အမေ့အိမ်က အပြန်၊ ခြင်္သေ့လည်ပြန် အကြည့်၊ ကြိုးကြာငှက်လည်း မရှိတော့ပြီ

 

ဉာဏ်ဦးမောင်
နိုဝင်ဘာ ၁၇၊ ၂၀၁၂

လျှော့လျှော့ပေါ့ပေါ့ ပြောရလျင် ခုဆုို ကုိုယ့်အသက်က သက်လတ်ပုိုင်းအရွယ်။ တောမှာမွေးတဲ့ တောသားတစ် ယောက်။ အနုပညာနဲ့တော့ မစိမ်းတဲ့သူ။ ကုိုယ့်အရွယ်အရဆုိုလျင်ဖြင့် ခေတ်နောက်ကျတယ် လုို့ဆုိုလေမလား၊ ခေတ်မီတယ်လုို့ဆုိုလေမလားမသိ။ အနုပညာနယ်ပယ်၊ တိတိကျကျ ပြောရလျင် တေးသီချင်းနယ်ပယ်က မြန် မာပြည်ရဲ့ စတီရီယုိုဂန္ထဝင်အဆုိုတော်ကြီးသုံးဦးနဲ့ ကောင်းကောင်းရင်းနှီးခဲ့ဖူးတယ်။

တစ်ဦးက ဘုိုထီးလုို့ခေါ်ကြတဲ့ စုိုင်းထီးဆုိုင်။ သူ့ကုိုစတွေ့တော့ ကုိုယ့်အသက်က မငယ်လှတော့။ ငယ်စဉ်က တည်းက စုိုင်းထီးဆုိုင်အကြောင်းကြားနေခဲ့ဖူးပေမယ့် သူနဲ့စတွေ့တာ ရင်းနှီးတာက ရှစ်ဆယ်ခုနစ်အလွန်များ မှာမှ။ မန္တလေး လားရှိုးပြေးဆွဲတဲ့ လားရှိုးမန်း ဟုိုင်းလပ်ကားပေါ်မှာ သူနဲ့စတင်ရင်းနှီးခဲ့ရတာ။
မှတ်မှတ်ရရ။ အဲဒီနေ့က နှင်းတွေသိပ်သိပ်သည်းသည်းကုို ဝေနေခဲ့တယ်။ လားရှိုးကုိုအသွား မန္တလေးက ကား စထွက်တယ်ဆုိုလျင်ကုိုပဲ အောင်ပင်လယ်သွား ၃၅ လမ်းမက မပီဝုိုးဝါး။ နီကြင်ကြင် ခပ်ကျဲကျဲ လမ်းဘေးမီးတုိုင် များဆီကလာတဲ့ အလင်းက ထူထဲထဲနှင်းကုို မဖောက်ခွဲနုိုင်ခဲ့။ မြို့အလွန် အောင်ပင်လယ် လယ်ကွင်းများထိပ်မှာ နှင်းတွေ ဝေ့သီရစ်ဝဲနေလုို့ ဒရုိုင်ဘာက ကားကုိုဖြည်းဖြည်းချင်းသာ မောင်းနေခဲ့တယ်။ အောင်ပင်လယ် လယ် ကွင်းများအဆုံး တောင်ခြေအရောက်မှာတော့ မြူတွေကြားကနေ မှုန်ပျပျ ရှမ်းရုိုးမတောင် တန်းကြီးကုို ဘွား ကနဲမြင်လုိုက်ရတယ်။
