သမီးပြည့်တန်ဆာ(ထက်မြတ်နိုင်ဇင်) ဒုတိယပိုင်းအဆက်

ကျောင်းလွယ်အိတ်
သမီးပြည့်တန်ဆာ(ထက်မြတ်နိုင်ဇင်)

ဒုတိယပိုင်းအဆက်


(၅)

ကျွန်မ မရှက်တော့ပါဘူး။ သမီးကြီး သန္တာခိုင်ရဲ့ လုပ်စာကို ပြောင်ပြောင်ပဲ စားပါတော့တယ်။ မစားလို့လည်း မ၇တော့ဘူးလေ။ အရပ်ထဲ လည်ပြီး အ၀တ်လျှော်ဖူးတယ်။ ဈေးထိပ်က လက်ဖက်ရည်ဆိုင်မှာလည်း ပန်းကန်ဆေးဖူးသေးတယ်။ ဖယောင်းတိုင်စက်မှာ အလုပ်သမ လိုတယ် ဆိုလို့လည်း သွားမေးကြည့်ဖူးတယ်။ ဘယ်ဟာမှ ဟုတ်တိပတ်တိ အဆင်မပြေဘူး။ အငယ်ကောင်လေး တိုးလိုးတွဲလောင်း ဖြစ်နေတာလည်း ပါတာပေါ့လေ။ ပြီးတော့ လူမမာကြီး တစ်ဖက် မဟုတ်လား။ ဘယ်လိုလုပ်ပြီး သူ့တစ်ယောက်တည်း တစ်နေကုန် ပစ်ထားလို့ ရပါ့မလဲ။
ဒါတောင် သားအလတ်ကောင် ကျော်ဝင်းခိုင်က အိမ်မှာ မနေလို့ တစ်ယောက်စာ စားအိုးလျော့နေတာ တော်သေးတယ်။ ကိုထွန်းခိုင် ကိစ္စဖြစ်ကတည်းက ဟို……ရန်ကုန် လှိုင်သာယာ ရပ်ကွက်ဈေးမှာ ကုန်စိမ်းရောင်းတဲ့ ကျွန်မ အမျိုးတွေက ၁၀ တန်းအောင်တဲ့ အထိတော့ ကျောင်းထားပေးမယ် ဆိုပြီး ခေါ်သွားတယ်လေ။
ထမင်းဖိုး မုန့်ဖိုး သက်သာတယ် ဆိုပေမဲ့ ကျောင်းစားရိတ်တော့ ကိုယ်က ထောက်ရတာပေါ့။ ကဲ အဲဒီ အတွက် ပိုက်ဆံတွေ ဘယ်က လာမှာလဲ။ ဘယ်သူက လာပေးမှာလဲ။ ဘယ်လိုရှာရမှာလဲ။ ဘယ်က မသာမတွေက လာပေးမှာလဲ ကဲ ကျွန်မက အဲဒီလို မေးလိုက်ချင်တယ်။
အငယ်မ ကေသီခိုင်ကလည်း အလယ်တန်း တက်ရတော့မှာ ဆိုတော့ မူလတန်းတုန်းကလို ဗလာစာအုပ် ၂ အုပ် ၃ အုပ် ခဲတံ ၁ ချောင်း ၂ချောင်းနဲ့ မပြီးတော့ဘူး။ ကွန်ပါဘူး ဆိုလား ၀ယ်ရမယ်ပြောတယ်။ ကျောင်းစာအုပ်တွေကလည်း မနည်းမနောပဲ။ ငါးဘာသာ ဆိုလား ခြောက်ဘာသာ ဆိုလား စာအုပ်ဖိုးနဲ့တင် နင့်ရော။ ကျောင်းထွက်ခိုင်းဖို့တော့ စဉ်းစားပါသေးတယ်။
ကိုယ့်သမီးမို့ ပြောတာ မဟုတ်ဘူး။ ကံအကြောင်းမလှလို့ မဟုတ်တာ လုပ်စားနေရပေမဲ့ သိပ်တော်တာ။ မိဘတွေ အပေါ်မှာတင် မကဘူး။ အစ်မကြီး အမိရာ ဆိုသလို သူ့မောင်တွေ ညီမတွေပေါ်လည်း သိပ်ကောင်းတာ။ သားလတ် ကျော်ဝင်းခိုင် ၁၀ တန်းအောင်တော့ ရဲထဲဝင်ပြီး ရဲသင်တန်းတက်နေတုန်းကလည်း သူပဲ ထောက်ပံ့ထားတာ။ သင်တန်းတက်နေရင်း ဒုရဲအုပ်ဖြေဖို့ ဘွဲ့ရအောင် အဝေးသင် တက်ရဦးမယ် ဆိုတော့လည်း တစ်ချက် မညည်းမညူ။ တက်ပါတဲ့။
အံမယ်လေး။ ဘယ်သူတွေ ဘာပြောပြော။ ကျွန်မ သမီးကြီးက သူတော်ကောင်းမကြီးပါတော်။ ကျေးဇူးရှင်မကြီးပါ။ သူရဲကောင်းမကြီးပါအေ။
အဲဒီလိုသာ အရပ်ထဲ ထွက်ပြီး ခုနစ်သံချီ ဟစ်ပစ်လိုက်ချင်တော့တာပဲ။
အဲဒါကြောင့်မို့လို့ ၃ရက် တစ်ခါ ၄ရက် တစ်ခါ သမီးကြီး ပြန်လာတိုင်း အသားဟင်းလေး တစ်မယ်တော့ ပါအောင် ချက်ကျွေးတယ်။ ကိုယ်မစားရတာ ဘာအေ၇းလဲ။ တစ်ခါမှာတော့ သမီးကြီးနဲ့ အတူ အသက် ၃၅ နှစ်ကျော် အရွယ် မိန်းမ တစ်ယောက် ပါလာတယ်။ အသက်ကသာ ၃၅နှစ်ကျော်တယ်။ ၀တ်ထားစားထားပုံက ဒူးလောက်ရှိတဲ့ စကတ်တိုကို လက်ပြတ်ကြိုးတစ်လုံး စွပ်ကျယ်လိုလို ဘာလိုလို အသားပျော့ အင်္ကျီနဲ့ တွဲဝတ်ထားသေးတယ်။ မျက်လုံးကပြူး နှုတ်ခမ်းကထူ နဖူးက မောက် နှာယောင်က ကောက်တောက်တောက်နဲ့ ရုပ်ကိုက တစ်စက်မှ ကျက်သရေ မရှိဘူး။ ခေါင်းက ဆံပင်ဆိုတာလည်း အဟုတ် ဆံပင်ပဲ ၀ါကျင်ကျင်နဲ့။ အဲဒီ ဆံပင်အရောင်နဲ့ သူ့အသားအေ၇ ပနံမစားလိုက်ပုံများ တစ်ကိုယ်လုံး မည်းသဲပြာကော့နေတာပဲ။
နာမည်က ငယ်ငယ်တဲ့။ သမီးကြီးကတော့ သူ့ကို မငယ်လေး မငယ်လေးနဲ့ ပါးစပ်ဖျားကကို မချဘူး။ ကျွန်မကတော့ ဒင်းဘာလဲ ဆိုတာ ရိပ်မိပါရဲ့။ ကောင်မရဲ့ပုံကိုက ဒင်းရုပ်ရည်နဲ့ ဒင်းအလုပ်အကိုင်နဲ့ လိုက်လည်းလိုက်ပါတယ်လေ။ ညဆိုလည်း ညဥ့်နက်တဲ့ အထိ မအိပ်ဘဲ အိမ်ရှေ့ ထွက်ထိုင်ပြီး တဟီးဟီး တဟားဟားနဲ့။
လာလိုက်တဲ့ ဖုန်းတွေ ဆိုတာလည်း သန်းခေါင်သန်းလွဲတောင် မရှောင် တတီတီနဲ့။ ပြောလိုက်မှဖြင့် ယောင်္ကျားတွေနဲ့ချည်းပဲ။

