အောင်သူ ဖြတ်သန်းခဲ့ရသော ဘဝ ကောက်ကြောင်း

အောင်သူ အကြောင်းကို အောင်သူ ရဲ့ သူငယ်ချင်း မောင်နွေ ရေးထားတာလေး သဘောကျလို့ ပြန် share လိုက်ပါတယ် . . . . . .၂၀၀၆ ၀၇ ခုနှစ်ပတ်ဝန်းကျင်ကပျဉ်းမနား လောကမာရဇိန် ဘုရားကြီး ရဲ့အောက်က ကွင်းပြင်လေးမှာ
နီးစပ်ရာ ရဲဝန်ထမ်းအိမ်ယာက ကလေးတွေဟာ ညနေခင်းတွေဆို ဘောလုံး ကန်လေ့ရှိကြတယ် ။ကွင်းဘေး က ရေတွင်းကြီး က နေ အိမ်သုံးဖို့သုံးရေ ခပ်မြန်မြန် ခပ်ပြီးတာနဲ့ ကွင်းထဲ ကိုပြေးလာပြီး မှောင်ရီပျိုးတဲ့အချိန် ထိ
ဘောလုံးကန်ကြတယ် ။
ဘောလုံးကွင်း ဘေးက ဘုရား ဇောင်းတန်းဘေးမှာ ရခိုင်ကျောင်း ဆိုတဲ့ ဘုန်းကြီးကျောင်း လည်းရှိတယ် ။ရခိုင်လူမျိုးကျောင်းထိုင်ဘုန်းကြီး ကို အစွဲပြုပြီး ရခိုင်ကျောင်း ခေါ်ပေမယ့်ရှမ်းပြည်မြောက်ပိုင်းက မြေပြန့် ကိုပေါ်တာရှောင် တပ်သားသစ်စုတာ ကိုရှောင်ပြီး မိတစ်ကွဲဖတစ်ကွဲ ပြေးလာရတဲ့ပအို့ဝ်ကိုရင် ရှမ်းကိုရင်လေး တွေလည်း ရှိတယ် ။အရင်တုန်းကတော့
အခု စည်ပင်ရိပ်သာ အဖြစ် အိမ်ယာ တွေဆောက် အဓ္ဓမအသိမ်းခံလိုက်ရတဲ့မြေနေရာ မှာတော့ဘောလုံးကွင်းတစ်ကွင်းရှိဖူးတာ ရေးတေးတေး မှတ်မိပေမယ့် အခုလက်ရှိ အသက်၃၀ တန်းတွေ တောင်မှ အဲဒီ ကွင်း မှာ မကန်ဖူးကြတော့ဘူး ။

အဲတော့ နီးစပ်ရာက ဘောလုံး ကန်ရတာ ကြိုက်တဲ့ ကလေး တွေ ဟာ အစောကရခိုင်ကွင်းလို့ ကိုယ့်ဘာသာ နာမည်ပေးထားတဲ့ ဘုန်းကြီးကျောင်းကွင်းကိုပဲ အားထားပြီး ကစားရတယ် ။ကိုရင် တွေကလည်း သူတို့ အိမ်ကွင်း ဆိုတော့
ဝင်ကန်ကြသပေါ့ ။တောင်ပေါ်သား အရပ်ပုပု ခြေသလုံးထွားထွားကြီးတွေ နဲ့ ဒီကခြေသလုံး ပုလွေရိုး နဲ့ စတွေ့တော့တာပဲ ။တစ်ခါ တစ်ခါ အရိုက်ခံရရင် သုံးလေးရက်လောက် ညိုသကျည်းတွေကအထိမခံနိုင်အောင် ကိုရင်တွေက သိပ်ခြေသံပြောင်တာပဲပြောရမယ် ။
နာပေမယ့်လည်း မောင်နွေ တို့ အိမ်နား မှာကကွင်းရယ်လို့ သတ်သတ် မှတ်မှတ် ကမရှိ၊ ပြီးတော့ ဘောလုံး တစ်ခါကန်ရဖို့အရေး လူလိုက်စုရတဲ့ ကိစ္စတွေ များလာတော့အဲဒီ ကွင်းပဲ သွားကန်ဖြစ်တော့တယ် ။
