ပြည်သူပေးသည့်ဆုနှင့် မြန်မာ့အဆင်း လင်းစေခဲ့သူ နန်းခင်ဇေယျာ

နန်းခင်ဇေယျာဖေ့ဘုစ်မှ

လွန်ခဲ့သည့် တစ်လလောက်အထိ သူမကိုသိရှိသူ နည်းပါသည်။ ပြိုင်ပွဲဝင်ရန်အတွက် ဂျပန်နိုင်ငံသို့ သူမ ထွက်ခွာခဲ့စဉ်ကလည်း အုတ်အုတ်သဲသဲ မဖြစ်ခဲ့။

သို့သော် ရန်ကုန်အပြည် ပြည်ဆိုင်ရာလေဆိပ်အတွင်း ရှမ်း အိုးစည်သံက တလွင်လွင်၊ မောင်းသံက တနောင်နောင်၊ ပအိုဝ်းတိုင်းရင်းသား ဝတ်စုံအနက်က ကင်မရာမီးေ ရာင် အောက်တွင် တောက်ပနေသည်။သူမသည် ထင်ရှားသော နိုင်ငံရေး သမားတစ်ဦးမဟုတ်။ အောင်မြင် ကျော်ကြားသော အနုပညာရှင်တစ်ဦး လည်း မဟုတ်ပါ။ သို့သော် သူမကို ချစ်ကြသည်။ လှိုက်လှိုက်လှဲလှဲ အားပေး ခဲ့ကြသည်။ ဤနေ့ဤနေရာသို့လည်း တကူးတကလာရောက်၍ ကြိုဆိုကြ သည်။ အဘယ့်ကြောင့်ဟူသော အဖြေကရှိနှင့်ပြီးသား ဖြစ်ပါသည်။
”မြန်မာ …”
တကယ်တော့ ရှမ်းပအိုဝ်းတိုင်းရင်း သူလေး နန်းခင်ဇေယျာသည် မြန်မာ ဟူသော တိုင်းပြည်နှင့်လူမျိုးကို ကိုယ် စားပြု၍ နိုင်ငံတကာအလှမယ်ပြိုင်ပွဲသို့ နှစ်ပေါင်း ၅ဝ ကျော်အတွင်း ပထမဆုံး အနေဖြင့် ဝင်ရောက်ယှဉ်ပြိုင်ကာ အောင်ပွဲရ ဂုဏ်တင့်စေခဲ့သောကြောင့် ဖြစ်သည်။ အောင်မြင်မှုကို ငတ်မွတ်နေသော အထီးကျန်နောက် ကျခြင်းများစွာဖြင့် ပိတ်လှောင်နေသော မြန်မာလူမျိုးများ အတွက် ကမ္ဘာ့အလယ်တွင် မြန်မာဟု ဝင့်ကြွားနိုင်ခဲ့သော အခွင့်အရေးက တန်ဖိုးကြီးမားပါသည်။တို့မြန်မာ ကို အားပေးကြပါဆိုသော အင်တာနက်မှ နှိုးဆော်မှုများ၊ ဆိုးရွားစွာ လေးလံသော အင်တာနက်ကွန်နက်ရှင် ကို အန်တုကာ နေ့စဉ်ညဆက်မဲပေးသည့် ကလစ်ခေါက်သံများ၊ အားမလို အားမရ ညည်းညူမှုများ၊ သူမ၏ ဓာတ်ပုံများဖြင့် ပြည့်လျှံခဲ့သော ဖေ့စ်ဘွတ်စာမျက်နှာများ သည် သူမ၏အလှကြောင့် မဟုတ်။ ညစ်ညမ်းသော အာသာဆန္ဒေ ကြာင့် မဟုတ်။Miss Internet ဆုနှင့် Miss International 2012 People’s Choice Award ဆုများ ရရှိစေခဲ့ သော အင်တာနက်မှ မဲသန်း ၂ဝ သည် မြန်မာ ဟူသော ဂုဏ်သိက္ခာ အတွက်သက်သက်သာဖြစ်ပါသည်။