ဟယ်လို အင်းပါ ကိုကြီးကလည်း ငယ် ပြန်လာမှာပေါ့။ ဟွန်း သိပါတယ်နော် ကိုကြီး မယားကြီး မ၇ှိလို့ ငယ့်ကို တ နေတာ မဟုတ်လား။ ဟား ဟား ဟား အလကား နောက်တာပါ။ ကိုကြီး ငယ့်ကို ဘယ်လောက် စွဲတယ် ဆိုတာ ငယ်သိတာပေါ့။

ဟယ်လို ငယ်ငယ်ပါရှင်။ ဟား ဟား ဟား ရှင်ကလည်း သိပ်အကောင်း မကြိုက်တတ်ဘူးနော်။ စ ကိုင်လိုက်မှဖြင့် နုပေ့ဆိုတဲ့ အသီးကိုမှ စားချင်တယ် ဟုတ်လား ဟင်းဟင်းဟင်း

ဘာတဲ့ ကြားလိုက်ပါသေးတယ်။ အပျို တစ်ယောက်ကို ပါကင်ဖောက်ရင် တစ်သိန်းခွဲ ရမယ် ဆိုလို့ကတော့ သူကပဲ ရှာပေးဦးမတဲ့လေ။ ရုပ်ကိုက ရှစ်စပ်က ဂျင်ခြေလည်တဲ့ ရုပ်မျိုးနဲ့။ ကျွန်မလေ အဲဒီကောင်မကို ဆံပင်ဆောင့်ဆွဲပြီး ပါးကိုချည်း ပိတ်ရိုက်ပစ်လိုက်ချင်တယ် အဟုတ်ပြောတာ။
ကြည့်စမ်း ကျွန်မစိတ်တွေ ဘာကြောင့် ဒီလောက် ကြမ်းတမ်းပြီး ရိုက်ချင် နှက်ချင် လက်တပြင်ပြင် ဖြစ်နေရတာလဲ မသိဘူး။
ဟင်း တကယ်တော့ ကျွန်မရင်ထဲက အမုန်းစိတ်က ပြည့်တန်ဆာ ဆိုတဲ့ အလုပ်ကြီးကို စက်ဆုပ်နေတာ။ အဲဒီ အလုပ်နဲ့ ပိုက်ဆံရှာနေတဲ့ သမီးကြီး အတွက် ယူကြုံးမရ ဖြစ်နေတာ။အဲဒီက ရလာတဲ့ ပိုက်ဆံတွေကို မှန်းပြီးစားနေတဲ့ ကျွန်မကိုယ်ကျွန်မ မုန်းတီးနေတာ။
ကျွန်မ တကယ်တမ်း ပါးတွေ နားတွေ ရိုက်ပစ်ချင်တာက အသုံးမကျတဲ့ ကျွန်မ ကိုယ်တိုင်ကိုပါ။ အဲဒီ စိတ်အပုပ်အဆွေးနာကြီးကို သူများကို တရားခံရှာရင်း ငယ့်ငယ့်အပေါ် ဒေါသတွေ ပုံကျသွားတာပဲ။
အင်း ငယ့်ငယ့်ကိုလည်း ကြာတောင့်ကြာရှည် စိတ်ဆိုးမနေအားတော့ဘူး။ နောက်တော့ ဒင်းက ကျွန်မ အတွက် ကျေးဇူးရှင်မကြီးလိုတောင် ဖြစ်လာသေးပါသကော။
သမီးကြီး သန္တာခိုင် ပြည့်တန်ဆာမှုနဲ့ ပထမ တစ်ခါ ထောင်ကျတုန်းကပေါ့။ ပထမဆုံးဆိုတော့ ထောင်တွေ ဂတ်တွေ အကြောင်းလည်း နားမလည် ဘယ်သူ့ ဘယ်လို သွားတွေ့ရမှန်းလည်းမသိ သက်သာရာ သက်သာကြောင်း လိုက်ဖို့ကျတော့လည်း ပိုက်ဆံ ဘယ်လောက်ကုန်မယ်မှန်းမသိနဲ့ အဲဒါတွေ အားလုံးကို တစ်ထိုင်တည်း ထောင့်စေ့အောင် ငယ်ငယ်ကပဲ ဦးဆောင်လုပ်ပေးသွားတာ။