ကွင်းဆိုပေမယ့်မောင်နွေ တို့ ပျဉ်းမနား ရဲ့ မြေအမျိုးအစား ကကျောက်ခဲတောတွေများတယ် ။ ကုန်းတွေများတယ် ။ မြေတွေက ညီညာပြန့်ပြူးတယ်လို့ ပြောမရဘူး ။အထူးသဖြင့် အဲဒီ ဘုရားကုန်း ၊ ရဲတွေနေတော့ ရဲကုန်း ၊ မောင်နွေတို့ နေတဲ့ သစ်ထုတ်လုပ်ရေး ( တောင် ) ကသစ်ထုတ်ရေးကုန်း ၊ ဆေးရုံကလည်း ဆေးရုံကုန်း ၊ ဘိုကုန်း ၊ ဘီအိုစီကုန်း ၊ သစ်တေကုန်း ၊ အဲလို ကျောက်စရစ် ကုန်းတွေကြားက ရှားရှားပါးပါး အလျား ပေနှစ်ရာ ၊ အနံ ပေ ခုနှစ်ဆယ်လောက်
ကွင်းပြင်လေး ဟာ တန်ဖိုးရှိတယ်ပြောလို့ရတယ် ။
မြေပေါ်မှာ တစ်စွန်းတစ်စ ပေါ်နေတဲ့ ကျောက်စရစ် ခဲတွေ ကြား မှာ ခြေဗလာ နဲ့ ပဲဝါးလုံးတိုင်ထောင်ပြီး ဟိုကန် ဒီကန် ကန်ကြရတယ် ။ကိုရင် ဦးဇင်း ရဲဝန်ထမ်းသားသမီး ဘေးက ကျောက်တောင်ရပ်ကွက်သား တွေဟာညနေဆို အဲဒီကွင်းမှာ ညနေ ၄ နာရီ ခွဲ လောက် ဆို လူအနည်း အများ ပေါ် ကြည့်ပြီး ၃ သင်း ကနေ ၄သင်းကိုရင် လူ ညွန့်ပေါင်း အသင်းဖွဲ့ပြီး ကန်ကြတယ် ။ကွင်းဘေးမှာတော့ ဝါးနဲ့ရက်ထားတဲ့ ခြင်းကြားကြီး တစ်လုံး အမြဲရှိတယ် ။ကန်လို့ကောင်းတုန်း ကွင်းအပေါ်က ရေတွင်းထဲကို ဘောလုံး ကျသွားရင် ပွဲခနရပ်၊ အဲဒီ ခြင်းကြား ကို ရေပုံးကြိုးမှာ ချည်ပြီး အသက်နည်းနည်းကြီးတဲ့ သူတွေက ဆယ်ကြရတယ် ။ခြင်းထဲ ကို ဘောလုံးမရောက်သေးရင်အပေါ်ကနေ ကလေးတစ်သိုက် က
ရေမျက်နှာပြင် လှုပ်အောင် ခဲတွေ နဲ့ ပေါက်ကြတယ် ။ဆယ်ပြီးရင် ပွဲပြန်စ ၊ ညမှောင်ရီပျိုးတဲ့ အထိကန်ကြတယ် ။
အဲဒီ ဘောလုံးကွင်း မှာလူအားလုံးပြန်မှ ပြန်၊ ကျောင်းဆင်း ညနေ သုံး နာရီ ခွဲလောက် ဆိုဘောလုံးပိုက်ပြီး ကွင်းထဲ အရင်ဆုံး ရောက်နေတတ်တဲ့အရပ် ၄ ပေ မပြည့်တစ်ပြည့် ၆တန်းကျောင်းသား တစ်ယောက်ရှိတယ် ။ဘယ်သူမှလည်း စကားသိပ်မပြောဘူး ။ဘယ်သူမှမရောက်သေးရင် ဘောလုံးတော့တယ် ။ ဘေးက ဘုရားကျောင်း တံတိုင်းတိုတိုလေး ကို
