"The Road to Mandalay"

 

Nine Nine Sanay @ နိုင်းနိုင်းစနေ

 

ဒီတရုတ်ရုပ်ရှင်ကားနာမည်က "The Road to Mandalay" တဲ့... ကျွန်မတို့နဲ့ အရမ်းရင်းနှီးတဲ့ နာမည်လေး။ ရင်းနှီးဆို မန္တလေးနာမည်ပါပြီး မြန်မာပြည်ဖွား ထိုင်ဝမ်ဒါရိုက်တာက ရိုက်ထားတာကိုး။ ဒါရိုက်တာက လားရှိုးဖွား ၁၆နှစ်အရွယ်မှာ ထိုင်ဝမ်ကျွန်းကိုရောက်သွားခဲ့တာ။ မြန်မာပြည်ကို သံယောဇဉ်မကုန်လို့ မြန်မာပြည်မှာ သူနေထိုင်ခဲ့စဉ်က မြင်တွေ့ကြုံတွေ့ခဲ့ရသမျှကို ရုပ်ရှင်အဖြစ်ပြောင်းလဲခဲ့တယ်။ ဒါကြောင့် သူရိုက်ကူးတဲ့ကားတွေမှာ မြန်မာအသက်အငွေ့တွေ တွေ့ရတယ်။
.
အခု ဒီ The Road to Mandalay ကလည်း မြန်မာပြည်ကနေ ထိုင်းနိုင်ငံကို တရားမဝင် သွားရောက်အလုပ်လုပ်ကိုင်သူအကြောင်း ရိုက်ကူးထားတာလို့ သိရတယ်။ မင်းသား၊ မင်းသမီးက ထိုင်ဝမ်ကပဲ။ မင်းသားက "You are the apple of my eye" ဆိုတဲ့ ထိုင်ဝမ်ကျောင်းသားကားနဲ့ နာမည်ရလာတဲ့မင်းသား၊ တရုတ်ပြည်မှာလည်း သူနာမည်ရစပြုလာတဲ့အချိန် ဂျက်ကီချန်းသားနဲ့အတူ ဆေးခြောက်တွေဖမ်းမိလို့ တရုတ်ပြည်ကနေ နယ်နှင်ဒဏ်ပေးခံလိုက်ရတဲ့ မင်းသား၊ အဲဒီမင်းသားကို ဒါရိုက်တာက သတ္တိရှိရှိသုံးပြီး မြန်မာပြည်ဖွားတရုတ်နဲ့တူအောင်၊ မြန်မာပြည်ရဲ့သဘောသဘာဝနဲ့ ကိုက်ညီအောင် တစ်နှစ်နီးပါး ထရိန်နင်ပေးပြီးမှ ဒီကားကို ရိုက်တာလို့ ဆိုထားတယ်။ ထိုင်ဝမ်မင်းသား၊ မင်းသမီးကို မြန်မာပြည်ဖွား တရုတ်တွေပြောတဲ့ ယူနန်စကားတတ်တဲ့အထိ သင်ပေးပြီးရိုက်တယ်၊ အသားဖြူတဲ့မင်းသားကို မြန်မာပြည်သားနဲ့တူအောင် အသားတွေပါ မည်းအောင်လုပ်ပေးပြီးရိုက်ကူးခဲ့တယ်။ မြန်မာပြည်က သာမန်လူတန်းစားဇာတ်ရုပ်လို သဘာဝကျကျ သရုပ်ဆောင်နိုင်အောင် လေ့ကျင့်ပေးခဲ့တယ်။
.
အဲဒီလို တကယ့်စိတ်နစ်ပြီး ကြိုးစားရိုက်ကူးခဲ့တဲ့ရလဒ်က အဲဒီရုပ်ရှင်ကားဟာ အီတလီဗီးနစ်ရုပ်ရှင်ပွဲတော်မှာ ဖိတ်ကြားခံရတဲ့ ပထမဆုံးသောထိုင်ဝမ်ရုပ်ရှင်ကားဖြစ်ပြီး အကောင်းဆုံးဇာတ်ကားဆု FEDEORA Award ကို ရရှိခဲ့ပါတယ်။ အဲဒီအပြင် ၁၁လပိုင်း ထိုင်ဝမ်မှာကျင်းပမယ့် ၅၃ကြိမ်မြောက် ရွှေမြင်းရုပ်ဆု (Golden Horse Awards) (တရုတ်အော်စကာဆုလို့ဆိုရမှာပေါ့) မှာ အကောင်းဆုံးဇာတ်ကားဆု၊ အကောင်းဆုံး မင်းသားဆု၊ မင်းသမီးဆု၊ အကောင်းဆုံး ဒါရိုက်တာဆု၊ ဇာတ်ညွှန်းဆုတွေအဖြစ် စကာတင်စာရင်းဝင်ထားပါသေးတယ်။
.
တကယ်တော့ ဇာတ်ကားကောင်းတစ်ကားဖြစ်ဖို့၊ ပရိသတ်ရင်ထဲစွဲငြိဖို့ဆိုတာ ဘာနည်းပညာမှ မလိုအပ်ပါဘူး။ သဘာဝကို သဘာဝအတိုင်း သရုပ်ဆောင်နိုင်ဖို့ပါပဲ။ ဆင်းရဲသားခန်း ဒါမှမဟုတ် အိပ်ရာဝင်ချိန်တွေမှာတောင် မိတ်ကပ်မပျက်၊ အဝတ်အစားအသစ် ခေါက်ရိုးမပျယ်တဲ့ဇာတ်ရုပ်တွေကို ဒီခေတ်ဒီအချိန်မှာ ပရိသတ်တွေ လက်မခံနိုင်ကြတော့ပါဘူး။ နောက်ပြီး ပြဿနာတစ်စုံတစ်ခုဖြစ်ရင် လေသံအေးအေးနဲ့ဖြေရှင်းမယ့်အစား အော်ကြီးဟစ်ကျယ် ထမိန်ဒေါင့်စွန်းဆွဲတဲ့အဖြစ်တွေကိုလည်း ပရိသတ်က မျက်မုန်းကျိုးနေခဲ့ပါပြီ။ အဆိုးဆုံးက ဘာပညာမှမရ ဟေးလားဝါးလားနဲ့ပြီးသွားတဲ့ ဇာတ်ကားတွေကြောင့် မြန်မာ့ရုပ်ရှင်ကို ပရိသတ်တွေ စိတ်ကုန်သထက် စိတ်ကုန်လာခဲ့ကြတာပါ။ မြန်မာ့ရုပ်ရှင်တွေ နောင်တစ်ခေတ်တစ်ခါမှာ "The Road to Mandalay" လိုပဲ မြန်မာ့ယဉ်ကျေးမှု၊ မြန်မာ့တောတောင်ရေမြေသဘာဝတွေကို ကမ္ဘာကသိအောင် ဖန်တီးနိုင်ကြပါစေ။
.
စကားကျန်သွားတယ်... ဒီဇာတ်ကားရိုက်ဖို့ ဒါရိုက်တာက ထိုင်းရွေ့ပြောင်းအလုပ်သမားတွေကို ကိုယ်တိုင်မေးမြန်းအင်တာဗျူးလုပ်ခဲ့ပါတယ်တဲ့။ အိမ်စာကိုကြိုးကြိုးစားစားလုပ်လို့ ထိုက်တန်တဲ့ဆုကိုရသွားခဲ့တာပေါ့။
.
#NineNineSaNay