သင့်အိမ်နှင့်ကျန်းမာရေး

Good Health Journal

 

သင့်အိမ်နှင့်ကျန်းမာရေး
----------------------------------- #ဒေါက်တာခင်မိုးမိုး

သင့်ကျန်းမာရေးကောင်းမွန်ဖို့ ပြုလုပ်နိုင်တာတွေက ဘယ်တော့မှ ပြီးဆုံးနိုင်မှာ မဟုတ်တော့ပါဘူး။ ဟင်းသီးဟင်းရွက်နဲ့ သစ်သီးဝလံများများစားတာ၊ သွေးဖိအားကို ပုံမှန်တိုင်းတာတာနဲ့ စိတ်ဖိစီးမှု နည်းနိုင်သမျှ နည်းအောင် နေတာေ
တွအပြင် သင့်ကျန်းမာရေးကောင်းမွန်အောင် သင့်အိမ်တွင်းမှာပြုလုပ်နိုင်တာတွေလည်း ရှိပါတယ်။ အောက်ပါတို့ကို ပြုလုပ်ကြည့်ပါ။
.....................................................................................................
မုန့်ခြောက်တွေကို မီးဖိုစင်ပေါ် တင်မထားပါနဲ့၊ အလွယ်တကူ မမြင်ရအောင် ထားပါ

သင့်ကိုယ်အလေးချိန် အများကြီး လျော့ကျသွားနိုင်ပါတယ်။ မုန့်ခြောက်တွေကို မြင်သာတဲ့နေရာမှာ မထားတဲ့သူတွေက မြင်သာတဲ့နေရာမှာ ထားသူတွေထက် ပျမ်းမျှအားဖြင့် ပေါင် ၂၀ ခန့် လျော့ကျနိုင်တယ်လို့ ၂၀၁၅ ခုနှစ်က လေ့လာ
မှုအရ တွေ့ရှိထားပါတယ်။ ဘာကြောင့်လဲဆိုတော့ မြင်သာတဲ့နေရာမှာ ရှိတဲ့အစားအစာတွေကို အရင်ဆုံး ယူပြီး စားသုံးတတ်တာကြောင့်ပါ။ အသီးအနှံတွေကို မြင်သာတဲ့နေရာမှာ ထားထားတာက စားတဲ့ ကယ်လိုရီပမာဏလျော့နည်း
သွားနိုင်တဲ့အတွက် ကိုယ်အလေးချိန် ကျဆင်းသွားတာပါလို့ ဆိုပါတယ်။
.....................................................................................................
သန့်ရှင်းရေးသုံးပစ္စည်းတွေကို ရေချိုးခန်းပြင်ပမှာ ထားပါ

အဆိပ်အတောက်ပြင်းတဲ့ ဓာတုပစ္စည်းတွေကို ရှူမိတဲ့အန္တရာယ်မှ ရှောင်ရှားနိုင်ပါတယ်။ လေကောင်းလေသန့်မရရှိနိုင်တဲ့ ရေချိုးခန်းအသေးလေးထဲမှာ အိမ်သုံးသန့်ရှင်းရေးပစ္စည်းတွေမှာ ပါဝင်တဲ့ အန္တရာယ်ရှိလောက်တဲ့ ဓာတုပစ္စည်းေ
တွကို ရှူမိနိုင်ပါတယ်။ ဥပမာအားဖြင့် ရေနွေးနဲ့ ရေချိုးအပြီးမှ ဓာတုအဆိပ်အတောက်တွေ ရှူရနိုင်ခြေက သုံးဆပိုများတယ်လို့ အမေရိကန်မှ လေ့လာမှုအရ သိရပါတယ်။ မွှေးရနံ့ခဲတွေကိုလည်း ရေချိုးခန်းထဲ မထားသင့်ပါဘူး။ အဲဒီအနံ
့တွေက ဓာတ်မတည့်မှုဖြစ်စဉ်ကို လှုံ့ဆော်နိုင်ပြီး ဓာတ်မတည့်မှုဖြစ်စဉ်နဲ့ ရင်ကျပ်ပန်းနာကို ပိုမိုဆိုးရွားစေနိုင်တာကြောင့်ပါ။
.....................................................................................................
အလုပ် ဒါမှမဟုတ် အိမ်စားပွဲပေါ်မှာ ပန်းအိုးထားပါ

