သူခိုးကျင့် သူခိုးကြံအစိုးရ အလိုမရှိ

Ko Nyo

သူခိုးကျင့် သူခိုးကြံအစိုးရ အလိုမရှိ

June 12, 2014 at 12:22pm

 သူခိုးကျင့်၊ သူခိုးကြံ အစိုးရအလိုမရှိ


မကောင်းမှုကိုကြံစည်သူတွေမှန်သမျှ၊ လူအများဆိတ်ကွယ်ရာဖြစ်စေ၊ ညအခါ လူခြေတိတ်ချိန်ဖြစ်စေ လုပ်ဆောင်တတ်တာ အများအသိ။ 
သူခိုး၊ ဓားပြအများစုဟာ အဲလို လူတွေမျက်ကွယ်မှာ သူတို့ အလုပ် အထမြောက်အောင်လုပ်တတ်တာလည်း အများသိ။

သူခိုးဓားပြ အစိုးရဖြစ်တဲ့ နအဖတွေလည်းအဲလိုကျင့်ကြံခဲ့တယ်။
 ဥပမာ ၂၀၀၇ ရွှေဝါရောင်တုန်းက ငွေကြာရံဘုန်းကြီးကျောင်းကို 
လူခြေတိတ်တဲ့ ညနက်ပိုင်းမှာ ရိုက်နှက်ဖျက်ဆီးစီးနင်းတိုက်ခိုက်ချိတ်ပိတ်ခဲ့တာလည်း တပြည်လုံးအသိ။ 


သူခိုးဓားပြနဲ့တူတဲ့ အစိုးရတွေကလည်း အဲဒီလို အများမျက်ကွယ်မှာ အမှုအရာတွေ ခိုးကြောင်ခိုးဝှက်စီရင်တတ်တယ်။ 
ဥပမာ ညအချိန် တိတ်တဆိတ်ဖမ်းပြီး ဘယ်သူမှ မသိနိုင်တဲ့နေရာကို မျက်စိပိတ်ခေါ်သွားတာ။
 လူသူမသိ ချုပ်နှောင်ဖမ်းဆီးတတ်တာ၊ လူအသိမခံ နှိပ်ဆက် သတ်ဖြတ်ပြီး  အလောင်းဖျောက်လိုက်တာ၊ 
မိသားစုအနည်းအကျဉ်းနဲ့ အသုဘချခိုင်းတာ... ဒါတွေအားလုံးဟာ လှုပ်ရှားဆောင်ရွက်သူတွေရဲ့ မတရားမှု၊ မရိုးသားမှု၊ 
အမှန်တရားကို ရင်မဆိုင်လိုမှု၊ သူတပါး မတုန့်ပြန်နိုင်အောင် အလစ်အငိုက်သုတ် မရိုးမသားလုပ်ဆောင်မှု၊
 အနိုင်အထက်ကျင့်ကြံမှု အစရှိတဲ့ သူခိုးကျင့် သူခိုးကြံအလုပ်သက်သက်ဖြစ်တယ်။


ဒီကနေ့ သမတ သိန်းစိန်အစိုးရအဖွဲ့ဟာ  အရင်က မတရားအာဏာသိမ်းတိုက်ခိုက်ယူတဲ့ 
စစ်အစိုးရ အမွေ လက်ဝေခံရခဲ့သူပီပီ၊ သူခိုးဓားပြ အကျင့်အကြံ( Mind-set) ကမပျောက်နိုင်ဘူး။
စစ်ထွက်တွေပီပီ ပြည်သူကို အလစ်အငိုက်သုတ် နှိမ်နင်းတိုက်ခိုက်တတ်တဲ့ စရိုက်သဘာဝကကို မဖျောက်နိုင်ဘူး။
 ဒီမိုကရေစီ စိတ်ဓာတ် အကျင့်နဲ့ လုံးဝ မဆီလျှော်၊ ဒီမိုကရေစီ ယဉ်ကျေးမှုနဲ့ မအပ်စပ်တဲ့ 
 အရိုင်းအစိုင်း အကျင့်အကြံ ဓလေ့စရိုက်တွေ ခ၀ါမချနိုင်သေးဘူးဖြစ်နေတယ်။
ပါးစပ်က ဘုရားဘုရား လက်က ကားရားကားရား အစိုးရကို မြန်မာပြည်သူတွေ အမြဲကြုံ ကြိုက်နေရတယ်။
 ရေစက်မကုန်ဖြစ်နေရတယ်။ 


