ဖြစ်ကိုဖြစ်ရမယ်ဆိုတဲ့ယုံကြည်စိတ်မွေးပါ

ကံကောင်းခြင်းလက်ဆောင်

 

ဖြစ်ကိုဖြစ်ရမယ်ဆိုတဲ့ယုံကြည်စိတ်မွေးပါ
*********************

ပြီးခဲ့တဲ့အခန်းတွေမှာ အောင်မြင်ကြီးပွားချင်သူတွေမှာရှိရမဲ့ ပြင်းပြသောလိုအင်ဆန္ဒရှိဖို့ရယ်၊ ခိုင်မာတဲ့ဆုံးဖြတ်ချက်ချဖို့ရယ်၊ အစွဲ အယူအဆတွေပြောင်းလဲရမယ်ဆိုတဲ့အကြောင်းတွေ ရေးပြခဲ့ပြီးပါပြီ။ နောက်တဆင့် ဘာလုပ်ဖို့လိုသလဲ။ ဖြစ်ကိုဖြစ်ရမယ်ဆိုတဲ့ ယုံကြည်စိတ်မွေးရမယ်။

၁၉၉ဝပြည့်နှစ်နောက်ပိုင်းမှာ ကွန်မြူနစ်အစိုးရက တရုတ်နိုင်ငံကို ကမ္ဘာကြီးနဲ့ စီးပွားရေးတံခါးပိတ်ထားရာကနေ ပြန်ဖွင့်ပေးလိုက်တယ်။ တရုတ်နိုင်ငံနဲ့အနောက်ကမ္ဘာတို့ကြား အပြန်အလှန်စီးပွားဆက်သွယ်မှုတွေလုပ်လာကြပြီ။ ဒါပေမဲ့ ပြဿနာက ဘာသာစကားဆက်သွယ်ရေးပါ။ တရုတ်နိုင်ငံက လူအတော်များများဟာ အင်္ဂလိပ်စာနဲ့စကားမတတ်ကြသလို အနောက်ကမ္ဘာက လူတွေကလဲ တရုတ်စာနဲ့စကားမတတ်ကြဘူး။ ငယ်စဉ်တုံးက သူ့မြို့ကိုလာကြတဲ့တိုးရစ်တွေဆီက ၉နှစ်ကြာ အင်္ဂလိပ်စကားနဲ့အင်္ဂလိပ်စကားပြောသင်ခဲ့တဲ့ အသက်(၃၀)ကျော်အရွယ်ဂျက်မားအတွက် အဲဒီလိုတရုတ်နိုင်ငံနဲ့အနောက်နိုင်ငံတွေ ဆက်သွယ်ရေးခက်နေတာဟာ သူ့အတွက်အခွင့်အလမ်းလို့ မြင်လိုက်တယ်။ အဲဒီလိုအပ်ချက်ကိုအင်တာနက်နဲ့ ဖြည့်ဆည်းပေးနိုင်ရင် သူလဲကြီးပွားမယ်ဆိုတာ သိနေတယ်။

