လိမ္မော်ရောင်စိတ်ကူးများပိုင်ရှင်အတွက် မေးခွန်း (၁၀) ခု

Scorpion Soup For Soul

 

လိမ္မော်ရောင်စိတ်ကူးများပိုင်ရှင်အတွက် မေးခွန်း (၁၀) ခု
-------------

မြန်မာနိုင်ငံမှာ အရည်အသွေးပြည့်မှီတဲ့ မိန်းကလေးအဆိုတော် အတော်ရှားပါးပါတယ်။ သီချင်းရေး၊ ဂစ်တာတီးတဲ့မိန်းကလေးအဆိုတော်တယောက်ကို တွေ့ဖို့ဆိုရင် ပိုမိုခက်ခဲသွားပါပြီ။ တရက်တော့ လိမ္မော်ရောင်စိတ်ကူးများဆိုတဲ့ နာမည်ခပ်ဆန်းဆန်းအခွေတခွေကို နားထောင်ကြည့်လိုက်တော့ စိတ်အဆာပြေလောက်အောင် ကောင်းမွန်တာကိုတွေ့ရတယ်။ သီဆိုမှုမှာ အတော်လေးနိုင်နင်းတာကိုတွေ့ရသလို၊ သက်ဝင်ခံစားမှုဟာလဲ အားရကျေနပ်ဖို့ကောင်းတယ်။ ဒါကြောင့် စကော်ပီယံဘော်ဒါတွေအတွက် ဖုန်းဆက်ပြီး မေးခွန်း (၁၀) ခုမေးဖို့ဖြစ်လာတယ်။ တိုင်းရင်းသူဖြစ်တဲ့ လိမ္မော်သီးဟာ စကားပြောတော့လဲ သွက်လက်ချက်ခြာသူတဦးဖြစ်ပါတယ်။ ရိုးသားပွင့်လင်းစွာနဲ့ သရုပ်ဆောင်တာ၊ ဓါတ်ပုံရိုက်ရတာတွေထက် သီချင်းဆိုတာကို ပိုပြီးစိတ်ဝင်တစားရှိကြောင်းပြောပြီး ရယ်ပါသေးတယ်။ 

စကော်ပီယံဘော်ဒါတွေ အားရကျေနပ်နိုင်တဲ့ အယ်လ်ဘန်တခုဖြစ်နိုင်ပါကြောင်း။

ခင်တဲ့
ကိုဝီ

မှတ်ချက် - အမြည်းနားဆင်လိုသူများ အောက်ပါလင့်ခ်မှာ နားဆင်နိုင်ပါပြီ။
http://www.mtvmyanmar.net/လိမ္မော်သီး-လိမ္မော်ရောင/

------------------------------------------
(၁) ဂီတလောကကို ရောက်ရှိလာခဲ့ပုံကလေးကို ပြောပြပါဦး။
၂၀၀၇ မှာ သင်္ကြန်မှာ..show ဆိုပြီးစတင်ဝင်ရောက်

(၂) ပထမအခွေအကြောင်း ပြောပြပါဦး။ ဘယ်သီချင်းတွေကို အမှတ်တရဖြစ်ခဲ့ အားရကျေနပ်ခဲ့တယ်ဆိုတာလေး ပြောပြပါဦး။
ပထမခွေ နာမည်က လိမ္မော်ရောင်စိတ်ကူးများ...ပါ ၂၀၁၀ခုနှစ် (၁၂) လပိုင်းမှာ audio စီဒီ အရင်ထွက်တယ်။ ၂၀၁၂ခုနှစ် (၁၂) လပိုင်းမှာ MTV ထွက်ပါတယ်။ ဦးဒိုးလုံး ရဲ့ ချစ်ဦးမေ..သီချင်းကိုလည်းအမှတ်တရဖြစ်ပါတယ်..အနုပညာလောကကိုစတင်ဝင်ရောက်ထဲက show တွေမှာသီဆိုခဲ့တဲ့ သီချင်းလည်းဖြစ်လို့ အမှတ်တရပိုဖြစ်ပါတယ်။ ကိန္နရာချောင်းခြား သီချင်းလည်း..ပြန်ဆိုတာ ပရိတ်သတ်အားပေးလို့ကျေနပ်ပါတယ်။.ပြိုင်ပွဲတွေမှာ ပြိုင်တယ်ပြောလို့ ပျော်ပါတယ်။ နှုတ်ဆက်တဲ့နေ့....သီချင်းလေးကလည်း..အားလုံးထဲမှာနားထောင်ရတာ နားအေးပြီး ပရိတ်သတ်အသိအမှတ်ပြုလို့ ကျေနပ်ပါတယ်။