ကန်လိုက် လုပ်နေတဲ့ ရှုသိုးသိုး ကတုံးပေါက်ကောင်လေးတစ်ယောက်ရှိတယ် ။မောင်နွေက ဆယ်တန်း သိပ်အရေးကြီးနေတဲ့နှစ်လို့ မိဘတွေပြောကြတဲ့နှစ်ပေါ့ ။ငယ်ငယ်က မောင်နွေ လည်း ဘောလုံးရူးတယ် ။ ရူးတာက သပ်သပ် ၊ မဖြစ်မြောက်တာက သပ်သပ် ၊ညနေ ကျောင်းဆင်းရင် အဲဒီကွင်းကို စောစော ရောက်အောင် သွားတယ် ။ ညနေ ပိုင်းကျူရှင်တွေ ပြေးတယ်။ မန်ယူ ဂျာစီ ကို Vodafone က စပွန်ဆာပေးထားတဲ့အချိန်ကျောနံပါတ် ၈ ၊ Rooney ဆိုတဲ့ အင်္ကျီ ကို စွဲစွဲ မြဲမြဲ ဝတ် တတ်တဲ့ ပေါင် ကိုးဆယ် မကျော့်တစ်ကျော် မောင်နွေ ကိုအဲဒီ ရဲစခန်းသားတွေ ၊ ကိုရင်တွေ က လွန်းနီ လို့ နှုတ်ဆွဲနေကြတယ် ။မောင်နွေ ကလည်းဂျာစီ က နာမည် အားကိုး နဲ့ ကန်သာမကန်တတ်တာမြောက်ကြွ မြောက်ကြွ ဖြစ်နေတယ် ။

READ  ဆူဇူကီး အကောင်းဆုံး လူငယ်ကစားသမား စာရင်း အဆင့် ၂ နေရာတွင် အောင်သူ ပါဝင်

မောင်နွေ ရောက်ရင် အဲ ၆တန်း ကျောင်းသား ဂျပုလေး က ရောက်နေပြီ ။ဘယ်အချိန် ကြည့်ကြည့် အဲဒီအချိန် ဆို သူရှိနေပြီ ။ကိုယ်ကလည်း များသောအားဖြင့်လူမစုံတဲ့ အချိန် ၊ ဘောစမ်းတဲ့အချိန် ၊ 4-2 ခွေးရူးလှည့်ချိန် တွေပဲ ဘောလုံးထိရသဆိုတော့ အဲချာတိတ် က ဖရီးကစ် ကန်တယ် ။ မောင်နွေ  က ဂိုးဖမ်းပေးတယ် ။မောင်နွေ တို့ သစ်ထုတ်ရေးကုန်းသားတွေ နဲ့ ရဲကုန်းသား တွေ ချိန်းကန်လို့ မောင်နွေ ကကိုယ့်ဘက်က နာတဲ့သူအစား ဝင်ကန်ဖို့ စောင့်နေချိန်မှာ အဲဒီ ၆တန်းကျောင်းသားချာတိတ် ကတကယ့် လူကြီးတွေ ကန်တဲ့ ၁၀၀၀ ကြေး ပွဲကြီးတွေ မှ မဟုတ်ရင် ဝင်ကန်နေရပြီ ။သူ့အစ်ကို ၂ယောက်ကလည်း ဘောလုံးကန်တော်တယ် ။အစ်ကို အကြီးဆုံးက ဆောက်လုပ်ရေး ဝန်ကြီးဌာန က လက်ရွေးစင် တစ်ယောက် ၊စကေးကောင်းတယ် ၊ အလိမ်အခေါက်များတော့ တစ်ချို့တွေကမျက်စိဆံပင်မွှေး ဆူးကြတယ်လို့တော့ပြောကြတယ် ။အစ်ကိုလတ်က မောင်နွေ နဲ့ အသက်အရွယ် အတူတူ ပဲ ။ မောင်နွေ တို့ ဂစ်တာဝိုင်းမှာလက်ခုပ်တီးပြီး သီချင်းလိုက်အော်နေချိန်သူက ရဲစခန်းမှာ လူကြီးတွေတောင်လက်ခံတဲ့ အတီးကောင်း ဂစ်တာသမားလည်း ဖြစ်နေပြီ ။
