“ကိုယ့်အကြောင်း ဒီ(၄)ခုတော့ သိရမယ်”

 

ဒေါက်တာ ဖြိုးသီဟ

 

“ကိုယ့်အကြောင်း ဒီ(၄)ခုတော့ သိရမယ်”

မနေ့က ဖေ့စ်ဘွတ်မှာ စိုင်းစိုင်းက သူ့ဓါတ်ပုံတစ်ပုံကို တင်ပါတယ်။ ကောင်မလေးတွေ သည်းသည်းလှုပ်ကြွေကြတဲ့ မြင်နေကျ သူ့ဓါတ်ပုံတွေနဲ့ အနည်းငယ်ကွဲထွက်တယ်ပဲ ဆိုပါတော့ (လွယ်တော့ မလွယ်ဘူး၊ ပြောတတ်ရတာပေါ့)။ အဲဒါနဲ့ပတ်သက်ပြီး သူ့ပရိသတ်တွေက ချီးကျူးကြတယ်၊ 'ဘယ်သူမှ မလှောင်ခင် သူ့ဟာသူ အရင်တင်လိုက်တယ်၊ အိုင်ဒီယာ ဘယ်လိုကောင်းတယ်၊ ဒါကြောင့် ရေရှည်အောင်မြင်တာ' စသဖြင့်ပေါ့။ တကယ်လည်း သူက အဲ့လိုအရင်တင်လိုက်တော့ သူ့ကိုလှောင်ပြောင်မယ့် Troller တွေ လှောင်ရခက်သွားလောက်တယ်။

အဲဒါနဲ့ပဲ ကျွန်တော်က သူ့ကို အားကျပြီး ဓါတ်ပုံလိုက်တင်မယ်ဆိုပါတော့။ ဘာဖြစ်မလဲ။ ဘယ်သူကမှ လှောင်ဖို့ ပြောင်ဖို့ အရေးတယူ စောင့်မနေဘူး။ ကိုယ်ရှိမှန်းတောင် မသိဘူး။ ဒီပုံကို မြင်လိုက်ရတဲ့သူကလည်း ဘယ်လိုပြောကြမလဲ၊ “ဟယ် သူငယ်နာ မစင်ဘူးလား မသိဘူး” “နင်တို့ပြောပြောနေတဲ့ ဒေါက်တာဖြိုးသီဟ ဆိုတာ ဒါကြီးလားဟင် အံ့သြလတ်ထှာ” ဒီလိုတွေပဲ ဖြစ်ကုန်မှာပေါ့။

ဒါဖြင့် ဘာကွာလဲဆိုတော့ “စိုင်းစိုင်းခမ်းလှိုင်” နဲ့ “ဖြိုးသီဟ” ကွာပါတယ်။ မင်းသားက သူ့ရုပ်ဆိုးဆိုးဓါတ်ပုံတင်တော့ ပရိသတ်တွေက အားပေးတယ်။ သာမန်လူတစ်ယောက်က တင်ရင် ရုပ်ဆိုးလိုက်တာ လို့ပဲ မှတ်ယူကြတာပါ။ ဒါကြောင့်မို့ သူများလုပ်လို့ အဆင်ပြေသွားတာမှန်သမျှ ကိုယ်လိုက်လုပ်မယ်ဆိုလို့ မရပါဘူး။ စိုင်းစိုင်းလုပ်တာ လိုက်လုပ်လို့ ဒုတိယစိုင်းစိုင်းလည်း မဖြစ်ပါဘူး။ ငပေါပဲ ဖြစ်မှာပါ။ ငကြောင်လို့ပဲ တံဆိပ်ကပ်ခံရမှာပါ။

ဒီတော့ ကျွန်တော်တို့ဟာ ကိုယ့်ကိုယ်ကိုယ်သိဖို့ လိုလာပါတယ်။ ဘာတွေသိထားရမလဲဆိုရင် အနည်းဆုံးတော့ ဒီ(၄)ခု သိထားသင့်တယ်။

၁။ ကိုယ့်အခြေအနေ ကိုယ်သိပါ (Know yourself)

