အနမ်းဋီကာ

ရှေးတုန်းက အီဂျစ်လူမျိုးတွေဟာ နှုတ်ခမ်းချင်း နမ်းတာကို မပြုကြပါဘူး။ နှုတ်ခမ်းအစား နှာခေါင်းကိုပဲ နမ်းကြပါတယ်။ အရင်တုန်းက ရောမတွေဟာ သူတို့ရဲ့ အိမ်ထောင်ဖက်ဇနီးနဲ့ ညဘက်အိပ်ရာဝင်ခါနီးကျရင် နမ်းတာကို လေ့ကျင့်ခန်းတစ်ခုသဖွယ် ပြုလုပ်လေ့ရှိကြတယ်။ တခြား ဘယ်သူတွေကကော ဘယ်လို နမ်းကြပါသလဲ။ အနောက်နိုင်ငံမှာ အမျိုးသမီး တစ်ယောက်ဟာ အိမ်ထောင်မကျခင် ယောက်ျား ၇၉ ယောက်နဲ့ နမ်းခဲ့ဖူးပြီးသွားပြီလို့ စစ်တမ်း တွေ့ရှိရတယ်။ တချို့ သီအိုရီတွေအရ ကိုယ့်နဲ့ဆံပင် အရောင်အသွေးတူတဲ့သူနဲ့ နမ်းတဲ့အခါမှာ ပိုပြီး အနမ်းဟာ ချိုမြိန်တယ်လို့ တွေ့ရတယ်။ လေးစားအံ့သြတဲ့ လူတစ်ယောက် ရှိသေးတယ်။ အဲဒီသူကတော့ အဲလ်ဖရက်ဝိုလ်ဖ်မန်တဲ့၊ နယူးဘရိုက်တန်ကပဲ။ ရှစ်နာရီအတွင်းမှာ လူပေါင်း အယောက် ၈၀၀၁ ယောက်ကို နမ်းခဲ့တာတဲ့။ တစ်မိနစ်ကို လူရှစ်ယောက်နှုန်းနဲ့ နမ်းသွားတာ ဘယ်လိုများနမ်းသွားလည်း မတွေးတတ်အောင်ပဲ။ ကြည့်ရတာ မွေးကတည်းက လေ့ကျင့်ခဲ့ပုံရတယ်။ ဒီလိုထူးထွေဆန်းပြားတဲ့ အနမ်းအကြောင်းကို သုတရစေဖို့ ဒီတစ်ပတ်မှာ ဖော်ပြလိုက်ရပါတယ်။

ဖလိုင်းကစ်စ်

ဒါကတော့ ငယ်စဉ်တောင်ကျေး အရွယ်ကတည်းက သိလာခဲ့တဲ့ အနမ်းလေး ဖြစ်ပါတယ်။ နှုတ်ခမ်းရှေ့မှာ လက်ဖဝါးလေးဖြန့်ပြီး မှုတ်ထုတ်တဲ့ပုံစံနဲ့ နမ်းတဲ့ ဘတ်တာဖလိုင်းကစ်စ်လေး ဖြစ်ပါတယ်။

ပါးနမ်း

ဒါကတော့ ရင်းနှီးခင်မင်မှုကိုပြတဲ့ အနမ်းပဲ ဖြစ်ပါတယ်။ နှုတ်ခမ်းနဲ့ ပါးပြင်ကို ကြမ်းတိုက်ခြင်းပဲ ဖြစ်ပါတယ်။

နားသန်သီး

နားသန်သီးကို ချိုချဉ်စုပ်သလိုနမ်းတဲ့ အနမ်းဖြစ်ပါတယ်။

အက်စကီးမိုးအနမ်း

နှာခေါင်းချင်းပွတ်သပ်ပြီး နမ်းတဲ့အနမ်း ဖြစ်ပါတယ်။ ဒီနည်းကို လူအတော်များများက ကလေးကလား အလုပ်လုပ်တယ်လို့ ယူဆထားကြပါတယ်။

နဖူးအနမ်း

မိခင်တစ်ယောက်ရဲ့ ချစ်ခြင်းမေတ္တာ၊ အေးမြတဲ့ မေတ္တာကို ထုတ်ဖော်ပြသတဲ့ အဖြစ် နမ်းလေ့ ရှိပါတယ်။ သူငယ်ချင်း ခင်မင်မှုသဘောမျိုးလည်း အဓိပ္ပါယ် ရပါတယ်။

ပြင်သစ်အနမ်း

ပြင်သစ်အနမ်းလို ပြင်းရှရှလေး နမ်းတဲ့အခါမှာ မျက်နှာပြင် ကြွက်သား ၃၄ ခု လှုပ်ရှား ပေးရပါတယ်။ ဒီပြင်သစ် အနမ်းဆိုတဲ့ ဝေါဟာရဟာ ၁၉၂၃ခုနှစ်မှာမှ အင်္ဂလိပ် စာပေထဲ ရောက်ရှိလာတာ ဖြစ်ပါတယ်။ ပြင်သစ်အလိုအရ ဒီအနမ်းဟာ ဝိဥာဉ်အနမ်း၊ သေသေချာချာ မှန်မှန်ကန်ကန် နမ်းမယ်ဆိုရင် အတွင်းစိတ်နှစ်ခု ဆက်သွယ်နိုင်ပြီး ပေါင်းစပ်နိုင်တယ်တဲ့။