လတ်တလော သံန္တိသုခကျောင်းတိုက်ကို စီးနင်းသိမ်းပိုက် ချိတ်ပိတ်တဲ့ ဖြစ်ရပ်က အတော်ရုပ်ဆိုးတယ်။
 စစ်အာဏာရှင်ခေတ် ငွေကြာရံ ကျောင်းတိုက်ကို စီးနင်းတိုက်ခိုက်ခဲ့တာနဲ့ အနှစ်သာရခြင်းတူတယ်။
 အမှန်တရားကိုလက်ကိုင်ထားသူတွေဆိုရင်၊ မိမိတို့လုပ်တဲ့ အလုပ်အပေါ် ရိုးသားဖြောင့်မတ်တယ်ဆို
 ဘယ်သူမှ အခုလို ခိုးကြောင်ခိုးဝှက်မလုပ်ဖူး။ ဒါဟာ မရိုးမဖြောင့်မှု၊ ကောက်ကျစ် အနိုင်ကျင့်မှု၊ 
ဗုဒ္ဓအတွေးအခေါ်နဲ့ ဗုဒ္ဓသာသနာအပေါ် စော်ကားမော်ကားလုပ်တာဖြစ်တယ်။


 မဟန ဆိုတာ ဘယ်အခြေခံနဲ့ ပေါက်ဖွားလာသလဲ စာတတ်ဘုန်းကြီးတွေ၊
 ရှေ့မှီ နောက်မှီဘုန်းကြီးတွေသိတယ်။ 
အစိုးရဒေါက်တိုင်အဖြင့်၊ အာဏာရှင်ဒေါက်တိုင်အဖြင့် မွေးထုတ်ပေးတဲ့ အဖွဲ့ဖြစ်တယ်။
 ရှည်နေမှာစိုးလို့ တချက်ပဲ ထောက်ပြမယ်။  သံဃာအချင်းချင်း ခွဲခြားဖို့၊ ဖိနှိပ်ဘို့၊ ဂိုဏ်းခွဲဘို့၊ 
မဆလခေတ် ဦးနေ၀င်းက သူကိုင်တွယ်ရလွယ်ကူမယ့်ဆရာတော်တွေကို အယုံသွင်းပြီး
 အာဏာရှင်စနစ်ကို ကျားကန်နိုင်အောင် ထူထောင်ခဲ့တာဖြစ်တယ်။ 
တနည်းပြောရရင် သံဃာ့ထုအဆောက်အအုံ အင်စတီကျူးရှင်းကြီးက 
စစ်တပ်လို ရာထူးအဆင့်ဆင့်(၀ါတော်အဆင့်ဆင့်) နဲ့ စည်းစနစ်တကျထိမ်းချုပ်ထားတာမို့ 
စစ်တပ်ကို အံတုမှာယှဉ်ပြိုင်လာမှာစိုးရိမ်တယ်။
 ဒါကြောင့် သံဃာ့ခေါင်းဆောင်တွေကို စိတ်ကြိုက်ရွေးပြီး ခါးပိုက်ထဲ ထည့်လိုက်တာဖြစ်တယ်။ 
ပိုပြီးရှင်းအောင်ပြောမယ်။
 ဒီကနေ့ မဟန ပြိုရင် အာဏာရှင်ဒေါက်တိုင်အင်စတီကျူးရှင်းတခုပြိုတာနဲ့အတူတူပဲ။
 ဒါကြောင့် မဟန သြဇာ ပြန်လည် အသက်ဝင်အောင် ဒီအစိုးရက မလုပ်လို့မရဘူး။
 အဲဒီမှာ သာသနာဖျက်အံ့မောင်လို့ သံဃာအများ ကင်ပွန်းတပ်ထားတဲ့
 အာဏာရှင် လက်သုံး ဦးအံ့မောင်ကို ပြန်သုံးလာတာဖြစ်တယ်။
ဦးအံ့မောင်ကို ဒီနေရာမှာ သုံးလိုက်တာဟာ အာဏာရှင်တွေ အစွယ်တစ်ချောင်း ထပ်ပေါ်လာတာဖြစ်တယ်။
နောက်တနည်းပြောရရင် ခံစစ်ကုန်းကနေအားယူပြီး ထိုးစစ်ဆင်  ပြန်တိုက်တာဖြစ်တယ်။ 
စစ်အာဏာရှင်တွေရဲ့ ခြေရာ လက်ရာဖြစ်တယ်။ 
သမတဦးသိန်းစိန် အစိုးရထဲက ထိတ်တန်းအမာခံတွေနဲ့ အစိုးရနောက်ကွယ်က အမှောင်ရိပ်မှာ နောက်ချန်နေပြီး
 ယနေ့ နိုင်ငံရေး အခင်းအကျင်းတစ်ခုလုံးအပေါ် ကျကျနန အကွက်ရွှေ့ကစားနေတဲ့
 မာစတာမိုင်းတင့်ခ်တက်ခ်အုပ်စုတွေ ဗျူဟာဖြစ်တယ်။
(အဲဒီထဲမှာ စာဖတ်နေတဲ့ နေပြည်တော်က အဖိုးကြီးလည်း ပါကောင်းပါနိုင်တယ်)။


