တက်သစ်စ အဆိုတော်မလေး ပိုပိုနဲ့ ခဏတာ

 

ပြီးခဲ့တဲ့ ဇွန်လက ကျွန်တော့် သူငယ်ချင်းတစ်ယောက်က G-Talk ကနေ လှမ်းမေးတယ်။ သီချင်းနားထောင်မလားတဲ့။ သီချင်းနားထောင်ရတာ ဝါသနာကြီးတဲ့ ကျွန်တော့်ကို ဒီလိုပဲ သီချင်းတွေ ဝေမျှပေးနေကျလေ။ ကောင်းရင် နားထောင်မယ်ဆိုတော့ သီချင်းလေးတစ်ပုဒ် ပို့လိုက်တယ်။

” … တခမ်းတနားထိ မင်းကိုငါ့ရင်ထဲမှာ ချစ်နေပေမယ့် ပြောလို့မထွက်ပါကွယ် .. ငါ့ဘဝထဲ အရှုံးတွေနဲ့ ပြည့်နေတော့လည်း ရှေ့ဆက်မတိုးနိုင်ခဲ့ပါတယ် ..
သူများလိုတော့ မင်းအလိုမဖြည့်နိုင်လည်း အချစ်တော့ပိုမယ် … “

အသံအားကောင်းကောင်းနဲ့ သီဆိုလိုက်တဲ့ သီချင်းသံကြောင့် စိတ်ဝင်စားမှု ရေချိန်အမြင့်ဆုံးကို ရောက်သွားတယ်။ အကြိမ်ကြိမ် အထပ်ထပ် နားထောင်ဖြစ်တယ်။ Delo Delo ပရိသတ်ကြီးအတွက် “ဝေးမယ်” ဆိုတဲ့ ဒီသီချင်းလေးရဲ့ ဖန်တီးရှင် အဆိုတော် ပိုပို (ဝက်ကလေး) ကို ဆက်သွယ် မေးမြန်းခဲ့ပါတယ်။

Q. နာမည်ရင်းက .
A. နာမည်ရင်းက ဝတ်ရည်မိုးပါ။ အနုပညာနာမည်က ပိုပို (ဝက်ကလေး) ပါ
Q. မိဘနှစ်ပါးက .
A. မိဘတွေကတော့ ဦးအောင်ကျော်ဝင်းနဲ့ ဒေါ်အေးအေးသိန်းပါ။ အခုတော့ မရှိတော့ပါဘူး။
Q. မွေးချင်းမောင်နှမတွေက .
A. မွေးချင်းကတော့ တစ်ယောက်တည်းပါ။
Q. အနုပညာလောကထဲကို ဘယ်လိုစတင်ရောက်ရှိခဲ့သလဲ။
A. စတင်ရောက်လာတာက ပြိုင်ပွဲတွေဝင်ရင်း ဆရာဦးစောနုဆီမှာ Vocal သင်ရင်း သီချင်း စရောင်းဖြစ်တယ်ပေါ့နော်။ တက်သစ်စအဆိုတော်တွေနဲ့ မော်ဒယ်တွေကို ရောင်းတာပါ။ အဲလိုကနေ သီချင်းတွေ လုပ်ဖြစ်ရင်း ၂၀၀၉ Valentine’s Day မှာ မျှော်စင်ကျွန်းမှာ စဆိုဖြစ်ရင်းက နယ်ရှိုးတွေလည်း ဆိုဖြစ်တာပါ။ အဲ့ကနေစပြီးတော့ အခုထိ အနုပညာအလုပ်တွေကိုပဲ လုပ်ဖြစ်ပါတယ်။

Q. ခု လက်ရှိ ဘာတွေလုပ်နေလဲ။
A. အခုလက်ရှိကတော့ သီချင်းရေးနေတယ်။ ပြီးတော့ Promotion Show တွေ ရံပုံငွေပွဲတွေ ဆိုဖြစ်တယ်။ ပါတီရှိုးတွေ ဆိုဖြစ်တယ်။ မခင်ဘုဏ်းရဲ့ ဒုတိယအခွေလေးမှာလည်း သီချင်းတစ်ပုဒ် ရေးထားတယ်။ ပြီးတော့ ဇေရဲရဲ့ အခွေမှာလည်း Featuring ဝင်ဆိုပေးထားတယ်။ ပြီးတော့ သူငယ်ချင်း BK နဲ့ Simpleလေး လုပ်မလို့ စိတ်ကူးနေပါတယ်။