အညာမြေပြန့်လွင်ပြင်မှာ မွေးဖွားကြီးပြင်းခဲ့တဲ့ကုိုယ်က တောင်တန်းတွေ မြစ်ကျယ်တွေနဲ့ တော်တော်အလှန်း ဝေးခဲ့သူ။ ဒီတော့ နှင်းမှုန်ကြားမှာ ဝုိုးတဝါးမြင်ရတဲ့ ရှမ်းရုိုးမ တောင်တန်းကြီးက ကိုယ့်အတွက်ထူးဆန်းအံ့သြမှု အပြည့်အဝပေးခဲ့တယ်။ ဒါတင်မက ကုိုယ့်စိတ်ကုို ဟိုး..တောင်တန်းပြာထိပ်ဆီအထိ အရောက်ဆွဲခေါ်သွား သလုို ခံစားမိခဲ့တယ်။ စာထဲမှာသာ ဖတ်ခဲ့ဖူးတဲ့ တောင်တန်းကြီး။ ပုံထဲမှာသာတွေ့ခဲ့ဖူးတဲ့ တောင်တန်းကြီး။ ဒီတောင်တန်းကြီးကို ခုလုို ရုတ်တရက် မျက်စိရှေ့မှာ ထီးထီးမားမား နီးနီကပ်ကပ်တွေ့ရတော့ ကြည်နူးခြင်းက ရင်မှာအပြည့်ဖြစ်ခဲ့ရတယ်။
တောင်စဉ်တောင်ဝှမ်း တောင်ခါးပန်းမှာ ဝေ့ဝဲရစ်သီနေတဲ့ မြူလွှာမြူဆုိုင်း အပြိုင်းပြိုင်းကုို အငမ်းမရ ငေးမော ကြည့်ရှုရင်း တောင်ခါးပန်းမှာဖောက်ထားတဲ့ ကွေ့ကွေ့ကောက်ကောက် ကျဉ်းကျဉ်းကျပ်ကျပ် လမ်းပေါ်မှာ မောင်းနှင်နေတဲ့ ကားပေါ်ကမြင်ရတဲ့ အသူတရာနက်တဲ့ ချောက်ကမ္ပါးယံကြီးတွေကလည်း အသည်းတအေး အေး ရင်တဖုိုဖုိုဖြစ်စေခဲ့ပြန်တယ်။
တကွေ့ကွေ့မှာ လှန်းတွေ့ရတဲ့ ဟုိုးဝေးဝေးက ဒုဋ္ဌဝတီမြစ်ရဲ့ ကွေ့ကွေ့ကောက်ကောက် မြစ်ရေမြင်ကလည်း ထွက် ပြူစနေရောင်ခလုို့ ဘော်ငွေရောင် တလက်လက်ထလုို့။ အဲဒီအချိန် အဲဒီအရွယ်အထိ ကုိုယ့်ဘဝသက်တမ်း တလျှောက် သွားခဲ့ဖူးတဲ့ခရီးများထဲမှာ သတိတရဖြစ်ရဆုံးနဲ့ တမ်းတမ်းတတ ဖြစ်ခဲ့ရတဲ့ ခရီးတစ်ခု။
အံ့သြလွမ်းမောဖွယ်အတိ ပြည့်နေတဲ့အချိန်မှာပဲ ကားဒရုိုင်ဘာက စုိုင်းထီးဆုိုင်ရဲ့ ‘ချစ်တဲ့ ရှမ်းရုိုးမ’ဆုိုတဲ့ သီချင်း ကုိုဖွင့်ခဲ့တယ်။ ……အဝေးကမြင်ရုံဆုို မပျော်နုိုင်ပါ၊ အပြာရောင် တောင်တန်းဆီကုိုသာ၊ အောင့်မေ့ အခါခါ၊ တမ်း တ အခါခါ၊ မရောက်ခဲ့ မပြန်ခဲ့နုိုင်တာလည်း သိပ်ကုိုကြာ….. ဆုိုတဲ့သီချင်စာသားက အချိန်ကိုက် အခါကိုက်။ နှစ်လုံးသားကို တိုက်ရိုက်ထိခဲ့တယ်။ ဒါတင်မက မပြန်နုိုင်တာကြာတဲ့ ကုိုယ့်မွေးရပ်မြေ အညာရွာကုို မဆီမဆုိုင် တောင်ပြာတန်းကြားကနေ လွမ်းအားပုိုမိခဲ့ရသေးတယ်။ လားရှိုးလမ်းခရီးတစ်လျောက်လုံးမှာ ကားဒရုိုင်ဘာက စုိုင်းထီးဆုိုင်သီချင်းချည်းကုိုသာ ဖွင့်ခဲ့တယ်။