ဒါပေမဲ့ ခက်တာက သူဟာ အင်တာနက်နဲ့လုပ်ဖို့ ကွန်ပြူတာပရိုဂရမ်ဆိုတာ လုံးဝမတတ်ဘူး။.လက်ထဲမှာ လုပ်ငန်းစဖို့ ရင်းနှီးငွေလဲ မရှိဘူး။ ဒါပေမဲ့ ဒီလုပ်ငန်းလုပ်ရင် အောင်မြင်မယ်ဆိုတာ သူတထစ်ချယုံကြည်နေတယ်။ ဒီတော့ သူဘာလုပ်သလဲ။ သူ့သူငယ်ချင်း(၁၇)ယောက်ကို အိမ်မှာ ထမင်းဖိတ်ကျွေးပြီး သူထောင်မဲ့အင်တာနက်ကုမ္ပဏီအတွက် အစုထဲ့ဝင်ဖို့စည်းရုံးတယ်။ သူ့ရဲ့အောင်မြင်မယ်လို့ ယုံကြည်စိတ်ကြောင့် တချို့ကအစုငွေထဲ့ကြလို့ ရင်းနှီးငွေအမေရိကန်ဒေါ်လာ ၆သောင်းနဲ့အလီဘာဘာကုမ္ပဏီကို ထောင်လိုက်တယ်။ ကွန်ပြူတာကျွမ်းကျင်သူတွေဌားပြီး ကွန်ပြူတာပရိုဂရမ်ဆွဲခိုင်းတယ်။ သူက အင်္ဂလိပ်စာနဲ့ တရုပ်စာတွေကို ဘသာပြန်ပေးတယ်။ သူ့ကုမ္ပဏီအလီဘာဘာဆိုတာ တရုပ်ပြည်နဲ့အနောက်ကမ္ဘာကြားက ပစ္စည်းတွေအပြန်အလှန်ရောင်းဝယ်လို့ရအောင် ဆက်သွယ်ပေးတဲ့ ပွဲစားကုမ္ပဏီပါ။ ယနေ့ အလီဘာဘာရဲ့ပိုင်ဆိုင်မှုဟာ အမေရိကန်ဒေါ်လာ (၁၆၀)ဘီလီယံဖြစ်နေပြီး အလီဘာဘာရဲ့ပိုင်ဆိုင်မှုဟာ ဒေါ်လာ (၃၀)နဲ့ တရုတ်ပြည်ရဲ့အချမ်းသာဆုံးဘီလျံနာသူဋ္ဌေးတယောက်ဖြစ်လာခဲ့တယ်။

တရုတ်ကွန်မြူနစ်အစိုးရရဲ့ကန့်သတ်ချုပ်ချယ်မှုတွေနဲ ရှုပ်ထွေးလှတဲ့ဘဏ်စံနစ်တွေကြောင့် ဂျက်မား အလီဘာဘာကုမ္ပဏီကိုစတင်တည်ထောင်ခဲ့ပြီး (၁၅)နှစ်ကြာမှ ကမ္ဘာကျော်ကုမ္ပဏီကြီးဖြစ်လာခဲ့ပါတယ်။ ဒီ(၁၅)နှစ်ကြာကာလမှာ အခက်အခဲပေါင်းစုံနဲ့တွေ့ခဲ့ပြီး အဲဒါတွေကို ကျော်လွှားနိုင်ခဲ့တာဟာ သူ့ရဲ့ဖြစ်ကိုဖြစ်ရမယ်ဆိုတဲ့ ယုံကြည်စိတ်ကြောင့်ပါ။

ဂျက်မားအကြောင်းပဲရေးပြလို့ သူတယောက်ထဲပဲ ဖြစ်ကိုဖြစ်ရမယ်ဆိုတဲ့ယုံကြည်စိတ်ရှိတာ မဟုတ်ပါ။ ကမ္ဘာကျော်အောင်မြင်ကြီးပွားသူတွေအကြောင်း ဖတ်ကြည့် လေ့လာကြည့်မယ်ဆိုရင် သူတို့အားလုံမှာ ဒီယုံကြည်စိတ် ရှိကိုရှိကြတယ်။ တနည်းပြောရရင် ဒီလိုယုံကြည်စိတ်မရှိသူဟာ အောင်မြင်ကြီးပွားဖို့လမ်း မရှိပါဘူး။

