နောက်ဆုံးဖယောင်းတိုင်

 

ကျောင်းလွယ်အိတ်

 

နောက်ဆုံးဖယောင်းတိုင်

တစ်ခါတုန်းက . . .
အလင်းမရှိတဲ့ မှောင်မည်းနေတဲ့ အခန်းတစ်ခန်းထဲမှာ ဖယောင်းတိုင်ကလေး (၅) တိုင် ရှိတယ်။ အဲဒီဖယောင်းတိုင်တွေမှာ အလင်းကိုယ်စီနဲ့ပေါ့။
ဖယောင်းတိုင် (၅) တိုင်ရဲ့ အလင်းအားကြောင့် မှောင်မည်းနေတဲ့ အခန်းဟာ လင်းထိန်နေတော့တယ်။

ဒီအခန်းထဲကို လေပြည်ပျော့ပျော့လေး တိုက်ခတ်နေသတဲ့။ တစ်ခါတလေမှာ လေဟာ ပြင်းသွားလိုက်၊ တစ်ခါတလေမှာ လေဟာ ငြိမ်သွားလိုက်နဲ့ပေါ့။

လေတစ်ချက်အဝေ့မှာ ဖယောင်းတိုင်လေးတစ်တိုင် မီးငြိမ်းသွားတယ်။ အခန်းဟာ အလင်းအား နည်းနည်းလျော့သွားတယ်။ အဲ့
ဒီဖယောင်းတိုင်လေးကို 'အချစ်' လို့ နားမည်ပေးကြည့်ရအောင်။
'အချစ်ဆိုတဲ့ အလင်းအားလေး' လျော့သွားတော့ အခန်းဟာ နည်းနည်းလေး မှောင်သွားတယ်။

နောက်ထပ် လေအဝှေ့မှာ ဒုတိယ ဖယောင်းတိုင်လေး မီးငြိမ်းသွားပြန်တယ်။
အဲဒီ ဖယောင်းတိုင်လေးကို 'သံယောဇဉ်' လို့ နာမည်ပေးကြည့်ရအောင်။
ဒီအခန်းထဲမှာ 'အချစ်' ဆိုတဲ့ အလင်းရောင်ရယ်၊ 'သံယောဇဉ်' ဆိုတဲ့ အလင်းရောင်ရယ် မရှိတော့ဘူး။ အခန်းဟာ အမှောင်ထု ကြီးစိုးလာတော့တယ်။

ဒီလိုနဲ့ နောက်ထပ် လေတစ်ချက်အဝေ့မှာ တတိယ ဖယောင်းတိုင်လေး ငြိမ်သွားပြန်တယ်။
အဲ့ဒီဖယောင်းတိုင်လေးကို 'မေတ္တာတရား' လို့ နာမည်ပေးကြည့်ရအောင်။

ဒီလိုပဲ၊ နောက်ထပ် လေအဝေ့တစ်ချက်မှာ စတုတ္ထ ဖယောင်းတိုင်လေး ငြိမ်းသွားပြန်တယ်။ ဒီဖယောင်းတိုင်လေးကိုတော့ 'ကရုဏာတရား' လို့ နာမည်ပေးကြည့်ရအောင်။

ဖယောင်းတိုင် (၅) တိုင် အလင်းအားရှိတဲ့ ဒီအခန်းဟာ ဖယောင်းတိုင် (၁) တိုင်မျှသာ အလင်းအား ရှိတော့တယ်။ ဒီနောက်ဆုံး ဖယောင်းတိုင်လေးသာ လေအဝှေ့မှာ မီးညွန့်ကလေး ငြိမ်းသွားခဲ့ရင် ဒီတစ်ခန်းလုံး မှောင်မည်းသွားတော့မှာပါပဲ။

