အချစ်ကဗျာတွေ လက်ဆောင်ပေးမယ်

Nine Nine Sanay @ နိုင်းနိုင်းစနေ

အချစ်ကဗျာတွေ လက်ဆောင်ပေးမယ်
----------------------------------------------
အစ္စရေးမှာအလုပ်လုပ်တဲ့ ကျွန်တော့်မိတ်ဆွေတစ်ဦး ပြည်တော်ပြန်လာတော့ အစ္စရေးမှာသူကြုံတွေ့ခဲ့ရတဲ့ သူ့လုပ်ဖော်ကိုင်ဖက်Kaneက သားဖြစ်သူရဲ့စာဖတ်ခြင်းအပေါ် လမ်းညွှန်သွန်သင်ပုံတွေအကြောင်း ကျွန်တော့်ကိုပြောပြခဲ့တယ်။

Kaneဟာ သားဖြစ်သူHymanမူလတန်းစတက်ကတည်းက စာစဖတ်တတ်ဖို့ကို လမ်းညွှန်ခဲ့ပါတယ်။ စာအုပ်တစ်အုပ်ကိုဖတ်တဲ့အခါ ဘယ်နေရာအထိဖတ်ပြီးပြီဆိုတာကို အမှတ်အသားလုပ်ဖို့ သားကို သူတောင်းဆိုခဲ့တယ်။

တကယ်လို့ သားက စာတစ်အုပ်ဖတ်ပြီးရင် သူက ဖတ်စရာစာအုပ်အသစ်တစ်အုပ် ထပ်တိုးပေးပါတယ်။ အဲဒီအပြင် သားဖတ်ခဲ့ပြီးတဲ့စာအုပ်တွေကို ဖတ်ပြီးသားစာအုပ်စာရင်းထဲ သူ ထည့်သွင်းတတ်ခဲ့တယ်။ အဲဒီစာရင်းစာအုပ်ထဲမှာ စာအုပ်တစ်အုပ်ကို သားဘယ်နေ့မှာစလှန်ပြီး ဘယ်နေ့မှာ နောက်ဆုံးစာမျက်နှာရောက်တယ်ဆိုတဲ့ အချိန်ကိုလည်း သေသေချာချာ ရေးမှတ်ထားတယ်။ စာအုပ်တွေကိုလည်း ရုပ်ပြ၊ တိရစ္ဆာန်၊ အပင်၊ ပန်းပုကျောက်ဆစ်၊ ကမ္ဘာ့ခရီးသွားလာရေး၊ သမိုင်း… စသဖြင့် ခွဲခြားထားတယ်။

အချိန်အတိုင်းအတာတစ်ခုအကြာမှာ သားဖြစ်သူဖတ်ခဲ့တဲ့စာအုပ်စာရင်းထဲမှာ သမိုင်းစာအုပ်တွေမပါတာကို Kane သတိထားလိုက်မိတယ်။ သမိုင်းစာအုပ်ကို သား ထိတောင်မထိခဲ့ပါဘူး။ စာအုပ်ဖတ်တာဟာ ထမင်းစားသလိုပဲလို့ Kaneထင်တယ်။ အစားရွေးရင် အဟာရမပြည့်ဝဖြစ်တတ်ပါတယ်။ Kane က သမိုင်းစာအုပ်ကို သားကြိုက်တဲ့ရုပ်ပြစာအုပ်ပေါ်တင်ပြီး စာတိုတစ်ကြောင်း ရေးထားလိုက်တယ်။ စာထဲမှာက “ဒီရုပ်ပြတွဲတွေကို သားအရမ်းကြိုက်တာ ဖေဖေသိတယ်။ တကယ်လို့ ဒီသမိုင်းစာအုပ်ကို သားဖတ်ပြီးရင် ဒီလို ရုပ်ပြစာအုပ်၃အုပ် သားရမယ်။ တကယ်လို့ ဒီသမိုင်းစာအုပ်ထဲမှာပါတဲ့ အကြောင်းအရာအကျဉ်းချုံးနဲ့ ဖတ်ပြီးခံစားရတဲ့ခံစားချက်ကို သားရေးပြီးပြနိုင်ရင် ဒီလိုရုပ်ပြစာအုပ်တွဲအားလုံး သားရမယ်” လို့ ရေးထားတယ်။

Kaneရဲ့ ဒီလိုခန့်မှန်းချက်က မှန်ခဲ့ပါတယ်။ သားက သမိုင်းစာအုပ်တွေဖတ်မယ်လို့ စပြောလာခဲ့လို့ပါ။ ဒါပေမယ့် သားက စကားနားထောင်တဲ့ သားအလိမ္မာလေးတော့ မဟုတ်ပါဘူး။ တစ်ပတ်ကျော်ကြာတဲ့အထိ သမိုင်းစာအုပ်ကြားမှာညှပ်ထားတဲ့ စာမျက်နှာမှတ်တဲ့စက္ကူချပ်လေး နေရာမရွေ့ခဲ့ဘူးဆိုတာကို Kane သတိထားမိလိုက်တယ်။ သားစာမဖတ်တာ တစ်ပတ်ကျော်ခဲ့ပြီ။ ကျောင်းသင်ခန်းစာကိုတောင် စိတ်ပါပါမလုပ်ခဲ့တော့ပါဘူး။