အန်တီ သန္တာ့အတွက် မပူနဲ့ သိလား။ ငယ်အားလုံး စီစဉ်ပေးထားတယ်။ လိုင်းကြေး ကိစ္စလည်း ရှင်းပြီးပြီ။ အထဲက လက်ကောက်တွေ ၀ါဒါတွေနဲ့လည်း ညှိထားပြီးပြီ သိလား။ အန်တီ အေးအေးဆေးဆေး အိမ်မှာ ပြန်နားပါတော့

အေးပါ ကျေးဇူးရှင်မကြီးရယ် ညည်းလုပ်ပေးကိုင်ပေးတာတွေအတွက် ကျေးဇူးအများကြီးတင်ပါ၇ဲ့အေ။ ကျုပ်ဝမ်းထဲမှာပဲ တစ်သက်လုံး မှတ်ထားပါမယ်။ ကဲ သွားပြီနော်။

အဓိက ပိုက်ဆံ ရှာပေးနေတဲ့ သမီးကြီး အိမ်မှာ မရှိတော့ အငယ်မလေး ကေသီခိုင်ကို ကျောင်းထုတ်လိုက်ရတယ်။ ပြီးတော့ အိမ်မှာ ဆီးထုပ်ထုပ်တဲ့ အိမ်မှာ အလုပ်သွင်းပေးလိုက်တယ်။ ကလေးဆိုတော့ ကလေးခပဲ ရတာပေါ့လေ။ သူ့အတွက် ကျောင်းစားရိတ် မကုန်တော့တာနဲ့ပဲ တော်တော်ဟုတ်နေပြီ။ သားလတ် ကျော်ဝင်းခိုင်ကတော့ ကျိုင်းတုံဘက်မှာ တာဝန်ကျနေတယ်။ သူ့လစာနဲ့သူ လောက်ငှအောင် သုံးနေရတာဆိုတော့ အိမ်ကိုလည်း မထောက်ပေးနိုင်ဘူး။
တစ်ခါတစ်ခါ ပိုက်ဆံလိုတယ်ဆိုပြီး လှမ်းမှာလို့တောင် အရပ်ထဲက ဒေါ်သိန်းမြဆီကပဲ အတိုးနဲ့ ရှိခိုးဦးတင် ချေးငှားပြီး ထည့်ပေးလိုက်ရတယ်။ သူကတော့ သူ့အစ်မကြီး သန္တာခိုင်က ပေးတယ်လို့ပဲ ထင်နေမှာ။ အငယ်လေး ဇေယျာခိုင်ကိုတော့ ကျောင်းစအပ်ရမယ့် အရွယ်ရောက်ပေမဲ့ မအပ်နိုင်သေးဘူး။ ကျွန်မ ဈေးထဲမှာ တောက်တိုမယ်ရ သွားလုပ်တဲ့အခါ အဖေ လူမမာကြီးကို နားနေဖို့ အိမ်စောင့်ထားခဲ့ ရတာ။
အဲဒီလိုနဲ့ ၅နှစ် ၆နှစ်သာ ကြာသွားတယ်။ ကျွန်မတို့ ဘ၀ ကတော့ ၀ဲမိနေတဲ့ ဗေဒါတွေလို တစ်နေရာတည်းမှာပဲ သံသရာလည်နေတော့တယ်။ အကြီးမကြီးက ထောင်ထဲ ၀င်လိုက် ကျန်ခဲ့တဲ့ လူတွေက အကြွေးယူစားလိုက်ရ ထောင်က ပြန်ထွက်လာရင် အလုပ်လေး လုပ်လိုက် စားထားတဲ့ အကြွေးတွေ ပြန်ဆပ်လိုက်နဲ့။ ကျွန်မတို့ဟာ လူ အဖြစ်နဲ့ အရှင်လတ်လတ် ငရဲ ခံနေရတာလားလို့တောင် တစ်ခါ တစ်ခါ တွေးမိတယ်။
သမီးကြီးကတော့ ပေါက်တဲ့ နဖူး မထူးဘူးလို့ များစိတ်တင်းထားသလား မသိဘူး။
နောက်ဆုံးတစ်ခေါက် ထောင်မကျခင်တုန်းက တော်တော်လေး မမာဖြစ်နေတာ ပြီးတော့ အလုပ်တောင် ကောင်းကောင်း မလုပ်နိုင်တော့ဘူး။
ကျွန်မ ရိပ်မိတာပေါ့။
သမီးကြီး ပုံစံက အရင်လောက် အလုပ်မဖြစ်တော့ဘူးဆိုတာ လူက ပိန်ချုံးနေတာပဲ။ ဒါနဲ့ ကျွန်မက

