ကျုပ်တို့ တိုင်းပြည်

Andrew Myo Aung added 5 new photos.

ကျုပ်တို့ တိုင်းပြည်
******************
သူများနိုင်ငံတွေ
ပညာရေးနဲ့ တိုင်းပြည်တည်ဆောက်နေချိန်မှာ
အားကျမခံ
"ပညာရေးဖြင့် ခေတ်မှီဖွံ့ဖြိုးတိုးတက်သော
နိုင်ငံတော်ကြီး တည်ဆောက်အံ့"ဆိုတဲ့
ဆိုင်းဘုတ် အရှည်ကြီးတင်ပြီး
ပါးစပ်ကတော့
ပညာရေးဆိုတာ ပြန်မရနိုင်တဲ့ ရင်နှီးမြှုပ်နှံမှုလို့
နှောင်းလူတို့ကို အားမနာတမ်း ပြောတတ်တဲ့
တပည့်ပီသတဲ့ သမ္မတကြီး အုပ်ချုပ်နေတဲ့ တိုင်းပြည်။

သူများနိုင်ငံတွေ
ပြည်တွင်းမှာမထွက်လို့
နိုင်ငံတကာက ဝယ်သုံးနေတာတောင် ချမ်းသာကြွယ်ဝနေချိန်မှာ
ပေါလွန်းလို့
ရှိတာထုတ်ရောင်းယုံမက
အိမ်ခေါ်ဧည့်ခံပြီးတော့ပါ ထိုးရောင်းနေတာတောင်
မွဲပြာကျစေခဲ့တဲ့
စစ်တက္ကသိုလ်ကြီးရဲ့ သားတပည့်တွေ၊
စီးပွားရေးအမြင်ကျယ်လွန်းတဲ့
သျှမ်းသျှမ်းတောက် စစ်ဗိုလ်ချုပ်တွေ
ဖာချသလို
အလှည့်ကျ အုပ်ချုပ်နေတဲ့ တိုင်းပြည်။

ဥပဒေကို ခုတုံးလုပ်
ဇာတ်တူသားကို အမြည်းလုပ်
တိုင်းပြည်အပေါ် ဂုတ်သွေးစုပ်နေကြသူတွေက
စည်းစိမ်တွေကြားက ခေါင်းမော့ကြည့်ရင်း
စေတနာအမှားပါလို့
ပြီးစလွယ်ပြောလေ့ရှိတဲ့ စစ်ချုပ်ဟောင်းတွေ
နှစ်ကြော့ပြန် အရေလဲဘဝနဲ့
သားစဉ်မြေးဆက်အတွက် စီးပွားရေးတွေလုပ်ကိုင်လို့
အဘတို့က တိုင်းပြည်ရှေ့ရေးအတွက်
မပါချင်ပဲ ပါနေရသယောင်
ပြောနေတတ်တဲ့ နှစ်သီးစားတွေနေတဲ့ တိုင်းပြည်။

တပ်မတော်ကို ချစ်လှပါချည်ရဲ့ ဆိုပြီး
တပ်သားသစ်တယောက်ကို
ငါးသောင်း တသိန်းပေးဝယ်နေတာတောင်
မသိကျိုးကျွံပြုယုံမက
"သင့်အား တပ်မတော်မှ အလိုရှိသည်" ဆိုတဲ့
ပြူးပြဲနေတဲ့ ဆိုင်းဘုတ် ကြီးထောင်ထားတာတောင်
နဝေတိမ်တောင် လုပ်ပြီးကာမှ
"လိုအပ်ရင် ခေါ်လိုက်ပါ"
"တိုင်းပြည်အတွက်ဆို အဆင်သင့်ပဲ "
"မြန်မာသွေးက ရဲတယ်ကွ" လို့
တောင်အော်မြောက်အော် အော်နေတတ်တဲ့
စစ်ဖားလေးတွေ အများကြီးရှိတဲ့ တိုင်းပြည်။