ဖြစ်ချင်တော့ ဒီအခန်းထဲကို လူတစ်ယောက် ရောက်လာတယ်။
"အခန်းကြီးက မှောင်မည်းနေတာပဲ။ တော်သေးတာပေါ့။ ဖယောင်းတိုင်လေးတစ်တိုင် လင်းနေသေးလို့"
ပြောပြောဆိုဆို ဖယောင်းတိုင်ရဲ့ မီးညွန့်ကို လက်ဝါးလေးနဲ့ ကာလိုက်တယ်။ အလင်းရောင် မှိန်ပျပျအောက်မှာ မီးငြိမ်းနေတဲ့ ဖယောင်းတိုင် (၄) တိုင်ကို တွေ့သွားတယ်။
ချက်ချင်း ဆိုသလိုပဲ နောက်ဆုံးကျန်နေတဲ့ ဖယောင်းတိုင်ရဲ့ မီးညွန့်ကို ကူးပြီး မီးငြိမ်းသွားခဲ့တဲ့ ဖယောင်းတိုင်လေးတွေကို မီးကူးပေးလိုက်တယ်။ ဒီအခန်းက အရင်အတိုင်းပဲ ပြန်ပြီး လင်းထိန်သွားပါတော့တယ်။
■

ဒီနောက်ဆုံး ကျန်တဲ့ ဖယောင်းတိုင်လေးရဲ့ နာမည်ကို 'နားလည်ပေးမှု၊ စာနာပေးမှု၊ယုံကြည်​​ပေးမှု ဖယောင်းတိုင်' လို့ နာမည်ပေးထားတယ်။

တွေးကြည့်ရအောင်။
လူတစ်ယောက်နဲ့ တစ်ယောက် အကြားမှာ 'နားလည်ပေးမှု၊ စာနာပေးမှု၊ယုံကြည်​​ပေးမှု' ဆိုတာသာ ရှိနေသေးရင်...
'အချစ်' ဆိုတာ ပြန်ဖြစ်နိုင်တယ်။
'သံယောဇဉ်' ဆိုတာ ပြန်ဖြစ်နိုင်တယ်။
'မေတ္တာတရား'၊ 'ကရုဏာတရား' တွေ ပြန်ဖြစ်နိုင်တယ်။
'နားလည်ပေးမှု၊ စာနာပေးမှု၊ယုံကြည်​​ပေးမှု' ဆိုတဲ့ ဖယောင်းတိုင်လေးသာ မီးငြိမ်းသွားခဲ့ရင် အခန်းကြီး မှောင်မည်းသွားသလို အချစ်တွေ၊ မေတ္တာတရားတွေ၊ သံယောဇဉ်တွေ၊ ကရုဏာတရားတွေ ပြန်ဖြစ်ဖို့ မလွယ်တော့ပါဘူး။ လူ့ဘဝရဲ့ အနှစ်သာရလည်း ပျက်စီးသွားတော့မှာပါပဲ။

မိသားစုအချင်းချင်း အကြားမှာ၊
သူငယ်ချင်းနှစ်ယောက် အကြားမှာ၊
မောင်နှမနှစ်ယောက် အကြားမှာ၊
လင်မယားနှစ်ယောက် အကြားမှာ၊
အဖွဲ့အစည်း တစ်ခုနဲ့တစ်ခု အကြားမှာ.....
'နားလည်ပေးမှု၊ စာနာပေးမှု၊ယုံကြည်​​ပေးမှု' ဆိုတဲ့ ဖယောင်းတိုင်လေး လင်းနေဖို့ လိုမယ်ထင်ပါတယ်။ ဒီဖယောင်းတိုင်လေးသာ မီးငြိမ်းသွားခဲ့ရင် လူမှုဆက်ဆံရေးရဲ့ ပျော်စရာကောင်းတဲ့ ဘဝကို ခံစားနားလည်နိုင်တော့မှာ မဟုတ်ပါဘူး။

အပြန်အလှန် နားလည်ပေးတဲ့၊ စာနာပေးတဲ့၊ယုံကြည်​​ပေးတဲ့ လူ့အဖွဲ့အစည်းတွေသာ ကျွန်တော်တို့ဝန်းကျင်မှာ ရှိခဲ့ရင် ကျွန်တော်တို့လူ့ဘောင်လောကကြီးဟာ ဒီထက် ပိုပြီး သာယာလာပါမယ်။ ငြိမ်းချမ်းလာပါမယ်။ တိုးတက်လာပါမယ်။ ပျော်စရာလည်း ကောင်းလာပါလိမ့်မယ်။᠌᠌᠌

ဦးဘုန်း (ဓာတု)
နီးနီးဝေးဝေး (အတွေးလက်ဆောင်)
Credit: U Thein Hlaing.
=================================
S S W.--
----------------