အိုင်ဖုန်းတစ်လုံးဝယ်ဖို့ မိဘကို ပူဆာလိုက်ရုံပဲ ဆိုတဲ့သူအတွက် ဒီဖုန်းကို လိုချင်တာ ပြဿနာမရှိပေမယ့် ဒီငွေရဖို့ (၆)လလောက် စုရမယ်၊ ဘ၀အတွက် အရေးကြီးတဲ့ သင်တန်းတက်စရာ၊ စာအုပ်ဝယ်စရာတွေကို လျှော့ပစ်ရမယ် ဆိုရင်တော့ ဒါ ပြဿနာဖြစ်လာပါပြီ။ အိုင်ဖုန်းက သုံးတတ်သူ၊ အသုံးလိုတဲ့သူအတွက် လိုအပ်ပေမယ့် သာမန်လောက်ပဲ သုံးတတ်တယ်၊ သုံးစရာရှိတယ်ဆို အဲဒီထက် အရေးကြီးတာတစ်ခုကို ဦးစားပေးသင့်ပါတယ်။

မာ့ဇူကာဘတ်က တီရှပ်လေးပဲ ၀တ်တဲ့အခါမှာ လူတွေက ပြောကြတယ်၊ သိပ်ကို အနေအထိုင်ရိုးရှင်းတယ်ပေါ့။ အဲဒီအတိုင်း ၀တ်ပြီး အလုပ်အင်တာဗျူး သွားဖြေကြည့်ပါ။ အာမခံပါတယ်၊ အလုပ်မရစေရပါဘူး။ တကယ်တော့ နှိမ့်ချတယ် ဆိုတဲ့စကားက အမြင့်ရောက်နေသူတွေသာ သုံးခွင့်ရှိတာပါ။ ကိုယ့်အောက်ငုံ့ကြည့်လို့ တစ်ယောက်မှမရှိဘဲ နှိမ့်ချတယ် ဆိုတဲ့စကား သုံးလို့မရပါဘူး။ ပကာသန မမက်ဘူး ဆိုတဲ့ စကား ချမ်းသာမှ၊ ဂုဏ်တွေ ဒြပ်တွေနဲ့ဖြစ်နေမှ သုံးလို့ရတာပါ။ ပိုက်ဆံမရှိတဲ့သူက ဖုန်းအစုတ်လေး ကိုင်ထားလို့ ဘယ်သူကမှ မချီးကျူးပါဘူး။ အဆင့်အတန်းမခွဲခြားဘူး ဆိုတဲ့ ဂုဏ်ပုဒ်ကလည်း တစ်စုံတစ်ရာ အဆင့်နဲ့အတန်းနဲ့ နေနိုင်သူတွေသာ ပြောလုိ့လှတာပါ။

၂။ ကိုယ့်အားသာချက် ကိုယ်သိပါ (Know your strength)

လူတိုင်းမှာ အားသာချက်ကိုယ်စီ ရှိကြပါတယ်။ ငါးလေးတစ်ကောင်အဖြစ် ပေါ်ထွက်လာတဲ့သူဟာ ကုန်းပေါ်မှာဆို သုံးမရပါဘူး။ မြင်းတစ်ကောင်ရဲ့ အားသာချက်တွေနဲ့ မွေးဖွါးလာသူကိုလည်း အပင်ပေါ် တက်ခိုင်းလို့ မရပါဘူး။ ဒါကြောင့် ကျွန်တော်တို့ဟာ ကိုယ့်အားသာချက် ကိုယ်သိဖို့လိုပါတယ်။

ကျောင်းတုန်းက စာသိပ်ညံ့ခဲ့သူတွေ ခုချိန်မှာ အောင်မြင်နေတယ်။ သုံးမရတဲ့လူလို့ အများက သတ်မှတ်ထားတဲ့သူတစ်ယောက်က သူ့ကို အဲ့လိုပြောခဲ့တဲ့သူတွေထက် ပိုအောင်မြင်လာတယ်။ ဘယ်လိုအချိန်မှာလဲဆိုတော့ ကိုယ့်ကိုယ်ကိုယ် ငါးတစ်ကောင်လို့ သိပြီး ရေထဲရောက်သွားတဲ့အခါ၊ မြင်းတစ်ကောင်လို့သိပြီး ကုန်းပေါ်မှာ ပြေးလွှားခွင့်ရသွားတဲ့အခါမှာ ဖြစ်ပါတယ်။

