အိမ်တွင်းက သေမင်း

 သုတဇုန်

 

အိမ်တွင်းက သေမင်း

*******************

ဖေဖေ မေမေတို့ ရေ ..

အခုသုံးထားတဲ့ ပုံလေးက လွန်ခဲ့တဲ့ ၂ရက်တုန်းက အိမ်တွင်း မတော်တဆမှုကြောင့် ဆုံးသွားတဲ့ ၁၆ လ သမီးလေး Bronwyn Taylor ရဲ့ ပုံပါ။

မတော်တဆမှုတွေ ကြောင့် ကလေးတွေ အသက်မဆုံးရှုံး သင့်ပဲ ဆုံးရှုံး ရတာတွေ ခနခန ကြားရတာ စိတ်ဆင်းရဲစရာမို့ share မလုပ်ချင်ပေမယ့် ..ကျွန်မတို့ တွေ သင်ခန်းစာယူ၊ ဆင်ခြင်လို့  ရအောင် လို့ သူ့  ပုံလေးကို တင်လိုက်ပါတယ်။

သားသမီး ဆိုတာ ရခဲ လှ တဲ့ အဖိုးတန် ရတနာလေးတွေပါ။

အမေ့ ၀မ်းထဲ ရောက်လာကတည်းက အမေလုပ်သူက အစားသောက် ဆင်ခြင်ရ၊ အသွားလာ ဆင်ခြင်ရ၊ ဆေးတွေ ထိုးရ .. သောက်ရ။ တချို့ မေမေ တွေ ဆို .. ကိုယ့် အသက် ထက် ကလေး အသက်ကို လုပြီး မွေးထားရနဲ့ ။

မွေးပြီးတော့လဲ မိဘတွေ က အိပ်ရေးတွေပျက်ကြ၊ နွေးနွေးထွေးထွေးထားပေးရ .. နေမကောင်းရင် ပိုက်ဆံ ရှိရှိ မရှိရှိ ဆရာဝန် ပြေးပြရ.. ကောင်းပေ့ အားရှိပေ့ ဆိုတဲ့ အစားစာတွေ ကျွေးကြနဲ့ .. ကလေးတစ်ယောက် ကို ကျန်းမာစွာ ၇ှင်သန်ကြီးပြင်းအောင် ကြိုးစား အားထုတ်ရတာ ခက်ခဲလှပေမယ့်… မတော်တဆဖြစ်ပြီး အသက်ဆုံးရှုံးဖို့  က စက္ထန့် ပိုင်း အတွင်း ဖြစ်နိုင်တာနော်။

ပုံထဲက Bronwyn လေးက ၁၆ လသမီးပါ။ သားသမီးတွေထဲမှာ အသွက်လက်ဆုံး၊ ထိန်းရ အလွယ်ဆုံးနဲ့  ဥာဏ်ရည် အကောင်းဆုံးပါတဲ့။ သူ့ မူကြို ကျောင်းက ဆရာမတွေ ကလဲ အတန်းထဲမှာ အဖော်ရွှေဆုံး နဲ့  ချစ်စရာ အကောင်းဆုံး ကလေးလေးလို့ ဆိုကြပါတယ်။

ဒီချစ်စဖွယ် သမီးလေးကို အဖိုး၊ အဖွားအိမ်ပို့ ပြီး သူ့ မိဘတွေက ကျန်တဲ့ ကလေးတွေကို ရုပ်ရှင်ရုံ ခေါ်သွားကြတယ်။ အဖိုး ဖွားက စက်က္ထန့် ပိုင်းလေးပဲ ကလေးကို တယောက်တည်း ထားခဲ့တဲ့ အချိန်မှာ ... နေရောင်မတိုးအောင် ပြတင်းပေါက်မှာ ကာထားတဲ့ လိုက်ကာကြိုးနဲ့ လည်ပင်းကို ပတ်မိလို့ အသက်ရှု ကြပ်ပြီး အသက်ဆုံးသွားရရှာတယ်။

အဲဒီ လိုက်ကာက သူတို့ အိမ်မှာ သုံးလာတာ နှစ်၂၀ ကျော်ပြီး၊ Bronwyn လေးလဲ ကိုင်ဆော့လေ့ရှိတာမို့ သူ့  အသက်ကို ယူဖို့ ချောင်းနေတဲ့ သေမင်းတမန် ကြိုး လိုံ့ဘယ်သူ ထင်မိပါ့မလဲနော်။

