လေဆိုတာ အလကားရတယ်ဆိုတာ လူတိုင်းအသိပါပဲ။ ဒါပေမဲ့ အဲဒီလေကိုပဲ သန့်သန့်ရှင်းရှင်းနဲ့ ၀၀လင်လင် ရှူမိကြပါရဲ့လား။ အလုပ်ထဲမှာ အာရုံများနေလို့ပဲဖြစ်ဖြစ်၊ လေကောင်းလေသန့်ရတဲ့နေရာမှာ မနေဖြစ်လို့ပဲဖြစ် ဖြစ် အလကားရတဲ့လေကိုတောင် ၀၀မရှူမိတဲ့အခါမျိုးတွေမှာ အလိုလိုနေရင်း သက်ပြင်းတချချ ရင်တမမနဲ့ ပင်ပန်းနွမ်းလျနေတတ်ပါတယ်။ အဲဒီလိုအခါမျိုးမှာ စိတ်ရှုပ်လွယ်၊ စိတ်ညစ်လွယ်ပြီး စိတ်ဖိစီးလွယ်တတ်တယ် ဆိုတာ သတိထားမိပါသလား။
ဒါဆို အသက်ရှူလေ့ကျင့်ခန်းလုပ်ခြင်းဖြင့် စိတ်ဖိစီးမှု၊ စိတ်ရှုပ်ထွေးမှုတွေနည်းသွားစေနိုင်ပါသလား။ သေချာတွေးကြည့်ရင် လူတွေဟာ ဓါးရှလို့ဖြစ်စေ ၊ တစ်ခုခုကြောင့်ဖြစ်စေ ဒဏ်ရာအနာတရဖြစ်တဲ့အခါ ဆေးထည့်လို့စပ်ရင် အသက်ကိုပြင်းပြင်းရှူတတ်ကြပါတယ်။ ဒါဟာ နာကျင်မှုသက်သာအောင် အမှတ်တမဲ့လုပ်မိတဲ့ ခန္ဓာကိုယ်ရဲ့ တုံ့ပြန်မှုပါပဲ။ ခန္ဓာကိုယ်နာကျင်မှုပဲဖြစ်ဖြစ် စိတ်နာကျင်မှုပဲဖြစ်ဖြစ် အသက်ပြင်းပြင်းရှူခြင်းဖြင့် လျော့ပါးသက်သာစေတယ်လို့ ဆေးပညာရှင်များက ပြောကြပါတယ်။ ဗုဒ္ဓတရားတော်အရလည်း ၀င်လေထွက်လေရှူတဲ့ ၀ိပဿနာရှုနည်းဟာ ခန္ဓာကိုယ်ရဲ့ ဒုက္ခကို သက်သာစေတဲ့ နည်းတစ်နည်းဖြစ်တယ်ဆိုတာ လူများစုသိပြီးဖြစ်ပါလိမ့်မယ်။ ဒီတော့ အသက်ပြင်းပြင်းရှူလေ့ကျင့်ခန်းကို နည်းစနစ်မှန်ကန်စွာ လုပ်တဲ့အတွက် ရနိုင်တဲ့ အကျိုးကျေးဇူးတွေကို စုစည်းတင်ပြပေးလိုက်ပါရစေ။
ကြွက်သားတင်းမာမှုများ လျော့ကျခြင်း - အသက်ကို မှန်မှန်နဲ့ ပြင်းပြင်းရှူရင် ကိုယ်နေဟန်က မတ်သွားပြီး ကြွက်သားတွေတင်းကျပ်အောင် နေမိတာတွေ လျော့သွားမှာဖြစ်ပါတယ်။
အောက်ဆီဂျင်များများရရှိခြင်း - အသက်ကို ခပ်ပြင်းပြင်းရှူသွင်းရှူထုတ်လုပ်တဲ့အခါ ခန္ဓာကိုယ်ထဲကို အောက်ဆီဂျင်တွေအများကြီးဝင်ပြီး ဆဲသေးသေးလေးတွေအထိ ပျံ့နှံ့သွားမှာဖြစ်ပါတယ်။ အဲဒီအခါ ခန္ဓာကိုယ်ရဲ့လုပ်ဆောင်ချက်ပိုတိုးတက်လာပြီး စိတ်အာရုံစူးစိုက်နိုင်စွမ်းနဲ့ အမောခံနိုင်စွမ်းပါ တက်လာမှာဖြစ်ပါတယ်။