ဖန်တီးနိုင်မှုစွမ်းရည် ပိုမိုကောင်းမွန်နိုင်ပါတယ်။ ရုံး ဒါမှမဟုတ် အိမ်မှာ အပင်တွေထားတာက ကာဗွန်ဒိုင်အောက်ဆိုက်အဆင့်ကို ၂၅ ရာခိုင်နှုန်းအထိ လျှော့ချနိုင်တယ်လို့ ဆစ်ဒနီမှ သုတေသီတွေက တွေ့ရှိခဲ့ပါတယ်။ ကာဗွန်ဒိုင်ေ
အာက်ဆိုက်တွေ လျော့ကျသွားတာကြောင့် ဖန်တီးမှုအသစ်တွေ၊ နည်းဗျူဟာအသစ်တွေကို ပိုမိုပြုလုပ်နိုင်ပါတယ်။ အပင်ကကြီးလေလေ ပိုမိုကောင်းမွန်လေလေပါ။ သစ်ပင်ကြီးတွေက ကာဗွန်ဒိုင်အောက်ဆိုက်ကို စုပ်ယူမှု ပိုမိုကောင်းမွ
န်နိုင်တာကြောင့်ပါ။
.....................................................................................................
လက်သုတ်ပ၀ါတွေကို သိမ်းထားပါ

အစာအဆိပ်အတောက်ဖြစ်တာကို ရှောင်ရှားနိုင်ပါတယ်။ မီးဖိုချောင်မှာ သုံးတဲ့ လက်သုတ်ပ၀ါတွေက ပိုးမွှားတွေနဲ့ ပြည့်နှက်နေတတ်ပါတယ်။ လက်သုတ်ပ၀ါအသုံးပြုသူ ၁၀ ယောက်မှာ ကိုးယောက်ခန့်က အသားဟင်းကို ချက် ပြု
တ်ရာမှာ အဲဒီအသားဟင်းက ဘက်တီးရီးယားတွေကြောင့် အစာအဆိပ်အတောက်ဝေဒနာကို ခံစားရတယ်လို့ သုတေသီတွေက ဖော်ထုတ်ထားပါတယ်။ ဘာကြောင့်လဲဆိုတော့ အစာချက်ဖို့ ပြင်ဆင်ရာမှာ အများစုက လက်ကို သေချာ
မဆေးကြောကြဘဲ လက်သုတ်ပ၀ါနဲ့ အလွယ်တကူ သုတ်လိုက်တဲ့အတွက် လက်မှာရှိနေတဲ့ ဘက်တီးရီးယားတွေက လက်သုတ်ပ၀ါကို ပွတ်တိုက်လိုက်သလို ဖြစ်သွားပါတယ်။ အဲဒီဘက်တီးရီးယားတွေနဲ့ ပြည့်နှက်နေတဲ့ လက်သုတ်ပ
ဝါက လက်တွေပေါ် ပြန်ရောက်ကာ ရောဂါကူး စက်ခံရတာပါ။ လက်သုတ်ပ၀ါအသုံးပြုမယ့်အစား တစ်သျှူးကို အသုံးပြုပါ။
.....................................................................................................
အိပ်ရာဘေးမှာ ကျောင်းစာအုပ်ထားပါ

