“လူငယ်နှင့် အမှတ်တံဆိပ်” (Youth & Brand)

 

Aung Ko U

“လူငယ်နှင့် အမှတ်တံဆိပ်” (Youth & Brand)

ယနေ့ခေတ်အချိန်တွင် ကုန်ပစ္စည်းတစ်ခု၏ အမှတ်တံဆိပ်သည် အတိုင်းအတာ တစ်ခုအထိ အရေးပါသော အချက်တစ်ခု ဖြစ်နေပါသည်။ ကုန်ပစ္စည်းတစ်ခု၏ အမှတ်တံဆိပ်ကို မြင်သည်နှင့် ထိုကုန်ပစ္စည်း၏ အရည်အသွေး၊ ယုံကြည်စိတ်ချရမှု၊ သက်တမ်းရှည်ကြာမှု၊ တန်ဖိုးစသည် တို့ကို တွဲကာ သိနိုင်ပါသည်။ ထို့ကြောင့်ပင် Apple, Samsung, Toyota, Honda, Mitsubishi, စသည်ဖြင့် ကမ္ဘာကျော် ကုမ္ပဏီကြီးများသည် မိမိတို့၏ ကုန်အမှတ်တံဆိပ်ကို ထင်ရှားအောင်၊ စိတ်ချယုံကြည်မှုရအောင် ကြိုးစားကြသလို ရေရှည်တည်တန့် ခိုင်မြဲအောင် အမြဲမပြတ်ကြိုးစား အားထုတ်နေကြပါသည်။ ကျွန်တော်တို့လူသား များသည်လည်း ဘဝတွင် ထိုသို့ပင် ဖြစ်ပါသည်။ မိမိ၏ အမည်တစ်ခုသည် မိမိ၏ ကိုယ်ပိုင် အမှတ်တံဆိပ်ပါ၊ ထိုအမှတ်တံဆိပ်ကို တန်ဖိုးရှိအောင်၊ လူအများလေးစားအောင်၊ ယုံကြည် စိတ်ချရအောင် အမြဲမပြတ်ကြိုးစား အားထုတ်ကြရပါမည်။

ခေတ်မီတိုးတက်နေသော ယနေ့အချိန်တွင် ကုမ္ပဏီများသည် အပြိုင်အဆိုင် သူ့ထက်ငါ ပိုကောင်းအောင်၊ အရည်အသွေးများ တိုးမြှင့်ကာ သုံးစွဲသူကို ဝန်ဆောင်မှု ပေးနေကြပါသည်။
ထို့အတူ စတင်ထုတ်လုပ်ချိန်တွင် သုံးစွဲသူများလက်ခံလာအောင် အရည်အသွေးကောင်းအောင် ပြုလုပ်ခြင်း၊ ကြေငြာခြင်း၊ ဈေးကွက်ချဲ့ထွင်ခြင်း များဆောင်ရွက်ကြပါသည်။ ကျွန်တော်တို့လူသားများသည်လည်း မိမိပိုင်ဆိုင်ထားသော ဘဝအတွက် မိမိ၏ အမည်ကို လူမှုဘဝ ပတ်ဝန်းကျင်တွင် အရည်အသွေး တိုးတက်အောင်၊ ယုံကြည်စိတ်ချရအောင်၊ တန်ဖိုးရှိအောင် အမြဲမပြတ်ကြိုးစားကြရပါမည်။