သွေးတိုးကျစေခြင်း - ကြွက်သားများတင်းခဲနေတဲ့အခါ သွေးကြောတွေပါတင်းလာတဲ့အတွက် နှလုံးက ပိုအလုပ်လုပ်ရပြီး သွေးတိုးနှုန်းတက်စေပါတယ်။ ဒါကြောင့် အသက်ကိုပြင်းပြင်းနဲ့ မှန်မှန်ရှူတဲ့အခါ ကြွက်သားတင်းမာမှုလျော့ပြီး သွေးတိုးလည်းကျစေပါတယ်။
အန်ဒေါ်ဖင်(န်) ဓါတ်ထွက်လာခြင်း - အသက်ပြင်းပြင်းရှူတဲ့အခါ သွေးလည်ပတ်နှုန်းကောင်းလာပြီး စိတ်ကိုပျော်ရွှင်စေတဲ့ အန်ဒေါ်ဖင်(န်) ဓါတ်တွေ အများကြီးထွက်လာတာကြောင့် အလိုလိုနေရင်း စိတ်ပေါ့ပါးပျော်ရွှင်လာမှာဖြစ်ပါတယ်။
အဆိပ်အတောက်ဖယ်ရှားနိုင်ခြင်း - မှန်ကန်တဲ့အသက်ရှူနည်းဟာ လင့်ပ်ကြောတွေကို စနစ်တကျအလုပ်လုပ်စေတဲ့အတွက် အန္တရာယ်ဖြစ်စေတဲ့အဆိပ်တွေကို ဖယ်ထုတ်နိုင်ပါတယ်။ ခန္ဓာကိုယ်ထဲက အဆိပ်တွေကို ဖယ်ရှားပြီး ခန္ဓာကိုယ်ကိုသန့်စင်စေလို့ အားအင်တွေပြည့်ဝကာ ဇီဝကမ္မဖြစ်စဉ်များ ပိုမိုတိုးတက်ကောင်းမွန်လာစေမှာဖြစ်ပါတယ်။
အသက်ရှူလေ့ကျင့်ခန်းကို အချိန်ပေးလုပ်ဆောင်လိုသူများအတွက် အခြေခံလေ့ကျင့်ခန်းကို ဖော်ပြပေးလိုက်ပါတယ်။
- သက်တောင့်သက်သာရှိပြီး တိတ်ဆိတ်တဲ့နေရာမှာ လဲလျောင်းပါ (သို့) တင်ပျဉ်ခွေပြီးထိုင်ပါ။ စိတ်ပျံ့လွင့်မှုမရှိအောင် ၅ - ၁၀ မိနစ်အထိနေပါ။
- ကြွက်သားများကိုတင်းမထားပဲ ဖျော့ချလိုက်ပါ။ ခန္ဓာကိုယ်တစ်ခုလုံးကို အ၀တ်စတစ်ခုလိုသဘောထားကာ ပျော့နေအောင် လျှော့ချလိုက်ပါ။
- အဆုတ်ထဲမှာ လေအပြည့်ဖြစ်တဲ့အထိ အသက်ကို ခပ်ကြာကြာရှူသွင်းပါ။ ဗိုက်ဖောင်းတဲ့အထိပါ ရှူသွင်းပြီး ရှူသွင်းနေစဉ်အတွင်း ၁ ကနေ ၅ အထိကို ဖြည်းဖြည်းရေတွက်ပါ။
- အဆုတ်ထဲမှာ လေမကျန်တော့တဲ့အထိ အသက်ရှူထုတ်ပါ။ ဒီတစ်ခါမှာလည်း ၁ ကနေ ၅ အထိရေတွက်ပြီး ကြွက်သားများကိုပါလျှော့နိုင်သမျှလျှော့ထားရမှာဖြစ်ပါတယ်။
ဒီရှူသွင်းရှူထုတ်လေ့ကျင့်ခန်းကို အနည်းဆုံး ၁၀ မိနစ်ခန့်ပြုလုပ်ရမှာဖြစ်ပါတယ်။ စိတ်အာရုံကို နှာခေါင်းဝ (သို့) ၀မ်းဗိုက်မှာပဲ စုစည်းထားနိုင်ပါက ပိုပြီးထိရောက်စေမှာဖြစ်ပါတယ်။ အသက်ရှူလေ့ကျင့်ခန်းကို တစ်နေ့တစ်ကြိမ်ခန့်မှန်မှန်လုပ်သွားပေးပါက မကြာခင်မှာပဲ စိတ်လက်ပေါ့ပါးကာ နုပျိုလန်းဆန်း ကျန်းမာလာတာကို တွေ့ရမှာဖြစ်ကြောင်း တင်ပြလိုက်ပါတယ်။
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။