ရေးသူနှင့်ဖတ်သူ

 

ကို စိန်သန်း

ရေးသူနှင့်ဖတ်သူ
( The Hot News )

စာကိုစွဲပြီးမရေးတာ ၃ နှစ်လောက် ရှိသွားပါပြီ။ လိုအပ်လို့လာတောင်းမှ တစ်ပုဒ်စ၊ နှစ်ပုဒ်စရေးတာ ဒီသုံးနှစ် လောက်အတွင်း ၁၀ ပုဒ်ထက်မများဘူး ထင်ပါတယ်။ လွန်ခဲ့တဲ့နှစ် ၂၀ ကျော် တုန်းကလည်း ဒီလိုပဲ စာမရေးဖြစ်ခဲ့တာ။ ဒီတော့ သတင်းစာတိုက်ကတဆင့် စာ ဖတ်သူတစ်ဦးထံက စာတစ်စောင်ရောက် လာပါတယ်။ ခါတိုင်းလို စာမရေးတာ- အင်းစိန်တောရရောက်နေလို့လား၊ ရေး ခွင့်ပိတ်ထားလို့လားလို့ စာဖတ်သူတစ်ဦး က မေးတဲ့စာပါ။
စာဖတ်သူတွေက ဒီလောက်ကို စာရေးသူကိုစိတ်ဝင်စားကြတာကိုးလို့ တွေးမိပြီး စာတွေပြန်ရေးပါတယ်။ ကနောင်၊ ရောင်ပြန်၊ သူရဇ္ဇ၊ သီလ၀၊ ဓမ္မသာလာ စတဲ့လစဉ်ထုတ်တွေအပြင် နယ်ကဆရာတော်ဘုရားကြီးများရဲ့ မွေး နေ့စာစောင်၊ ကျောင်းတိုက်နှစ်ပတ်လည် စတဲ့စာစောင်တွေမှာလည်း တောင်းလာ ရင်ရေးပေးတာပါပဲ။
ခုတစ်လောHot News မှာ သတင်း ထောက်ဘ၀ အယ်ဒီတာဘ၀ဖြတ်သန်း ခဲ့တာတွေ မှန်မိသလောက်ရေးမိပါတယ်။ ကျွန်မတို့ခေတ်တုန်းက ခုခေတ်လို ကင် မရာလဲမပါ။ အသံဖမ်းစက်ဆိုတာဝေး မေးတာကိုကိုယ့်ပါးစပ်ကမေး၊ ဖြေသူ့ပါး စပ်ကဖြေ။ ကျွန်မတို့ကလက်နဲ့ အပြေး လိုက်မှတ်ရတာပါ။ တစ်ခါတစ်လေ ကိုယ့်မှတ်စုကိုယ်ပြန်မဖတ်တတ်အောင် စာတွေကရှုပ်နေတတ်တဲ့အထိပါပဲ။ ခု ခေတ်တော့ ဖြေတဲ့သူရှေ့နား စက်က လေးချထားလိုက်ရုံပါပဲ။ ရေးခါမှ စက်ဖွင့် ပြန်ရေး၊ အယ်ဒီတာစာပွဲသို့ သိပ်လွယ် သွားတာပါ။
Hot Newsက ကျွန်မဆောင်းပါး ကိုဖတ်မိတဲ့သူတစ်ယောက်က-
““ခင်ဗျားတို့ရေးတာမှားတဲ့အခါမရှိ ဘူးလား၊ စောဒကတတ်တာ မှားလို့ အမှားပြင်ခိုင်းတာမျိုးမရှိခဲ့ဘူးလား””လို့ မေးပါတယ်။
ရှိသလိုပေါ့ရှင် မှားတာလဲပါလို့ ရှင်းခိုင်းတာ၊ ကိုယ်ကဒီသဘောရေးပေမဲ့ သူတို့က ဆန့်ကျင်ဘက်အဓိပ္ပာယ် ကောက်ပြီး အသံလွှင့်လို့ စိတ်ညစ်ရတာ တွေလဲရှိခဲ့တာပဲလို့ ပြန်ပြောလိုက်မိပါ တယ်။ ဒီလိုမေးလာတော့ အဲဒီတုန်းက အကြောင်းတွေသတိရမိပြီး မေးတဲ့စာ ဖတ်သူကို ပြောပြပါဦးမယ်။
