"အောင်မြင်မှုပန်းတိုင်သို့ တက်လှမ်းခြင်း "

Richard Michael William was feeling motivated.

( အရမ်း ဖတ်သင့်တဲ့စာလေးမို့ Share ထားလိုက်ပါ )
"အောင်မြင်မှုပန်းတိုင်သို့ တက်လှမ်းခြင်း "
---------------------------------------------------

လူတစ်ယောက်ကို ချစ်မြတ်နိုးဖို့ဆိုရင် နှလုံးသား သန်စွမ်းမှုရှိဖို့လိုအပ်ပါတယ်။ မိတ်ဆွေကို နာကျင်အောင်လုပ်သွားသော လူတစ်ယောက်ကို ချစ်မြတ်နိုးဖို့ဆိုရင် ပိုပြီးသန်စွမ်းမှုရှိတဲ့ နှလုံးသားလိုအပ်ပါတယ်။ တစ်စုံတစ်ယောက်က မိတ်ဆွေကို နာကျင်အောင်လုပ်ရင် အသဲခွဲရင် သစ္စာဖောက်တဲ့အခါ သူတို့ကို ခွင့်လွတ်နိုင်တဲ့ စွမ်းရည်လိုအပ်ပါတယ်။ ချက်ချင်းကြီးတော့ ဖြေဖျောက်ဖို့ဆိုတာ မဖြစ်နိုင်ပေမယ့် တဖြည်းဖြည်းနားလည်ပေးနိုင်လာမှ ပြေပျောက်သွားမှာပါ။ နားလည်ပေးနိုင်လာမှုကလည်း ခွင့်လွှတ်ခြင်းကို ဖြစ်ပေါ်လာစေပါတယ်။ မိတ်ဆွေနှလုံးသား ပိုပြီးသန်စွမ်းလာတဲ့အခါ မိတ်ဆွေချစ်မြတ်နိုးမှုနဲ့ ထိုက်တန်တဲ့ အချစ်မျိုးရရှိလာပါလိမ့်မယ်။

ကျွန်တော်တို့ ကြီးပြင်းအရွယ်ရောက်လာတာနဲ့အမျှ ကျွန်တော်တို့ရဲ့ လက်တစ်ဖက်ဟာ ကိုယ့်ကိုယ်ကို ကူညီဖို့ဖြစ်ပြီး ကျန်လက်တစ်ဖက်ကတော့ အခြားသူတွေကို ကူညီဖို့ဖြစ်တယ်ဆိုတဲ့ ကြီးကျယ်တဲ့ လက်နှစ်ဖက်အကြောင်းကို သတိထားသိလာရပါတယ်။ နားလည်စာနာပေးနိုင်မယ့် နှလုံးသားရှိဖို့ အလွန်လိုအပ်ပါတယ်။ ကိစ္စအားလုံးမှာ မသန်တဲ့ လူရယ်လို့ မရှိကြပါဘူး။
လူတစ်ယောက်ချင်းစီမှာ ကိစ္စတစ်ခုမဟုတ် တစ်ခုဟာ သန်ကြပါတယ်။ သန်တဲ့ ကိစ္စတွေမှာလည်း စွမ်းကြပါတယ်။ ဒါ့ကြောင့် မသန်ပေမယ့် စွမ်းတယ် ဆိုတာမျိုးဖြစ်လာပါတယ်။ မိတ်ဆွေက ချည့်နဲ့နေတယ်လို့ထင်နေရတဲ့ လူတွေမှာ သူတို့စွမ်းတာတွေ ရှိပါတယ်။ တခါတလေ အဲ့ဒီအချက်ကို သူတို့ကိုယ်တိုင်မသိသေးရင်တောင် စာနာ နားလည်မှုဖြင့် သူတို့ကို ရှာဖွေ သင်ပြပေးသင့်ပါတယ်။ မိတ်ဆွေက ကာလတစ်ခုလောက်ပဲ တွေ့ရှိလိုက်တဲ့ လူတစ်ယောက်ရဲ့ ရပ်တည်ရှင်သန်မှုဟာ သူ့တစ်ဘဝလုံးရဲ့ ရပ်တည်ရှင်သန်မှုကို ကိုယ်စားမပြုသေးပါဘူး။