(၃) ညီမလေးရဲ့ သီချင်းတွေကို နားထောင်ဖြစ်တော့ စိတ်ခံစားမှုအပြည့်နဲ့ဆိုထားတာတွေကို တွေ့ရတယ်။ သီချင်းတပုဒ်ဆိုမယ်ဆိုရင် ဘယ်လိုပြင်ဆင်လေ့ရှိပါသလဲ။ သူများရေးတဲ့သီချင်းတပုဒ်ကိုကော ဘယ်လိုချဉ်းကပ်လေ့ရှိပါသလဲ။

သီချင်းတပုဒ်ဆိုတော့မယ်ဆို..ရင် အရင်ဆုံး..နားရည်ဝအောင်နားထောင်ပါတယ်....သီချင်းမသွင်းခင်..အဲ့ဒီသီချင်းကို notes ထုတ်ပြီး..show တွေမှာ အရင်ဆိုကြည့်ပါတယ်...သီချင်းကိုကိုယ်ကပိုင်ပြီဆိုမှ..recording ဝင်ပါတယ်...အိပ်ရေးဝအောင်အိပ်တယ်..ရေခဲရေရှောင်ပါတယ်... တေးရေးဆရာရဲ့ ခံစားချက်ကို အငှားယူပြီး..ခံစားပြီးဆိုပါတယ်။

(၄) ရှိုးဆိုတဲ့ အတွေ့အကြုံအတော်များနေပြီလား။ ဘယ်ပွဲတွေဆိုရတာ အားရပါသလဲ။

နယ်ရှိုးတွေအများဆုံး ဆိုဖြစ်ပါတယ်။ ၂၀၁၀ တောင်ကြီးသင်္ကြန် IC နဲ့ဆိုခဲ့ရတာ အမှတ်တရဖြစ်ပြီး..အားရပါတယ်။ ၂၀၁၄ ရန်ကုန်သင်္ကြန် Dream Lover band နဲ့ grand royal stage မှာ ဆိုခဲ့တာလည်း ရန်ကုန်ပရိတ်သတ်နဲ့တိုက်ရိုက်ထိတွေ့ရလို့..အားရကျေနပ်ပါတယ်။

(၅) ကိုယ်တိုင်လဲဂစ်တာတီးပြီး သီချင်းရေးတယ်လို့ သိရပါတယ်။ မိန်းကလေးတွေ သီချင်းရေးတာ နည်းပါးကြတဲ့ ကျွန်တော်တို့တိုင်းပြည်မှာ သီချင်းရေးဖြစ်ပုံကလေးကို သိပါရစေ။

ပထခွေမှာ သီချင်း ၃ ပုဒ်ရေးဖြစ်ပါတယ်။ လိမ္မော်ရောင်စိတ်ကူးများ title သီချင်းကို ရေးဖြစ်ပါတယ်။ .Guitar ကကျွမ်းကျွမ်းကျင်ကျင် မဟုတ်ပါဘူး။ ကိုယ် ရတဲ့ Round Chord လေးနဲ့ပဲ သီချင်းရေးဖြစ်ပါတယ်။ ခံစားချက်တွေအရမ်းများတဲ့အခါတွေဆို သီချင်းရေးဖြစ်ပါတယ်။ အဓိက ကတော့ ကိုယ့်ခံစားချက်လေးတွေကို သီချင်းအဖြစ်ပြောင်းလဲတဲ့သဘောပါပဲ။