Q. ဘာအနုပညာလှုပ်ရှားမှုတွေ ဆက်လုပ်ဖို့ စဉ်းစားထားလဲ။
A. ထွေထွေထူထူးတော့ မဟုတ်ပါဘူး။ အတွဲခွေလေး ထွက်နိုင်ပြီဆိုရင် ညီမ တစ်ကိုယ်တော်ကို စလုပ်မှာပါ။ အခုကတည်းကတော့ လုပ်နေပါတယ်။ ဒါပေမယ့် နည်းနည်းတော့ ကြာမှာပါ။ ကြိုစားနေပါတယ်။ အခု လောလောဆယ်တော့ Vocal ကျင့်နေပါတယ်။ ပြီးတော့ Piano ကောင်းကောင်းတီးတတ်အောင် သင်ဦးမယ်။ ပြီးတော့ Notes လည်း သင်မယ်။ ဟာမိုနီလည်း မရသေးလို့ သင်မှာပါ။ ပြီးတော့ Music နဲ့ ပတ်သက်လို့ တော်တော်များများ သင်ချင်ပါတယ်။ ညီမက တခါတလေ စိတ်ကူးမိတာက Own Band တစ်ခုမှာ Second Guitarist ဖြစ်ချင်တာလေ။ ဟဲ ဟဲ ဒါတောင် Notes မဖတ်တတ်သေးတာက ခက်တယ်။ တခြား အနုပညာ အလုပ်ကတော့ မလုပ်ဖြစ်သေးပါဘူး။ သီချင်းတွေကိုပဲ ဇောက်ချပြီး လုပ်နေပါတယ်။

Q. ဘယ်သူတွေကို အားကျ အတုယူသလဲ။
A. မတင်ဇာမော်ကို သဘောကျတယ်။ မဆုန်သင်းပါရ်ရဲ့ အသံကို အရမ်းကြိုက်တယ်။ မသျှီတို့ဆို လုံးဝ အသံမကျဘူး။ အရမ်းအားကျတယ်။ သူတို့လိုဖြစ်ဖို့ တော်တော် ကြိုးစားရဦးမယ်ထင်တယ်။ လေးစားတာလည်း ပါတယ်။

Q. အင်တာနက်ရော သုံးဖြစ်လား။
A. အင်တာနက်ကတော့ အမြဲသုံးဖြစ်ပါတယ်။ ဟဲ ဟဲ အားတိုင်းပေါ့။

Q. အင်တာနက်နဲ့ ပတ်သက်ပြီး ဘယ်လိုမြင်လဲ။
A. အင်တာနက်ကလား ကောင်းတာလုပ်ရင် ကောင်းတာပဲ ဖြစ်တာပေါ့။ ညီမအတွက်တော့ အသုံးဝင်ပါတယ်။ သီချင်းဖြန့်ရတာက အမြတ်ပဲလေ။ ကျန်တာတော့ အထွေအထူး စကားမပြောဖြစ်ပါဘူး။ Facebook သုံးရတာလည်း သဘောကျတယ်လေ။ လူတွေနဲ့လည်း ဆက်သွယ်ရတာ အဆင်ပြေပါတယ်။

Q. စိတ်ကူးထဲက အိပ်မက်က .
A. ဘဝတလျှောက်လုံးမှာ အောင်မြင်ပြီး သူများတွေ လေးစားရတဲ့ အဆိုတော်တစ်ယောက် ဖြစ်ချင်တယ်။

Q. ခုချိန်မှာ အလုပ်ချင်ဆုံးက .
A. အခုချိန်မှာ အလုပ်ချင်ဆုံးကတော့ တစ်ကိုယ်တော်ခွေလေးပါပဲ။ ပြီးတော့ ခရီးထွက်ချင်တယ်။

Q. Delo Delo ပရိသတ်ကြီးအတွက် ဘာတွေ စကားလက်ဆောင် ပါးချင်ပါသေးလဲ။
A. Delo Delo ပရိသတ်တွေလည်း ပျော်ရွှင်ကြပါစေ။ ပိုပို့ကို အားပေးတဲ့အတွက်လည်း ကျေးဇူးတင်ပါတယ်။ အနုပညာအလုပ်တွေကို အမြဲကြိုးကြိုးစားစား လုပ်နေမှာပါ။ အားလုံးလည်း ပျော်ရွှင်ကြပါစေလို့ ပြောချင်ပါတယ်။ အခုလို မေးပေးတဲ့ Delo Delo ကိုလည်း ကျေးဇူးတင်ပါတယ်။ အမြဲအောင်မြင်တဲ့ ဆိုက်ဖြစ်ပါစေလို့ ပြောချင်ပါတယ်။

ကျေးဇူးတင်ပါတယ် ညီမလေးရေ။ ညီမလေး မျှော်မှန်းတဲ့အတိုင်းအောင်မြင်တဲ့ အနုပညာရှင်တစ်ယောက် ဖြစ်လာပါစေလို့ ဆုတောင်းပေးလိုက်ပါတယ်။

အဆိုတော် ပိုပို (ဝက်ကလေး) နဲ့ BK တို့ သီဆိုထားတဲ့ “ဝေးမယ်” ဆိုတဲ့ သီချင်းကို ဒီနေရာကနေ ရယူနားဆင်နိုင်ပါတယ်။

1. BK BOUNCE-1 WAY MAL

Play Pause

Stop

Next»

«Prev

00:34

02:16

Playing

HIDE PLAYLIST

• 1. BK BOUNCE-1 WAY MAL
• 2. BK BOUNCE-1 WAY MAL2

Hollinaz

http://www.delodelo.com/news/local/%e1%80%90%e1%80%80%e1%80%b9%e1%80%9e%e1%80%85%e1%80%b9%e1%80%85-%e1%80%a1%e1%80%86%e1%80%af%e1%80%ad%e1%80%b1%e1%80%90%e1%80%ac%e1%80%b9%e1%80%99%e1%80%b1%e1%80%9c%e1%80%b8-%e1%80%95%e1%80%ad%e1%80%af/ မှ