တစ်ခါတစ်လေမှာ မိတ်ဆွေအနေဖြင့် တစ်ပါးသောသူက မိမိကို မုန်းသွားမှာစိုးလို့ မချစ်တော့မှာစိုးလို့ နာကျင်ကြေကွဲရမှာစိုးလို့ စသဖြင့် ကျွန်တော်တို့ရဲ့ စိတ်ရင်းအမှန်တွေကို ဖုန်းကွယ်ထားတတ်ကြပါတယ်။ အဲ့ဒီလိုမျိုးတွေ မတွေးမိဘဲနဲ့ကို စိတ်ရင်းမှန်တွေ ဖုန်းထားမိပြန်တယ်။ တကယ်တော့ တခါတရံ ဘယ်သူ့ကိုမှ မယုံကြည်တာဟာ ကိုယ့်ကိုယ်ကို ဒုက္ခပေးနေသလိုမျိုး ခံစားမိတတ်ပါတယ်။
မျိုးစေ့သေးသေးလေးတစ်စေ့ရဲ့ ရှင်သန်မှုကိုပဲ စဉ်းစားကြည့်ပါဦး။ သူ့ကို ရှင်သန်စေချင်ရင် မြေကြီးထဲ ထည့်ရဲရတယ်။ အမှောင်ဖုံးတဲ့ ဒဏ် မိုးဒဏ် လေဒဏ်နဲ့ အခြားသောတိရိစ္ဆာန်တွေရဲ့ စားသောက်ပစ်နိုင်တဲ့ ဒဏ်တွေကို ခံရနိုင်ပါတယ်။ အဲ့ဒါတွေကို ကျော်ဖြတ်ပြီး နေရောင်ခြည်နဲ့ အစာချက်လို့ သူ့ကိုသူ ကြီးပြင်းလာခဲ့ရတာ မဟုတ်ပါလား။ ဒီတော့ စစ်မှန်သော ယုံကြည်မှုကို တည်ဆောက်တဲ့ အခါမှာ နောက်ကျောကို ဓါးနဲ့ ထိုးခံရတာ နာကျင်ခံစားရတဲ့ ဒဏ်တွေကို ကြုံတွေ့ကောင်း ကြုံတွေ့နိုင်ပါတယ်။ အဲ့ဒီခံစားချက်တွေကို ထိန့်လန့်ပြီး ယုံကြည်မှုကို မဖျက်စီးလိုက်ဖို့တော့ လိုအပ်ပါတယ်။
မိတ်ဆွေဘဝမှာ မိတ်ဆွေရပ်တည်ပါ။ ကိုယ့်ကိုယ်ကို မဖုံးကွယ်ထားမိစေပါနဲ့။ ယုံကြည်တာတွေအတွက် မားမားမတ်မတ်ရပ်တည်ပေးပါ။ တခြားသူတွေ မစူးမစမ်း လက်ခံတတ်သလိုမျိုး မိတ်ဆွေမဖြစ်ပါစေနဲ့။ သံသယဖြစ်နေရင် မေးခွန်းမေးလိုက်တာ ကောင်းပါတယ်။ သူများ ယောင်လို့ ကိုယ်လိုက်ယောင်တာမျိုး မဖြစ်ပါစေနဲ့။ ကြုံလို့ လက်မှတ်ထိုးလိုက်ရတဲ့ လူတွေထဲ မိတ်ဆွေမပါပါစေနဲ့။ လူအုပ်နောက်ကို လိုက်နေရင်တော့ လူအုပ်ထက်ပို၍ ခရီးမရောက်နိုင်ပါဘူး။ မိတ်ဆွေရဲ့ စိတ်စေရာ မိတ်ဆွေရဲ့ အောင်မြင်မှုလမ်းစကို စိတ်ကြိုက်ရွေးချယ်လိုက်ရင် ဘယ်သူမှ မရောက်သေးတဲ့ ပန်းတိုင်ကို ရောက်ရှိနိုင်မည် ဖြစ်ပါတယ်။
