အသက်ကို ရင်းပြီးပြန်ဆိုရသော ဘာသာပြန်ဆရာကြီးများ

New Covenant

အသက်ကို ရင်းပြီးပြန်ဆိုရသော ဘာသာပြန်ဆရာကြီးများ
လေးစားရတဲ့သူတွေထဲမှာ ဘာသာပြန်စာရေးဆရာကြီးတွေလဲပါ ပါတယ်။
ဘာသာပြန်တယ်ဆိုတာ ပြန်ဆိုခံ ဘာသာစာပေနဲ့ ပြန်ဆိုရမယ့် ဘာသာစာပေတို့ကို
တတ်ကျွမ်းရ တယ်လို့ ဘာသာပြန် စာပေပညာရှင် ကြီးတွေပြောတာ
မှတ်သားရဖူးပါတယ်။

ဘာသာပြန်စာပေ စာတမ်း ဖတ်ပွဲမှာ တင်သွင်းတဲ့စာတမ်းတွေ ကို လက်လှမ်းတစ်မီ

ဖတ်ကြည့်မှ ဘာသာပြန်နိုင်ဖို့၊ ဘာသာပြန်ရတာ ဘယ်လောက်ခဲယဉ်းတယ်သိလိုက်ရ

ပါတယ်။ ဒီတော့မှလဲ ဘာသာပြန် စာရေးဆရာတွေ ကြီး၊ လတ်၊ ငယ် အားလုံးကို ကျေးဇူးတင်ရလှပါ တယ်။

ဆရာကြီးတွေရဲ့ ဘာသာပြန် လက်ရာတွေဖတ်ရ၊ ခံစားရပြန်တော့ လဲ ပြန်တတ်လိုက်ပလေ။ ရေးတတ် လိုက်ပလေလို့ ပီတိဖြစ်ရပါတယ်။

အင်္ဂလိပ်စာကို သေစာရှင်စာ သာတတ်သူအဖို့ စစ်နဲ့ ငြိမ်းချမ်းရေး လို ကမ္ဘာ့

ဂန္ထဝင်ကြီးဖတ်ရတာမျိုး ဟာ ဘာသာပြန်ဆရာကြီးတွေ ဘာ သာပြန်လို့သာ ဖတ်ရတာ ပါ။ ကျေးဇူးကြီးလှပါပေတယ်။

ဘာသာပြန်တဲ့ကိစ္စ တွေးတော့ ကမ္ဘာမှာ -

(က) ပုံနှိပ်ထုတ်ဝေရတဲ့ စောင်ရေ အများဆုံး။

(ခ) ပုံနှိပ်ထုတ်ဝေရတဲ့ အကြိမ်ရေ အများဆုံး။

(ဂ) တစ်မူတည်းကိုပဲ ပြန်ဆိုရတဲ့ ဘာသာအများဆုံး။

(ဃ) ဖတ်၊ လေ့လာသူ အများဆုံး။

(င) ဖြန့်ချိတဲ့နိုင်ငံ အများဆုံးဆိုတဲ့ စာအုပ်တစ်အုပ်ကို သူတို့ဘယ်လိုများ ဘာသာပြန်ခဲ့တာပါလိမ့်လို့ သိချင်မိ လာပါတယ်။

ထရံပေါက်က အသာလှမ်း ကြည့်လိုက်ပါတယ်။

အချက် ငါး ချက်နဲ့ ညီတဲ့စာအုပ်ကတော့ဆရာ ယုဒသန် မြန်မာနာမည်ပေးထားတဲ့ သမ္မာကျမ်း တဲ့။