စာကို မှတ်မိလွယ်နိုင်ပါတယ်။ အိပ်ရာမ၀င်ခင် စာဖတ်သူတွေက စာကို မှတ်မိနိုင်စွမ်း ပိုမိုကောင်းမွန်နိုင်ပါတယ်။ မနက်ကိုးနာရီမှာ စာကျက်သူတွေနဲ့ နှိုင်းယှဉ်ရင် ညကိုးနာရီမှာ စာကျက်ပြီး အိပ်ရာထဲ ၀င်သူတွေက နောက် ၂၄ နာရီ အ
ကြာမှာ စာကို တိတိကျကျပိုမိုမှတ်မိနိုင်ပါတယ်။ ဖြစ်နိုင်ရင် မှတ်စုရေးပြီး စာကျက်ပါ။ ဒီစာကျက်နည်းက သင်ကြားမှုလုပ်ငန်းအတွက် ပိုပြီး ထိရောက်မှုရှိစေပါတယ်။
.....................................................................................................
စိတ်ဖိစီးမှုအတွက် သဘာဝ တေးဂီတကို Download လုပ်ပါ

စိတ်ဖိစီးမှုလျော့ကျနိုင်ပါတယ်။ ရေတံခွန်မှ ရေကျသံ၊ တောထဲမှာ ငှက်တွန်သံတွေလိုမျိုး nature sound တွေကို ဖုန်းထဲမှာ ထည့်သွင်းပြီး နားထောင်တာကြောင့် သင့်စိတ်ဖိစီးမှုတွေ လျော့ကျနိုင်တယ်လို့ အမေရိကန်မှ သိပ္ပံပညာရှင်ေ
တွက အကြံပေးထားပါတယ်။ ဒီလိုအသံတွေနားထောင်ပြီး သွားကုသမှုပြုလုပ်ခဲ့ရင်လည်း နာကျင်တဲ့ဝေဒနာလျော့နည်းနိုင်ပါတယ်။
.....................................................................................................
အားကစားဝတ်စုံကို မိမိအခန်းထဲ မြင်သာသော နေရာမှာ ထားပါ

လေ့ကျင့်ခန်းလုပ်ချင်စိတ် ပိုမိုဖြစ်ပေါ်နိုင်ပါတယ်။ သင်အိပ်ရာထထချင်း အားကစားဝတ်စုံကို မြင်လိုက်တဲ့အတွက် အားကစားလုပ်ဖို့ သတိရသွားနိုင်ပါတယ်။
.....................................................................................................
သွားတိုက်တံအဖုံးကို ဖယ်ရှားထားပါ

သွားတိုက်အပြီး သွားတိုက်တံကို အဖုံးနဲ့ စွပ်အုပ်ထားတာက သွားပွတ်တံအတွင်း စိုစွတ်မှုရှိနေတာကြောင့် ပိုးမွှားတွေ ပေါက်ဖွားဖို့ လွယ်ကူသွားနိုင်ပါတယ်။ ဖြစ်နိုင်ရင် သင့်သွားတိုက်တံကို ခံတွင်းသန့်ဆေးရည်နဲ့ မကြာခဏ ဆေးကြော
ပေးပါ။
.....................................................................................................
ဖုန်းအားသွင်းကြိုးကို အိပ်ခန်းထဲ မထားပါနှင့်

အိပ်စက်မှု ပိုကောင်းစေနိုင်ပါတယ်။ ဖုန်းအားသွင်းကြိုးက အိပ်ခန်းထဲမှာ မရှိတဲ့အတွက် ဖုန်းအားသွင်းနေစဉ်မှာ ဖုန်းအသုံးမပြုနိုင်တော့ပါဘူး။ ဖုန်းမှ ထွက်လာတဲ့ ရောင်ခြည်တွေကြောင့်လည်း အိပ်စက်မှုကို အနှောင့်အယှက်မပေးနိုင်
တော့ပါဘူး။

ဒေါက်တာခင်မိုးမိုး
(Good Health Journal 585)

#Good_Health_Journal_Facebook_Page တွင် ယခုကဲ့သို့ ကျန်းမာရေးနှင့်အလှအပဆောင်းပါးများကို ဖတ်ရှုနိုင်ပါသည်။

https://www.facebook.com/Good-Health-Journal-3907742110236…/