၃။ ကိုယ့်ပရိသတ် ကိုယ်သိပါ (Know your target audience)

စိုင်းစိုင်းခမ်းလှိုင် စီးပွါးရေးလုပ်တဲ့အခါ ယောကျာ်းလေးသုံး ပစ္စည်းထုတ်ရင် ရောင်းရဖို့ မလွယ်ပါဘူး။ ဘာလို့ဆိုတော့ သူ့ပရိသတ်က မိန်းကလေးအများစု ဖြစ်နေတာမို့ပါ။ SAI ဆိုတာနဲ့ကို ၀ယ်ဖို့အသင့်ဖြစ်နေတဲ့ အစုအဖွဲ့ကို ဦးတည်လို့ အောင်မြင်တာပါ။ ပရိသတ်လို့ ပြောလိုက်ရင် အနုပညာရှင်တွေ၊ စာရေးဆရာတွေနဲ့မှ ဆိုင်တာလား ဆိုတော့ မဟုတ်ပါဘူး။ ပရိသတ်ဆိုတာ တကယ်တော့ ကိုယ်ဦးတည်တဲ့ လူအုပ်စုကို ဆိုလိုတာပါ။ ဒါကြောင့်မို့ လူတိုင်းမှာ ပရိသတ် ရှိပါတယ်။

Professional branding ဆိုတာ ဘာလဲဆိုရင် “ကိုယ့်သက်ဆိုင်ရာနယ်ပယ်နဲ့ ပတ်သက်ပြီး လူတွေက တခုခုလိုအပ်တိုင်း ကိုယ့်ကို တန်းသတိရအောင် လုပ်ထားနိုင်ခြင်း”ပါပဲ။ ကိုယ်တိုင်နဲ့ပဲ ဥပမာပေးပါမယ်။ မျိုးဆက်ပွါးကျန်းမာရေးနဲ့ ပတ်သက်ပြီး တခုခုလိုအပ်တာနဲ့ ဖြိုးသီဟ ရှိတာပဲလို့ သတိရလိုက်တယ်ဆိုရင် ဒါဟာ ကျွန်တော် Branding ကောင်းကောင်း လုပ်ထားနိုင်တာပါပဲ။ ကျွန်တော့်ဟာကျွန်တော်တော့ လုပ်နေတယ်၊ ဒါပေမယ့် လူမသိဘူး၊ ဖြိုးသီဟကိုတော့ သိတယ်၊ သူ ဘာလုပ်မှန်းမသိဘူး ဆိုရင် Branding အားနည်းသေးတယ်လို့ ဆိုနိုင်ပါတယ်။

ဒီအတွက် ကျွန်တော်ဟာ ကျွန်တော်လုပ်နေတာတွေကို ဘယ်သူ့ကို သိစေချင်တာလဲ သိဖို့လိုလာပါတယ်။ ကိုယ်က အခမ်းအနားမှူး MC တစ်ယောက်အနေနဲ့ အသက်မွေးတယ်ဆိုရင် Event လုပ်ပေးတဲ့ အေဂျင်စီတွေ၊ ကုမ္ပဏီတွေ၊ လုပ်ငန်းရှင်တွေက ကိုယ့်ကို သိနေအောင် လုပ်ရပါမယ်။ HR professional တစ်ယောက်ဟာ ဖေ့စ်ဘွတ်ဆယ်လီတွေလိုတော့ ပရိသတ်မများနိုင်ဘူး ဒါပေမယ့် ကုမ္ပဏီတွေက သိထားတယ်ဆို လုံလောက်ပါတယ်။ ဒါမှ သူတို့ကုမ္ပဏီအတွက် သင်တန်းပေးဖို့ လိုတဲ့အခါ ကိုယ့်ကို ကမ်းလှမ်းမှာပါ။