သူက ဘောလုံး ကန်တာကောင်းတယ်။ ဒါပေမယ့် စိတ်တိုတတ်တယ် ။ သူ့ဘက် ရှုံးနေရင်မွှန်တတ်တယ် ။အဲ ချာတိတ် ကတော့ စကားလည်းသိပ်မပြောဘူး ။နောက်တန်း ထားရင် နောက်တန်းမှာ ကောင်းကောင်း တာဝန်ကျေအောင် ဆော့တယ် ။သူ့ ခန္ဒာကိုယ်သေးသေးလေးနဲ့ နောက်တန်း ကနေ လှည့်ပတ်ပြီး ဂိုးတက်တက် သွင်းသေးတယ် ။ကိုရင်တွေကိုတော့ သူတို့ညီအစ်ကိုတွေလည်းကြောက်ရတယ် ။ဘောလုံးကျော်သွားလည်း ကျန်ခဲ့တဲ့ ခြေထောက် ကိုတော့ ကိုရင်တွေ ကကောင်းကောင်းပြုစု တတ်တယ် ။တစ်ခါတစ်လေ ပြသနာလေးတွေ ရှိတတ်တယ် ။ဒီလူ ဒီကိုရင် ပဲ ရှိပြီး နောက်နေ့လည်း ဒီလူတွေ ပဲ ပြန်ကန်နေကြရတာဆိုတော့သိပ်ကြီးကြီးမားမားတွေ မဖြစ်ကြပါဘူး ။ခြေထောက်တွေကတော့ဘယ်သူမှ အကောင်းမရှိဘူး ။
မောင်နွေ့ ခြေမ နှစ်ချောင်း ဆို အမြဲ ခြေသည်း တွေက မညီမညာ တွန့်ခေါက်နေတယ် ။ အခုထိ ခြေသည်း တွေက လှလှပပ မရှိတော့ဘူး ။ကျောက်စရစ်ခဲတွေ က ဘယ်လောက်ရှင်းရှင်း မပြောင်ဘူး။မိုးတွင်းဆို ကွင်းအလယ်မှာ ရေအိုင်ကြီး တစ်အိုင်လည်း ရှိသေးတယ် ။ဒါပေမယ့်ရွေးချယ်စရာမရှိဘူး ။ ကန်ချင်ရင် ဒီမှာပဲ ကန် ။စိုက်ပျိုးကွင်းဆိုတာရှိပေမယ့်
ရပ်ကွက်ကွင်းလေးတောင် အရံဆိုတော့ဝေလာဝေးပေါ့လေ ။ဘယ်လိုပဲဖြစ်ဖြစ် နေ့တိုင်းနီးပါးအဲဒီကွင်းတော့ရောက်အောင်သွားတယ် ။ကျောင်းပိတ်ရက်ဆို အဲဒီကွင်းထဲ သွားကြည့်မနက် ၉ နာရီ ပတ်ဝန်းကျင် အဲ ချာတိတ် ရှိတယ် ။ ခြေထောက် နဲ့ ဘောလုံးတို့တယ် ။ချာတိတ်ပေါက်စလေး သုံးလေး ယောက် နဲ့4-2 ဆော့နေတတ်တယ် ။ မောင်နွေ လည်း ဘေးလွယအိတ်ထဲကဘောင်းဘီ ထုတ်ပြီး ဆော့တယ် ။ဖရီးကစ်ကန်ကြတယ် ။အဲ ချာတိတ် က စကားပြောရောပြောတတ်လားတောင် တစ်ခါတစ်လေ မေ့နေတတ်တယ် ။ မောင်နွေ လည်းအဆူဆူသော ဘုရားများရဲ့ တန်ခိုးတော်နဲ့ပွတ်ကာသီကာ ဆယ်တန်းအောင်တယ် ။ကျောင်းတွေ တစ်ရပ်တစ်ရွာ သွားတက်ရတယ် ။အိမ်ပြန်လာရ တဲ့အချိန် ဘောလုံးကွင်း ဆီ သွားတော့ဘောလုံးကွင်းထဲမှာဘောစကိုင်း ပင်ပေါက်လေးတွေ တန်းစီလို့ ။အံ့သြသွားတယ် ။