အင်္ဂလိပ် နာမည် ကဖြင့် Bibliograph ဆို စကား ကယူထားတဲ့ Bible ပါပဲ။
အမှန် က ခရစ်မတိုင်မီ Hebrew ဘာသာနဲ့ ရေးခဲ့တဲ့ စာစောင်ပေါင်း ၃၉ စောင်နဲ့ ခရစ်တော်ပေါ်ထွန်းပြီးမှ Greek ဘာ သာစကားနဲ့ ရေးထားတဲ့ စာစောင် ပေါင်း ၁၂၇ စောင်။ ဒါတွေကို သင့်ရာ ပေါင်းစုလိုက်တော့ စာစုပေါင်း ၆၆ စောင်ရပါတယ်။
ဒီလို စုပေါင်းထား တာမို့ Bibliograph- စာဟောင်းပေ ဟောင်း စုစည်းမှုအတတ် ဆိုစကား နဲ့ဆီလျော်ပါတယ်။ စာစောင်တစ် စောင်ချင်းမှာ သီးခြား ခေါင်းစဉ်တွေ ရှိပါတယ်။ စုပေါင်းပြီး တစ်အုပ် တည်းဖြစ်အောင် လုပ်လိုက်တော့ စာ စောင်ပေါင်း- Bible လို့ပေးလိုက်တာ ပါ။ ဘာသာပြန်ဆရာ့လက်ရာပါ။
အခု ပြောမှာက ဒီကျမ်း အကြောင်းမဟုတ်ပါဘူး။
ဒီကျမ်းကို ဘာသာပြန်ကြတဲ့အကြောင်းပါ။ ပြော ခဲ့သလို။

ဒီကျမ်း (စာစောင် ၆၆ စောင်)ကို မူလက Hebrew ဘာသာ၊ Greek ဘာသာနဲ့ ရေးခဲ့ကြတာ။ ဥရောပမှာ ခရစ်ယာန်ဘာသာ ထွန်း ကားပြန့်ပွားတဲ့ ခေတ်ဦးကာလမှာ ၆၆ စောင်လုံးကို လက်တင်ဘာသာနဲ့ ပြန်ဆိုခဲ့ပါတယ်။ ဒီအခါက လက် တင်ဘာသာကို တော်ဝင်ဘာသာ စကားလို့ သတ်မှတ်ထားကြတာ ကိုး။ ပညာတတ် အထက်တန်းလွှာ တွေသာတတ်တဲ့စာပေါ့။ အင်္ဂလိပ် စကားပြော အင်္ဂလန်မှာ ခရစ်ယာန် ဘာသာဝင် အင်္ဂလိပ်တွေ နေ့စဉ် ဆုတောင်းကြတော့ အင်္ဂလိပ်စကားနဲ့ ပါ။ ဘုရားကျောင်းတွေမှာ ဝတ်ပြု ဆုတောင်းပွဲအခမ်းအနားကြီးတွေ ကျင်းပတဲ့အခါကျမှ လက်တင်ဘာ သာသုံးပါတယ်။ အများလူထု နား မလည်နိုင်ရှာကြပါဘူး။
ဒါကို သိမြင် ပြုပြင်ချင်တဲ့သူက အင်္ဂလိပ်လူမျိုး ဘုန်းတော်ကြီး John Wycliffe တဲ့။ လက်တင်ဘာသာစာ၊ စကား ကျွမ်း ကျင်နှံ့စပ်သူ။ လက်တင်နဲ့ရှိတဲ့ ကျမ်း စာစောင်တွေကို အင်္ဂလိပ်စာနဲ့ ပြန် ဆိုဖို့ သူနဲ့ စိတ်သဘောတူသူတွေစု ပြီး ကျမ်းစာဘာသာပြန်အဖွဲ့ကလေး တစ်ဖွဲ့ ဖွဲ့ကြပါတယ်။

အဲဒီကာလရဲ့ အင်မတန် သြဇာကြီးလှတဲ့ ခရစ်ယာန်ဂိုဏ်း ကျောင်းတော်ကြီးက ဘာသာပြန်မှာကို လက်မခံနိုင်ပါဘူး။ Wycliffe တို့ အပေါ် သြဇာသုံး၊ အရှိန်အဝါသုံးပြီး ဆန့်ကျင်ဖိနှိပ်တော့တာ။
ချက်ချင်းပဲ ရဟန်းမင်း Gregory XI က ဘာသာ ပြန်မှာကို ဆန့်ကျင်တဲ့အချက် ငါးချက်
ထုတ်ပြန်ပါတယ်။ ဘာ ကြောင့် ဆန့်ကျင်ရတယ်ဆိုတာကို The Mysteries of the
Vitican စာအုပ်မှာရှင်းပြထားတာရှိပါတယ်။ ခုရေးနေတဲ့ စာနဲ့မဆိုင်လို့ ချန်ထားခဲ့ပါ မယ်။ ဆန့်ကျင်နှိပ်ကွပ်မှု ပြင်းလွန်း လို့ ဘာသာပြန်စာမူ တစ်ခုလုံးပြီးစီး ဖို့ နှစ် ၂ဝ ကြာခဲ့ရတာသာ တွေးပါ တော့။

