း နာမည်ကျော်ခဲ့ဖူးပါသေးတယ် ။

အမေရိကန်သမ္မတဟောင်း Bill Clinton ရဲ့ အရှုပ်တော်ပုံ (အိမ်ဖြူတော် အမှုထမ်း Monica Lewinksy ဆိုတဲ့ အမျိုးသမီးနဲ့ သမ္မတပွေ့ဖက်နေတဲ့ပုံ) ကို အမိအရရိုက်ကူးပြီး မှတ်တမ်းတင်နိုင်ခဲ့တဲ့ ဓါတ်ပုံပဲဖြစ်ပါတယ် ။ အဲ့ဒီ ဓါတ်ပုံဟာ နောင်တချိန် သမ္မတ ကလင်တန်ကို စွဲချက်တင်တဲ့အခါမှာ အထောက်အထားအဖြစ်နဲ့ လူပြောစရာဖြစ်လာခဲ့ပါတယ် ။
Charles ရဲ့ ကမ္ဘာကျော် Bliss ဓါတ်ပုံကို ရိုက်ကူးခဲ့စဉ်က တောင်ကုန်းတွေမှာ မြက်ခင်းတွေသာ စိမ်းစိမ်းစိုစိုပေါက်ရောက် ရှင်သန်နေပေမယ့် ယခုနောက်ပိုင်းမှာတော့ ၀ိုင်ချက်လုပ်ငန်းတွေအတွက် အဓိက ကုန်ကြမ်းဖြစ်တဲ့ စပျစ်သီးတွေ စိုက်ပျိုးရာ မြေယာအဖြစ်ပြောင်းလဲခဲ့ပါတယ် ။

ဒီကမ္ဘာကျော် ဓါတ်ပုံရဲ့ တည်နေရာနဲ့ ယနေ့လက်ရှိမြင်ကွင်းရှု့ခင်းများကို ကိုယ်တိုင်ကိုယ်ကျ မြင်ဖူးချင်တယ်ဆိုရင်တော့ အင်တာနက်မှ တဆင့် Google Map ကို အသုံးပြုရင်း ရှာဖွေကြည့်ရှု့နိုင်ပါတယ် ။ Street View Feature ကို အသုံးပြုပြီး ဒေသနဲ့ တောင်ကုန်းတောင်တန်း စိုက်ခင်းတွေကို ၃၆၀ ဒီဂရီမြင်ကွင်းနဲ့ ကြည့်ရှု့လေ့လာနိုင်မှာပါ ။ ကိုသြဒီနိတ် အမှတ်အနေနဲ့တော့ 38.248966, -122.410269 ထည့်သွင်းပြီး ရှာဖွေနိုင်ပါတယ် ။ Charles အနေနဲ့ Bliss ကို ရိုက်ကူးဖို့အတွက် Mamiya RZ67 Medium Format Camera ကို Tripod ပေါ်တင်ပြီး Fujifilm ရဲ့ Velvia ဖလင်အသုံးပြုလို့ ပုံရိပ်ဖမ်းယူခဲ့ခြင်းဖြစ်ပါတယ် ။ ဓါတ်ပုံကို Digital Enhanced ပြုလုပ်ထားခြင်း (သို့) Manipulation ပေါင်းစပ် ဖြည့်စွက် ဖန်တီးခြင်းတွေလည်း မပြုလုပ်ခဲ့ဘူးလို့ သိရပါတယ် ။

■ Cyra _ ( ပြန်ဆိုရေးသားမျှဝေသည် )

Digital Camera မဂ္ဂဇင်း @ www.fb.com/myanmardcm