အောင်မြင်သူတွေပြောတဲ့ မနက်ခင်းအကြောင်း

 

ငွေတာရီ

 

အောင်မြင်သူတွေပြောတဲ့ မနက်ခင်းအကြောင်း
===============================

(၁) မနက်စောစောထတယ်။

မနက်စောစောထခြင်းဟာ လန်းဆန်းတက်ကြွခြင်းကို ဖြစ်စေပြီး တစ်နေ့တာကို ဖြတ်သန်းရာမှာ ပိုပြီးလုပ်အားနှုန်းကောင်းတယ်လို့ ဆိုပါတယ်။
အကြံဥာဏ်ကောင်း အများစုဟာလည်း မနက်ခင်းမှာ ဝင်လာတတ်ပြီး မနက်ခင်း အလုပ်လုပ်ချိန် ဆယ့်ငါးမိနစ်ဟာ နေ့လည်ခင်း တစ်နာရီနဲ့ ပျမ်းမျှအားဖြင့်
ညီမျှပါတယ်။ မနက်စောစောထတဲ့အတွက်လည်း တစ်နေ့တာမှာ အချိန်များများရှိတယ်လို့လည်း ခံစားရပါတယ်။
.
(၂) ပထမဆုံးဝင်လာတဲ့အတွေးက အရေးကြီးတယ်။

မနက်မိုးလင်းလို့ မျက်လုံးနှစ်လုံးပွင့်တာနဲ့ တစ်နေ့တာလုံး ရင်ဆိုင်ရမယ့်ကိစ္စတွေကိုတွေးပြီး စိတ်ပျက်သွားတယ်ဆိုရင် သင့်ရဲ့တစ်နေ့တာဟာ
ဆိုးဝါးတဲ့ တာထွက်ဖြစ်သွားပါပြီ။ တစ်နေကုန်လည်း လုပ်ရကိုင်ရတာ အဆင်မပြေနိုင်တော့ပါဘူး။ မျက်လုံးနှစ်လုံးပွင့်တာနဲ့ ဒီနေ့ကို
အကောင်းဆုံးဖြတ်သန်းမယ်။ လုပ်ရမယ့်အရာတွေကို အောင်မြင်အောင်လုပ်မယ်ဆိုပြီး တွေးလိုက်တာနဲ့ သင့်ကိုယ်ထဲမှာ ခွန်အားတွေ
အလိုလိုစီးဆင်းနေပါလိမ့်မယ်။
.
(၃) ဘာလုပ်စရာတွေရှိမလဲတွေးတယ်။

အလုပ်တွေ လုပ်တဲ့အခါမှာ ကြုံသလို လုပ်တတ်တဲ့အကျင့်ဟာ လုံးဝမကောင်းပါဘူး။ စနစ်မကျတဲ့အပြင် အချိန်တွေလည်း အလေအလွင့် ဖြစ်တတ်ပါတယ်။
အိပ်ရာကထပြီဆိုတာနဲ့ ဒီနေ့တစ်နေ့လုံးအတွက် လုပ်စရာရှိတဲ့အလုပ်တွေကို အသေးစိတ် အစီအစဉ်ဆွဲပြီး တစ်ခုပြီးတစ်ခု စနစ်တကျ လုပ်ဆောင်သင့်ပါတယ်။
(တစ်နေ့တာအတွက် အသေးစိတ် Plan ကိုတော့ အိပ်ရာမဝင်ခင်ကတည်းက ပြင်ဆင်ထားသင့်ပါတယ်။)
.
(၄) အိပ်ရာသိမ်းတယ်။

တစ်ချို့တွေကတော့ ကိုယ်တိုင် အိပ်ရာသိမ်းတယ်။ တစ်ချို့တွေကတော့ တစ်ယောက်ယောက်က လာသိမ်းပေးတယ်။ ကိုယ်အိပ်ထားတဲ့ အိပ်ရာကို
ကိုယ်တိုင် သိမ်းတဲ့အကျင့်ဟာ ကိုယ့်ကိုယ်ကို အခြေခံတာဝန်ယူတဲ့သဘော ဖြစ်သလို လေးလံနေတဲ့စိတ်ကို နှိုးဆော်ဖို့ အချိန်ပေးတဲ့သဘောလည်း
ဖြစ်ပါတယ်။
.
(၅) သတင်းဖတ်တတ်တယ်။

ကမ္ဘာကြီးမှာ နေ့စဉ်ဖြစ်ပျက်နေတဲ့အရာတွေကို စောင့်ကြည့်ဖို့ လိုပါတယ်။ ဒီအဖြစ်အပျက်တွေဟာ ကိုယ့်အလုပ်နဲ့ ကိုယ့်အတွက် သက်ရောက်မှုတွေ
အနည်းနဲ့အများဆိုသလို ရှိပါတယ်။ ဒါ့ကြောင့် သတင်းဖတ်လေ့ရှိပါတယ်။
.
(၆) မိသားစုအတွက် အချိန်ပေးတယ်။

မနက်ခင်းမှာ နောက်ထပ်လုပ်စရာတစ်ခုကတော့ မိသားစုအတွက် အချိန်ပေးတာပါ။ တစ်နေကုန် အလုပ်တာဝန်တွေနဲ့ မအားမလပ်ဖြစ်နေမယ်။ ညနေအိမ်ပြန်ရောက်ရင်လည်း
ပင်ပန်းမှုတွေ ခံစားရမယ်။ ဒီတော့ မိသားစုအတွက် ပေးနိုင်မယ့်အချိန်ကတော့ မနက်ခင်းမှာပဲ ရှိနိုင်ပါတယ်။
.
(၇) တရားထိုင်တယ်။

တရားထိုင်တယ်ဆိုတာ နာရီဝက်တွေ၊ တစ်နာရီတွေ မလိုပါဘူး။ ဆယ်မိနစ်၊ ဆယ့်ငါးမိနစ်နဲ့ ရေရှည် ထိုင်သွားနိုင်မယ်ဆိုရင်လည်း
ကိုယ့်အတွက် အများကြီး အကျိုးထူးပါတယ်။ ဖိအားဒဏ်တွေကို ခံနိုင်ရည်ရှိလာမယ်။ ဆုံးဖြတ်ချက်တွေ မှန်ကန်လာမယ်။
မှတ်ဥာဏ်နဲ့ဆိုင်တဲ့အရာတွေ အထော်ကအကူဖြစ်စေပါလိမ့်မယ်။
.
(၈) အားကစားလုပ်တယ်။

အားကစားလုပ်တာဟာ ကျန်းမာရေးအတွက် အခြေခံလိုအပ်ချက်တစ်ခု ဖြစ်သလို အောင်မြင်ရေးအတွက်လည်း တစ်စိတ်တစ်ဒေသ အထောက်အပံ့ပေးပါတယ်။
အားကစားလုပ်တဲ့သူဟာ သူများနဲ့မတူတဲ့ ရှုထောင့်ကနေ တွေးခေါ်တတ်ပါတယ်။ လန်းဆန်းတက်ကြွနေလေ့ရှိသလို ကိုယ်နေဟန်လည်း ကောင်းပါတယ်။
_________
လေးစားမှုများဖြင့်..
ရွှေညာမောင် (Focus Youth)
Ref: LH
ဗဟုသုတအတွေးအခေါ်ဒဿနများမျှဝေရာဤမြန်မာ