"တပ်မတော်အင်အားရှိမှ တိုင်းပြည်အင်အားရှိမယ်"ဆိုတဲ့
ကိုလိုနီခေတ်က ဆိုင်းဘုတ်ကြီးကို
မချတမ်း ခေါင်းပေါ်ရွက်လို့
ရှိသမျှအင်အားနဲ့တောင်
တိုင်းပြည်ကို နှိပ်စက်လို့မပြီး
ပြည်တွင်းမှာပဲ လိုက်ပြီးစားမာန်ခုတ်နေတတ်တဲ့
ပြည်ပနဲ့ဆိုရင် ဖင်ခံမတတ်ကြောက်နေတတ်တဲ့
အငြိမ်းစား ကာကွယ်ရေးတပ်မတော်ကြီးရှိတဲ့ တိုင်းပြည်။

လောက အငြိမ်းချမ်းဆုံးဘာသာလို့
လိပ်ခေါင်းထွက်အောင် အော်ဟစ်ရင်း
လာမထိနဲ့ မီးပွင့်သွားမယ်လို့ ပြောလို့ပြော
မဝေဖန်နဲ့လို့ ဆိုလို့ဆိုနဲ့
ဓားကိုင်ပြီး တီကောင်ကြောက်နေသလိုမျိုး
မီးကို မီးနဲ့ငြိမ်းမယ်ဆိုတဲ့ အစွန်းရောက်တွေကို မတားပဲ
ပြည်သူကို အမှန်တရားဟော
မအအောင် သင်ပေးရင်း
တရားအစစ်ကို ပြောတတ်သူတွေကိုသာ
တားဆီးပိတ်ပင်တတ်တဲ့
ဘာသာရေးနဲ့ အုပ်ချုပ်ရေး ခေါင်းဆောင်တွေ
ဘယ်သူက ဆရာ
ဘယ်သူက ဒကာမှန်းမသိတဲ့ တိုင်းပြည်။

ကျောင်းသားက ပညာရေးအကြောင်းပြော
ပါချုပ်တွေက သမိုင်းမှန်မသိ
စစ်သားတွေက နိုင်ငံရေးလုပ်
ပြည်ထဲရေးက သူတောင်းစားလုပ်
ဘုန်းကြိ်ီးတွေက ဥပဒေပြု
လူတစုက ကြီးပွား
လူလိမ္မာက တောင်းဆို
လူမိုက်က ထိန်းသိမ်းရေးလုပ်လို့
လူမှန်တွေ အကျဉ်းချ
လူလိမ်တွေ နေရာကျနေတဲ့
ခေတ်ပျက်ကြီးကိုတောင်
ဒီမိုကရေစီပါလို့
အော်ခိုင်းနေသေးတဲ့ ငပိန်းလူကြီးတွေရှိတဲ့တိုင်းပြည်။

တိုင်းပြည် ထူထောင်ရေး
လူတွေ လုပ်အားပေးရမယ့်အချိန်
သမိုင်းထဲက ခေါင်းလောင်းကြီးကို တလိုတ
ရာဇဝင်ထဲက ဆင်ဖြူတော်ကို ရှာလိုရှာ
ယတြာတွေ ဂြိုဟ်တွေနဲ့
တိုင်းပြည်ကို ကယ်တင်လို့
ဖားကောက်တဲ့လက်နဲ့ ခြင်္သေ့ဖမ်း
ခဲချွန်ဓားနဲ့ သစ်ခွဲ
သားသတ်လက်နဲ့ ပန်းချီဆွဲ
အနူလက်နဲ့ ရွှေခွက်ကိုင်ထားတဲ့သူတွေ
ခေါင်းပေါင်းကြီးတွေတကားကားနဲ့
ကောင်းစားနေတဲ့ တိုင်းပြည်။

YaeTayZa ။
=========