ကျွန်မရဲ့အထက်မှာ အယ်ဒီတာ ချုပ်ဆိုတဲ့သူတစ်ဦးရှိပါတယ်။ သူက ကျွန်မပေါ်မှာ သဘောထားမကောင်း ဘူးလို့ ကျွန်မကမှတ်ထားပါတယ်။ အတွေ့အကြုံတွေအရ ကျွန်မမှတ်ထား သလို ကျွန်မအနားက အဖော်တွေက လည်း သိနေကြတာပါ။ အဲဒီအယ်ဒီတာ ချုပ်က နေ့စဉ်ထုတ်သတင်းစာတွေမှာ ကျွန်မဆောင်းပါးရေးနေတာကို မရေးရ ဘူးလို့ နှုတ်မိန့်နဲ့ အမိန့်ထုတ်ပါတယ်။ အဲဒီတုန်းက သတင်းစာမှာဆောင်းပါး တစ်စောင်ရေးမှ ၂၅ ကျပ်ရတာပါ။ ဒီ ငွေလဲ ငွေသွားထုတ်ရင် သတင်းစားတိုက် ကအယ်ဒီတာတို့၊ လက်ထောက်အယ်ဒီ တာတို့ ကြုံတဲ့သူတွေနဲ့ထိုင်ပြီး လက်ဘက် ရည်သောက်ကြတာပါပဲ။ အမျိုးသားတွေ ဆိုတော့ လက်ဘက်ရည်တစ်ခွက်၊ စီးက ရက်တစ်လိပ်-ဒါလောက်ပဲစားကြသောက် ကြတာ၊ လက်ဘက်ရည်တစ်ခွက်မှ ပြား ငါးဆယ်၊ ကျွန်မတို့အလှည့်ကျလဲ ကျွေးလိုက်၊ သူတို့က ကြုံလဲတိုက်လိုက်နဲ့ ပျော်လို့နေကြတာ၊ ဘာမှများများရတာ မဟုတ်တာကို ထိုဆရာကြီးက မလိုတို ရှည်ဖြစ်နေပါလေရော။
တစ်နေ့ကျတော့ ကျွန်မတာဝန်ကျ တဲ့ဆောင်းပါးတစ်ပုဒ်အတွက် နယ်ကစာ တစ်စောင်ရောက်လာပါတယ်။ အထဲမှာ ဒီဆောင်းပါးမှာရေးထားတဲ့ကိန်းဂဏန်း ဟာ ယခင်ဖော်ပြခဲ့တဲ့ ကိန်းဂဏန်းနဲ့ မတူ-ကွဲနေပါတယ်။ ဘယ်ဟာအမှန်ဆို တာကို စာပြန်ပေးပါ။ ကျွန်တော်၏ ဘွဲ့ ယူစာတမ်းတွင် ဤစာစောင်ကို မှီငြမ်း ပြုရသည့်အတွက် အမြန်ပြန်ပေးပါလို့ ရေးထားပါလို့ ရေးထားပါတယ်။ စာက အယ်ဒီတာချုပ်လက်ထဲရောက်သွားတယ်။ သူဖတ်ပြီး ကျွန်မကိုခေါ်တယ်။ ရှင်းခိုင်း တယ်။ ကျွန်မကိုယ်တိုင်လဲ ဒီဂဏန်းလား၊ ဟိုဂဏန်းလား မမှတ်မိတော့ပါဘူး။ မှတ်စုမှာ ကျွန်မမှတ်ထားတဲ့ ကိန်းဂဏန်း ကလဲ စာစောင်မှာပုံနှိပ်ထားတဲ့ဂဏန်းနဲ့ မတူပါဘူး။ ကျွန်မစိတ်ရှုပ်လေ၊ အယ်ဒီ တာချုပ်ကြီးကပြုံးလေပေါ့။ ကျွန်မအမှား ကို သူကထောက်ပြမယ်။ ကျွန်မကိုတစ် နည်းနည်းနဲ့ အရေးယူမယ်ပေါ့။ ဒီလို တွေးနေမှာပေါ့လေ။ စာတွေရှာလိုက်ရ တာ၊ နောက်ပိတ်ဆုံး ကျွန်မရေးတဲ့လက် ရေးမူကို ပြန်ကြည့်ရတဲ့အဆင့်ရောက် သွားပါတယ်။ ကျွန်မတို့ဌာနမှာက စာရေး၊ ဒီစာကိုလက်နှိပ်စက်ရိုက်၊ မိတ္ထူတွေပွား၊ အစည်းအဝေးတင်၊ အစည်းအဝေးမှာ အယ်ဒီတာတစ်ဖွဲ့လုံးရော၊ ပါတီရေးရာ ကော်မတီတွေက ကိုယ်စားလှယ်တွေပါ တက်ရတယ်။ အဲဒီမှာဖတ် သဘောတူမှ ရိုက်မိန့်ပေးပြီး ပုံနှိပ်စက်ကိုပို့ရတာပါ။ လက်နှိပ်စက်မရိုက်မီ အယ်ဒီတာချုပ်က ဒီစာမူကို အရင်ဖတ်တာ၊ အဲဒီခေတ်က လက်နှိပ်စက်ခေတ်လေ။