”သူနဲ့ မသိပါဘူး။ စတွေ့ချိန် ကတည်းက နေ့တိုင်းအချိန်ပေးပြီး မဲပေးခဲ့တယ်။ ဒါမျိုးချစ်စိတ်ကြောင့် ပါ”ဟုWe Love You Nang ဟု ရေးသားသည့် စာရွက်နှင့်နှင်းဆီ အနီလေးတစ်ပွင့်ကိုကိုင်ကာ နန်း ခင်ဇေယျာ၏အိမ်အပြန်ကို လေဆိပ် တွင်တကူးတကကြိုလင့်နေသော မမေမီဦးက အပြုံးဖြင့်ဆိုသည်။ရိုးစင်းလှပသော မိုးပြာရောင် မြန်မာဝတ်စုံပေါ်တွင် ”12 Miss INTERNET” ဟူသော စလွယ်ကို ဆင်ထားပြီး ရှေ့သို့ တစ်ခြမ်းဝဲကျနေ သည့် ဆံပင်ရှည်နန်းခင်ဇေယျာ၏ မျက်နှာပေါ်မှ အပြုံးတို့က ပီတိဖြင့် ရွှန်းစိုနေပါသည်။ သူမ၏ ပါးနှစ်ဖက် တွင် ဂုဏ်ပြုအနမ်းဖြစ်သော နှုတ်ခမ်းနီတို့က ဘယ်ညာ။ ”အခုဆိုရင် မြန်မာကိုကမ္ဘာက သိနေပါပြီ။ သူသွားပြိုင်တုန်းက ဟို က Missတွေက မြန်မာဆိုတာကို မဖတ်တတ်ကြဘူး။ ညီမတို့ မြန်မာ နိုင်ငံကVote တွေ လုပ်ပေးကြမှ မြန်မာဆိုတာ ဘယ်တစ်ယောက် တုန်းဆိုပြီး လာကြည့်ကြ ၊ လေးစားမှု ပေးကြပါတယ်”ဟု နန်းခင်ဇေယျာ ကလေဆိပ်အတွင်း သတင်းသမား များ၏အလယ်တွင် ပြောခဲ့သည်။ ”ဒီဆုက မြန်မာတစ်နိုင်ငံလုံး ကချစ်လို့ပေးခဲ့တာပါ” ဟုလည်း သူမ က ချစ်စဖွယ်အပြုံးဖြင့်ဆိုသည်။ အသက် ၂၄ နှစ်အရွယ်ရှိ ရှမ်းပအိုဝ်းလူမျိုး နန်းခင်ဇေယျာ သည် အင်္ဂလိပ်နှင့် ဂျာမန်ဧည့် လမ်းညွှန်အဖြစ် လုပ်ကိုင်ခဲ့သြူ ဖစ် ပြီး ယခုနှစ်မတ်လတွင် မြန်မာနိုင်ငံ ခရီးသွားလုပ်ငန်းအဖွဲ့ချုပ်မှ ပြုလုပ် ခဲ့သည့် အလှမယ်ပြိုင်ပွဲတွင် Miss Myanmar International ဆုကို ရ ရှိခဲ့သည်။ ထိုဆုသည်ပင် ဂျပန်နိုင်ငံ အိုကီနာဝါမြို့တော်တွင် ကျင်းပခဲ့ သည့်Miss International 2012 ပြိုင်ပွဲဝင်ရန် အဓိကအကြောင်းရင်း ဖြစ်ခဲ့သည်။