မိမိ၏အမည်ကို အရည်အသွေးရှိအောင် ဦးစွာကြိုးစားပါ။ ဥပမာ - Apple အမှတ်တံဆိပ်ကို မြင်သည်နှင့် ၎င်း၏ အရည်အသွေးကို ကမ္ဘာတစ်လွှားက သိကြသကဲ့သို့ မိမိ၏ အမည်ကို ကြားသည်နှင့် လူတိုင်းက မိမိ၏အရည်အသွေး၊ အရည်အချင်းကို တွဲမြင်နိုင်အောင် ကြိုးစားကြရပါမည်။ ဥပမာ ကမ္ဘာက သိသည့် မြန်မာများ ဖြစ်သည့် ဗိုလ်ချုပ်အောင်ဆန်း၊ ဦးသန့်၊ ဒေါ်အောင်ဆန်းစုကြည် တို့သည် နာမည်ကို ကြားသည်နှင့် မည်သည့်အရည်အချင်းများနှင့် ပြည့်စုံသည်ကို အများသိကြပါသည်။ ထုတ်လုပ်ပြီးသော ကုန်ပစ္စည်းတစ်ခုကို ဂိုဒေါင်ထဲတွင် သိုလှောင်ထား၍ မရဘဲ ဈေးကွက်ထဲသို့ (ဝါ) သုံးစွဲသူလက်ထဲသို့ အရောက်ပို့ရ သကဲ့သို့ မိမိ၏အမည်နှင့် မိမိ၏အရည်အသွေးကို တွဲကာ မြင်နိုင်အောင် တည်ဆောက် ပြီးလျှင် လူမှုဘဝပတ်ဝန်းကျင်ကို အကျိုးပြုနိုင်အောင် ဆက်လက် ကြိုးစားရပါမည်။ ကုန်ပစ္စည်းတစ်ခုကို လူမသိသေးသည့် အချိန်တွင် ကြေငြာခြင်း၊ ဈေးကွက်တွင် အရောင်းမြှင့်တင်ခြင်း (promotion) များပြုလုပ်ရသလို မိမိ၏ အရည်အသွေးကို လူမှုဘဝပတ်ဝန်းကျင်တွင် လူအများ ယုံကြည်လက်ခံလာ အောင် အလုပ်ဖြင့်သက်သေပြကာ ကြေငြာခြင်း၊ promotion များပြုလုပ် ရပါမည်။ အကြောင်းမဲ့ ကြွားခြင်းမျိုးကို မဆိုလိုပါ၊ မိမိအရည်အချင်းနှင့် ထိုက်တန်သည့် အခွင့်အရေး တစ်ခုရလာသည့် အခါ အကောင်းဆုံးလုပ်ပြနိုင်ခြင်းသည် မိမိကိုယ်ကို ကြေငြာခြင်းပင် ဖြစ်ပါသည်။ ထို့အတူ မိမိအရည်အသွေးနှင့် ကိုက်ညီသော ပြည်တွင်း ပြည်ပ ပြိုင်ပွဲများတွင် အောင်မြင်မှုရအောင် ပါဝင်ယှဉ်ပြိုင်ခြင်းများသည် မိမိကိုယ်ကို promotion ပြုလုပ်ခြင်းပင် ဖြစ်ပါသည်။ ဥပမာ အားဖြင့် အားလုံးသိကြသည့် Miss Myanmar နန်းခင်ဇေယျာ၊ စာပေမြှင့်တင် လူစွမ်းအင် ပြိုင်ပွဲတွင် ပထမဆုရရှိထားသော မြတ်သီရိမောင်၊Melody World မှ နိုင်ငံကျော် အဆိုတော်ဖြစ်လာသည့် ချမ်းချမ်း အိမ်မက်ဆုံရာမှ ရဲသွေးနောင်၊ အောင်မြင့်မြတ် Asia new star award ရရှိခဲ့သည့် မော်ဒလ် ထွန်းကိုကို၊ နိုင်ငံတစ်ကာ တက္ကသိုလ်များမှ ချီးမြှင့်သော ရာနှုန်းပြည့် ပညာသင်ဆုများ ရရှိကြသူများ စသည်တို့သည် မိမိကိုယ်ကို promotion လုပ်နိုင်ခဲ့ခြင်း ဖြစ်ပါသည်။

လုပ်ငန်းခွင်တစ်ခု၊ မိမိလုပ်ချင်သည့် နယ်ပယ်ကို စတင်ဝင်ရောက်ချိန်တွင် မိမိဘယ်လောက် ရနိုင်သည်ထက် မိမိ ဘယ်လောက်အထိ ပေးနိုင်သည်ကို ဦးစွာစဉ်းစားပါ။ ဥပမာ အလုပ်တစ်ခု စတင်လုပ်မည်ဆိုပါလျှင် လစာဘယ်လောက်ရမလဲကို ပထမစိတ်ဝင်စားကြပါသည်။ အလွန်မှားယွင်းသည့် ဦးတည်ချက်ဖြစ်ပါသည်။ ငွေမရှိဘဲ ရပ်တည်၍ မရနိုင်သည်ကို နားလည်ပါသည်။ သို့ပါလျှင် ဥပမာ ပြောကြည့်ပါမည်၊ မိတ်ဆွေကို ကျွန်တော် လစာ - သုံးသိန်း ပေးပါမည်၊ သုံးသိန်းနှင့်ထိုက်တန်သော အရည်အချင်း၊ စွမ်းဆောင်နိုင်မှု ရှိပါသလား? ထိုမေးခွန်းကို ကြားသောအခါ နည်းနည်းတော့ စဉ်းစားသွားပါသည်။ ထိုက်တန်သော အရည်အချင်းရှိပါလျှက်၊ တာဝန်များ ကျေပွန်ပါလျှက် ထိုက်တန်သော လစာမရပါလျှင် ရဲရဲဝံ့ဝံ့ ကျောခိုင်းလိုက်ပါ။ မိမိအမှန်တကယ် တတ်ကျွမ်းကျင်လျှင် အမှန်တကယ် ထိုက်တန်သော တစ်နေရာရှိပါသည်။ သို့သော် ပထမဦးဆုံး စဉ်းစားရမည်မှာ မိမိလုပ်ကိုင်မည့် လုပ်ငန်းနေရာ၏ တာဝန်၊ ဝတ္တရားများ မိမိနှင့် ကိုက်ညီမှု ရှိ/ မရှိကို စဉ်းစားရပါမည်။ ကိုက်ညီမှုရှိ၍ လုပ်ဆောင်ခွင့်ရသည်အခါ မိမိအရည်အသွေးကို အခြေခံကာ အကောင်းဆုံး လုပ်ပြနိုင်ရပါမည်။ မိမိအမှန်တကယ် အရည်အချင်းရှိလျှင်၊ တန်ဖိုးရှိလျှင်၊ အလုပ်က မိမိနောက်ကို လိုက်လာပါလိမ့်မည်။

