" Motivation ရအောင် ဘယ်လိုလုပ်မလဲ .. "

 ကျောက်သင်ပုန်း

 

" Motivation ရအောင် ဘယ်လိုလုပ်မလဲ .. "

ယနေ့ခေတ် ဝန်ထမ်းတွေ ၊ မန်နေဂျာတွေ ၊ သူဌေးတွေ နှင့် အလွန် ရင်းနှီးပြီးသား စကားလုံး တစ်ခုဖြစ်တဲ့ Motivation ဆိုတာနဲ့ ပတ်သက်ပြီး တင်ပြချင်ပါတယ်။

Motivation ဆိုတာ ဘာကိုပြောတာလဲ။ ဗမာလို
ပြောမယ်ဆိုရင်တော့ လုပ်ချင်ကိုင်ချင်စိတ်လို့ခေါ်မှာပေါ့။ လုပ်ငန်းခွင်မှာ ဝန်ထမ်းတွေ လုပ်ချင်ကိုင်ချင်စိတ်ရှိ
တာ ၊ တက်ကြွတာ ၊ ဖျတ်လတ်တာ ၊ ဒါကို ကျွန်တော်တို့က Motivation ဆိုပြီးပြောကြတယ်။ လူတိုင်းမှာ Motivation ရှိကြပါတယ် ဒါပေမယ့် အမြဲတမ်းတော့ ရှိမနေနိုင်ဘူးပေါ့ ၊ လုပ်ငန်းခွင်ဆိုတာ အမြဲတမ်း အဆင်ပြေချောမွေ့နေတဲ့ နေရာမျိုးမှ မဟုတ်တာ။

အခက်အခဲတွေရှိမယ်၊ ပြဿနာတွေ ရင်ဆိုင်ရမယ် ၊ ကိုယ်ရေးကိုယ်တာနဲ့ ပတ်သက်တာဖြစ်ဖြစ် လုပ်ငန်းနဲ့တိုက်ရိုက်ပတ်သက်တာမျိုးဖြစ်ဖြစ် စိတ်ဖိဆီးမူတွေရှိ
လာခဲ့တဲ့ အခါမှာ လုပ်ချင်ကိုင်ချင်စိတ် လုံးဝ ပျောက်သွားတာမျိုးတွေဖြစ်တတ်ပါတယ်။ ဒီလို အခက်အခဲတွေ ကနေ ရုန်းထွက်နိုင်ပြီး Self Motivated မိမိကိုယ်ကိုယ် ပြန်သုံးသပ်နိုင်တဲ့ လူတွေရှိသလို ဖိအားတွေ ၊ ပြဿနာ
တွေ ကြားထဲမှာ ရုန်းမထွက်နိုင်ဘဲ လုပ်ငန်းကိုပါ လာထိခိုက်မျိုးတွေလည်းရှိတတ်ပါတယ်။ ကိုယ့် လက်အောက် က ဝန်ထမ်းတွေ ဒီလိုမဖြစ်ရအောင် ဘာလုပ်ပေးလို့ရနိုင်မလဲ။

ဒီလိုမျိုးတွေ မဖြစ်ချင်ရင်တော့ Motivation နှင့်
ပတ်သက်တဲ့ R သုံးလုံးကို ကျင့်သုံးကြည့်ပါ။

ပထမတစ်ခုက Recognition လို့ခေါ်ပါတယ် ။ အသိအမှတ်ပြုပေးပါ၊ လူတိုင်းဟာ အသိအမှတ်ပြုတာကို ခံချင်ကြပါတယ်၊ ကိုယ်ကြိုးစားထားတဲ့ အရာတွေ ၊အားထုတ်ထားတဲ့ ကိစ္စတွေမှာ အသိအမှတ်ပြုချီးမွမ်း ပေးလိုက်ရင် ပျော်တတ်ကြတာ လူ့သဘာဝပါ။

အသိအမှတ်ပြု ပေးခြင်းဟာ ဝန်ထမ်းတစ်ယောက်ရဲ့ Motivation တက်လာဖို့အတွက် တကယ့်ကို အရေး ကြီးပါတယ်။ အသိအမှတ်ပြုတဲ့နေရာမှာလည်း ရုံးခန်းထဲမှာ ခေါ်ပြီး သီးသန့်ပြောမယ့်အစား ဝန်ထမ်းတွေရှေ့မှာ ဘယ်အလုပ်ကိုခိုင်းလိုက်တာ မောင်ဘယ်သူ မဘယ်သူကတော့ ငါပြောတဲ့အတိုင်း လုပ်နိုင်တယ်ကွာ စသဖြင့် ပြောပေးခြင်းဟာ အဲ့ဒီ ဝန်ထမ်းရဲ့ စိတ်ထဲမှာ အလွန်အတိုင်းအဆ မရှိတဲ့ အား ဆေးတစ်ခွက် သောက်လိုက်ရ သလိုပါပဲ။