ဦးအံ့မောင်ဟာ အရင် အာဏာရှင် အစိုးရတလျှောက်လုံး မဟနနဲ့ သံဃာ့အဖွဲ့အစည်းတွေအားလုံးကို
 မွှေနှောက်ဒုက္ခပေးခဲ့သူဖြစ်တယ်။ သံဃာ့အရေးအရာမှန်သမျှ အာဏာရှင်အလိုကျ 
အကောင်းဆုံးဖြစ်အောင် အကောင်အထည် ဖော်နိုင်သူဖြစ်တယ်။
ဒါကြောင့် သမတ နားမှာ သာသနာရေးကိစ္စ အကြံပေးအဖြင့် ကပ်ပြီး ရံထားတာဖြစ်တယ်။
 ဦးအံ့မောင်မနေနိုင်လို့ ထွက်ပြီး ပွဲကြမ်းတာဖြစ်တယ်။
သတင်းထောက်တွေကို ဘုတောပြီး ကြိုက်တဲ့ တရားရုံးကိုသွား...လို့ပြောတာ သူ့နောက်ကွယ်က အင်အားကို သူယုံကြည်လို့ဖြစ်တယ်။
နောက်တနည်းပြန်တွေးရင် သမတအကြံပေး အံ့မောင်ထွက်လာတာကိုက အစိုးရအဖွဲ့ ဖရိုဖရဲဖြစ်နေတာ၊
 စိတ်ခြောက်ခြားနေတာကို ပြသနေတာပဲ။ ဒါကြောင့် အမှားအမှန် မဆင်ခြင်နိုင်တော့ပဲ 
သူတို့လုပ်တတ်တဲ့ အကျင့်ဟောင်းအတိုင်းလုပ်ပြစ်တာပါ..။