ဒီစာအုပ်ကိုဖတ်နေကြသူတွေထဲမှာ အစိုးရဝန်ထမ်း သို့မဟုတ် ပုဂ္ဂလိကကုမ္ပဏီဝန်ထမ်းတွေလဲ ပါကြမှာပါ။ အဲဒီထဲမှာ တချို့ကတော့ဝန်ထမ်းဘဝကို စိတ်ကုန်နေကြပြီ။ သူများအခိုင်းခံဘဝနဲ့နေရတဲ့အပြင် ရတဲ့လစာလေးနဲ့ မိသားစုကို ပြည့်ပြည့်စုံစုံမထားနိုင်လို့ပါ။ အဲဒီတော့ ဝန်ထမ်းအလုပ်ကထွက်ပြီး ကိုယ်ပိုင်စီးပွားရေးလုပ်ငန်းလုပ်ရင် ကောင်းမလားလို့ စဉ်းစားနေကြသူတွေလဲ ပါကြမှာပါ။ ကောင်းပါတယ်။ တသက်မှာတခါစွန့်စားလုပ်သင့်ပါတယ်။ ဒါပေမဲ့ ဘယ်လိုလုပ်ငန်းမျိုးလုပ်မယ်၊ ရင်းနှီးငွေဘယ်လောက်လိုသလဲ၊ ဈေးကွက်ဖေါက်သယ်တွေရှိရဲ့လားစတဲ့ ကိုယ်ပိုင်လုပ်ငန်းလုပ်ဖို့ အခြေခံလိုအပ်ချက်တွေကို အသေးစိပ်တွက်ချက်ပြီးလို့ အကုန်လုပ်နိုင်တယ်ဆိုရင်တောင်မှ ဖြစ်ကိုဖြစ်ရမယ်ဆိုတဲ့ယုံကြည်စိတ်ရှိဖို့လိုပါတယ်။ ဘာကြောင့်လဲဆိုတော့ ကိုယ်ပိုင်စီးပွားရေးလုပ်တယ်ဆိုတာ နေ့ချင်းညတွင်းချင်းအောင်မြင်သွားတယ်ဆိုတာ မရှိသလောက်ရှားပါတယ်။ အချိန်အတော်ကြာ ကြိုးစားရမှာပါ။ အပေါ်မှာ ရေးပြထားတဲ့ ဂျက်မားရဲ့အလီဘာဘာကုမ္ပဏီအောင်မြင်ဖို့ အချိန်(၁၅)နှစ်ကြာတယ်ဆိုတာ သတိရပါ။ ဒီကြားထဲ လုပ်နေရင်းနဲ့ အဆင်မပြေမှုတွေ ထဲ့မတွက်ထားတဲ့အခက်အခဲတွေ အများကြီးနဲ့ ရင်ဆိုင်ရအုံးမှာပါ။ အဲဒီတော့ ဖြစ်ကိုဖြစ်ရမယ်ဆိုတဲ့ယုံကြည်စိတ်မရှိရင် စိတ်ပျက်လက်လျှော့အရှုံးပေးလိုက်နိုင်ပါတယ်။

ဘာဖြစ်လို့ ယုံကြည်စိတ်ရှိဖို့ အရေးကြီးတယ်လို့ ပြောနေရတာလဲ။ အဲဒီယုံကြည်စိတ်ရှိပြီဆိုတာနဲ့ သင့်ရဲ့မသိစိတ်က သင့်ရဲ့ခန္ဓာကိုယ်ကို သင့်လုပ်ငန်းအောင်မြင်အောင်လုပ်ခိုင်းပါလိမ့်မယ်။ ယုံကြည်စိတ်မရှိသူမှာတော့ သူ့ရဲ့မသိစိတ်က ခန္ဓာကိုကို နိူးဆွပေးခြင်းမရှိလို့ သင့်လုပ်ငန်းအောင်မြင်မှာ မဟုတ်ပါဘူး။

