ရင်သွေးရတနာစောင့်ရှောက်ပါ

နှိုင်းရင့်နွေ

ရင်သွေးရတနာစောင့်ရှောက်ပါ
----------------------------------------------------------------
https://www.facebook.com/hnaingyintnway
------------------------------------------------------------------
ကျွန်တော်တို့တွေဟာ မိဘတွေ ဒါမှမဟုတ် တစ်ချိန်မှာ မိဘဖြစ်လာမယ့်သူတွေဖြစ်ပါတယ်.... ဒီကနေ့ခေတ်မိဘတွေ ရင်ဆိုင်နေရတဲ့ ပြဿနာတွေကလည်း အများအပြားရှိပါတယ်... စိမ်ခေါ်မှုတွေများနေတဲ့ ခေတ်ကာလမှာ စားဝတ်နေရေး၊ စီးပွားရေး၊ လူမှုရေးကိစ္စအဝဝကို နေ့စဉ်နဲ့အမျှ ရင်ဆိုင်ဖြေရှင်းနေရပါတယ်.... အဲ့ဒီကြားထဲမှာ မိမိရင်သွေးတွေကို အချိန်တန်အရွယ်ရောက်တဲ့အထိ ဘေးအန္တရာယ်ကင်းကင်းနဲ့ စိတ်ပိုင်း ရုပ်ပိုင်းတိုးတက်မှုရှိအောင် ထိန်းသိမ်းသွားဖို့ဆိုတာ လွယ်ကူတဲ့ အလုပ်မဟုတ်ပါဘူး...

မြန်မာနိုင်ငံအပါအဝင် ကမ္ဘာနဲ့ အဝှမ်းမှာ ကလေးသူငယ်တွေအပေါ် လိင်ပိုင်းဆိုင်ရာ စော်ကားကျူးလွန်မှုဖြစ်ပွားနှုန်းဟာ တစ်နေ့ထက်တစ်နေ့ ပိုပြီးမြင့်လားလာပါတယ်... ဒီလိုအဖြစ်မျိုးတွေက ရှောင်ကျဉ်နိုင်ဖို့အတွက် သင့်ရင်သွေးငယ်တွေကို ငယ်စဉ်ကတည်းက သင်ကြားစောင့်ရှောက်နိုင်မယ့် နည်းလမ်းတစ်ချို့ကို ဒီနေရာကနေ အကြံပြုတင်ဆက်လိုက်ပါတယ်.....

၁) သင့်သမီးငယ်လေးတွေကို ဘယ်လိုအခြေအနေမျိုးမှာပဲဖြစ်ဖြစ် သူတို့ရဲ့ ဦးလေးတွေအပါအဝင် တခြားသူတွေရဲ့ ပေါင်ပေါ်မှာ မထိုင်ဖို့ ဆုံးမထားပါ....

၂) သင့်ကလေး အသက် ၂ နှစ်အရွယ်ရောက်တာနဲ့ သူတို့ရဲ့ ရှေ့မှာ အဝတ်အစားလဲခြင်းကနေ ရှောင်ပါ... သင်ကိုယ်တိုင်ဆင်ခြင်ဖို့လိုသလို သင့်ကလေးတွေကိုလည်း အဝတ်လဲတဲ့အချိန် ရှောင်တတ်အောင် သင်ပေးထားဖို့လိုပါတယ်...

၃) သင့်ကလေးကို တခြားအရွယ်ရောက်ပြီးတဲ့ ဘယ်သူကမှ ဇနီး/ခင်ပွန်း/ မိန်းမ/ယောက်ျား ဆိုတဲ့အသုံးအနှုန်းတွေနဲ့ ရည်ညွှန်းပြောဆိုတာမျိုးကို ခွင့်မပြုပါနဲ့...

၎) သင့်ကလေးက သူတို့သူငယ်ချင်းတွေနဲ့ ကစားဖို့သွားတဲ့အခါတိုင်း သူတို့ဘယ်နေရာမှာ ဘယ်လိုကစားတယ်ဆိုတာ သိနိုင်ဖို့ နည်းလမ်းရှာထားပါ... အခုခေတ်မှာ ကလေးအချင်းချင်းကလည်း လိင်ပိုင်းဆိုင်ရာကျူးလွန်မှုတွေကို ပြုလုပ်တတ်ကြပါတယ်...