သစ်သီးအနမ်း

သစ်သီး (ဥပမာ-စတော်ဘယ်ရီ) တစ်လုံးကို ကြားထားပြီး နှုတ်ခမ်းချင်း ဂဟေဆက်တဲ့ အနမ်းဖြစ်ပါတယ်။ သစ်သီးကို တစ်ဖက် နှုတ်ခမ်းထဲရောက်လိုက်၊ ကိုယ့်နှုတ်ခမ်းထဲ ရောက်လိုက် ဆော့တဲ့ ချစ်သူ့ကစားနည်းလည်း ဖြစ်ပါတယ်။

လက်အနမ်း
ဒီအနမ်းကိုတော့ ခါးပါညွှတ်ပြီးမိတ်ဆက်၊ အသိအမှတ်ပြုတဲ့ အနေနဲ့ သမိုင်းမှာ နမ်းလေ့ရှိခဲ့ကြပါတယ်။
စာအိတ်အနမ်း

စာအိတ်ထဲမှာ စာရေးပြီးအောက်ဆုံးမှာ xxx ဆိုပြီး အနမ်းသင်္ကေတထည့်ကာ နမ်းတဲ့ အနမ်းမျိုး ဖြစ်ပါတယ်။

ဖော်ပြပါ အနမ်းများအပြင် တခြားအနမ်းပေါင်းမြောက်များစွာ ရှိပါသေးတယ်။ အနမ်းလိမ် လျှပ်တပြက်အနမ်း လေဟာနယ်အနမ်း စတာတွေ ဖြစ်ပါတယ်။ တခြား ရာသီခွင်အလိုက် နမ်းတတ်တဲ့ အနမ်းများလည်း ရပါသေးတယ်။ တူရာသီက ဘယ်လို၊ မိန်ရာသီက ဘယ်လို စသဖြင့် နမ်းလေ့ရှိတတ်တဲ့ ရာသီခွင်အလိုက် နမ်းပုံများပဲ ဖြစ်ပါတယ်။

အနမ်းနဲ့ ပတ်သက်သော ရောဂါများ

အနမ်းကို သိပံ္ပအခေါ်အဝေါ်အရ “Philematology” လို့ ခေါ်တယ်။ နမ်းတာကို ကြောက်တဲ့ရောဂါလိုလို တစ်မျိုးလည်း ရှိသေးတယ်။ အနမ်းကြောက်စိတ်ပေ့ါ။ Philemaphobia လို့ ခေါ်ပါတယ်။

ကျန်းမာရေး

အနမ်းဟာ သွားကျန်းမာရေးကို အထောက်အကူ ပြုပါတယ်။ နမ်းတော့မယ့် အချိန်မှာ ခံတွင်းဟာ တံတွေးနဲ့ စိုစွတ်လာပြီး သွားသန့်ရှင်းရေးကို အကျိုးပြုစေပါတယ်။ နှုတ်ခမ်းဟာ လက်ဖျားထိပ်လေးတွေထက် အဆ ၁၀၀ တောင် ပိုပြီး ထိတွေ့ ခံစားလွယ်တယ်။ ပြင်းရှရှ အနမ်းဟာ တစ်မိနစ်ကို ၆.၄ ကယ်လိုရီ လောင်ကျွမ်းစေပါတယ်။ ဒါဟာ လေးမိနစ်၊ ငါးမိနစ်စာ လမ်းလျှောက်လို့ ကုန်ဆုံးတဲ့ ကယ်လိုရီ ပမာဏာနဲ့ အတူတူပဲ ဖြစ်ပါတယ်။ အဲဒါနဲ့ ဆက်စပ်နေတဲ့ဟာကတော့ ပရိသတ်ကြီးလည်း အသိဖြစ်မှာပါ။ အိမ်ကနေ အလုပ်ကိုသွားခါနီး အိမ်ရှင်မကို နမ်းပြီးမှသွားတဲ့ သူတွေဟာ မနမ်းဘဲ သွားတဲ့ သူတွေထက် ဝင်ငွေ ပိုကောင်းတာ တွေ့ရှိရတယ်တဲ့။ အလေ့အထ ကောင်းလေးမို့ လက်မတို့တော့ဘူး။

ထူးထွေဆန်းလာ အနမ်းဥပဒေများ

အင်ဒီယန်းနားမှာ နှုတ်ခမ်းမွှေးနဲ့ နမ်းခြင်းဟာ တရားမဝင်ဘူးတဲ့။ ဟာတ့်ဖိုဒ်မှာတော့ တနင်္ဂနွေနေ့မှာ ကိုယ့်မိန်းမ အိမ်ထောင်ဖက်ကို နမ်းတာ တရားမဝင်ဘူးတဲ့။ ၁၆ရာစုတုန်းက အီတလီနိုင်ငံနယ်ပယ်မှာ နမ်းတာဟာ သေဒဏ် ပေးနိုင်လောက်အောင် အပြစ်ကြီးတယ်။ အဲဒီတုန်းက အီတလီမှာ လူသွားမဖြစ်တာ ကံကောင်းတယ်လို့ ဆိုရမယ်။ ဒီတစ်ပတ်ဒီမျှနဲ့သာ….

မေနဒီ
http://www.delodelo.com/news/articles/%e1%80%a1%e1%80%94%e1%80%99%e1%80%b9%e1%80%b8%e1%80%8b%e1%80%ae%e1%80%80%e1%80%ac/ မှ