Tagore and Bengali တဂိုး နဲ့ ဘင်္ဂါလီ

Tint Swe

 

Tagore and Bengali တဂိုး နဲ့ ဘင်္ဂါလီ

အသိလူရွယ်ယောက်ကနေ ဖေ့စ်ဘွတ်မှာ ဗုဒ္ဓအဆုံးအမတွေကို တင်လေ့ရှိပါတယ်။ အခုနေအခါ သူ့သွေးကို ပြောရမှာတောင် လက်တွန့်နေမိတယ်။ သူက (ဘင်္ဂါလီ+မြန်မာ) ဖြစ်ပါတယ်။ ရခိုင်ဒေသ အရေးအခင်းနောက်ပိုင်မှာ အစိုးရကိုယ်တိုင်သုံးတဲ့ ‘ဘင်္ဂါလီ’ ဆိုတာ မမှန်ကြောင်း ရေးခဲ့ဘူးပါတယ်။

• Bengali ‘ဘင်္ဂါလီ’ ဟာ ကနေ့ ‘ဘင်္ဂလားဒက်ရှ်’ နဲ့ အိန္ဒိယ ‘အနောက်ဘင်္ဂလား’ ပြည်နယ်မှာ နေထိုင်သူတွေ ပြောနေတဲ့ စကားဖြစ်တယ်။ 
• Bengal ‘ဘင်္ဂလား’ ‘ဘင်္ဂေါလ်’ ဆိုတာ ပြောတဲ့ဘာသာစကားနဲ့ နေရာဒေသကိုပါ ခေါ်တယ်။
• Bengal ‘ဘင်္ဂေါလ်’ ဆိုတာက ဒေသ။ အခုက တနေရာထဲမဟုတ်တော့ပါ။ အိန္ဒိယ ‘အနောက် ဘင်္ဂလား’ ပြည်နယ်နဲ့ ‘အရှေ့ဘင်္ဂလား’ ကနေ Bangladesh ‘ဘင်္ဂလားဒက်ရှ်’ ဖြစ်သွားပြီ။
• Bay of Bengal ကို မြန်မာပထဝီစာအုပ်နဲ့ မြေပုံတွေမှာ 'ဘင်္ဂလားပင်လယ်အော်' လို့ ရေးတယ်။
• Bengali ‘ဘင်္ဂါလီ’ လူမျိုးတွေဟာ အိန္ဒိယ အနောက်ဘင်္ဂလားပြည်နယ်နဲ့ ဘင်္ဂလားဒက်ရ်ှမှာ နေထိုင်ကြတယ်။ ဒါ့ပြင် အိန္ဒိယနိုင်ငံထဲက ‘ပန်ဂျပ်’၊ ‘ဟာရီယာနား’ နဲ့ ‘ဥတ္တရာပရာဒက်’ ပြန်နယ်တွေမှာလဲ နေတယ်။
• West Bengal အိန္ဒိယ ‘အနောက်ဘင်္ဂလား’ ပြည်နယ်မှာနေထိုင်သူတွေက ‘ဟိန္ဒူ’ ဘာသာကို အများဆုံး ကိုးကွယ်ကြပြီး ဘင်္ဂလားဒက်ရ်ှမှာ နေထိုင်သူတွေက ‘မွတ်ဆလင်’ တွေအများစုဖြစ်ကြတယ်။

ဘင်္ဂလားဒက်နိုင်ငံမှာ ‘ဘင်္ဂါလီ’ လူမျိုးဟာ ၉၈% ဖြစ်တယ်။ ‘ဘင်္ဂါလီ’ စကားပြောသူဟာလည်း ၉၈% ရှိတယ်။ ကိုးကွယ်တဲ့ ဘာသာမှာ ၈၉့၅% က မွတ်ဆလင်တွေဖြစ်တယ်။ ဟင်ဒူ ၉့၅%၊ ဗုဒ္ဓဘာသာ ဝ့၇% နဲ့ ခရစ်ယန် ဝ့၃%၊ ရှိတယ်။

ဘင်္ဂလားဒက်နိုင်ငံ Chittagong Hill Tracts စစ်တကောင်း တောင်တန်းဒေသမှာ တခြားလူမျိုးတွေပါ နေထိုင်ကြပါတယ်။ Chakma (Changhma) ‘ချက်ကမာ’ က အများစုဖြစ်တယ်။ သူတို့က ‘တိဘက်တို-ဘာမင်း’ လူမျိုးနွယ် ဖြစ်ကြတယ်။ ‘ချက်ကမာ’ နဲ့တူတာကို မြန်မာပြည်မှာ Daingnet ‘ဒိုင်းနက်’ လူမျိုးလို့ခေါ်တယ်။ ထေရဝါရဗုဒ္ဓဘာသာကို ကိုးကွယ်ကြတယ်။ မူရင်းက ရခိုင်လူမျိုးကနေဆင်းသက်ပြီး နောက်မှသာ ဘင်္ဂလားကို ရွေ့တယ်လို့လည်း ယုံကြည်ကြတယ်။ ရခိုင်တွေက သူတို့ကို Saks or Theks ‘သက်’လူမျိုးလို့ခေါ်တယ်။ အိန္ဒိထဲက ‘တရိပူရ’၊ ‘မီဇိုရမ်’ နဲ့ ‘အရူနာချာပရာဒက်’ ပြည်နယ်တွေမှာလဲ ‘ချက်ကမာ’ တွေ နေထိုင်ကြတယ်။