မဲ သန်း ၂ဝ ကျော်ဖြင့် သူမ ရရှိခဲ့သည့်Miss Internet နှင့်Miss International 2012 People’s Choice Award ဆုနှစ်ခု မှာ အင်တာနက်မှ မဲပေးခဲ့သည့် ပြည် တွင်း ပြည်ပမှ မြန်မာလူမျိုးတို့၏ တစ်ခဲနက် အားပေးမှုကြောင့် ဖြစ်ပြီး မြန်မာနိုင်ငံ၏ အင်တာနက်ထွန်း ကားမှုကာလတစ်လျှောက် ထူးခြား စွာ စံချိန်တင်ခဲ့သည့်အဖြစ်ဟု လည်း ဆိုနိုင်သည်။ ထိုကဲ့သို့ မဲပေးမှုကြောင့် Miss International အဖွဲ့၏ တရားဝင် မဲပေးနိုင်သော www.fliekr.com ၌ပင် အကောင့်သစ်တစ်ခု ထပ်မံဖွင့် ခဲ့ရ သည်အထိ ဖြစ်ခဲ့ရသည်။အဆိုပါကာလတွင် ပြည်တွင်း ၌ သုံးစွဲသူ ခြောက်သိန်းနီးပါးရှိ သော ဖေ့ဘွတ်စာမျက်နှာများ၌ မဲပေးရန်အတွက် အဓိက ဦးဆောင် လှုပ်ရှားခဲ့သူ များလည်းရှိပါသည်။ ထိုပုဂ္ဂိုလ်များအနက် ဖေ့ဘွတ် Friends ၄၉၉၉ ယောက်နှင့် Subscribers လုပ်ထားသူ၁၆ဝ၅၇ ဦးရှိသော အဘဥက္ကာကိုကို၏ အားထုတ်မှုမှာ သိသာထင်ရှားခဲ့ပြီး ထိရောက်မှုလည်း ရှိခဲ့သည်။

ယင်းအတွက် အဘဥက္ကာကို ကိုအား ဆက်သွယ်မေးမြန်းခဲ့ရာ ”ကမ္ဘာမှာ မြန်မာဟေ့ဆိုတဲ့ အသိက ဒီကာလမှာ အရမ်းနိုးကြားလာကြ တာ သိသာပါတယ်။ နန်းခင်ဇေ ယျာ ဝင်ပြိုင်ပြီလို့ သိလိုက်ရတဲ့ အချိန်မှာ မြန်မာတွေ ဝန်းရံပေးခဲ့ ကြတယ်။ဦးသိန်းစိန်တုန်းကလည်း Vote လုပ်ခဲ့ပေးခဲ့ကြတာပဲလေ။ ကမ္ဘာ့ပြိုင်ပွဲမှာ မြန်မာပြည်ကို ကိုယ်စားပြုပြီး သွားပြိုင်ကြတဲ့ မြန်မာမယ်တစ်ယောက်ကို ဒီနိုင်ငံ သားတွေမှ ဒီလို အားပေးမှုမရှိရင် ဘယ်နိုင်ငံက လာအားပေးကြ မှာလဲ”ဟု အောက်တိုဘာ ၂၃ ရက်
ညနေပိုင်းက ပြောခဲ့သည်။အဓိကအားဖြင့် မြန်မာတိုင်း ရင်းသူတစ်ဦး ဖြစ်သည့်အတွက် ဆု တစ်ခုခု ရစေလိုသောဆန္ဒ ရှိကြ ကြောင်း၊ ထို့ကြောင့် ကမ္ဘာ့အလယ် တွင် မြန် မာဆိုသည် အောက်ကျ နောက်ကျမဖြစ်စေလိုသည့် စိတ် များဖြင့် ကျားမ မရွေး Voteလုပ် အားပေးခဲ့ကြခြင်း ဖြစ်သည်ဟု သူက ဆိုပါသည်။ ”ကျွန်တော်က တစ်ဖက် တစ် လမ်းကနေ ကူညီလိုက်တာပါ။ ကျွန်တော့်စာမျက်နှာမှာ လူများ တယ်။ လူတွေများများသိရင် သူ့ အတွက် အဆင်ပြေမယ်။ အဲဒါ ကြောင့် ပြိုင်ပွဲပြီးတဲ့အထိ သူ့ကို ကြေညာပေးနေခဲ့တယ်။ သူ့နေရာ မှာတခြားတစ်ယောက်ဆိုရင်လည်း အားလုံးက ဝန်းရံလာကြဦးမှာပဲ။ အင်တာနက်နှုန်း အရမ်းနှေးတဲ့ နိုင်ငံက မယ်တစ်ယောက် ကMiss Internet ဆုရသွားတယ်ဆိုတာ တော်တော် ပြောင်မြောက်တဲ့ အောင်မြင်မှုပဲ”ဟု အဘဥက္ကာကိုကို ကပြောသည်။ ၄င်းနည်းတူ အင်တာနက်တွင် ပြည်တွင်ြး ပည်ပ မိတ်ဆွေများ ပူး ပေါင်းကာ နေ့ညအချိန်ခွဲ၍ နန်းခင် ဇေယျာအား Vote လုပ်ခဲ့ကြပြီး ”ဇေယျာစစ်ဆင်ရေး’ဟု နာမည်ရ ခဲ့သည့်ဒေါ်သစ်သစ်မြင့်ဆိုင်ကလည်း အောက်တိုဘာ ၂၃ ရက် နံနက်က လေဆိပ်တွင်လာရောက် ကြိုဆိုရင်း ဂုဏ်ပြုအနမ်း ပေးခဲ့သည်။