သားရဲ့အိပ်ခန်းထဲ Kaneရောက်လာခဲ့တယ်။ အံဆွဲသော့ခတ်ထားပါတယ်။ Kane ဘယ်လိုပဲ အတတ်နိုင်ဆုံး “မျှားစာ”ချပြီး ဆွဲဆောင်ခဲ့လည်း စားပွဲပေါ်ကစာအုပ်ကို သားမထိတာနှစ်ပတ်ရှိခဲ့ပါပြီ။

တစ်ကြိမ်မှာတော့ Kane တံခါးခေါက်ပြီး အိပ်ခန်းထဲဝင်လိုက်ချိန် သားဟာ ဒိုင်ယာရီစာအုပ်ကို ကမန်းကတန်းပိတ်ပြီး အံဆွဲထဲထည့်လိုက်တာကို သူတွေ့လိုက်တယ်။ စားပွဲပေါ်မှာ ကောင်မလေးဓာတ်ပုံတစ်ပုံ ရှိနေခဲ့ပါတယ်။ သား ရည်းစားထားပြီဆိုတာကို Kane သိလိုက်ပါတယ်။ အသိဉာဏ်ကင်းမဲ့တဲ့အချစ်ကြောင့် သားဟာ စာဖတ်ခြင်းကို စွန့်လွှတ်လိုက်ပါတယ်။

ဒါပေမယ့် Kane ဒေါသမထွက်ခဲ့ပါဘူး။ နောက်တစ်နေ့ညမှာ သားရဲ့အခန်းတံခါးကို သူခေါက်လိုက်ပြန်ပါတယ်။ ပြီးတော့ နွေးထွေးတဲ့လေသံနဲ့ “ဒီစာအုပ်က သားကို ကူညီကောင်းကူညီနိုင်ပါလိမ့်မယ်”လို့ ပြောလိုက်တယ်။ သား ယူကြည့်လိုက်တော့ ရုရှားကဗျာဆရာ Alexander Pushkin ရဲ့ အချစ်ကဗျာစာအုပ်ဖြစ်နေပါတယ်။

“ချစ်ခြင်းမေတ္တာကို ဒီလိုလှပအောင် လူတိုင်းရေးနိုင်တာမဟုတ်ဘူး.. စာအုပ်ထဲမှာ ပိုလှပတဲ့အချစ်ကို ဖေဖေတို့တွေ့မြင်နိုင်တယ်။ တကယ်လို့ သားကောက်နုတ်ရေးသားချင်ရင်တော့ ဒီထက်ကောင်းတဲ့ ကဗျာစုစည်းမှုစာအုပ် မရှိတော့ဘူး” လို့ Kane ကဆက်ပြောလိုက်တယ်။ သားက ဖခင်ကို ငေးကြောင်ပြီး ကြည့်နေခဲ့ပါတော့တယ်။

အဲဒီနောက်မှာတော့ သားရဲ့စားပွဲပေါ်ကစာအုပ်တွေ “လှုပ်ရှားသက်ဝင်” လာခဲ့ပြန်ပါတယ်။ ဒီလိုအချိန်မျိုးမှာ သားဟာ သူဖတ်ချင်တဲ့ စာအုပ်စာရင်းတွေကိုရေးပြီး စားပွဲပေါ်တင်ထားတတ်ပါတယ်။ အဲဒီစာရင်းထဲမှာ အင်္ဂလန်ကဗျာဆရာ Thomas Stearns Eliot ရဲ့ The Waste Land ၊ အိန္ဒိယကဗျာဆရာ၊ စာရေးဆရာ တဂိုးရဲ့ Stary Birds ၊ အင်္ဂလန်ကဗျာဆရာ Percy Bysshe Shelleyရဲ့ To a skylark တွေပါတယ်။ သား အချစ်ကဗျာတွေကို နှစ်သက်သွားပြီဆိုတာကို Kane အံ့သြဝမ်းသာသိလိုက်ပါတယ်။

သားလည်း နောင်တစ်ချိန်မှာ မြင့်မြတ်တဲ့ကဗျာဆရာတစ်ဦးဖြစ်နိုင်တယ်လို့ Kane တွေးမိတယ်။ ဒါနဲ့ စာအုပ်စာရင်းကိုင်ပြီး ဝမ်းသာအားရ စာအုပ်ဆိုင်ဆီ ပြေးသွားခဲ့ပါတော့တယ်။

“စာဖတ်ခြင်းက အထူးသဖြင့် ကျောင်းပြင်ပစာဖတ်ရှုခြင်းက သားကို အလုပ်ကောင်းတစ်ခု ရှာပေးနိုင်ချင်မှ ရှာပေးနိုင်ပါလိမ့်မယ်။ ဒါပေမယ့် စာဖတ်ခြင်းကြောင့်ရလာတဲ့ အသိဉာဏ်ပညာက ဘာနဲ့မှလဲလှယ်လို့မရတဲ့အရာဖြစ်တယ်” လို့ Kane က သားကို ပြောခဲ့ပါတယ်။

“တော်လှန်ရေးအပြင် ကျွန်တော်ရဲ့တစ်သက်တာမှာ ကြိုက်နှစ်သက်တဲ့အရာက စာဖတ်ခြင်းပဲဖြစ်တယ်။ စာတစ်ရက်မဖတ်ရရင် ကျွန်တော်အသက်မရှင်နိုင်ပါဘူး” လို့ တရုတ်ပြည်ရဲ့ တော်လှန်ရေးရှေ့ပြေး ဒေါက်တာဆွန်ယက်ဆင်က ပြောခဲ့ပါတယ်။

----
မူရင်းလင့် -- http://www.85nian.net/zuowensucai/34476.html

နိုင်းနိုင်းစနေ (Sept. 29. 2015)