၎။ ကိုယ့်အတိုင်းအတာ ကိုယ်သိပါ (Know your limit)

သမိုင်းအဖြစ်အပျက်တစ်ခုကို မှတ်မိသလို ပြန်ရေးပါမယ်။ တိုက်ပွဲတိုင်းမှာ အောင်နိုင်တဲ့ စစ်သူကြီးတစ်ယောက် ရှိပါတယ်။ တအားကို နာမည်ကျော်လာတယ်။ ပြည်သူတွေက အားကိုးလာတယ်။ အဲဒါနဲ့ ဘုရင်ကလည်း သတိထားမိလာပြီး သူ့ကို နန်းတွင်းကိုခေါ် သူကောင်းပြုတယ်။ တိုက်ပွဲဖြစ်တဲ့နေရာတွေမှာပဲ ခပ်လှမ်းလှမ်း နေခဲ့ရာကနေ ပြည်သူနဲ့၊ လူတွေနဲ့ အနီးကပ်ဆက်ဆံလာရတဲ့အခါ သူ့အားနည်းချက်တွေက ပေါ်လာတယ်။ စကားတွေ မှားလာတယ်၊၊ တဖြည်းဖြည်း ဝေဖန်ခံလာရတယ်။ နောက်ဆုံး မလှမပ ဇာတ်သိမ်းရတယ်ပေါ့။

ပြောရရင် စစ်သူကြီးဘ၀မှာ အောင်မြင်တယ်ဆိုပေမယ့် ရလာတဲ့ အခွင့်အရေးနောက်ကို ကိုယ့်အတိုင်းအတာကိုယ်မသိဘဲ လိုက်မိတဲ့အခါ ရှုံးနိမ့်မှုနဲ့ ကြုံရတတ်တယ် ဆိုတာပါပဲ။ နိုင်ငံရေးစကား ပြောရရင် ကိုယ့်အတိုင်းအတာ ကိုယ်မသိဘဲ နေရာတကာ ၀င်အုပ်ချုပ်ချင်တာတွေကြောင့် တိုင်းပြည်အနေနဲ့လည်း ပြဿနာဖြစ်ရပါတယ်။

ကိုယ်စာရေးတာ အားပေးကြတာပဲ ဆိုပြီး ပေါ်လာတဲ့ အကြောင်းကိစ္စမှန်သမျှ ထင်မြင်ချက်ဝင်ပေးရင် ကိုယ်မသိတဲ့ကိစ္စကျ နာမည်ပျက်ပါမယ်။ ခေတ်စကားနဲ့ပြောရရင် ကိုယ်ပိန်းတာ လူသိပါမယ်။ ကိုယ့်အပေါ် ရှိနေတဲ့ ယုံကြည်မှုတွေ ပျက်ယွင်းပါမယ်။ နေရာတကာ ၀င်ပါနေခြင်းက ကိုယ့်ရဲ့ Target audience ကို “ဒီလူ ဘာလုပ်တာလဲ မသိဘူး၊ ဟိုစပ်စပ် ဒီစပ်စပ်နဲ့” ဆိုတာမျိုးလည်းေ၀၀ါးသွားစေနိုင်တာမို့ ကိုယ့်ရဲ့ Professional brand ကိုလည်း ထိခိုက်စေနိုင်ပါတယ်။ ဒါကြောင့် ဘာခေတ်စားနေတယ်၊ ဘယ်သူတွေ ဘာလုပ်နေတယ်ဆိုတဲ့ ပေါ်ပင်နောက် မလိုက်ဘဲ ကိုယ့်နယ်ပယ်မှာသာ ကိုယ်အကောင်းဆုံးဖြစ်အောင် အားထုတ်ပါ၊ ကိုယ့်ပုံစံနဲ့ကိုယ် ရှင်သန်ပါ။

ဒေါက်တာ ဖြိုးသီဟ
၂၆.၉.၂၀၁၇