ခုတော့... ချစ်စဖွယ် ကလေးငယ်လေးလဲ အရွယ်မတိုင်မီ သေဆုံးပြီး၊ အဖိုးလုပ်သူကလဲ စိတ်ထိခိုက်လွန်းလို့  ဆေးရုံတက်ကုသမှု ခံ နေရတယ်။

မိဘတွေ ကတော့ တစ်သက်တာ ယူကြုံးမရ ဖြစ်ရပြီပေါ့။ ဒီလို တမိသားစုလုံး … တစ်သက်လုံး ပူဆွေးသောက ရောက်စေဖို့ .. စက္တန့် ပိုင်းလေး ခလေးကို တယောက်တည်း ထားမိတာ ကနေ စ တာနော်။

Bronwyn လေးရဲ့ အကို တစ်ယောက်က cerebral palsy ခေါ် မွေးရာပါ ရောဂါကြောင့် မသန်စွမ်းလေးဖြစ်နေတဲ့ အတွက် ဒီသမီးကို ကျန်းကျန်းမာမာ သွက်သွက်လက်လက်လေး နဲ့ မြင်ရလို့ ပျော်ရတဲ့ အပျော်တွေ, စိတ်ကူးရည်မှန်းချက်တွေ .. အကုန် ချိုးဖဲ့လိုက်ဖို့ တမိနစ်တောင် မလိုဘူးနော် ...

တကယ်တော့ အိမ်တိုင်းမှာ ကလေးတွေ ကို အသက် အန္တရာယ် ပေးနိုင်တဲ့ ပုန်းကွယ်နေတဲ့ သေမင်းတမန် တွေ အများကြီးပါ။

• ဒဏ်ကြေလိမ်းဆေး၊ လူကြီးဆေးတွေကို မှား စားမိလို့ 

• ဓာတုပစ္စည်းပါတဲ့ အိမ်သုတ်ဆေး စသဖြင့် သောက်မိလို့ 

• ခုတင်ပေါ်မှာ အိပ်နေရင်း စောင်တွေနဲ့ ပတ်မိပြီး အသက်ရှုမရလို့ 

• ရေဇလုံ၊ ရေချိုးကန်ထဲ နစ်သွား လို့ …

• ခပ်ရှည်ရှည် အရာဝတ္ထု တစ်ခုခု ကို ပါးစပ်ထဲထည့် ပြေးရင်း ချော်လဲပြီး အာခေါင်စူးသွားလို့ .

. ဓာတ်ဗူးမှောက်ကျလို့

• လျှပ်စစ်ပေါက်ထဲ လက်ချောင်းလေးနှိုက်ဆော့မိလို့ …

• လည်နေတဲ့ ပန်ကာထဲ လက်ထည့်လိုက်မိလို့ …

• စားပွဲ ဇောင်း နဲ့ မျက်စိထိုးမိလို့ (ဒါမှမဟုတ်) နားထင်နဲ့ ရိုက်လိုက်မိလို့ ..

…… စသဖြင့်

…... စသဖြင့် ..

အိမ်တွင်း မတော်တဆမှုတွေ ကြောင့် အသက်ဆုံးရှူံးသွားရတဲ့၊ တစ်သက်လုံး လူစဉ်မမီဖြစ်သွားရတဲ့ ရတနာလေးတွေ အကြောင်း သတင်းတွေ၊ facebook တွေမှာ နေ့ စဉ် မမြင်ချင်မှ အဆုံးပါ။

ဒါတောင် ကားအက်ဆီးဒင့်တို့ ၊ အိမ်ပြင်ပက မတော်တဆမှုတွေ မပါသေးဘူး။

နေရာတိုင်းမှာ ကလေးအတွက် အသက် အန္တရာယ်ပေးနိုင်တဲ့ ပစ္စည်းတွေရှိတာမို့ ..

• စက္ထန့် ပိုင်း တောင် တစ်ယောက်တည်း မထားမိဖို့ 

• ကိုယ့်အိမ်တွင်း child proofing တွေလုပ်ထားဖို့ 

• ကိုယ့်သားသမီးကို သွားထားရမယ့် အိမ်တွေမှာ အန္တရာယ်ရှိနိုင် မရှိနိုင် ကာကွယ်မှုတွေ ရှိမရှိ ကြည့်ဖို့  …

.... သတိပေးလိုက်ပါရစေ။

ကလေးတိုင်း အန္တရာယ်ကင်းစွာဖြင့် ကျန်းမာပျော်ရွှင်စွာ ကြီးပြင်းနိုင်ကြပါစေ။

Credit; မစုဥာဏ် (N&N မိသားစု)