”ဒီပွဲက နန်းခင်ဇေယျာတစ် ယောက်ရဲ့ အောင်ပွဲမဟုတ်ဘူး။ ကျွန်မတို့ မြန်မာတွေအားလုံးရဲ့ စိတ်ဓာတ်အောင်ပွဲလို့ ထင်တယ်။ အခု ကျွန်မငိုချင်တယ်။ မြန်မာ ပြည်နဲ့ပ တ်သက်ရင် ငိုချင်တယ်။ ဘာလို့ဆို ကျွန်မတို့ မြန်မာတွေက အရမ်းအနှိမ်ခံရတယ်။ အဲဒီလိုဂုဏ်ရှိစရာ တစ်ခုတွေ့တော့ ပီတိ ဖြစ်တယ် ပြောရမလား။ မြန်မာပြည် ကို အမြဲတမ်းပဲ ကမ္ဘာပေါ်မှာ အဲလိုမျိုးပဲ ဖြစ်စေချင်တယ်” ဟု ဒေါ်သစ်သစ်မြင့်ဆိုင်က လေဆိပ် တွင် ဆိုခဲ့သည်။ နန်းခင်ဇေယျာက ကြိုဆိုသူ များကို ယဉ်ကျေးသိမ်မွေ့စွာ ပြုံး ပြရင်း လက်တွင်ကိုင်ထားသည့် ဆုတံဆိပ်များဖြင့် ဓာတ်ပုံအရိုက်ခံ နေသည်။”ကိုယ့်နိုင်ငံအတွက် အကောင်း ဆုံးတွေဖြစ်အောင် ထပ်မံလုပ်ဆောင် သွားမှာပါ”ဟု သူမက ဆိုသည်။ကားပေါ်သို့ အရောက် သူမက ပရိသတ်ဟု ဖလိုင်းကစ် သင်္ကေတကို ပျော်ရွှင်စွာ လုပ်ပြပါသည်။သူမနှင့် မသိကျွမ်းပါဘဲ အင် တာနက်မှ မဲပေးခဲ့ကာ လေဆိပ် တွင် လာကြိုနေသည့် မရမ်းကုန်း မှ အမျိုးသမီးတစ်ဦးကတော့ ”သူ့ ကို ဧည့်လမ်းညွှန်အလုပ်ထဲမှာပဲ ဆက်ရှိနေစေချင်တယ်။ အနုပညာ နောက်ပါပြီး သာယာသွားမှာကို မကြိုက်ဘူး။ ဒါကိုဆက်ထိန်းစေ ချင်တယ်။ ပြီးတော့ ခရိုနီတွေ အဲလိုလူတွေကို ရှောင်ပါလို့ ပြော ချင်တယ်”ဟု ဆိုခဲ့သည်။ထိုနေ့က နန်းခင်ဇေယျာ၊ မြန်မာ၊ မျိုးချစ်စိတ်နှင့် ရှမ်းအိုး စည်သံသည် လေဆိပ်အပြင်ဘက် မှ ကောင်းကင်ယံထိ မြည်ဟီးလျှံဝေ နေဆဲ ဖြစ်သည်။

အောင်ခွန်းဆက်

http://popularmyanmar.com/mpaper/2012/10/%e1%80%bb%e1%80%95%e1%80%8a%e1%80%b9%e1%80%9e%e1%80%b0%e1%80%b1%e1%80%95%e1%80%b8%e1%80%9e%e1%80%8a%e1%80%b9%e1%80%b7%e1%80%86%e1%80%af%e1%82%8f%e1%80%bd%e1%80%84%e1%80%b7%e1%80%b9-%e1%80%bb%e1%80%99/