သမီးရယ် မသွားပါနဲ့တော့လား အဲဒီ အလုပ်ကို လုပ်လည်း လုပ်စားမနေပါနဲ့တော့။ ငါ့သမီး ပင်ပန်းလှပြီ။ အမေတို့ ငတ်ရင်လည်း ငတ်ပါစေတော့

ကျွန်မက အတန်တန် တားနေတဲ့ကြားက သမီးကြီးက

အမေရယ် လူက ဆန်ခါဖြစ်နေမှတော့ အပေါက် တစ်ပေါက်တိုးလာလို့လည်း ဘာမှ ပိုမထူးပါဘူး

အဲဒီလိုပြောပြီး ညဘက် သမီးကြီး အိမ်က ထွက်သွားလိုက်တာ အိမ်ကို ပြန်ရောက် မလာတော့ပါဘူး။ စီမံချက်နဲ့ တိုးတယ် ဆိုလား အဖမ်းခံလိုက်ရတယ်။
ကျွန်မဖြင့် အဲဒီ သတင်းကြားရလို့လည်း ငိုလား ပြုလား လုပ်မနေအားတော့ပါဘူး။ လမ်းဘေး ပီစီအို ဖုန်းကနေ ငယ်ငယ့်ဆီပဲ လှမ်းဆက်ပြီး အကျိုးအကြောင်း ပြောပြလိုက်တော့တယ်။

(၆)
အံမယ်လေး ဘုရားေ၇ အကုသိုလ်က အခုမှ လည်မျိုကို တည့်တည့် တက်နင်းတော့တာပဲ။ ခါတိုင်း ဒုက္ခရောက်တယ် ဆိုတာက မစားရ ဗိုက်မှောက်နေ၇ုံပေါ့။ အခုဟာက ခွေးလေခွေးလွင့်လို လမ်းဘေးနေ လမ်းဘေးစား ရမယ့်ကိန်းပါလား။
အခု ကျွန်မတို့ ငှားနေရတဲ့ အိမ်လေးကို ပိုင်ရှင်က ရောင်းပစ်တော့မလို့တဲ့။ ကျွန်မလေ ရှိခိုးမတတ် တောင်းပန်ပါသေးတယ်။

အစ်မရယ် လခတိုး ယူမယ်ဆိုရင်လည်း ကျွန်မ အကြွေးခံပြီး မရရအောင် ရှာပေးပါ့မယ်။ ကျွန်မမှာက လူမမာ ဒုက္ခိတကြီးက တစ်ဖက်ဆိုတော့ ကသီလို့ပါ အစ်မရယ်

မရဘူး ခင်ဌေးရေ။ ငါတို့က ၀ယ်မယ့်သူနဲ့ ဈေးစကားတောင် ပြောပြီးနေပြီ။ အဲဒါကြောင့် ထုံးစံအတိုင်း ညည်းတို့ကို တစ်လကြိုပြီး ပြောတာ။ ဒီတစ်လအတွင်း နောက်ထပ်အိမ်ရအောင် ရှာပေါ့အေ။

အဲဒါနဲ့ ကျွန်မလည်း ကောက်သင်းကောက်သလို နေပူစပ်ခါး ထီးမပါ ဘာမပါနဲ့ အရပ်လည်ပြီး အိမ်ရှာရတာပေါ့။ တချို့ ငှားမယ့် အိမ်တွေတော့ တွေ့ပါရဲ့။ ဈေးလည်း သက်သာပါရဲ့။ ဒါပေမဲ့ သူတို့က ကျွန်မတို့ မိသားစုကို မသန့်လို့ မငှားဘူးတဲ့။ ဒါ ဘာကို ဆိုလိုတယ် ဆိုတာ သိပါတယ်။ ပါးစပ်ကသာ မသန့်လို့ ဆိုတဲ့ အသုံးအနှုန်း သုံးလိုက်ပေမဲ့ သူတို့ မျက်လုံးတွေကတော့ နင်တို့လို ဖာသည် လုပ်စားနေတဲ့ သူတွေကို မငှားဘူးဟဲ့ လို့ ပြောနေတာပါပဲ။
ကမ်းနားဘက်က ရပ်ကွက်မှာတော့ တူတူတန်တန် ထရံကာ သွပ်မိုးအိမ်လေးတစ်လုံးတော့ တွေ့တယ်။ ဒါပေမဲ့ စပေါ်က သုံးသိန်း အိမ်လခက နှစ်သောင်းခွဲလို့ ပြောနေတယ်။ အခု ကျွန်မနေတဲ့ အိမ်ပေါ်က ဆင်းရင်တောင် ကြားထဲမှာ အိမ်လခ မပေးနိုင်လို့ စပေါ်ထဲက ဖြတ်ယူထားလိုက်ဦးမှာ ဆိုတော့ ငါးသောင်းလောက်ပဲ ပြန်ရတော့မှာ။ ကဲ အဲဒီ သုံးသိန်းဆိုတဲ့ ပိုက်ဆံ ဘယ်ကနေ သွား၇ှာရမလဲ။
ကျွန်မလည်း ချီတုံချတုံ ဖြစ်နေလိုက်တာ တဖြည်းဖြည်းနဲက အိမ်ပေါ်က ဆင်းပေးရဖို့ ၁၀ ရက်လောက်ပဲ လိုတော့တဲ့ အချိန်ကိုေ၇ာက်လာတယ်။ တဲစုတ်နဲ့ပဲ နေရ နေရ ဆိုပြီး ဒီကြားထဲမှာ ကြိုးစား ရှာသေးတယ်။ တစ်လုံးမှ မတွေ့တဲ့ အပြင် စောစောက ကြည်လင်တဲ့ အိမ်ရှင်ကတောင်