Apple က iphone 5 ကိုလာရောက် တန်းစီဝယ်ကြရရန် လိုက်ခေါ်စရာမလိုဘဲ သုံးစွဲသူက လာစောင့်ဆိုင်းနေကြပါသည်။ ဆရာကြီးဦးမြကြိုင် က ကျောင်းသားများကို လာရောက်တက်ကြပါလို့ လိုက်ခေါ်စရာ မလိုဘဲ နေ့စဉ်နှင့်အမျှ၊ တစ်နှစ်ပတ်လုံး ကျောင်းတွင် သင်တန်းသား/သူ များ ပြည့်နေပါသည်။ မက်ဆီ၊ စီရော်လ်နာဒို တို့က ကျွန်တော် လာကစားပါရစေလို့ အသင်းပိုင်ရှင်၊ မန်နေဂျာများကို ပြောစရာမလိုပဲ ခေါ်ချင်နေသော အသင်းများ ဝိုင်းဝိုင်းလည်နေပါသည်။ ထို့အတူ ကျွန်တော် အောင်ကိုဦးသည်လည်း အင်္ဂလိပ်စာလိုက်သင်သည် ဟု မည်သည့် သတင်းစာ၊ ဂျာနယ်များ တွင်မှ မကြေငြာဘဲ တစ်နှစ်ပတ်လုံး အချိန်ပြည့်သင်ရပါသည်။ မိမိဘယ်လောက်ရမည်ထက် မိမိဘယ်လောက် အကောင်းဆုံးလုပ်ပေးနိုင်လဲ ကိုသာ စဉ်းစားပါ။ မိမိအကောင်းဆုံး လုပ်ပေးနိုင်လျှင် မိမိ၏အမည် အမှတ်တံဆိပ်သည်လည်း တန်းဖိုးတက်လာမည်၊ ယုံကြည်စိတ်ချလာကြပါမည်။ ထိုသို့ ယုံကြည်စိတ်ချလာသည်နှင့်အမျှ အလုပ်က မိမိနောက်ကို လိုက်မည်မှာ သေချာပါသည်။

ကုန်ပစ္စည်းတစ်ခုသည် တစ်နေရာတည်းမှာ အမြဲတမ်း ရှိမနေဘဲ ဆက်လက်ကာ အရည်အသွေး၊ အချက်အလက်များကို update လုပ်ပြီး Model အသစ်အသစ်များ ထပ်မံထုတ်လုပ် နေကြပါသည်။ ထို့အတူပင် မိမိ၏အမည် အမှတ်တံဆိပ် နေရာရနေချိန်တွင် သာယာ ရောင့်ရဲမနေဘဲ မိမိအရည်အသွေးကို စဉ်ဆက်မပြတ် Update လုပ်ကာ မိမိကိုယ်ကို Model မြှင့်နေရပါမည်။ အောင်မြင်မှု တစ်ခုကို ရရှိအောင် ကြိုးစားပြီးလျှင် ထိုအောင်မြင်မှုကို ဆက်လက် ထိန်းသိမ်းထားနိုင်ရန် မိမိအရည်အသွေး၊ လူမှုဆက်ဆံရေး များကို အစဉ်အမြဲ ဂရုစိုက်နေရပါမည်။ ထို့အတူ မိမိနှင့် နယ်ပယ်တူခြင်း ယှဉ်ပြိုင် လာမည့်သူများကိုလည်း တရားသော နည်းလမ်းဖြင့် ယှဉ်ပြိုင်နိုင်ရန် မိမိ၏ အားနည်းချက်၊ အားသာချက်၊ ပြိုင်ဘက်၏ အားနည်းချက်၊ အားသားချက်များကို စောင့်ကြည့်ကာ ပြင်ဆင်သင့်သည်များကို ကြိုတင်ပြင်ဆင် ထားရပါမည်။ မိမိ၏ အားသာချက်ကို အကောင်းဆုံး အသုံးချနိုင်အောင် ကြိုးစားရပါမည်။

