"ညီကြလာကြ ပါတီဘဝ ခံယူကြ" ဇာတ်ကားမှာ နေတိုးက ပါဝင် သရုပ်ဆောင် နေပါတယ်
။ ဇာတ်ဝင်ခန်းအရ နေတိုးက ပန်းချီ ဆွဲခဲ့ရပြီး အဲဒီပန်းချီ ကားကိုလည်း တောင် ဥက္ကလာက NLDရုံးမှာပဲ အမှတ်တရ ထားခဲ့ပါတယ်။ ဒီပန်းချီကားကို လက်တန်းဆွဲခဲ့တာဖြစ်ပြီး ပန်းချီ ဆွဲဖို့ အတွက် စိတ်ကူး ပေါ်ခဲ့ပုံကိုလည်း နေတိုးက "ပန်းချီခန်း ရိုက်မှာ ဆိုတော့ တစ်ခုခုလောက် ရေးပေးပါဆိုတာနဲ့ ကျွန်တော်က လောလောဆယ်မှာ ပုဂံကိုသွားခဲ့တော့ ထနောင်းပင်ကို စိတ်ထဲမှာ သဘောကျနေတယ်။
ဓာတ်ပုံတွေ လည်းရိုက်ခဲ့တယ်။ ကိုယ်သဘော ကျတဲ့ အရာဆိုတော့ စိတ်ထဲမှာလည်း ပေါ်နေ တယ်။ ပထမတော့ ထနောင်းပင်ဆွဲဖို့ မဟုတ်ဘူး။ နောက်ဆေးသားကို လုပ်ရင်းနဲ့ ဆွဲချင် တဲ့ စိတ်ပေါ်လာတာနဲ့ လုပ်ဖြစ်သွားတာ၊ သစ်ပင်က အပင်အို ပုံစံ မျိုးပေါ့။ အိုမင်းရင့်ရော်တဲ့ အရာတွေ၊ နုပျိုတဲ့အရာတွေ ရေးရတာ ပိုကောင်းတယ်၊ ပန်းချီရဲ့အရ သာပေါ်အောင်ပါ" လို့ပြောပါတယ်။
ပန်းချီကို ဒီလိုလက်တန်း ဆွဲနိုင်တာကလည်း ငယ်ငယ်ကတည်းက အနုပညာနဲ့ပတ်သက်တဲ့ သင်တန်းတွေကို တက်ခဲ့တာကြောင့် လို့ ပြောပြတဲ့ နေတိုးက "ငယ်ငယ်တုန်းက အချိန်ကို အကျိုးရှိစွာ အသုံးချခဲ့တဲ့အတွက် ကိုယ်လိုအပ်တဲ့အချိန်မှာ ပြန်သုံးလို့ရတာပေါ့။ အခုအချိန်မှာ အနုပညာ အလုပ်ကို သင်ယူရင်း ကိုယ်တတ်မြောက်ခဲ့တဲ့ ပညာကို ပြန်အသုံးပြုတာပါ။ တတ်ချင်စိတ်၊ သိချင်စိတ်နဲ့ ဖိဖိစီးစီး လုပ်ခဲ့တဲ့အကျိုးပေါ့" လို့ ပြောပြခဲ့ပါတယ်။
 |
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။