၅) သင့်ကလေးတွေက မနှစ်သက်တဲ့ အရွယ်ရောက်ပြီးသူတစ်ယောက်ယောက် ဆီကို အတင်းအကြပ် အလည်သွားစေတာမျိုး မလုပ်သင့်သလို အရွယ်ရောက်ပြီးသူတစ်ယောက်ယောက်အပေါ် သင့်ကလေးက အရမ်းတွယ်တာနေတယ်ဆိုရင်လည်း စောင့်ကြည့်တာမျိုးလုပ်သင့်ပါတယ်...

၆) သင့်ကလေးငယ်တစ်ယောက်ယောက်က ရုတ်တရက် အထီးတည်းနေနေပြီဆိုရင် သင့်အနေနဲ့ ကလေးကို စိတ်ရှည်ရှည်နဲ့ မေးခွန်းများများမေးဖို့လိုလာပါပြီ....

၇) သင့်ရင်သွေးတွေကို အသက်အရွယ်အပိုင်းအခြားအလိုက် မှန်ကန်တဲ့ လိင်အသိပညာပေးတာမျိုးကို ဂရုတစိုက်လုပ်သင့်ပါတယ်... သင်က မသင့်တော်ဘူးထင်လို့ မသင်ပေးခဲ့မိဘူးဆိုရင် ကလေးရဲ့လူမှုပတ်ဝန်းကျင်ကနေ အမှားတွေကို သင်ပေးသွားပါလိမ့်မယ်...

၈) ကာတွန်းစာအုပ်တွေလိုမျိုး အသစ်အဆန်းတစ်ခုခုကို ကလေးတွေအနေနဲ့ သူတို့ဘာသာရှာပြီး မစမ်းသပ်ခင်မှာ သင်ကိုယ်တိုင်ရွေးချယ်ဝယ်ယူပေးတာအကောင်းဆုံးပါပဲ...

၉) သင့်အိမ်တွင်းမှာတပ်ဆင်ထားတဲ့ ကွန်ရက်တွေ၊ ကလေးတွေ မကြာခဏသွားလည်လေ့ရှိတဲ့ သင့်ဆွေမျိုး/မိတ်ဆွေတွေအိမ်မှာ တပ်ဆင်ထားတဲ့ကွန်ရက်တွေကနေတစ်ဆင့် ကလေးတွေရဲ့ အင်တာနက်အသုံးပြုမှုကို ထိန်းချုပ်ကန့်သတ်မှုတွေ သေချာလုပ်သင့်ပါတယ်.... ဖုန်းနဲ့ အင်တာနက်မသုံးဖို့လည်း စီမံထားသင့်ပါတယ်...

၁၀) သင့်ကလေး အသက် ၃ နှစ်သား ရောက်တဲ့အချိန်မှာ သူတို့ရဲ့ လိင်အင်္ဂါတွေကို မှန်မှန်ကန်ကန် ဆေးကြောသန့်စင်တတ်အောင် သင်ပေးရပါမယ်... အဲ့ဒီနေရာတွေကို သင်အပါအဝင် ဘယ်သူကမှ မထိတွေ့ မကိုင်တွယ်စေဖို့လည်း မှာကြားထားရပါမယ်... (ပြဿနာတွေရဲ့ အရင်းခံက အိမ်တွင်းကစတတ်တယ်ဆိုတာကို သတိပြုစေချင်ပါတယ်...)

၁၁) သင့်ရင်သွေးတွေရဲ့ ဆင်ခြင်တုံ့တရားအပေါ် ခြိမ်းခြောက်နိုင်တဲ့ အရာဝတ္ထုပစ္စည်းတွေ... အပေါင်းအသင်းတွေ (သီချင်း၊ ရုပ်ရှင်၊ မိတ်ဆွေသူငယ်ချင်းနဲ့ မိသားစုဝင်များအပါအဝင်) ကို စာရင်းပြုစုပြီး စောင့်ကြည့်ထိန်းချုပ်ထားဖို့လိုပါမယ်...

၁၂) သင့်ကလေးက တစ်ယောက်ယောက်အကြောင်း တိုင်တန်းပြောဆိုလာခဲ့ရင် စိတ်မဝင်စားဘဲ နှုတ်ဆိတ်နေတာမျိုး မလုပ်ပါနဲ့... ပြဿနာကိုလေ့လာပြီး သူတို့ကို သင်အကာအကွယ်ပေးနိုင်ကြောင်း သက်သေပြရပါမယ်...

----------------------------------------------------------------
Ref: Zindagi Gulzar Hai