ထမင်းကျန်များကို ကျန်းမာရေးကောင်းကျိုးများရဖို့ အသုံးပြုနည်း

ကျန်းမာရေးအထွေထွေဗဟုသုတ

 

ထမင်းကျန်များကို ကျန်းမာရေးကောင်းကျိုးများရဖို့ အသုံးပြုနည်း

Thursday, April 28 ,2016
ကိုယ့်အိမ်မှာ ညစာစားပြီးနောက် ထမင်းတွေမကုန်ဘဲ ပိုပြီးကျန်နေမယ်ဆိုရင် လွှင့်မပစ်ပါနဲ့။ ဒီလို ထမင်းကျန်မှာ ကျန်းမာရေးကို အထောက်အကူပြုမယ့် အကျိုးကျေးဇူးတွေ အများကြီးရှိပါတယ်။ လုပ်ရမှာကတော့ အဲ့ဒီ ကျန်နေတဲ့ထမင်းကို မြေအိုးသန့်သန့် တစ်လုံးထဲမှာ တစ်ညလုံး ရေစိမ်ထားလိုက်ဖို့ပါပဲ။ နောက်တစ်နေ့ မနက်မှာ ဒီထမင်းရေစိမ်က အချဉ်ဖောက်ထားသလို ဖြစ်နေပါလိမ့်မယ်။

အဲ့ဒီထမင်းရေစိမ်ကို မနက်စာအဖြစ် ကြက်သွန်နီအစိမ်းလေးနဲ့ တွဲပြီးစားရင် အကောင်းဆုံးဖြစ်ပါတယ်။ ထမင်းရေစိမ်က ရနိုင်တဲ့အကျိုးကျေးဇူးတွေကတော့ အမျှင်ဓာတ်အများအပြားပါဝင်တာကြောင့် ဝမ်းချုပ်ခြင်းကို သက်သာစေပါတယ်။ ထမင်းရေစိမ်က သဘာဝ အအေးရည် ဖြစ်ပါတယ်။ ထမင်းရေစိမ်ကို ပုံမှန်စားသုံးပေးရင် ခန္ဓာကိုယ်တွင်း အပူကို ကျစေပြီး အသားအရေ အေးမြစေပါတယ်။

ပြီးတော့ ထမင်းရေစိမ်စားခြင်းက လန်းဆန်းစေပြီး တစ်နေ့တာအတွက် အားဖြစ်စေပါတယ်။ အူတွင်းနာဖြစ်နေတဲ့သူတွေမြန်မြန်ပြန်ကောင်းလာစေဖို့ တစ်ပတ်ကို ၃ ကြိမ်လောက် ထမင်းရေစိမ်ကို စားပေးသင့်ပါတယ်။

သင်က လက်ဖက်ရည် ၊ကော်ဖီကို ဖြတ်လို့မရအောင် စွဲနေတဲ့သူဆိုရင် မနက်စောစောမှာ ထမင်းရေစိမ်ကို စားပေးခြင်းက ကော်ဖီ၊လက်ဖက်ရည် သောက်လိုစိတ်ကို လျော့နည်းစေပါတယ်။

လေ့လာမှုအရ ထမင်းကျန် ရေစိမ်ထဲမှာ အဟာရဖြစ်စေတဲ့ သတ္တုဓာတ် မျိုးစုံဖြစ်တဲ့ သံဓာတ်၊ ပိုတက်ဆီယမ်နဲ့ ကယ်ဆီယမ်ဓာတ်တွေ ပါဝင်တဲ့အတွက် နေ့စဉ် ပုံမှန် စားသုံးသင့်တဲ့ နံနက်စာတစ်ခုဖြစ်တယ်လို့ တွေ့ရှိရပါတယ်

Ref:timesofindia.indiatimes
ခင်သူဇာ - Trend Myanmar