ဟဲ့ မိဌေး နင်ငှားမှာလား မငှားဘူးလား။ နောက်တစ်ယောက်ကတောင် လာမေးနေပြီ။ နင်တို့ မယူရင် ငါ တခြားလူ အငှားတင်လိုက်တော့မယ်။

ကျွန်မ ရင်ပူရပြီ။ အောက်ပိုင်းသေနေတဲ့ လူမမာ ဒုက္ခိတကြီးကို ခေါ်ပြီး ကျွန်မ ဘယ်မှာ သွားနေရမှာလဲ။ အမျိုးအဆွေတွေတော့ ရှိပါရဲ့။ သူတို့ ခမျာလည်း ရွှေလုံးနဲ့ ကျားကိုးစီး ဆိုတာမျိုး ကျနေတာပဲ။ ပိုက်ဆံ ရှာတဲ့ လူက တစ်ယောက်တည်း ထိုင်စားတဲ့ သူတွေက တစ်ပြုံကြီး ဆိုတော့ ကိုယ်တွေကို ခေါ်တင်ထားဖို့ ဘယ်အဆင်ပြေပါ့မလဲ။ ပြီးတော့ သမီးကြီး ကိစ္စက ရှိသေးတယ်။ စိတ်ညစ်လွန်းလို့ ဆိပ်ခံ တံတားပေါ်က ခုန်ချပြီး ကိုယ့်ကိုယ်ကိုယ် သတ်သေဖို့ အထိတောင် စဉ်းစားလိုက်မိသေးတယ်။ ဒါပေမဲ့ ကျွန်မ သေသွားရင်လည်း ကျန်ရစ်ခဲ့မယ့် သူတွေက ဒီထက်မက ဒုက္ခရောက်ကြမှာစိုးလို့ ကိုယ်လွတ်မရုန်းချင်တော့ပါဘူးလေ။
` အဲဒီလို စိတ်ညစ်ညစ်နဲက အိမ်ရှေ့ကပြင်မှာ ခြေတွဲလောင်းချထိုင်နေတုန်း ငယ်ငယ်ေ၇ာက်လာတယ်။ သန္တာခိုင်အတွက် ထောင်ဝင်စာ သွားတွေ့ရင် ယူသွားဖို့ ဆိုပြီး ငါးပိကြော်တွေ မုန့်ဘူးတွေ လာပေးတာပါ။ ငယ်ငယ့်ကို မြင်တော့ ဟို လွန်ခဲ့တဲ့ ၅ နှစ်လောက်တုန်းက သူဖုန်းပြောနေတုန်း ကြားဖူးတာလေးတစ်ခုကို ပြန်သတိရသွားတယ်။ ဒါနဲ့ တိုးတိုးလေး ကပ်ပြီးမေးလိုက်တယ်။

ညည်းတို့ အလုပ်က ဟိုဒင်းကို အရင်ဆုံး စဖြစ်ရင် တစ်သိန်းခွဲ ပေးတယ်ဆို တကယ်လားအေ

ပြောမိပြီးချင်းချင်း ရှက်လွန်းလို့ ကျွန်မ မျက်နှာကို ရေနွေးပူထဲ နှစ်ပစ်ချင်စိတ်ပေါက်သွားတယ်။ ငယ်ငယ်ကတော့ ဒါမျိုးတွေ ၇ိုးနေလို့လား မသိဘူး ဘာမှ မထူးခြားတဲ့ လေသံနဲ့

ခုပေါက်ဈေးဆို ပြောတတ် ဆိုတတ်ရင် သုံးသိန်းတော့ ရတာပေါ့။ အရွယ်နဲ့ လည်း ဆိုင်သေးတယ်။ ဘာလဲ အန်တီ့မှာ အဆက်၇ှိလို့လား ဘယ်သူလဲဟင်

ငယ်ငယ်က အဲလိုမေးရင်း ကျွန်မ မျက်လုံးတွေထဲကို လှမ်းကြည့်လိုက်ရုံနဲ့ ကျွန်မ ဘယ်သူ့ကို ရည်ရွယ်ပြီး ပြောနေတယ်ဆိုတာ သိသွားပါတော့တယ်။
* * *
ကျွန်မက သမီးငယ် ကေသီခိုင်ကို လက်ဆွဲပြီး ရပ်ကွက် အစွန်က ချောင်ကျတဲ့ ဆေးခန်းလေးဆီ လာခဲ့တယ်။ မတော်တဆ အ၀ှာပြုရင်း ဗိုက်ကြီးသွားရင် တစ်ခက်က နှစ်ခက်ဖြစ်ဦးမှာလေ။ တားဆေးလေးတော့ ထိုးမှပေါ့။ ဒါကလည်း ငယ်ငယ်က သင်ပေးလိုက်တာလေ။
ဆေးခန်းကိုေ၇ာက်တော့ ရှေ့မှာ လူနာကြည့်လက်စ ရှိနေတာနဲ့ ၁၅ မိနစ်လောက် စောင့်ရသေးတယ်။ ကျွန်မတို့ေ၇ာက်ပြီးမှ နောက်ထပ် လူနာ နှစ်ယောက် သုံးယောက်လည်း ရောက်လာကြသေးတယ်။ ကျွန်မတို့ကို သိလို့လား မသိဘူး။ ကွက်ကြည့်ကွက်ကြည့် လုပ်နေလေရဲ့။ ဒါပေမဲ့ ကျွန်မ ဒါတွေကို ဂရုစိုက်မနေအားပါဘူး။ မျက်နှာပြောင်တိုက်လွန်းတော့ နေသားကျသွားပြီ ထင်ပါ၇ဲ့။
ကျွန်မတို့ အလှည့် ရောက်လို့ ကာထားတဲ့ လိုက်ကာစ နောက်ကို ၀င်မိတယ် ဆိုရင်ပဲ ဆရာဝန်ကို အဆင်သင့် တွေ့ရတယ်။ ဒါနဲ့ ကျွန်မက