စာတစ်အုပ်ဘာသာပြန်ချိန် အရှည်ကြာဆုံး ကမ္ဘာ့စံချိန်ပါပဲ။ Wycliffe မသေမီကလေး ၁၃၈၂ ခုနှစ် မှာမှ ဘာသာပြန်စာမူချော ထွက် လာပါတယ်။ ပုံနှိပ်စက် မပေါ်သေး တော့ လက်ရေးနဲ့ပဲ မူပွားရတာပေါ့။ လက်ရေးမူ တစ်မူရဖို့ ဆယ်လ ကြာ သတဲ့။

Wycliffe ကွယ်လွန်ပြီး ၁ဝ နှစ် ကြာတော့ သူ့အပေါင်းပါအဖွဲ့ဝင် တစ် ဦးက မူလ ဘာသာပြန်ကို အချော ကိုင်တည်းဖြတ်လိုက်တာကြောင့် ဖတ်ရသူအဖို့ ပိုလွယ်တဲ့မူတစ်မူ ရ လာပါတယ်။ ဒီလိုဘာသာပြန်ကြတာ ကို ဆန့်ကျင်ဖိနှိပ်မှုက ဘာသာပြန်သူ ဆုံးပါးတာတောင် အတောမသတ် ပါဘူး။

ဘာသာပြန်ဆရာ Wycliffe ဆုံးပါးတာ နှစ် ၄ဝ ကျော် ကြာ သွားချိန်မှာ ရဟန်းမင်းကောင်စီ - Papal Council ရဲ့ အမိန့်နဲ့ Wycliffe ရဲ့ ရုပ်အလောင်းကို ပြန်တူးဖော်ယူ၊ ပြာကျအောင်မီးရှို့၊ အရိုးပြာကို မြစ်ထဲ စွန့်ပစ်လိုက်ကြသေးတာ။ စာတစ် အုပ်ဘာသာပြန်ရတာ သေပြီးတာ တောင် အာဃာတမီး၊ ပကတိ မီး လောင်ကျွမ်းခံရရှာတယ်။ ဒါပေမယ့် ဘာသာပြန်ဆရာတွေဟာ ဒုက္ခပင် လယ်ကို ကလောင်တစ်ချောင်း ဖက် တွယ်ကူးရဲသူတွေပါ။

ဒီကျမ်းစာကိုပဲ Wycliffe လွန် နှစ် ၂ဝဝ အကြာ၊ ၁၆ ရာစုမှာ ထပ်ပြီး ဘာသာပြန်ဖို့ဖြစ်လာရပြန်တယ်။ Wycliffe ရဲ့ မူက ၁၄ ရာစုသုံး အင်္ဂ လိပ်စာ။ ၁၆ ရာစုမှာ ဖတ်နိုင်သူ၊ နားလည်သူ နည်းသွားပြီ။ ခေတ် ကုန်သွားတဲ့ သဘောပေါ့။ ခရစ်ယာန် ဘာသာဝင် အင်္ဂလိပ် အများစုက ကျမ်းစာကို နားလည်ရ ခက်တာ ကြောင့် စိတ်ပျက်၊ ညည်းတွားလာ ကြတယ်။ ဒီအခြေအနေကို သတိ ထားမိ၊ ပြုပြင်မှ ဖြစ်မယ်တွေးသူက ဘရစ္စတိုမြို့အနီးက လူငယ်ဓမ္မဆရာ William Tyndale ပါ။ Wycliffe ဘာသာပြန်ခဲ့တာက လက်တင်ဘာ သာနဲ့ရေးထားတဲ့ကျမ်း။ Tyndale က မူရင်း Hebrew နဲ့ Greek ကနေ အင်္ဂလိပ်လို့ဘာသာပြန်တာပါ။ Wycliffe ခေတ်က ပုံနှိပ်စက်မပေါ်သေး ဘူး။ Tyndale လက်ထက်မှာ ပုံနှိပ် စက်ရှိပြီ။ ဒီလို မတူကြပေမယ့် ဘာ သာပြန်တာကို ဆန့်ကျင်ဖိနှိပ်ခံရမှု ကတော့ မခြားလှဘူးဆိုနိုင်ပါတယ်။ ပိုလို့တောင် ဆိုးတယ် ပြောမယ်ဆို ပြောလောက်ပါတယ်။
ဘာသာပြန်ဖို့ အင်္ဂလန်မှာ အတားအဆီး အားကြီးလှလို့ ၁၅၄၂ ခုနှစ်မှာ ဂျာမနီကိုထွက်သွားခဲ့တယ်။ ဘာသာပြန်ပြီး စာမူရလာတော့ ပုံနှိပ် ဖို့ Cologne မြို့က ပုံနှိပ်စက်မှာ အပ်လိုက်တယ်။