လမ်းလျောက်ကြားခဲ့ရတဲ့ သီချင်းတွေထဲမှာ မောင့်လပြည့်ဝန်း၊ လေညာအရပ်က အချစ်။ သခင့်ဆီ အပြေးပြန် လာမယ်၊ ငယ်ချစ်ဦး၊ ခွဲစ်ိတ်ခမ်းက ဆရာမ။ နွေနံနက်ခင်း။ လားရှိုးခရီးကအပြန်မှာတော့ စုိုင်းထီးဆုိုင်သီချင်း တွေက ကုိုယ့်နား၊ ကုိုယ့်နှုတ်ဖျားမှာ ဝေ့ဝဲရစ်သီရုံမျှမက ကုိုယ့်နှလုံးသားတုိုင်ပါ ယီးလေးတွဲခုို နေရာယူလုို့။
ဘယ်လောက်များကုိုယ်က စုိုင်းထီးဆုိုင်သီချင်းတွေကုို နားထောင်ဖြစ်သလဲဆုိုလျင် ရင်းနှီးတဲ့မိတ်ဆွေအချို့က ကုိုယ့်ကုိုယ် ထီးဆုိုင်၊ ကုိုယ်ထီးလုို့တောင် ခေါ်ခဲ့ကြတဲ့အထိ။ ခုတုိုင်အောင်ပဲ ငယ်သူငယ်များနဲ့တွေ့တုိုင်း ထီး ဆုိုင် ကုိုယ်ထီးလုို့ခေါ်နေသူတွေက ရှိနေဆဲ။
အသိမိတ်ဆွေကောင်းကောင်းမရှိပဲ မန္တလေးကုိုရောက်လာခဲ့တဲ့ကုိုယ့်အတွက် အခက်အခဲဖြစ်ခဲ့ရတယ်။ ဒီ အချိန်မျိုး စုိုင်းထီးဆုိုင်ရဲ့ ‘မန္တလေးရောက် ရှမ်းကလေးတစ်ယောက်ရဲ့အဖြစ်ဟာ မလွယ်ပါလား’ဆုိုတဲ့ သီချင်းစာ သားကုိုကြားမိလျင် မန္တလေးရောက် ရှမ်းကလေးတစ်ယောက်အဖြစ်သာ မလွယ်တာ မဟုတ်ပါဘူး။ မန္တလေး ရောက် အညာသားစစ်စစ် ဗမာတစ်ယောက်ရဲ့ အဖြစ်ဟာလည်း မလွယ်ပါဘူးရယ်လုို့ သူ့ကုိုပြန်ပြောချင်ခဲ့ဖူး တယ်။ ခုတော့ သူလည်း မရှိတော့ပြီမုို့ ပြောခွင့်မသာနုိုင်တော့ဘူးပေါ့။ စုိုင်းထီးဆုိုင်ရဲ့ သီချင်းခေါင်းစီးများထဲမှာ ခြင်္သေ့လည်ပြန်ဆုိုတဲ့ ခေါင်းစီးစာသားကုိုလည်း အမှတ်ထင်ထင်ရှိနေမိတယ်။
နောက်များမှာတော့ ခင်မောင်တုိုးသီချင်းတွေကုို အလွန်နှစ်သက်တဲ့ မိတ်ဆွေတစ်ယောက်က ဒီအခွေလေး နားထောင်ကြည့်ပါ၊ တွေးရဆွေးရ လွမ်းတမ်းတရတာကြိုက်တဲ့ ကုိုယ့်လူလည်း နှစ်သက်မယ်ထင်ပါတယ်လုို့ ဆုိုပြီး ခင်မောင်တုိုးလက်ရွေးစဉ် သီချင်းတစ်ခွေကုို လက်ဆောင်ပေးပါတယ်။ သေသေချာချာနားထောင်ဖြစ် တော့ တော်တော်သဘောကျမိတယ်။ ဒီနောက်မှာတော့ ကုိုယ့်ဖေးဗရိတ်တွေထဲမှာ ခင်မောင်တုိုးတစ်ယောက် ထပ်တုိုးလာတယ်။ မဟာဆန်သူ၊ ဝေးခဲ့ပြီ ပန်းခရမ်းပြာ၊ လေးညှို့ရှင်စတဲ့ခင်မောင်တုိုးသီချင်းများကလည်း ကိုယ့်အသည်းစွဲသီချင်းများ ဖြစ်လာရပြန်တယ်။ သူ့သီချင်းတွေထဲမှာ ‘မုိုးဦးဝင်ရောက်လာတဲ့အခါ.. ရုိုးမကုိုဖြတ် ပြန်ရင်း.. ဆုိုတဲ့ ကြိုးကြာသံသီချင်းခေါင်းစဉ်က အမှတ်ထင်ထင်။ ခုတော့ ခင်မောင်တုိုးတစ်ယောက်လည်း သူ့သီချင်းထဲကအတုိုင်း ဟုိုးဝေးဝေးကြီး မုိုင်ထောင်ချီခရီးကုို ပျံသန်းသွားခဲ့လေပြီပေါ့။
ရှစ်ဆယ့်ရှစ် အရေးအခင်းအပြီး ကုိုယ့်နေရာကုိုယ့်ဌာနမှာ နေခွင့်မသာတော့ သူငယ်ချင်းတွေ တကွဲတပြား ဟုို ဟုိုဒီဒီအဝေး သင့်တော်ရာမှာ ပြေးသွားကြရတယ်။ ကုိုယ်ရောက်ခဲ့တဲ့နေရာက မြို့ပြနဲ့ဝေးတဲ့တောရွာလေး တစ်ရွာမှာ။ ဒီနေရာလေးက ကုိုယ့်ရဲ့ရင်းနှီးတဲ့မိတ်ဆွေတစ်ဦးရဲ့ မွေးရပ်မြေ။ စိတ်ချမ်းသာလက်ချမ်းသာ နေနုိုင် အောင်ဆုိုပြီး မိတ်ဆွေက ကုိုယ့်ကုိုသီးသန့်အဆောင်ငယ်လေးတစ်ခုမှာ နေရာချပေးထားတယ်။ စာဖတ်ချင်လျင် ဖတ်၊ အိပ်ချင်လျင်အိပ်၊ တွေးချင်ရာတွေး၊ ဒီမိုကရေစီအပြည့်ရှိတဲ့ နေရာလေးလုို့ သတ်မှတ်ကာ နေချင်သလုို နေဖုို့ကုိုလည်း အခွင့်ပေးထားတယ်။
ကုိုယ်တည်းခုိုနေထိုင်ရာ အဆောင်ငယ်လေးရဲ့ ပြတင်းတံခါးကနေ လမ်းမျှော်ကြည့်လုိုက်ရင် လယ်ကွင်းနှစ်ကွင်း အကျော်လောက်မှာ ရန်ကုန်မန္တလေး အမြန်ရထားလမ်းမ။ ရထားလမ်းကုိုကျော်ပြီး ဟုိုးခပ်ဝေးဝေးကုို မျှော် ကြည့်လုိုက်လျင်တော့ မှိုင်းညို့ညို့ ရှမ်းရုိုးမတောင်တန်းကြီးကုို ရေးရေးမျှ လှန်းမြင်ရတယ်။ ရထားဥသြသံ ကြား လျင် တုို့တွေလှုပ်ရှားနေထိုင်ခဲ့ကြတဲ့ မန္တလေးမြို့ရဲ့တနေရာက အခန်းကျဉ်းလေးကုို သတိရမိကြောင်း မိတ်ဆွေ ကုို ပြောမိတော့ သူကထူးအိမ်သင်ရဲ့ လက်ရွေးစဉ် တေးစီးရီးတစ်ခွေယူလာပြီးပေးတယ်။ ဒါက