ဆရာ ကျွန်မ သမီးကို သုံးလခံဆေး ထိုးချင်လို့ပါ ဆရာ

လို့ ပြောပြီး ကျွန်မက သိမ်ငယ်စိတ်ကို ဖုံးဖို့ တမင်ပဲ မျက်နှာကို မော့ချီထားလိုက်တယ်။ ဟုတ်တယ်လေ ကျွန်မ ဒီနေရာမှာ မ၀ံ့မရဲ ဖြစ်နေရင် ဆရာဝန်က ဘာလားညာလား စစ်မေးပြီး မထိုးပေးရင် ဒုက္ခလေ။ ဒါတောင် ဆရာဝန်က ကျွန်မတို့ကို တစ်ချက် မသိမသာ အကဲခတ်လိုက်သေးတာ။ သူက ဆေးမှတ်တမ်းစာအုပ်ကို ဖွင့်ပြီး

နာမည် ဘယ်လို ခေါ်လဲသမီး

လို့ ကျွန်မ သမီးကို ကြည့်ပြီး မေးတယ်။ သမီးက လေသံ ခပ်တိုးတိုးနဲ့ ခေါင်းငုံ့ပြီး

ကေသီခိုင်ပါ ဆရာ

အသက်ကေ၇ာ

ကျွန်မ ရင်ထဲ ထိတ်ခနဲ ဖြစ်သွားတယ်။ သမီးကိ ကြည့်လိုက်တော့ ဘာမှ မသိ နားမလည်တဲ့ မျက်လုံးလေးနဲ့ အမေ ဖြစ်တဲ့ ကျွန်မကို အားကိုးတကြီး မော့ကြည့်နေတယ်။ တကယ်ဆို ကျွန်မ သမီး အသက် ၁၅ နှစ်ကို ဆရာဝန်က မေးရင် လိမ်ပြီး ဖြေဖို့ လမ်းတစ်လျှောက်လုံး ကျွန်မ အထပ်ထပ် လေ့ကျင့်လာခဲ့ပြီးသားပါ။ ဒါပေမဲ့ ဘာကြောင့်မှန်း မသိဘူး။ စကားသံက တော်တော်နဲ့ ထွက်မလာဘူး။ အရမ်းအားယူပြီးမှ

အသက် ၂၀ ပါ ဆရာ

လို့ ကျွန်မက ဇွတ်မှိတ်ပြောလိုက်တယ်။ ဒါတောင် အသံက ခြောက်ကပ်ကပ် ဖြစ်သွားသေးတယ်။
ဆရာဝန်က ကျွန်မ အပြောကို မယုံကြည်တဲ့ မျက်လုံးနဲ့ အကဲခတ်ပြီး

သမီးရဲ့ ခင်ပွန်းကရော မပါဘူးလားကွယ့်

ဒါအကဲစမ်းတဲ့ မေးခွန်းပဲ။ ပထမ တစ်ခွန်း နှစ်ခွန်း လိမ်ပြီးလို့ လျှာချောသွားသလားတော့ မသိဘူး။ ပလီစိချောက်ချက် စကားတွေက ကျွန်မ ပါးစပ်ထဲကနေ အလိုက်သင့် လျှောခနဲ ထွက်လာတယ်။

ဒီလိုပါ ဆရာ။ သမီးက ဒီလကုန်ရင် မင်္ဂလာဆောင်မှာ မို့လို့ပါ။ အဲဒါ အိမ်ထောင် ကျကျချင်း ကလေးရသွားရင် ကသီကုန်ကြမှာ စိုးလို့ ကြိုလုပ်ထားတာပါ ဆရာ

တော်သေးတယ်။ ဆရာဝန်က ဘာမှ ဆက်မမေးတော့ဘဲ လျှေုာလျှော၇ှူရှူ ဆေးထိုးပေးလိုက်လို့။
ဆေးထိုးခံနေတဲ့ သမီးငယ်လေးကို ကျွန်မ စိုက်ကြည့်နေမိတယ်။ စိတ်ထဲမှာ နှမြောသလိုလို ဘာလိုလိုနဲ့ အေးလေ သူ့အစ်မ တစ်ယောက်လုံး ဖာဖြစ်နေမှတော့ ဒီသမီးငယ်လေးလည်း ရှေ့လျှောက် ဘယ်လိုလုပ်ပြီး လင်ကောင်းသားကောင်း ရတော့မှာလဲ။
ကံဆိုးလိုက်ပုံများ အဆိုးတွေချည်းပဲ ဆက်တိုက်ဖြစ်ဖို့ အချိန်ကိုက်တိုက်သလား ထင်ရတယ်။ ဆေးခန်းက ထွက်တော့ ဒေါ်သိန်းမြနဲ့ တည့်တည့်တိုးပါလေရော။
ကျွန်မက စိတ်ကို တင်းလို့ ဗြောင်ပဲ မသိချင်ယောင်ဆောင် ခေါင်းကိုမော့ ရင်ကိုကော့ပြီး ဆေးခန်းထဲက ထွက်လာခဲ့တယ်။
တော်ပြီ တော်ပြီ။ ဒီဆေးခန်းကို နောက်ဘယ်တော့မှ မလာတော့ဘူး။ အတင်းပြောချင်တဲ့ မျက်လုံးတွေကို ရင်ဆိုင်ရတာက တစ်မျိုး။ ဆရာဝန် လုပ်တဲ့ သူကလည်း ဟိုဟာမေး ဒီဟာမေးနဲ့ တကယ်ဆို သူ့အလုပ် ဘာရှိလဲ ဆေးထိုးပေးပါဆို ထိုးပေးလိုက်ရောပေါ့။
ဟင်း သိတယ် သိတယ်။ အဲဒီ ဆရာဝန်ရဲ့ မျက်လုံးတွေကိုကြည့်ရုံနဲ့ မသင်္ကာ ဖြစ်နေမှန်း အသိသာကြီးပဲ။ တားဆေးထိုးရတဲ့ တကယ့် အကြောင်းရင်းကို သိသွားလို့ကတော့ အဲဒီ ဆရာဝန် ကျွန်မကို ဘယ်လိုပြောမလဲ ဆိုတာ သိတယ်။
* * *