ကျောင်းတော်ကြီး က ဒီသတင်းရတာနဲ့ Cologne မြို့ လွှတ်တော်- Senate ကို Tyndale ရဲ့ ဘာသာပြန်မူတွေကို သိမ်းယူဖျက် ဆီးဖို့ ချဉ်းကပ် ကြိုးပမ်းပါရော။ Tyndale လဲ Cologne မှာ မနေဝံ့ တော့ဘဲ Worms မြို့ဆီ တိမ်းရှောင် ရတော့တယ်။ ကလောင်ကို ဖက် တွယ်မိမှတော့ ဒုက္ခပင်လယ်နက် ကျယ်ကျယ်ကို ကူးရဲပြီ။ Tyndale က သူ့အလုပ် ဆက်လုပ်တာပါပဲ။ မကြာလှပါဘူး။ Tyndale ဘာသာ ပြန်ကျမ်းစာစောင်တွေကို အင်္ဂလန်ကို လျှို့ဝှက်တင်ပို့နိုင်ခဲ့တယ်။ ရောင်းကောင်းလိုက်ပုံဖြင့် ခြောက်လအတွင်း စောင်ရေ ထောင်ချီပါရော။ အဲဒီ ကာလက စောင်ရေ ထောင်ချီတယ် ဆိုတာ အင်မတန်များတာ။ ပုံနှိပ် ပညာက သွက်သွက်လက်လက် မဖြစ်သေးဘူး။

ကျောင်းတော်ကြီးက ယမ်းပုံ မီးကျပေါ့။ အရေးပေါ် အစည်းအဝေး ကျင်းပပြီး Tyndale ဘာသာပြန်မူ တွေ မီးရှို့ပစ်ဖို့ အမိန့်ထုတ်ပြန်ပါ တယ်။ လူထုက နှစ်ခြိုက်လက်ခံ တာကို အမိန့်အာဏာ လက်နက်နဲ့ ဖြိုဖျက်လို့ ရစကောင်းတာမှ မဟုတ် တာ။ ဒီတော့တစ်မျိုး ကြံပြန်တယ်။

လန်ဒန်ဂိုဏ်းချုပ်ကြီးက Sir Thomas More ကို Tyndale ရဲ့ ကလောင်ကို ကလောင်နဲ့
ဝေဖန် တိုက်ခိုက်စေပါတယ်။ Tyndale ဘာ သာပြန်တာမှာ ပြန်ဆိုတဲ့ စကားလုံး

တွေကို မကြိုက်တဲ့အကြောင်းနဲ့ ဘာ ကြောင့် မကြိုက်ရတယ်ဆိုတာကို If God Spare

Mylife စာအုပ်မှာ ဝေ ဖန်ခဲ့ပါတယ်။ ဥပမာ Greek စကားလုံး A GA' PE (a-ga pe )

ကို မူလ က အလှူဒါနလို့ပြန်ခဲ့တာ။ Tyndale က မေတ္တာ-Love လို့ ပြန်ပါတယ်။ ဒီစာနဲ့

မသက်ဆိုင်လို့ စကားလုံး ကွဲလွဲမှုကို အကျယ် မရေးတော့ပါ။ ညွှန်းစာအုပ်မှာ
ဖတ်ကြည့်ပါရော့။