ဘာဖြစ်တာလည်း ဘေးနားမေးကြည့်တော့ ဘုန်းကြီးကျောင်း ၂ကျောင်း မြေလုကြရင်းအောက်ကျောင်းက ကိုယ်တော်ကဘောလုံးကွင်းနေရာကို အုတ်တံတိုင်း ခပ်ပြီးဘောစကိုင်းပင်တွေ စိုက်ပစ်တယ် ။အခု မနေ့က အဲဒီဘက်ရောက်တော့ကြည့်မိတော့ ဘောစကိုင်းတောကြီးဖြစ်နေပြီ ။အဲဒီနေရာမှာ ဘောလုံးကန်တဲ့ ကျောက်စရစ်ကွင်း လေး ရှိဖူးတယ် ဆိုတာတောင် တော်တော် စိတ်ကူးနဲ့ ပြန်မှန်း ယူကြည့်ရတယ် ။ အဲဒီလိုနဲ့ မောင်နွေ တို့ အနီးအနားမှာကလေးတွေ ဘောလုံးကန်ဝါသနာပါသူတွေကန်စရာ တစ်ကွင်းထဲသော မြေနေရာလေးအပြီးအပိုင် နှုတ်ဆက်သွားရတယ် ။ ကျောင်း တွေတက်နေတဲ့အချိန် လဘ္ဘရည်‌ဆိုင် တွေမှာ တွေ့တဲ့ အားကစား ဂျာနယ်တွေမှာ မြန်မာ U 14အသင်း မလေးရှားကို သွားကန်တဲ့သီတင်း ဖတ်ရတယ် ။ အသင်း သားတွေပုံနဲ့ ။ဟိုက် ရှား ပါးစူပုပ်ပုပ် ချာတိတ် ကိုရှေ့က ထိုင်နေတဲ့ အတန်း မှာ တွေ့လိုက်ရတယ် ။အဲဒီအထိ သူနောက်တန်းကစားတာလို့မှတ်မိနေတယ် ။
အိမ်ပြန်လာလို့ ရဲစခန်း နားမှာစကားစပ်မိလို့မေးကြည့်တော့ ချာတိတ် က မန္တလေး အားကစားသိပ္ပံ ရောက်သွားတာတဲ့ ။သူတို့ ရဲကုန်းသားတွေအပြောအရလူရွေးတော့ ချာတိတ် ပါမသွားဘူးတဲ့ ။ပေါင်းလောင်းကွင်းမှာ လူလာစစ်တော့
မန္တလေး အား/ ကာ က လူတစ်ယောက်ရောက်နေတာကံကောင်းတယ်ပြောရမလားပဲ ။
ဒီက တာဝန်ရှိသူတွေမည်သို့မည်ပုံ လုပ်လိုက်သလည်းတော့အသေအချာ မသိပါ ။ဒီက ရွေး လွှတ်လိုက်တဲ့ ကလေးတွေ မန္တလေး ကို ရောက်မှ ချာတိတ် ကို ဘာလို့မရွေုးကြတာလည်းဆိုပြီး လုပ်တော့မှချာတိတ်လည်း အထုတ်အပိုးပြင်ပြီး
သူ့အဖေ နဲ့ မန္တလေး ကို သွားရတာ လို့ ရဲကုန်းသား တွေ က တညီတညွတ်ထဲ ပြောကြတယ် ။အဲဒီတုန်းက
မန္တလေး က လူ များချာတိတ် ကို မတွေ့မိရင်ဒီအချိန် ချာတိတ် ဘာတွေလုပ်နေမလည်းတော့မသိဘူး ။သူ ငယ်ငယ် ကတည်းက ကန်ခဲ့တဲ့ကျောက်စရစ် ကွင်းလေး ကလည်း ဘုန်းဘုန်း ၂ပါးခပ် တဲ့ ကြားက မြေစာပင် အဲမပြောတတ်တော့ဘူး ။
မရှိတော့ဘူးဆိုတော့သူ ဘာတွေ လုပ်နေမလည်းဆိုတာတော့ မစဉ်းစား တတ်တော့ဘူး ။ဒါပေမယ့် ပြန်စဉ်းစားမိတော့