သိတယ် ရှင်တို့ ပြောချင်နေတာတွေကို သိတယ်။
ကျွန်မတို့ ပြည့်တန်ဆာ လုပ်စားတာကို ကိုယ်ကျင့်တ၇ား မကောင်းတဲ့ မိန်းမတွေ အလုပ်ကို တူတူတန်တန် မလုပ်ချင်ဘဲ ဖျာပေါ်လှဲပြီး အချောင် ပိုက်ဆံ လိုချင်တဲ့ ဟာမတွေလို့ ထင်တယ်ပေါ့လေ။
ကြီးကြီးကျယ်ကျယ် ပြောရမယ် ဆိုရင် ကျွန်မတို့က ဘ၀ကို အောင်မြင်အောင် မကြိုးစားပဲ ရေစုန်မျောလိုက်ချင်တဲ့ လမ်းဘေးက အောက်တန်းစား အပေအတေတွေ သမီးပြည့်တန်ဆာ ဖြစ်တာကို မဆုံးမဘဲ အားပေးအားမြှောက် လုပ်တဲ့ တိရစ္ဆာန်သာသာ မိန်းမလို့ ကျွန်မကို ထင်ကြတယ် မဟုတ်လား။
ကျွန်မက ဘ၀ အခက်အခဲကို အရှူံးမပေးတတ်အောင် စိတ်ဓာတ်ကောင်းတွေ သားသမီးတွေကို သင်ပေးရမယ့် အစား လွယ်လွယ်ပိုက်ဆံရတဲ့ ပြည့်တန်ဆာ အလုပ်ထဲ ဆွဲနှစ်နေတယ်လို့ စွပ်စွဲချင်တာပေါ့ ဟုတ်လား။
ကောင်းပါတယ် စကားလုံးတွေကလည်း လှပါတယ်။ ရှင်တို့ပဲ ဖြူစင်မှုတွေ ယူကြပါ။ အောင်မြင်မှုတွေ ယူကြပါ။ ဒါပေမဲ့ ရှင်တို့ သိထားရမှာက ကြိုးစားတယ် ဆိုတာ လူတိုင်းရနိုင်တဲ့ အခွင့်အရေး မဟုတ်ဘူး။ ခြေဖ၀ါး လက်ဖ၀ါး ဗလာနဲ့ ကျွန်မတို့လို လူမျိုးတွေ အဖို့ ဘာတွေကို ရည်မှန်းပြီး ကြိုးစားရမှာလဲ။
ကျွန်မတို့မှာ ကြိုးစားနိုင်လောက်တဲ့ အရည်အချင်း ဘာတစ်ခု ရှိလဲ။ ကျွန်မတို့ ပညာမတတ်ဘူး။ ရုပ်ရည် မရှိဘူး။ ပိုက်ဆံ မရှိဘူး။ ဘာအထောက်အပံ့တစ်ခုမှ မရှိဘူး။ အခု ဆင်းရဲနေပေမဲ့ နောက်တော့ ပြေလည်မယ်လို့ ကျွန်မတို့ အားကိုးအားထားပြု မျှော်လင့်စရာ ဘာတစ်ခုမှ မရှိဘူး။ ကူကယ်ရာမဲ့ ဆိုတဲ့ စကားဟာ အလကား ဖြစ်လာတာ မဟုတ်ဘူးလေ။
ကြိုးစားရမယ်တို့ အောင်မြင်ရမယ်တို့ ရည်မှန်းချက်ထားရမယ်တို့ ဘ၀ကို ရုန်းကန်ရမယ် ဆိုတဲ့ စကားတွေက ကျွန်မတို့ ဘ၀နဲ့ အဝေးကြီးပဲ။ ကျွန်မတို့လို အဆင့်အတန်းနဲ့ အဲဒီ စကားလုံးတွေက ဘာမှ မဆိုင်လို့ တစ်ခါမှ လှည့်မကြည့်ခဲ့တာ။
ရုန်းကန်တယ်ဆိုတာ အင်အားရှိမှ ရုန်းကန်လို့ရတာ။ ဟောဒီမှာ ကြည့်စမ်းပါ။ ကျွန်မမှာ ခြေနှစ်ချောင်း လက်နှစ်ချောင်း အပြင် ဘာအင်အားများ ရှိတော့လို့လဲ။ နဂိုကတည်းကလည်း ဘာမှ ရှိမနေခဲ့ဘူးလေ။
အဲဒါကိုတောင်မှ ရှင်တို့ မမြင်ဘဲ ကျွန်မကို မိခင်မေတ္တာစိတ် တစ်စက်မှ မရှိဘူးလို့ စကားလုံး ကြီးကြီးကျယ်ကျယ်တွေနဲ့ စွပ်စွဲဦးမလို့လား။ သမီး **** ခံလို့ ရတဲ့ ပိုက်ဆံတွေကို ကျွန်မ တစ်ယောက်တည်း မြိန်ရည်ရှက်ရည် ၀တ်စားမျိုဆို့ နေတာ မဟုတ်ဘူး။ ကျွန်မ မွေးထားတဲ့ ကလေးတွေ ထမင်းနပ်မှန်အောင် ကျွေးဖို့ ဆိုတဲ့ အာသီသ တစ်ခုတည်းက လွဲလို့ ကျွန်မ စိတ်ထဲမှာ ဘာမှ မရှိဘူး။
ကျွန်မ သမီးကို ၀က်ပေါ်သလို သတ်ပစ်လိုက်ကြမှာဆို၇င်တော့ ဘယ်လောက်ရရ ကျွန်မ ဘယ်ေ၇ာင်းစားပါ့မလဲ။ ကျွန်မမှာ အများဆုံး မျှော်လင့်နိုင်တာ မသေရုံ ထမင်းစားပြီး အသက်ရှင်နေဖို့လေး တစ်ချက်တည်းကို ရည်စူးပြီး နေနေရတာ။ ဂုဏ်တို့ သိက္ခာတို့ လူရာသွင်းတာတို့ ဆိုတာတွေဟာ အသက်ရှင်နေခွင့်နဲ့ စာလိုက်ရင် ကျွန်မတို့ အတွက် သေးသေးလေး ဖြစ်သွားပြီ။
ရတယ် လူရာမသွင်းလဲ ရတယ်။ ကျွန်မတို့က တစ်နေ့ တစ်နေ့ ထမင်းနပ်မှန်အောင် စားဖို့လောက်ပဲ အာရုံစိုက်နေတဲ့ သက်ရှိကောင်တွေပဲ။