မြန်မာနိုင်ငံ ချင်းပြည်နယ်က တီးတိန် နဲ့ တွန်းဇံမှာ ပင်မနေထိုင်ကြတဲ့ Zomi ‘ဇိုမီး’ လူမျိုးတွေဟာ အိန္ဒိယနိုင်ငံ မဏိပူပြည်နယ်ထဲမှာလဲ နေထိုင်ကြတယ်။ ‘ဇိုမီး’ လူမျိုးတွေဟာ ဘင်္ဂလားဒက်နိုင်ငံ၊ စစ်တကောင်း တောင်တန်းဒေသ မှာလဲ ရှိကြသေးတယ်။ တခြားတိုင်းပြည်တွေ (ယူအက်စ်၊ သြစတြေးလျ၊ မလေးရှား) မှာလဲ မနည်းတော့ဘူး။

ဘင်္ဂါလီသွေးပါသူတွေထဲမှာ နာမည်ကြီးသူတချို့ကို မြန်မာပြည်ကလူတွေ သိကြပါမယ်။ ကဗျာဆရာကြီး ‘ရာဘန္ဒြာ နတ်(သ်) တဂိုး’ နဲ့ နိုဗယ်ဆုရ စီးပွါးရေးပညာရှင် ‘အမာတီယာဆန်’ တို့က အိန္ဒိယနိုင်ငံသား ဘင်္ဂါလီတွေနဲ့ ‘ဂိုရှယ်’ က မြန်မာနိုင်ငံသား ဘင်္ဂါလီ ‘ဗကပ’ က ရဲဘော်ဘတင် ဖြစ်ပါတယ်။ တဂိုး (၁၈၆၁-၁၉၄၁) ရှိတုံးက ဘင်္ဂလားဒက် (၁၉၇၁) ဆိုတာ မဖြစ်သေးလို့ သူဟာ ဗြိတိသျှအိန္ဒိယနိုင်ငံသားဖြစ်တယ်။

Bengali ‘ဘင်္ဂါလီ’၊ Bengal ‘ဘင်္ဂလား’ နဲ့ Bangalore ‘ဘန်ဂလို’ မတူကြပါ။ ‘ဘန်ဂလို’ ဆိုတာ အိန္ဒိယတောင်ပိုင်း ‘ကနာတာကာ’ ပြည်နယ်မြို့တော်ဖြစ်ပြီး အိန္ဒိယရဲ့ Silicon Valley of India ‘စီလီကွန်ဗယ်လီ’ လို့ တင်စားခေါ်တယ်။ အမေရိကားနဲ့အပြိုင် IT နည်းပညာ ထွန်းကားရာဖြစ်လို့ပါ။ ဘာသာပြန်စာအုပ်တအုပ်မှာ ဘင်္ဂလားနဲ့ မှားပြန်ထားတာ တွေ့ပါတယ်။

Bangladesh ‘ဘင်္ဂလားဒက်’ ဆိုတာ တိုင်းပြည်။ Bangladeshi ‘ဘင်္ဂလားဒက်ရှီ’ ဆိုမှ လူမျိုး။ Myanmar ဆိုတာကို တိုင်းပြည်ရော၊ လူမျိုးရော၊ စာရော၊ စကားပါ အစိုးရက မသုံးမနေရလုပ်ထားတယ်။ အိန္ဒိယသုံး အင်္ဂလိပ်နဲ့ကြ မြန်မာလူမျိုးကို Myanmarese တဲ့။ အင်္ဂလိပ်ဘာသာစကား အစစ်သုံးသူတွေကတော့ Myanmar ဆိုတာကို မျက်စိလည်နေကြတုံးဘဲ။ နာမ်လား၊ နာမဝိသသနလား ရောနေတယ်။

‘ဘင်္ဂလားမောင်နှမ’ ဆိုတဲ့အသုံးအနှုန်းကို တချို့နေရာတွေမှာ သုံးတယ်။ တကယ် မစစ်တဲ့သဘောကို ပြောချင်တာပါ။

ဒေါက်တာတင့်ဆွေ
၂၉-၆-၂ဝ၁၄