မော်ဒန်ငုိုချင်း တေးစီးရီးတစ်ခုလုို့လည်း ပြောခဲ့တယ်။ သီချင်းတွေက အမေ့အိမ်၊ ဂျပ်ဆင်ထိပ်က လရိပ်ပြာ။ ရာဇဝင်များရဲ့ သတုို့သမီး၊ အရင်အတုိုင်း။ နာရီပေါ်က မျက်ရည်စက်များ၊ ဗင့်စင့်ဗင်ဂုိုးတမ်းချင်းစတဲ့သီချင်းတွေ။ ရထားဥသြ သံတွေကြားတုိုင်း အိမ်ပြန်ချင်စိတ်ဖြစ်နေတတ်တဲ့ကုိုယ့်အဖုို့ ထူးအိမ်သင်ရဲ့ အမေ့အိမ်သီချင်းက အိမ်ပြန်ချင် စိတ်ကုို တွန်းအားပေးသလုိုဖြစ်ခဲ့လုို့ မိတ်ဆွေပြောတဲ့ မော်ဒန်ငုိုချင်းဆုိုတဲ့စကားက တကယ့်ကုိုမှ မှန်ကန်တဲ့ မှတ်ချက်ပြုမှုရယ်လုို့ လက်ခံခဲ့ပါတယ်။
ဒီလောက်ဆုိုလျင်တော့ စတီရီယုို ဂန္ထဝင်ပုဂ္ဂိုလ်ကြီးများနဲ့ ဘယ်လုိုရင်းနှီးခဲ့ဖူးတယ်ဆုိုတာ နားလည်လောက်ပြီ ပေါ့။ တကယ်တော့ သူတုို့တွေနဲ့ အပြင်မှာ တွေ့ဖူးမြင်ဖူး စကားလက်ဆုံကြဖူးလုို့ ရင်းနှီးခဲ့တာ မဟုတ်ပါဘူး။ လဖက်ရည်ဆုိုင်ထုိုင်ရာကနေ၊ ကက်ဆက်တိတ်ခွေ၊ စီဒီခွေ၊ အမျိုးမျိုးသော တေးအယ်လ်ဘမ်များကနေ၊ ခု နောက်ပုိုင်းမှာတော့ အင်တာနက်ကနေ၊ သူတုို့ရဲ့တေးသီချင်းသံတွေကုို ကြားခဲ့ရတယ်။ ကြားခဲ့လွန်းလုို့ အချို့ တေးသီချင်းများဆုိုလျင်ဖြင့် အလွတ်တောင် ရလုနီးပါး။ သူတုို့ဆုိုဟန်၊ သူတုို့အသံပါမက သူတုို့မာန်တွေကုိုပါ တောင် ကောင်းကောင်းဖမ်းစားနုိုင်ပြီလုို့ ဆုိုနုိုင်လောက်သည်အထိ ရင်းနှီးနေခဲ့တာ။ ခုတော့ သူတုို့အားလုံး သူတုို့ချစ်တဲ့ ပရိတ်သတ်တွေနဲ့အတူ သူတုို့အနုပညာ၊ သူတုို့သီချင်းသံတွေကုို စွန့်ခွါလုို့သွားခဲ့ကြပြီ။
အနုပညာအသုိုင်းအဝန်းကသူတွေ ကွယ်လွန်တယ်ကြားရတုိုင်း မုိုးမုိုးအင်းလျား ဈာပနမှတ်တမ်းမှာ ဆရာကြီး ဦးတင်မုိုး ရေးထုိုးခဲ့တဲ့ စာတုိုလေးကုို မမြဲသတိရမိတယ်။ ‘ချစ်သူတုို့သက်တမ်း တိုလှ၏၊ မုန်းသူတုို့ သက်တမ်း ရှည်လှ၏။ ကြေကွဲ၍ မဆုံးပါ’တဲ့။ စုိုင်းထီးဆုိုင်၊ထူးအိမ်သင်၊ ခု ခင်မောင်တုိုး။ သူတုို့အားလုံးရဲ့ သက်တမ်းဟာ ပျမ်းမျှလူ့သက်တမ်းအရ ပြောမယ်ဆုိုလျင်ကုိုပဲ တုိုတောင်းတယ်လုို့ ပြောရမည့်အရွယ်များသာဖြစ်တယ်။ နေမယ်ဆုိုက နေနုိုင်ကောင်းသေးတဲ့ အရွယ်ပုိုင်ရှင်များသာဖြစ်တယ်။ ဒီအထဲမှာ အများတကာချစ်ခင်မှုကုို ခံရတာကြောင့် မသေစေလုိုသူတွေဖြစ်သမုို့ ချစ်သူတုို့သက်တမ်းအရ ပြောရမယ်ဆုိုလျင်တော့ အလွန့်အလွန်မှ တုိုတောင်းလွန်းတယ်လုို့ ပြောရမည့်အရွယ်များသာဖြစ်တယ်။
ငယ်ကြီးနိမ့်မြင့် ဖြူမဲညိုဝါ အာဏာရှိမဲ့ မခွဲမခြား တသားတည်းပဲ သဘောထားတဲ့ သေမင်းကတော့ သူ့အသင်း အပင်းတုိုးဖုို့ရန်အတွက်ဆုို ချစ်သူကုိုလည်း ဆွဲလုို့ခေါ်၊ မုန်းသူဆုိုလည်း ချန်မထားလေတတ်တာက သူ့ရဲ့နိယာမ၊ သူ့ရဲ့ဓမ္မတာပဲ မဟုတ်လား။ ဒီတော့လည်း ရှည်စေလုိုသူတွေရဲ့သက်တမ်းလည်း ပြဌာန်းထားတဲ့ သူ့ကံတရား အရသာ။ ပိုပိုကြာကြာ နေစေလိုပေမယ့်လည်း ပိုရှည်ခွင့်ဆုိုတာ ဘယ်မှာဖြစ်လာနုိုင်ပါ့မလဲ။
ခုတော့ ဘုိုထီးလည်း မရှိ၊ ကုိုငှက်ကြီးလည်း ပျောက်ကွယ်၊ ကုိုတုိုးကြီးလည်း ထွက်ခွါသွားခဲ့ပြီမုို့ တကယ်လုို့များ အမေ့အိမ်ကုိုပြန်ခဲ့လုို့ ခြင်္သေ့လည်ပြန်ကြည့်ဖြစ်ခဲ့မယ်ဆုိုလျင်တောင် ကြိုးကြာငှက်တုို့ကိုတော့ ဘယ်လိုမှ တွေ့ ခွင့်သာနုိုင်တော့မယ် မဟုတ်တော့ပါဘူး။
သုို့ပေမယ့် ဝေဟင်မှာ လွင့်ပျံဝဲကျန်နေရစ်မည့် သူတုို့ရဲ့တေးသံတွေ။ သူတုို့ကုိုချစ်သူတွေရဲ့ နှလုံးသားမှာ စွဲထင် ကျန်နေမည့် သူတုို့ရဲ့ပုံရိပ်နဲ့ တေးသံတွေကတော့ နောင်နှစ်ပေါင်းရှည်ကြာ ရှင်ကျန်နေပေလ်ိမ့်ဦးမယ်။ သူတုို့ တွေဟာဖြင့် တုိုလျလှတဲ့ သူတုို့တွေရဲ့သက်တမ်းများကြားကပဲ ရှည်လျားလှတဲ့အလွမ်းများကုိုတော့ ချစ်သူတွေ အတွက် အမှတ်တရ ချန်ထားရစ်နုိုင်ခဲ့ကြတယ်။ ဒါသည်ပင်လျင် ဂန္ထဝင်များရဲ့ အဖိုးမဖြတ်နိုင်တဲ့ ဂန္ထဝင်များသာပဲ မဟုတ်ပါလားလေ။ ။
http://moemaka.com/?p=29190