>>>ကျောက်မီးသွေး အကြောင်း<<<
ကျောက်မီးသွေးဟာ အပင်များမှ ဖြစ်ပေါ်လာသော သစ်ဆွေး(မြေ) များ ကမ္ဘာ့မြေထုအတွင်းသို့ တိုးဝင်ရောက်ရှိခဲ့ပြီး အပူချိန်နဲ့ ဖိအားဒါဏ်ကို နှစ်သန်းပေါင်းများစွာခံရပြီးနောက် ပြောင်းလဲ ဖြစ်ပေါ်လာသော မာကျောသည့် မီးသွေးခဲများဖြစ်ပါတယ်။ အဲ့လို ဖြစ်စဉ်ကို အင်္ဂလိပ်လို "Coalification" လို့ခေါ်ပါတယ်..။
ကျောက်မီးသွေးထဲမှာ လေးလံသော သတ္တု ဓါတ်များစွာပါဝင်တဲ့အပြင် အခြားသော ခဲ၊ အာဆန်းနစ်၊ ပြဒါး၊ ဆီလီနီယံ၊ ဘိုရွန် နဲ့ Thallium ကဲ့သို့သော ဒြပ်စင်များလည်း ပါဝင်ပါတယ်။ ကျောက်မီးသွေးကို မီးရှို့တဲ့အခါ.. အဲ့ဒီ့ ဒြပ်စင်များဟာ လောင်ကျွမ်းသွားခြင်းမရှိပဲ ပြာများနှင့်အတူ လေထုထဲကို ရောက်ရှိလာပါတော့တယ်..။ အဲ့ဒီလေတွေဟာ လူကို အန္တရာယ်ဖြစ်စေတဲ့ အဆိပ်အတောက်တွေပါပဲ.။
ကျောက်မီးသွေး စက်ရုံတစ်ခုရဲ့ တည်ဆောက်ပုံကို ကြည့်လိုက်တဲ့အခါ.. လေထုထဲကို ထိုအဆိပ်အတောက် ဓါတ်ငွေ့တွေ စွန့်ထုတ်ရုံမျှမကပဲ မြစ်၊ချောင်း၊ အင်း၊ အိုင် များသို့ ရေဆိုးမြောင်းမျှမှတဆင့် ဓါတ် သတ္တု တွေ ထုတ်လွှတ်ရတာကိုလည်း တွေ့ရပါတယ်။ အဲ့ဒီ့ရေကို သောက်သုံးမိတဲ့ လူ အပါအဝင် ကုန်းနေ၊ ရေနေ သတ္တဝါများဟာ အဆိပ်သင့်မှုကို တိုက်ရိုက်ခံစားရမယ့်အပြင် အဲ့ဒီ့ရေနဲ့ စိုက်ပျိုးမယ့် အပင်များမှတဆင့်လည်း စားသုံးသူများကို အဆိပ်သင့်မှုကို ခံစားရနိုင်ပါသေးတယ်။
အဆိပ်သင့်ရင် ဘာတွေဖြစ်မလဲ..?
အာဆန်းနစ် (Arsenic) ဟာ လူတွေကို ကင်ဆာရောဂါ ဖြစ်စေနိုင်တဲ့ အစွမ်းသတ္တိ ရှိပါတယ်။ အဲ့ဒါကြောင့် သူ့ကို ကာဆီနိုဂျင် (carcinogen) လို့ ခေါ်ပါတယ်။ ရေမှတဆင့် တိုက်ရိုက်သောက်သုံးမိတယ်ဆိုရင်တော့ ကင်ဆာဖြစ်ဖို့ အဆ ၆၀၀၀၀ မက သေချာသွားပါပြီ။
ဆီလီနီယံကတော့ ရေသတ္တဝါများကို အဆိပ်သင့်စေပြီး.. အဲ့ဒီ့ အဆိပ်သင့်တဲ့ ငါးများကို စားသုံးမိတဲ့ လူများကတော့ အဆုတ်ယောင်ခြင်း (bronchitis)၊ ထုံကျင်ကိုက်ခဲခြင်း၊ အရေပြား ရောဂါဖြစ်ခြင်းတို့ကို ခံစားရနိုင်ပါတယ်။
ပြဒါး နဲ့ ခဲ ကတော့ ကာဆီနိုဂျင် မဟုတ်ပေမယ့် လူရဲ့ အာရုံကြောကို ထိခိုက်မှု ရှိစေပါတယ်။ အထူးသဖြင့် ကလေးငယ်တွေမှာဆိုရင် ပြဒါး၊ ခဲ အနည်းငယ် တွေ့ထိရုံမျှဖြင့် ဖွံ့ဖြိုးကြီးထွားမှုကို ရပ်တန့်သွားစေနိုင်ပါတယ်။
ခဲ နဲ့ Thallium ကတော့ ကိုယ်ဝန်ဆောင်စဉ်မှာ အန္တရာယ်ဖြစ်စေပြီး ကိုယ်ဝန်ပျက်ကျခြင်း၊ မွေးလာတဲ့ ကလေး ကိုယ်လက်အင်္ဂါ မစုံခြင်း စသည်တို့ကို ဖြစ်စေပါတယ်။
......................................................
အဲ့ဒီ့အတွက်ကြောင့် နိုင်ငံတကာမှာ (အထူးသဖြင့် ဖွံ့ဖြိုးပြီး နိုင်ငံတွေမှာ) ကျော်မီးသွေးစက်ရုံတည်ဆောက်ခြင်းကို လက်မခံကြတော့ပဲ စက်ရုံ ပိတ်ပစ်ခြင်း၊ ဖျက်သိမ်းခြင်း၊ အဆိပ်သင့် လူနာများအား ပြုစုစောင့်ရှောက်ပေးခြင်း တို့ကို လုပ်ဆောင်ကြပြီး.. အချို့သော နိုင်ငံများကတော့ ဖွံ့ဖြိုးဆဲ နိုင်ငံများကို အသုံးချပြီး ကျောက်မီးသွေး စက်ရုံများကို အဆိုပါ နိုင်ငံများမှာ တည်ဆောက်လာကြပါတယ်။
ဖွံ့ဖြိုးဆဲ (သို့မဟုတ်) မဖွံ့ဖြိုးသေးသော နိုင်ငံတစ်ခုအနေနဲ့ ကျောက်မီးသွေး စက်ရုံတည်ဆောက်မှုကို လက်ခံလိုက်မည်ဆိုပါက... အထက်တွင် ဖော်ပြခဲ့သော ပြသနာများကို မုချမသွေ ရင်ဆိုင် ခံစားရမှာဖြစ်ပြီး နိုင်ငံရော၊ လူမျိုးပါ ဖွံ့ဖြိုးမှုအဆင့် ထပ်မံလျော့ကျသွားမှာပဲ ဖြစ်ပါတော့တယ်..။
..........................................................
အနာဂတ်လူငယ်များအတွက်..
သန့်ဦး (အာကာသနှင့် စကြဝဠာ)
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။