မိစ္ဆာအယူ ယူသူ ယုံကြည်သူ တွေကို မီးရှို့သတ်ဖို့ မီးရှို့ပြစ်ဒဏ် More က

အားပေးအားမြှောက် လုပ်ခဲ့တာပါ။ မြန်မာရာဇဝင်မှာ ပန်းပဲ မောင်တင့်တယ်၊

မိဖုရားစောလုံ တို့ကို ဖိုကျင်ထိုး သတ်သလိုမျိုးပေါ့။ ၁၅၃၆ ခုနှစ်၊ အောက်တိုဘာလမှာ

ကျမ်းစာတစ်အုပ် ဘာသာပြန်တဲ့ အတွက် ပြစ်ဒဏ်က Tydale ကို လည်မြို

ညှစ်သတ်ပြီး သစ်တိုင် - Stake ပေါ်မှာ ခန္ဓာကိုယ်ရုပ် အလောင်း
ကိုမီးရှို့ခံခဲ့ရရှာတယ်။ ကမ္ဘာ့ဘာသာ ပြန်သမိုင်းမှာ စံချိန်တင်ရမယ့် ပြစ် ဒဏ်ပါပဲ။ ဒီနေရာမှာ သံဝေဂရစရာ ကတော့ ကြမ္မာရဟတ် တစ်ပတ်လည်တဲ့အခါမှာတော့ More လဲ ဘုရင့်အမိန့်နဲ့ ခေါင်းဖြတ် ကွပ်မျက်ခံရပါတယ်။

ကျောင်းတော်ကြီးက ဒီဘက် ခေတ် ၂ဝ ရာစုထဲကျမှ ၁၉၃၅ ခုနှစ် မှာ More ကို သန့်ရှင်းသူအဖြစ် အသိ အမှတ်ပြုခဲ့ရုံမက ၂ဝဝဝ ပြည့်နှစ်မှာ Pope John Paul II က More ကို နိုင်ငံအကျိုးသယ်ပိုးသူတို့ရဲ့ ကျေးဇူးရှင် သူတော်စင် - Patron Saint of Politicians အဖြစ် ဂုဏ်ပြုခဲ့သေးတယ်။ ဘာသာပြန်ဆရာ Tyndale ကလဲ သူ့မူကို ဖတ်မှတ်လေ့လာသူ တွေရဲ့ စိတ်နှလုံးသရဖူကို ရခဲ့တယ် ဆိုချင်ပါတယ်။

ဒါဟာ စာရေးဆရာ အနုပညာသမားတွေသာ ရနိုင်တဲ့ ဆုလာဘ်ပါ။
အသက်ကို ဖက်နဲ့ထုပ် ဒုက္ခ ပင်လယ်ထဲ ကလောင်တစ်ချောင်းနဲ့ ကူးရဲသူ နောက်တစ်ဦးက Robert Morrison ပါ။ အင်္ဂလိပ်လူမျိုး ခရစ် ယာန် သာသနာပြုတစ်ဦးပါ။ ရာဇ ဝတ်အိုးကို ကလောင်နဲ့ ထိုးတဲ့သူ။