တောက်မယ့် မီးခဲ ဆိုတာအရှိန်နဲ့ ရဲရဲ မလား ။အဲဒီ တုန်းကရှုသိုးသိုး ကတုံးပေါက်ကလေး နဲ့အရပ် လေးပေ လောက်ရှိတဲ့ချာတိတ်ကလေးကနယူးဇီလန် U20 ကမ္ဘာ့ ဖလား မှာမြန်မာ U 20 အသင်း ကိုအရောက်ပို့ဆောင်ပေးနိုင်ခဲ့တဲ့ဘောလုံးသူရဲကောင်းတွေထဲတစ်ယောက်အပါအဝင် ဖြစ်တဲ့ကျော နံပါတ် ၉အောင်သူ ဆိုတာ ဖြစ်လာခဲ့တယ်လေ ။
မောင်နွေ တို့ ပျဉ်းမနားသားတွေဂုဏ်ယူကြတာပေါ့လေ ။
ရဲကုန်းသား တွေဆိုတစ်နေ့တစ်နေ့ အောင်သူ အကြောင်းမပါရင်မပြီးကြတော့ဘူး ။ အောင်သူ ပြန်လာတဲ့အချိန်Tea ဆိုင်တွေ ကို ရအောင်ခေါ်သွားတယ် ။ရင်ဘတ်ကြီးတွေ ကော့ပြီး လဘက်ရည်သောက်ကြတယ် ။ရွာဘက်မှာ အမျိုးအဆွေရှိသူတွေကလည်းငယ်ပေါင်းဆိုတော့ ရွာမှာ အလှူရှိရင် အောင်သူ့ ကို ရအောင်ခေါ်တယ် အောင်သူ အလှူ သာ ပြီး သွားမယ် ။ဇွန်း ၅ ဇွန်းပြည့်အောင် မစားလိုက်ရတာတွေရှိတယ် ။သူ့တို့ ရဲကုန်းသားတွေ အောင်သူ့ ကြောင့်ဂုဏ်တက်တယ်လို့ ကြွေးကြော်ကြတယ် ။ခြေစစ်ပွဲ အောင်သွားတော့ပျဉ်းမနားက တာဝန်ရှိသူတွေလည်းဂုဏ်တက်တာပေါ့တို့မြို့က ဘောလုံးသမားတစ်ယောက်ကWorld Cup ကို ရောက်အောင်ကြိုးစားဂုဏ်ဆောင်ခဲ့တဲ့မြန်မာ U 20 အသင်းမှာ ပါတယ် လို့ပေါ့ ။ဟဲ ဟဲ အဲဒီလိုပဲပေါ့ဗျာ ။
နောက်ထပ် မျိုးဆက်သစ် တွေအတွက်လည်း ဘောလုံးကွင်း လေးတွေလုပ်ပေးကြပါအုန်းလို့ ။အောင်သူ နေပူ မိုးရွာ ဆော့ခဲ့တဲ့ကျောက်စရစ် ကွင်းလေးကတော့ဘောလုံးကန်ခဲ့ဖူးပါတယ်ဆိုတဲ့ အရိပ်အငွေ့
အားလုံးပျောက်ပြီးဘောစကိုင်းပင်တောကြီး ဖြစ်နေပါပြီလို့ ။ စည်ပင် သိမ်းသွားတဲ့ မြေနေရာအစားကွင်းလေး တစ်ကွင်း အစားပြန်လုပ်ပေးနိုင်တောင် စည်ပင် ကိုလည်း ရန်အောင် ၂ ရပ်ကွက် က
ကျေးဇူး တင်မိမယ်လို့ ထင်ပါတယ် ။
ဘာပဲဖြစ်နေနေ
ကမ္ဘာ့အဆင့် ပြိုင်ပွဲကြီး ကို မြန်မာလူမျိုး တွေ ကြည့်ခွင့်ရှိအောင်စွမ်းဆောင်ခဲ့တဲ့ နိုင်ငံ့သားကောင်းတွေထဲမှာပျဉ်းမနားသား ရန်အောင် ၂ ရပ်ကွက်သားအောင်သူ ဆိုတာ ရှိခဲ့တယ် ဆိုတာကတော့နောင် တစ်ချိန် အထိမောင်နွေ တို့ ဂုဏ်ယူနေကြရတော့မှာလေ ။
share from : search myanmar