ရှင်းသွားအောင် ဥပမာလေးတခုနဲ့ ရှင်းပြချင်ပါတယ်။

ကလေးတယောက်ဟာ စက်ဘီးစီတတ်ချင်တယ်။ ဒါပေမဲ့ သူဟာ စက်ဘီးစီးတတ်မယ်လို့ မယုံကြည်ဘူး။ ဒီတော့ ဘာဖြစ်သလဲ။ သူ့ရဲ့မသိစိတ်ကနေ ဦးနှောက်ကို သတင်းပို့လိုက်တယ်။ သူဟာ စက်ဘီးစီးတတ်မှာမဟုတ်ဘူးလို့ ယုံကြည်နေတယ်ပေါ့။ ဦးနှောက်အာရုံကြောကနေ ကလေးရဲ့တကိုယ်လုံးမှာရှိနေတဲ့အာရုံကြောတွေကို သူဟာ စက်ဘီးစီးတတ်မှာမဟုတ်ဘူးဆိုတဲ့ ယုံကြည်ချက်ခိုင်မာအောင် စက်ဘီးစီးမတတ်အောင် လုပ်ပေးကြဖို့ သတင်းထပ်ပို့ကြတယ်။ သူရဲ့အာရုံကြောတွေကလဲ ဦးနှောက်အာရုံကြောရဲ့ စေခိုင်းချက်အတိုင်း တသွေမတိမ်းလုပ်ပေးကြတယ်။ ကလေး စက်ဘီးစနင်းပြီဆိုတာနဲ့ ဟန်ချက်ညီညီမထိန်းနိုင်အောင် လုပ်ပေးကြမယ်။ သူ့ကိုယ်ကို ဟန်ချက်ညီအောင်မထိန်းနိုင်တော့ မကြာခန စက်ဘီးပေါ်က လဲကျမယ်။ အဲဒီလို လဲကျတိုင်း အစကတဲက စက်ဘီးတတ်မှာ မဟုတ်ဘူးဆိုတဲ့ သူ့ရဲ့ယုံကြည်မှုဟာပိုတိုးလာတယ်။ အကျိုးရလဒ်ကတော့ အဲဒီကလေးဟာ တသက်လုံးစက်ဘီးစီးတာ မတတ်တော့ပါဘူး။

တကယ်လို့သာ အဲဒီကလေးဟာ စက်ဘီးစမစီးခင်ကတဲက စက်ဘီးစီးတတ်ကိုတတ်ရမယ်လို့ ယုံကြည်မှုရှိနေရင် သေချာပေါက် စက်ဘီးစီးတတ်သွားမှာပါ။

ဒီလောက်ဆိုရင် ဖြစ်ကိုဖြစ်ရမယ်ဆိုတဲ့ယုံကြည်မှုရှိဖို့၊ အဲဒီယုံကြည်မှုရအောင် မွေးဖို့ အရေးကြီးတယ်ဆိုတာ သဘောပေါက်ပြီလို့ ထင်ပါတယ်။ ဒါပေမဲ့ ဖြစ်ကိုဖြစ်ရမယ်ဆိုတဲ့ ရည်မှန်းချက်ပန်းတိုင်ကတော့ တကယ်ဖြစ်နိုင်တာမျိုးဖြစ်ဖို့ လိုပါတယ်။ ဥပမာ - လစဉ်ပုံမှန်လစာဒေါ်လာ ၁,၀၀၀ ရနေသူက တနှစ်အတွင်း လစာဒေါ်လာ ၁၀,၀၀၀ (၁၀ဆ)ရချင်တယ်ဆိုရင် ဖြစ်မှမဖြစ်နိုင်တာပဲ။ ဒါပေမဲ့အခုလက်ရှိရနေတဲ့လစာ ဒေါ်လာ ၁,၀၀၀ကနေ တနှစ်အတွင်း လစာ၂ဆတိုးစေရမယ်ဆိုတာက ဖြစ်နိုင်ပါတယ်။ နောက်ဆုံး လစာ၂ဆမတိုးတောင်မှ လက်ရှိလစာထက်ပိုတဲ့လစာကို ရနိုင်မှာပါ။

နောက်ဆုံးအနေနဲ့ မှာချင်တာက အောင်မြင်ကြီးပွားသူတိုင်းဟာ ဖြစ်ကိုဖြစ်ရမယ်လို့ ယုံကြည်စိတ်ရှိသူတွေချည်းပါပဲ။ If you really believe, you can move the mountainဆိုတဲ့စကားရှိပါတယ်။

မှတ်ချက်။ ရေးနေဆဲစာအုပ်ဖြစ်တဲ့ "အောင်မြင်ကြီးပွားဖို့ဆိုတာ၊သိရင်မခက်ပါ" ထဲက စာမြည်းလေးတပုဒ်ပါ။

#ဗန်းမော်သိန်းဖေ
ReShare by:
www.EntrepreneurSME.com
(မြန်မာပြည်၏ စီးပွားရေးနည်းပညာ ဝဘ်ဆိုဒ်)