Morrison က ခရစ်ယာန် ကျမ်းစာ ကို တရုတ်ဘာသာပြန်ချင်လွန်းလှတဲ့ သူ။ တရုတ်ဧကရာဇ်က နိုင်ငံခြား သားကို တရုတ်စာ၊ စကား သင် ကြားပေးတဲ့ တရုတ်ကို သေဒဏ်ချ မှတ်မယ် အမိန့်ထုတ်ပြန်ထားကြောင်း Morrison ရဲ့ မိသားစု၊ ရင်းနှီးတဲ့ မိတ်ဆွေတွေက တားကြပေမယ့် ၁၈ဝ၇ ခုနှစ်မှာ Morrison တရုတ် ပြည်ဆီ ထွက်သွားတော့တယ်။ ရောက်မဆိုက်ဘဲ တရုတ်စကား၊ စာ သင်ယူတော့တာပဲ။ ပုန်းလျှိုးကွယ် လျှိုးနေ လျှို့ဝှက်သင်ယူရတာပါ။ ဧကရာဇ်ရဲ့ နားပေါက်ကြားလို့ဖြင့် သင်ကြားပေးသူ၊ သင်ယူသူ၊ အတူ သေကြရမှာ။ ဒါကြောင့် နှစ်နှစ်နီး နီး အိမ်တွင်းအောင်းပြီး နေခဲ့ရတယ်။ နှစ်နှစ်ကြာတဲ့အခါ Morrison တစ် ယောက် တရုတ်ရုံးသုံး မန်ရဒင်းစကား၊ စာနဲ့ ရပ်ရွာသုံး တရုတ်စကား၊ စာတစ်မျိုးမက ပြော၊ ဖတ်၊ ရေး တတ်သွားပြီ။
ပြောနိုင်၊ ဖတ်နိုင်၊ ရေးနိုင်ပြီမို့ ဘာသာပြန်လုပ်ရုံပေါ့။ ပုံနှိပ်ဖြန့်ချိ မယ်ပေါ့။ ဒါပေမယ့် လောကဓံ တရားလှည့်စားပြန်တယ်။ ခရစ်ယာန် အဆိုနဲ့တော့ စုံစမ်း နှောင့်ယှက် ခံရတယ်ပေါ့။ ခရစ်ယာန်ဘာသာစာ ပေတွေ ပုံနှိပ်ထုတ်ဝေတာဟာ သေဒဏ်ထိုက်သင့်တဲ့ ပြစ်မှုဖြစ်တယ်လို့ ဧကရာဇ်က အမိန့်ထုတ်ပြန်ပါတယ်။ Morrison ကလဲ သူ့ကလောင်ကို ရပ်မထားပါဘူး။ ကလောင်ကို တကယ်ချစ်မိပြီဆိုမှဖြင့် သေဒဏ် ဆိုတာလဲ ဆုလာဘ်တစ်ခု ဖြစ်သွားတာလေ။ ၁၉၁၉ ခုနှစ်၊ နိုဝင်ဘာလ ၂၅ ရက်မှာ Morrison ရဲ့ ခရစ်ယာန် ကျမ်းစာစောင် တရုတ် ဘာသာပြန်မှု ပြီးစီးပါပြီ။ ၁၈၃၆ ခုနှစ်မှာတော့ တရုတ်ဘာသာပြန် ခရစ်ယာန်ကျမ်း ဟောင်း၊ သစ် ၂ဝဝဝ အုပ်၊ ကျမ်း အသစ် (မူရင်း Greek ဘာသာရေးမူ) တရုတ် ဘာသာပြန်စာစောင် ၁ဝဝဝဝ၊ ကျမ်းစာ ကောက်နုတ် အပိုင်း ၃ဝဝဝဝ ပုံနှိပ်ထုတ်ဝေနိုင်ခဲ့တယ်။ လည်ကုပ်ပေါ် ဓားသွားထက်ထက် တင်ထားလျက်က ဘာသာပြန် စာမူ တစ်ခုပြီးအောင် ပြန်ဆိုပုံနှိပ်ထုတ်ဝေ နိုင်ခဲ့တာ။

မိတ်ဆွေတို့ သမ္မာတရားက ဘယ်တော့မှပျောက်ကွယ်မသွားပါဘူး။ ဒီနှုတ်ကပတ်တော် သမ္မာတရားက သန့်ရှင်းသောဝိညာဉ်တန်ခိုးအားဖြင့် အမြဲယခုအချိန်ထိ ခွန်အားယူနေရတုန်းပါပဲ။
သမ္မာတရားက စာမဟုတ်ပါဘူး။ အသက်ရှင်တယ်။ ထို့ကြောင့် သမ္မာတရားသည် သန့်ရှင်းသောဝိညာဉ်တော်တန်ခိုးဖြင့် လူမျိုးများစွာ၊ တိုင်းနိုင်ငံများစွာကို ပြောင်းလဲစေတယ်။ သမ္မာကျမ်းစာ သည် ယေရှုကိုပဲ ဖော်ညွန်းပြသပါသည်။

နိုးထပါတော့ ယုံကြည်သူတို့... သင်တို့တွေရဲ့ ဗီဒိုထဲမှာ ဖုန်တက်အောင် ထားတဲ့ အရာက ဘယ်လောက် အဖိုးအခ တန်ဖိုးရှိတယ်ဆိုတာ သတိရကြပါ။

ယေရှုကို ချစ်ရင် တကယ်ချစ်ရင်...သင်က နှုတ်ကပတ်တော်ကို ဆာငင်စွာ ဖတ်ရှုမှာပါ...

ပဋိညာဉ်တရားသစ်(New Covenant)