ကျွန်မရေးတဲ့ဆောင်းပါးရဲ့အဓိက ဦးတည်ချက်က ဆီထွက်သီးနှံတိုးချဲ့စိုက် ပျိုးရေးအကြောင်းပါ။ စိုက်ဧက ဘယ် လောက်မှာ သီးနှံဘယ်လောက်ထွက်ပြီး ဆီဘယ်လောက်ထွက်မယ်။ နိုင်ငံရဲ့လူ ဦးရေ ဆီစားသုံးမှုနှုန်းအရ ယခုနှစ် အတွက် (ထိုစဉ်က လူဦးရေအရ)ဆီတန် ချိန်မည်မျှတိုးတက်ထွက်ရမည်ဖြစ်ကြောင်း ဒါကြောင့် ဆီထွက်သီးနှံဖြစ်သော မြေပဲ၊ နှမ်း၊ နေကြာ၊ မုံညှင်း၊ ၀ါ စသည်တို့ တိုး ချဲ့စိုက်ပျိုးဖို့ တွန်းအားပေးရေးတာပါ။ ယခင်ရေးဖူးတာက မိုးလေ၀သမှန်ကန်၍ သီးနှံထွက်နှုန်းတိုးတဲ့အကြောင်းရေးရာ မှာ ထိုနှစ်ကသုံးတဲ့ဆီတန်ချိန်ပါသွားတာ ပါ။ ဒါပေမဲ့ ဆီထွက်သီးနှံအထွက်တိုး ရေးက ဒီကိန်းဂဏန်းဟာ အဓိကဖြစ် နေတယ်။ စာရေးမေးတဲ့သူကလည်း စီးပွားရေးတက္ကသိုလ်က မဟာဘွဲ့ယူမှာ၊ ကျွန်မတို့ဌာနကထွက်တဲ့စာတွေဟာ မှန် ကန်မှုရှိတယ်။ အရင်းခံစာရင်းတွေဖြစ် တယ်ဆိုတဲ့ ခံယူချက်နဲ့မေးတာပါ။
ကျွန်မရဲ့လက်ရေးစာမူ မူရင်းလဲရ ရော အယ်ဒီတာချုပ်ကြီးက ဖတ်ပါရော၊ အမယ်လေးကျွန်မရေးထားတဲ့ ကိန်းဂဏန်း ကိုလေ အယ်ဒီတာချုပ်ကြီးက ဖျက်ပြီး မင်နီနဲ့ ကိန်းဂဏန်းတစ်ခုရေးထားတာ တွေ့ရပါလေရော။ ““ဆရာ ဒီဂဏန်း ဘယ်ကရလဲ””လို့ ကျွန်မကမေးတော့ သူက ““ကျွန်တော့်လက်ရေးပဲ၊ ကျွန်တော် ဘယ်ကရလဲမသိဘူးတဲ့လေ””
ကျွန်မက ဒီလိုတွေရေးဖို့ စိုက်ပျိုး ရေးဝန်ကြီးဌာန၊ ကုန်သွယ်ရေးဝန်ကြီး ဌာန၊ ဆီစက်တွေ၊ ဖွဲနုဆီစက်တွေ-ဆီပွဲရုံ တွေသွားလေ့လာလိုက်ရတာလေ။ ပြီး တော့ ဗဟိုစာရင်းအင်းအဖွဲ့လဲမကျန်၊ ခုတော့ ပိုစိတ်ရှုပ်ရပြီ။ ကျွန်မတို့စာစောင် ကိုဖတ်တဲ့ စာရေးသူက ဒီလိုမေးလာရင် ကျွန်မတို့အယ်ဒီတာအဖွဲ့(တာဝန်ကျသူ) က စာရေးမေးသူထံလေးလေးစားစား စာပြန်ရမှာ။ ပြန်ရမှာက ကျွန်မတာဝန် ““ကျွန်မ ဘယ်လိုစာပြန်ရမလဲ””လို့ အယ် ဒီတာချုပ်ကြီးကိုမေးတော့ ““နေပါဦးဗျာ ဒီဂဏန်းဘယ်ကရလဲ ကျွန်တော်စဉ်းစား ဦးမယ်””တဲ့လေ။
ဒါနဲ့ပဲ ၈၈ အရေးအခင်းကြီးပေါ် လာ၊ ကျွန်မတို့ပါတီပျက်၊ ကျွန်မတို့ အလုပ်ပြုတ်၊ ကျွန်မဖြင့်ရေးသူတစ်ဦး အနေနဲ့ စာရေးမေးတဲ့ စာဖတ်သူကို ခုထိအားနာနေတုန်းပါပဲရှင်။

မကြွယ်ကြွယ်

http://www.hotnewsweekly.com/archives/21316