တင်ပြခဲ့သည်အချက်များကို အနှစ်ချုပ်ကြည့်လျှင် အောက်ပါအတိုင်း တွေ့ရပါသည်။

အရည်အသွေးပြည့်ဝသောကုန်ပစ္စည်း (Quality Product) - မိတ်ဆက်ခြင်း (Launching/ Introduction) - ကြေငြာခြင်း (Advertising) - အလျင်းသင့်သလို အရောင်းမြှင့်တင်ခြင်း (Promotion) - အရည်အသွေးကို ဆက်လက်ထိန်းထားခြင်း (Maintenance) - ထပ်မံ အရည်အသွေး မြှင့်တင်ခြင်း (Upgrade)

ထိုအချက်များကို အစီအစဉ်တကျ ဆောင်ရွက်နိုင်လျှင် စားသုံးသူ/ သုံးစွဲသူများက မိမိ၏ ကုန်ပစ္စည်း အမှတ်တံဆိပ်ကို စဉ်ဆက်မပြတ် အားပေးသုံးစွဲနေကြပါလိမ့်မည်။ လူတစ်ယောက် အမည် အမှတ်တံဆိပ် သည် လူမှုပတ်ဝန်းကျင်တွင် ယုံကြည်စိတ်ချ အောင်မြင် လိုပါလျှင်လည်း ထို့အတူ ပင်ဖြစ်ပါသည်။
လူငယ်တစ်ယောက်သည် စက်ရုံတစ်ခုတွင် ထုတ်လုပ်တော့မည့် ကုန်ကြမ်း ပစ္စည်းတစ်ခုကဲ့သို့ပင် ဖြစ်ပါသည်။ ထွက်လာမည့်ကုန်ချောကို အကောင်းဆုံးဖြစ်အောင် ကြိုးစားကြရသကဲ့သို့ မိမိကိုယ်ကို အရည်အချင်းပြည့်ဝသော၊ စိတ်ထား ကောင်းမွန် မြင့်မြတ်သော လူငယ်များ ဖြစ်အောင်ကြိုးစား ကြရမည်ဖြစ်ပြီး မိမိ၏ အရည်အချင်းများကို အိမ်ထဲတွင် သိမ်းမထားဘဲ လူမှုပတ်ဝန်းကျင်တွင် အလုပ်ဖြင့် မိမိကိုယ်ကို မိတ်ဆက်ပါ၊ ဆက်လက်ပြီး အခွင့်အရေးရသည့်အချိန်တွင် အကောင်းဆုံး လုပ်ဆောင် ပေးခြင်းဖြင့် Self Advertisement ပြုလုပ်ပါ။ အလျင်းသင့်လျှင် မိမိအမည် ထင်ရှားအောင်မြင်စေမည့် နေရာတွင် Self Promotion ပြုလုပ်ပါ။ အောင်မြင်မှုကို သာယာမနေဘဲ မိမိ အရည်အသွေး / အရည်အချင်းကို အမြဲမပြတ်ထိန်းသိမ်းထားပါ။ ခေတ်နှင့်အညီ လိုက်လျောညီထွေ ဖြစ်အောင် မိမိကိုယ်ကို အရည်အသွေးမြှင့်တင် Upgrade လုပ်ပါ။ ထိုက်တန်သော အောင်မြင်မှုတစ်နေရာကို မုချ ရရှိပါလိမ့်မည်။
လူငယ်အားလုံး မိမိကိုယ်ကို အကောင်းဆုံးတည်ဆောက်ကာ လူမှုဘဝပတ်ဝန်းကျင်ကို ပေးဆပ်နိုင်သော၊ အကျိုးပြုနိုင်သော၊ ပတ်ဝန်းကျင်က ယုံကြည် အားထား လေးစားတန်ဖိုးထား ရသော စိတ်ထားမြင့်မြတ်သော အရည်အချင်းပြည့်ဝသော အောင်မြင်သူများ ဖြစ်နိုင်ကြပါစေကြောင်း ရည်ရွယ်ကာ ရေးသား လိုက်ပါသည်။

အောင်ကိုကို(အမ်း)