(၆) ရေးခဲ့တဲ့သီချင်းတွေထဲက ဘယ်သီချင်းကို အမှတ်တရအဖြစ်ဆုံးပါလဲ။

ရေးခဲ့တဲ့သီချင်းထဲ မှာတော့ လိမ္မော်ရောင်စိတ်ကူးများ သီချင်းက ခံစားချက်သီချင်းလေးဆိုတော့တကယ်အမှတ်တရဖြစ်ပါတယ်..လိမ္မော်သီးရဲ့ဘဝ အကြောင်းကိုရေးထားတဲ့သီချင်းလည်းဖြစ်တယ်။ ပထမဆုံးစရေးတဲ့သီချင်းလည်းဖြစ်တယ်..ခွေမထွက်ခင်..၂ နှစ်လောက်ထဲက ရေးထားတဲ့သီချင်းလည်းဖြစ်တယ်။ စီးရီး..title ကိုလည်း ဒီသီချင်းနာမည်ပဲပေးမယ်လို့ခွေမလုပ်နိုင်ခင်ထဲက တွေးထားတဲ့သီချင်းလည်းဖြစ်ပါတယ်။

(၇) သီချင်းအဟောင်း (၂) ပုဒ်ပြန်ဆိုထားတာ အတော်လေးကောင်းတယ်။ အားရကျေနပ်မိတယ်။ ပြန်ဆိုဖြစ်ရတဲ့အကြောင်းကလေးကိုပြောပြပါဦး။

အဓိက က ကိုယ်အရမ်းကြိုက်တဲ့အဆိုတော်ကြီးတွေရဲ့ သီချင်းဖြစ်တာရယ်။ ဦးဒိုးလုံး..ကလည်း..ကိုယ် ခွေထုတ်နိုင်တဲ့အချိန်မှာ..ကြွေလွင့်သွားခဲ့တယ် ဆိုတော့..အမှတ်တရအနေနဲ့ရော..လေးစားလို့ ပြန်ဆိုဖြစ်တာပါ။

(၈) ပြည်တွင်းပြည်ပဂီတလောကထဲက ဘယ်သူ့ကို အားကျမိပါသလဲ။

ပြည်တွင်းကတော့..Iron Cross ပါ..တခြားလေးစားအားကျတဲ့အဆိုတော်တွေလည်းအများကြီးပါ....ပြည်ပမှာဆိုရင်တော့... မိန်းကလေးထဲမှာ.. Halestorm.. Avril lavigne. Kelly Clarkson.. ယောကျာ်းလေးထဲမှာ.... Avenged Sevenfold.. Nickelback. .. Linkin Park။

(၉) အယ်လ်ဘန်အသစ်လုပ်နေတယ်ဆိုတာ သိရပါတယ်။ ပထမအခွေထက် ဘယ်လိုတွေထူးခြားမလဲဆိုတာ ပြောပြပါဦး။

ဒုတိယခွေမှာ...မိန်းကလေးခံစားချက် သီချင်းတွေပိုများမယ်..သီချင်းအေးအေးလေးတွေများမယ်။ band ကလည်း.. Rose of Sharon နဲ့။ The Ugly band 2 band နဲ့တီးထားပါတယ်။ တေးရေးတွေကတော့.. ဦးလှိုင်ဦးမော်၊ ကိုအောင်(တောင်ကြီး)၊ ဖိုးကာ၊ စနို၊ ဇော်လင်း၊အိုက်ပီး၊ ကောင်းဆက်၊ ကိုဇော်လတ် (ROS)၊ dirty cat၊ Junon ပြီးတော့..သူငယ်ချင်း မိစု (ခင်စုစုနိုင်) နဲ့ duet တပုဒ်ဆိုထားတာပါမယ်။

(၁၀) ပရိတ်သတ်ကြီးကို ပြောချင်တဲ့စကား။
ဟုတ်ကဲ့ အခုလိုအချိန်ယူပြီးဖတ်ပေးလို့ ပရိတ်သတ်အားလုံးကိုကျေးဇူးပါရှင်။ သမီးရဲ့ rock သီချင်းလေးတွေကိုလည်း နားထောင်ပေးပါ...ပရိတ်သတ်ကြီးအားလုံးလည်း..စိတ်ချမ်းသာပါစေရှင်...အားလုံးကိုကျေးဇူးပါ။