ရိုက်နှက်ခြင်း မပြုပဲ စာသင်နည်း

အာကာသ နှင့် စကြ၀ဠာ added 4 new photos.

>>>ရိုက်နှက်ခြင်း မပြုပဲ စာသင်နည်း<<<
ဇာတက ဝထ္ထုများမှာ နှမ်းခိုးစားသောမင်းသားကို ဆရာက ရိုက်နက် ဆုံးမတဲ့ သာဓက ရှိပါတယ်။ ယနေ့ခေတ်မှာလည်း မိဘ ရဲ့ စား၊ ဝတ်၊ နေ ရေး အခြေအနေအရ (သို့မဟုတ်) ကလေးရဲ့ စိတ်ခံစားချက်၊ ဗီဇ ပတ်ဝန်းကျင်အရ ဆိုးချင် မိုက်ချင်တဲ့ ကလေးတွေရှိပါတယ်။ ဒီကလေးတွေကို ရိုက်နှက်ခြင်း မပြုပဲ ဘယ်လို စာသင်ကြမလဲ..??

ကျနော်တို့ သတိပြုသင့်တဲ့ အချက် (၂) ချက်ရှိပါတယ်။ ပထမ တစ်ချက်က.. ကလေးတွေဟာ ရွံ့ပျော့လေးတွေလို.. လိုသလို ပုံသွင်းယူနိုင်တယ် ဆိုတာနဲ့ ဒုတိယ အချက်ကတော့ ဆရာ၊ ဆရာမ များဆီမှာ အပေါင်းလက္ခဏာဆောင်တဲ့ (တနည်း) လိုသလို ပုံသွင်းယူလို့ရတဲ့ စာသင်ခန်းတစ်ခု ရှိတယ် ဆိုတာပါ။ ဒါကို နည်းလမ်းမှန်စွာ အသုံးချမယ်ဆိုလျှင် ရိုက်နှက်စရာ မလိုပဲ စာသင်ကြားနိုင်ပါတယ်။
ဆရာဟာ ကြင်နာတတ်တဲ့ ဆရာလား၊ ကြမ်းတယ်လို့ နာမည်ကြီးတဲ့ ဆရာလား?? အပေါင်းလက္ခဏာ ဆောင်ဖို့အတွက် ဆရာကိုယ်တိုင် အကောင်းဘက်က ရှုမြင်ဆောင်ရွက်ဖို့ အရေးကြီးပါတယ်။ ကလေးငယ်တွေ ပြုမူ ပြောဆိုတဲ့ အကြောင်းအရာကို အသေးမွှားကအစ၊ ကြီးမားသည့်တိုင် အကောင်းဘက်က ရှုမြင်သုံးသပ်ပေးကြည့်ပါ။ ဆရာ၊ ဆရာမ မျက်နှာ ကြည့်နေရတဲ့ ကလေးများဟာ ဆရာ၊ ဆရာမ လိုပဲ အကောင်းမြင် စိတ်တွေ ပေါ်လာပါလိမ့်မယ်။
A positive Classroom Climate လို့ ခေါ်ပါတယ်။ ကျနော်တို့ Classroom Management ကို သင်တဲ့အခါမှာ ထည့်သွင်း လေ့လာရပါတယ်။
ကလေးက အမှားတစ်ခုခု ကျူးလွန်မိတဲ့အခါ အဲ့ဒီ့အမှားကို ထောက်ပြ ဝေဖန် အပြစ်တင် (အပြစ်ပေးခြင်း) ထက်.. ထို အမှားကို သင်ခန်းစာ ယူတတ်အောင်၊ နားလည် သိရှိအောင် စွမ်းဆောင်ပေးသင့်ပါတယ်။ အမှားမလုပ်မိခင် အချိန်အထိ ပြုလုပ်ခဲ့သော အမှန်များကိုလည်း ထောက်ပြ ချီးမွမ်း ပေးသင့်ပါတယ်။ ကလေးများရဲ့ အားသာချက်၊ အားနည်းချက်များကို ရှာဖွေပေးပြီး လိုသလို ပြုပြင်ဆောင်ရွက်ပေးနိုင်ပါတယ်။
ကလေးများကို တစ်ယောက်နဲ့ တစ်ယောက် နှိုင်းယှဉ်ပြောဆိုခြင်းဟာ အင်မတန်မှားယွင်းတဲ့ အပြုအမူတစ်ရပ် ဖြစ်ပါတယ်။ ဒါဟာ ကလေးတွေရဲ့ မခံချင်စိတ်ကို နှိုးဆွပေးရာ မရောက်ပဲ အချင်းချင်းအမုန်းပွားစေတယ်လို့ သုတေသန စာတမ်းများက ဆိုပါတယ်။ ဆရာဟာ အမှားကို အမှန်ပြင်၊ အနှုတ်လက္ခဏာ ကို အပေါင်းလက္ခဏာအသွင် ဆောင်နိုင်ရပါမယ်။ ဒီ့ထက်ပိုပြီးပြောရလျှင်တော့.. ဆရာဟာ အမှားတစ်ခုကနေ အခွင့်အရေး တစ်ခုဖြစ်အောင် ပြောင်းလဲပေးနိုင်ရပါမယ်။
ဘယ်လိုလုပ်ရမလဲ။
လေ့ကျင့် ယူရပါမယ်။ နည်းပညာအသစ်တွေ ရှာဖွေရပါမယ်။ အရေးအကြီးဆုံးက ပြင်ဆင်ရပါမယ်။ ပြင်ဆင်မှု အားနည်းခြင်းဟာ စာသင်ကြားရာမှာ ကြီးစွာသော လိုအပ်ချက်ကို ဖြစ်စေပါတယ်။ ပြင်ဆင်မှု အားနည်းသူဟာ နောက်ဆုံးတော့.. ဖတ်စာအုပ်ထဲကအရာကို ပြန်ရေး.. လိုက်ကူးခိုင်းပြီး.. အလွတ် ဆိုခိုင်းလိုက်တော့တာပါပဲ။ ဆွေးနွေး အကြံပြုတာ၊ တွေးခေါ်တာတွေနဲ့ တဖြည်းဖြည်း အလှမ်းဝေးလို့သွားပါတယ်..။
၂၁ ရာစု ပညာရေးမှာ ဒီအတိုင်းဆက်သွားလို့ မရတော့ပါဘူး။ နောင် ၅ နှစ်ကြာလို့ သင်ရိုးတွေ အားလုံး ပြောင်းပြီးတဲ့အခါ.. အလွတ်ကျက်၊ အလွတ်ဖြေ စနစ် ရှိတော့မှာ မဟုတ်ပါဘူး။ ရှိအောင် ဆက်လုပ်ပြီး မပြောင်းလဲချင်လျှင်တော့.. အနာဂတ်တိုင်းပြည်ဟာ ဆက်ပြီး ပညာမွဲနေဦးမှာပါ။
ရိုက်နှက်ခြင်းမပြုပဲ စာသင်လို့ရတဲ့နည်းတွေ အများကြီး.. အများကြီး ရှိပါတယ်။ နိုင်ငံတကာမှာလည်း ရိုက်နှက်ခြင်းမပြုပဲ စိတ်ဓါတ်မြှင့်တင် သင်ကြားကြပါတယ်။ မိမိကိုယ်မိမိ ယုံကြည်မှု ရှိတဲ့ ကလေးဟာ အပြုအမူ အပြောအဆိုအပြင် အသိပညာ အလိမ္မာပါ ရှိလာကြမှာပါ။
အနာဂတ်ပညာရေးအတွက်..
သန့်ဦး (အာကာသနှင့် စကြဝဠာ)