   ဒီမိုကရေစီ စနစ်ဆီလှမ်းမယ်ဆိုရင် အစိုးရ မသန့်ရှင်းလို့မရဘူး။ စည်းကမ်းမရှိလို့ မရဘူး။
 အကြမ်းဖက်လို့မရ၊ဗရမ်းဗတာ ထင်တိုင်းကြဲ ဥပဒေနဲ့ချီတက်လို့မရ။ သူခိုးကျင့် ဓားပြကြံလည်း လုပ်လို့မရနိုင်ဘူး။
အကျင့်ဟောင်းအတိုင်းသွားချင်တယ်ဆို..ကျနော်တို့ အာဏာရှင်စနစ် နဲ့သာ အုပ်ချုပ်ပါ့မယ်၊ 
အာဏာရှင် စနစ်ဆီပြန်သွားပါ့မယ်လို့ ရိုးရိုးသားသားကြေငြာလိုက်ပါ။ ဖားတပိုင်း ငါးတပိုင်းတော့ မလုပ်ပါနဲ့။
အထူးသဖြင့် မိုင်းဆက်တွေပြင်မရ၊ ပြောင်းမရသူတွေကို  ထုတ်ပလိုက်၊ ဖြုတ်ပလိုက်ပါ။
 ခရီးကြံ့ကြာတယ်။ လူထု နစ်နာတယ်။


လက်တွေ့မှာ  သမတဦးသိန်းစိန် အစိုးရဟာ ဆင်ခေါင်းခွေးမချီနိုင်ဖြစ်နေတယ်။ 
ဒီမိုကရေစီလို့ပြောပြီး စိတ်ဓာတ်စံချိန်မမှီတော့ သွားမရ၊ လှုပ်မရဖြစ်နေတယ်။
ဘာကြောင့်လဲဆိုတော့ သူခိုး ဓားပြစိတ်ဓာတ်တွေ မဖယ်ရှားနိုင်သေးလို့ပါ.။
အာဏာရှင်ဘိုက်ထဲ ဒီမိုကရေစီ သန္ဓေ္ဓတည်လို့မရပါ။ မဖြစ်နိုင်သလို၊ သင့်လည်း မသင့်တော်ပါ။
အစိုးရ အဖွဲ့ထဲက လူဆိုး၊ လူညစ်တွေကို ပြတ်ပြတ်သားသား ထုတ်ပယ် အရေးယူမှ ပြည်သူတွေ အသက်ရှုချောင်လိမ့်မယ်။
ကောင်းသော အစိုးရ၊ သန့်ရှင်းသော အစိုးရ ဖြစ်ဖို့ဆို မိမိအပါအ၀င် မကောင်းသော၊ မသန့်ရှင်းသော၊ 
 အစိုးရအကြံပေးပုဂ္ဂိုလ်တွေအပါအ၀င် အစိုးရ ၀န်ကြီးတွေ၊ အရာရှိတွေကို သန့်စင်သင့်တယ်။


ဒါပေမယ့် သမတသက်တမ်းက တနှစ်ခွဲပဲ ကျန်တော့တယ်။ သိပိနောက်ကျသွားပြီ။
တခုတော့ ရှိတယ်။  နောင်တက်မယ့် အစိုးရအတွက် မူလရောဂါ မကပ်ညိအောင်၊
 ကြိုတင်ကာကွယ်ဆေး ထိုးပေးတဲ့အနေနဲ့  ဖြုတ်ထုတ်ပယ် စံနမူနာကောင်းလေးတော့ လုပ်ဖို့ အချိန်ကောင်းပါ။
ဘယ်သူ့မျက်နှာမှထောက်စရာမလို၊ တိုင်းပြည်မျက်နှာ၊ ပြည်သူ့မျက်နှာနဲ့ အရေးယူဆောင်ရွက်သင့်တယ်။
နောက်ထပ် သမတရာထူးဆက်ရချင်ရင် အဲလောက်တော့ သတ္တိရှိဖို့လိုတယ်။
အာဏာမြဲဘို့၊ စည်းစိမ်ဥစ္စာတည်တံ့ခိုင်မာဖို့ ထက် အရေးကြီးတာက 
တိုင်းပြည်ဂုဏ်သိက္ခာရှိဖို့၊ ပြည်သူတွေ ထမင်း၀၀လင်လင်စားနိုင်ဘို့ပါ။ အဲဒီအတွက် တော့ အချိန် မနှောင်းသေးပါ။
သူခိုးဓားပြအစိုးရတွေ နောက်ထပ် ဆက်လက် မတည်ရှိသင့်တော့ပါ။

ကိုညို( အော်စလို)
၁၂ဇွန် ၂၀၁၄