(ဘာကြောင့် why)

Nine Nine Sanay @ နိုင်းနိုင်းစနေ

(၁) တစ်ချို့က လှပတဲ့ ရှုခင်းကို မမြင်ရဘူး။
တစ်ချို့က အသံကို မကြားရဘူး။
တစ်ချို့က သီချင်းဆိုမရဘူး၊ ဖွင့်ပြောလို့မရဘူး။
တစ်ချို့က ပန်းရနံ့ကို မရူရိူက်နိုင်ဘူး။
တစ်ချို့က ပြေးလွှားဆော့ကစားလို့ မရဘူး။
တစ်ချို့က ဖိနပ်စီးဖို့ ခြေထောက်မရှိဘူး။
ဒါနဲ့များ ဘာဖြစ်လို့ တိမ်အမြင့်ပေါ် ငှက်တစ်ကောင်လို
ငါ မပျံသန်းနိုင်သလဲလို့ အမြဲညည်းတွားနေသေးလဲ...

(၂) လူတစ်ယောက်မှာ ပါးစပ်ပေါက် တစ်ပေါက်ပဲပါတယ်။
ဒါနဲ့များ ဘာဖြစ်လို့ ဒီလောက်များတဲ့ ပုံစံမတူ ကော်ဖီခွက်ကို လိုနေကြတာလဲ...

(၃) ကမ္ဘာမှာ ဘာဖြစ်လို့ ဒီလောက်များတဲ့ စစ်ပွဲတွေရှိရတာလဲ၊
ဘာဖြစ်လို့ အချင်းချင်း သတ်ဖြတ်ကြရတာလဲ၊
တီဗွီမှာ ဘာဖြစ်လို့ ကြောက်စရာကောင်းတဲ့ ရုပ်ပုံကိုပဲ ထပ်တလဲလဲ လွှင့်နေရတာလဲ၊
ကလေးငယ်ရဲ့ ဖြူစင်တဲ့ စိတ်ဝိညာဉ်ကိုကာကွယ်ဖို့ လူတွေမေ့နေခဲ့ကြပြီလား၊
အိပ်မက်ဆိုးတွေ မက်မှာစိုးလို့ အိပ်ရမှာကိုကြောက်ခဲ့ပေမယ့် အိပ်မက်ထဲမှာပဲ
လိုချင်တဲ့ လှပငြိမ်းချမ်းတဲ့ကမ္ဘာကို ငါတွေ့နိုင်ခဲ့တယ်။

(၄) ဘာဖြစ်လို့ အစက လက်ထပ်ခဲ့ရတာလဲ၊
ဘာဖြစ်လို့ ခုချိန်မှာ ကွာရှင်းရတာလဲ၊
ဒီလိုဖြစ်မယ်မှန်း အစကကြိုသိခဲ့ရင် အမေတို့ လက်ထပ်ခဲ့ဦးမလား၊
လမ်းခွဲမယ်လို့ အစကကြိုသိခဲ့ရင် ကျွန်မကိုမွေးခဲ့ကြဦးမလား၊
သက်ဆုံးထိတိုင် ကျွန်မဝမ်းနည်းမှာကို ဂရုစိုက်မိမလား၊
သက်ဆုံးထိတိုင် ကျွန်မဝမ်းနည်းမယ်ဆိုရင် အမေတို့ပြန်ကြင်နာကြမလား၊
ဘာဖြစ်လို့ ကျွန်မရဲ့မျက်ရည်တွေက
ရုပ်ရှင်ရုံအမှောင်ထဲရောက်မှ စီးကျရတာလဲ။

(၅) နေရောင်နောက်မှာ အရိပ်ပုန်းနေတယ်
ပျော်ရွှင်ခြင်းနောက်မှာ ဝမ်းနည်းခြင်းပုန်းနေတယ်
မာန်တက်ခြင်းနောက်မှာ ယုတ်ညံ့ခြင်းတွေပုန်းနေတယ်
တိမ်မည်းရဲ့နောက်မှာ လမင်းပုန်းနေတယ်

ဒီလိုဆိုရင် "နောက်ကျော" က ဘယ်သူ့နောက်မှာ သွားပုန်းနေရမလဲ..

(၆) ငါ နင့်ကိုချစ်တယ်
ငါ နင့်ကိုမချစ်ဘူး
ငါ နင့်ကိုချစ်တယ်
ငါ နင့်ကိုမချစ်ဘူး
ငါ နင့်ကိုချစ်တယ်
ငါ နင့်ကိုမချစ်ဘူး
ရှုပ်ထွေးတဲ့ အချစ်လောကထဲမှာ
ဘာဖြစ်လို့ ပျင်းရိဖို့ကောင်းလောက်တဲ့ ဒီအဖြေနှစ်ခုပဲ ရှိခဲ့တာလဲ...

(၇) မုသားတစ်ခုပြောရင်
နောက်မုသားတစ်ခု ထပ်ပြောရတယ်
ဆက်ပြီး နောက်(၃)ခု ထပ်ပြောရတယ်
နောက်ဆုံး မရပ်မနား ဆက်ပြောသွားဖို့ရှိတယ်။
ဘာအတွက်ကြောင့်လဲ...

*** ထိုင်ဝမ်စာရေးဆရာ၊ ပန်းချီဆရာ Jummy (幾米) သရုပ်ဖော်တဲ့ ဒီစာအုပ်ရဲ့နာမည်ကို "ဘုကွာရဲ့ကမ္ဘာ" 布瓜的世界လို့ အမည်ပေးထားပါတယ်။ (ဘုကွာ = တရုတ်လိုက အဝတ်နဲ့လုပ်ထားတဲ့ အသီးလို့ အဓိပ္ပါယ်ရပါတယ်)။ ပြင်သစ်စကား "Pourquoi" (ဘာကြောင့် why) ဆိုတဲ့ အသံထွက်နဲ့ တူအောင်ပေးထားတာဖြစ်တယ်။ ဒီစာအုပ်ကို ၂ဝဝ၂ခုနှစ် စင်တာဘာလ ၃ဝရက်နေ့မှာ ဖြန့်ဝေခဲ့ပါတယ်။ "ဘာကြောင့်" ဆိုတဲ့စကားကို လူတိုင်းသုံးဖြစ်ကြပါလိမ့်မယ်။ ဂျင်မီကတော့ "ဘာကြောင့်"ဆိုတဲ့ စာနှစ်လုံးနဲ့ စာအုပ်တစ်အုပ် ဖန်တီးနိုင်ခဲ့ပါတယ်။ "ဘာကြောင့်" က ဒီလောက်တောင် အရေးပါခဲ့သလား...

စာအုပ်ထဲက ကျွန်မကြိုက်နှစ်သက်မိတဲ့ စာတစ်ချို့ကို ဘာသာပြန်မျှဝေလိုက်ပါတယ်။

နိုင်းနိုင်းစနေ (Friday, September 16, 2011)