(၇)

ကျွန်မက သမီးငယ် ကေသီခိုင်ကို လက်ဆွဲပြီး ပြန်လာတော့ အိမ်ရှေ့ကပြင်မှာ တင်ပလ္လင်ခွေချိတ်ပြီး ထိုင်စောင့်နေတဲ့ ငယ်ငယ့်ကို တွေ့ရတယ်။ ငယ်ငယ်က ကျွန်မကို မြင်တော့ ကျွန်မနောက်က ရို့ရို့လေး ပါလာတဲ့ သမီးငယ်ကို ကျော်ပြီး လှမ်းကြည့်တယ်။ ပြီးတော့ သူက ကျွန်မကို မျက်လုံးတစ်ချက် ၀င့်ကြည့်ပြီး မေးဆတ်ပြတယ်။
ကျွန်မ ဘာမှ မပြောတော့ဘဲနဲ့ သူ့ဘေးနားမှာ ၀င်ထိုင်လိုက်တယ်။ ပြောစရာလည်း လိုမှ မလိုတော့ဘဲလေ။ ကျွန်မတို့ ကြားမှာ ဘာ စကားမှ မရှိတော့ဘဲ ခပ်ကြာကြာလေး ငြိမ်ကျသွားတယ်။ ပြီးတော့မှ ငယ်ငယ်က ဟင်းခနဲ သက်ပြင်းချသံနဲ့ အတူ သူ့စလင်းဘတ် အိတ်ထဲက ဟန်းဖုန်းကို ထုတ်လိုက်တယ်။ ဖုန်းနံပါတ် ခလုတ်တွေပေါ် လက်တင်ရင်းနဲ့ ဖုန်းခေါ်လိုက်တော့မယ်နော် လို့ အဓိပ္ပာယ်ရတဲ့ မျက်လုံးတွေနဲ့ နောက်ဆုံးတစ်ကြိမ် ငယ်ငယ်က ကျွန်မကို ကြည့်တယ်။ ကျွန်မ ခေါင်းညိတ်လိုက်မိတာလား ဇက်ကျိုးကျသွားတာလား ဝေေ၀၀ါးဝါးပါပဲ။
အဲဒီမှာ ငယ်ငယ်က

ဟယ်လို ငယ်ငယ်ပါ ပစ္စည်းကတော့ အဆင်သင့်ပဲ ဖြစ်နေပြီ။ အင်း ဟုတ်တယ် ပစ္စည်းကို ဘယ်လာပို့ရမလဲ

သြော် ပစ္စည်းဆိုတာ ငါ့သမီးကို ပြောနေတာကိုး။ ငါ့သမီးက လူမဟုတ်တော့ဘူးပေါ့ ပစ္စည်း တစ်ခုဖြစ်သွားပြီပေါ့။
အင်း ငါေ၇ာ ဘာထူးလို့လဲ။
ရင်နာရလွန်းတော့လည်း မငိုဖြစ်ဘဲ ရယ်သံတွေဘဲ ထွက်လာတယ်။
ဟင်း ဟင်း ဟင်း ငါ့ကို လူရာမသွင်းချင်လည်း နေကြဟေ့ ဟုတ်တယ်။ငါကိုယ်တိုင် လူမှ မဟုတ်ဘဲ။ တိရစ္ဆာန် တစ်ကောင်ပဲကို။
ငါဟာ ကိုယ့်သားသမီးကိုကိုယ် ပြန်ကိုက်သတ်စားတဲ့ ကြောင်စုန်း တစ်ကောင်ပေါ့။

ထက်မြတ်နိုင်ဇင်