အရာအားလုံးကတော့ ဖြစ်ပြီးပျက်ရမယ့် သဘောတရားတွေချည်းပါပဲ။ မိတ်ဆွေက ဘယ်လောက်ကောင်းကောင်း ဘယ်လောက်ဆိုးဆိုး တစ်နေ့ပြီးတော့လည်း ပြီးသွားတာပါပဲ။ ဒါ့ကြောင့် တတ်နိုင်သလောက်ကိုပဲ နေ့စဉ်ပုံမှန်လုပ်ဆောင်ပါ။ နေ့စဉ်ပုံမှန် ခံစားမှုပုံမှန် ဖြတ်သန်းပါ။ တန်ဖိုးထား လုပ်ဆောင်ပါ။
ဘဝတစ်ခုရဲ့ တကယ်ပူဆွေး ဝမ်းနည်းစရာ ကိစ္စတွေဟာ စိတ်ကူးယဉ် ဖြစ်လာခြင်း မလာခြင်းအပေါ်မှာ တည်မီမနေပါဘူး။ စိတ်ကူးယဉ်အိပ်မက်တွေ မိမိမှာ လုံးဝမရှိခြင်းကသာ
တည်မီနေခြင်းဖြစ်ပါတယ်။ မိတ်ဆွေ ယုံကြည်တဲ့ စိတ်ကူးယဉ်အိပ်မက်မျိုးမှာ ကြိုးစားလုပ်ဆောင်လိုက်ပါ။ ဝါသနာပါရာနောက်ကိုလုပ်ဆောင်ပြီး ကြောက်ရွံ့မှုကို ဖယ်ရှားလိုက်ပါ။ မျက်နှာမှာ အမြဲတမ်း အပြုံးပန်းပွင့်နေပါစေ။ မိတ်ဆွေဘဝနဲ့ မိတ်ဆွေအိပ်မက်ကို မိတ်ဆွေသာ ပိုင်ပါတယ်။ မဖြစ်ဖြစ်အောင် ကြိုးစားလိုက်ပါ။
နောက်ဆုံးမှတ်ထားရမှာက မိတ်ဆွေအိပ်မက်တည်ရှိရာ ပန်းတိုင်ဆီ နင်းတက်ရမယ့် ရှု့မျှော်မဆုံး လှေကားထစ်တွေကို တက်လှမ်းပြီး စိတ်ဓာတ်မကျဖို့ အရေးကြီးပါတယ်။ လှေကားထစ်များကို တစ်ထစ်ချင်း ဇွဲရှိရှိ နင်းတက်သွားရုံနဲ့ မိမိအိပ်မက်ဆီ ရောက်နိုင်မယ်ဆိုတာ သေချာပါတယ်။
အပျက်သဘောဆောင်တဲ့ အတွေးတွေမှာ ယုံကြည်နေတာဟာ အောင်မြင်မှုဆီသို့ မရောက်အောင် ဟန့်တားထားတဲ့ တစ်ခုတည်းသော အကြီးကျယ်ဆုံး ပိတ်ဆုိ့ဟန့်တားမှု ဖြစ်တယ်ဆိုတာ နားလည်သိရှိစေရန် လွန်စွာအရေးကြီးပါတယ်......ဆိုတာ ရေးသားတင်ပြပေးလိုက်ပါတယ်ခင်ဗျာ....
စာပေမြတ်နိုးသူများကို အစဉ်လေးစားလျက်-
( ရေနံ့သာ ဇော်ဇော်မြင့် )