နောက်ထပ်တစ်ခုကတော့ Reward လို့ခေါ်တဲ့ ဆုပေးခြင်းပဲဖြစ်ပါတယ်။ ကျွန်တော်တို့ဟာ အမြဲတမ်းပဲ အသိ
အမှတ်ပြု ပေးနေရုံနဲ့မရပါဘူး ။ အသိအမှတ်ပြုပေးသလိုပဲ အခါအားလျှော်စွာလည်း ဆုပေးတာ ဆုချတာမျိုး
တွေလည်း လုပ်ရမှာပါ။ မင်းတို့တော်တယ် ကြိုးစားကွာ လို့ပြောနေတဲ့စကားဟာ အလုပ်ပြီးအောင် မြှောက်ပင့်
ပြောဆိုပြီး ခိုင်းတယ်လို့ဝန်ထမ်းတွေ အနေနဲ့ မထင်အောင် ဆုပေးခြင်းများကို လုပ်ဆောင်သင့်ပါတယ်။

ဒါဆိုဘယ်လိုမျိုးဆုတွေ ပေးမှာလဲ ။ ဆုပေးတဲ့ နေရာမှာ နှစ်ပိုင်းရှိပါတယ်။ Tangible နှင့် Intangible လို့ဆိုရမှာပေါ့။ Tangible ဆိုတာကတော့ တကယ် ထိတွေ့ခံစားလို့ရတဲ့ဆုကိုပြောတာပါ။
(ဥပမာ ။ ။ Bonus ပေးတာမျိုးဖြစ်ဖြစ်၊ ဖုန်းဝယ်ပေးတာဖြစ်ဖြစ် ၊ ဘောပင် ၊ စာအုပ် စတဲ့ ထိတွေ့ကိုယ်တွယ်လို့ရတဲ့ ဆုတွေကို
Tangible Reward လို့ခေါ်ပါတယ်။ Intangible Reward ကတော့ Promotion ပေးဖို့အတွက်လျှာထားပေး
ထားမျိုး ၊ Section Head မှ နေ့လယ်စာ ဖိတ်ကျွေးတာမျိုး ၊ လစာ အပြည့်နဲ့ နားရက် ၁ ပတ်ပေးတာမျိုး စတာတွေ ဖြစ်ပါတယ်။

ဒါပေမယ့် ဒီဆု နှစ်မျိုးကို ပေးတော့မယ်ဆိုရင် မိမိရဲ့ဝန်ထမ်းက ဘယ်လိုလူမျိုးလဲဆို
တာ သိထားဖို့တော့လိုပါတယ်။ I phone 6 ဝယ်ကိုင်နိုင်တဲ့ အနေအထားမှာ ရှိတဲ့ ဝန်ထမ်းကို Iphone 6 သွား
ဆုချတာမျိုး မလုပ်သင့်ပါဘူး ။ သူဘာလိုချင်တာလဲ ၊ သူ့အတွက်ဘာအသုံးတည့်မှာလဲ အဲ့ဒီအချက်တွေကို
ထည့်စဉ်းစားဖို့တော့ လိုပါတယ်။ ဖုန်းဆုချလိုက်လို့ ရတဲ့ခံစားမူဟာ ပျော်တဲ့ခံစားမူ Happy ပဲဖြစ်မှာပါ။ ကျွန်တော်တို့ လိုအပ်တာ Motivation ဖြစ်တဲ့အတွက် ဆုချခံလိုက်ရတဲ့ ဝန်ထမ်းဟာ စိတ်ဓါတ်တက်ကြွသွားဖို့
နောက်ထပ် အလုပ်တွေမှာ လုပ်ချင်ကိုင်ချင်စိတ်တွေ ပိုဖြစ်လာအောင် ဖန်တီးပေးဖို့ပဲလိုတာပါ။ Sale Target ကို ၃ လဆက်တိုက် ကျော်အောင် ရောင်းနိုင်တဲ့ ဝန်ထမ်း ဆိုပါစို့။ သူ့အတွက်ဆုချမယ် ဆိုရင် Motivation ဖြစ်သွား စေလောက်အောင် ဘယ်လိုလုပ်ပေးမလဲ။

တကယ်လို့များ သူရဲ့ Name Tag နံမည်အောက်မှာ
ကြယ်သုံးပွင့် တပ်ပြီး အဲ့ဒီလမှာ ထုတ်ပေးလိုက်မယ်ဆိုရင်ရော။ ဆိုလိုတာကတော့ ဒီဝန်ထမ်းဟာ သုံးလဆက်
တိုက် Sales Target ကို ကျော်အောင် ရောင်းနိုင်တယ် ဆိုတာကို ကိုယ့်ဌာန အတွင်းမှာ ၊ အဖွဲ့အစည်းအတွင်း
မှာ တဖန် သူ့ရဲ့ လုပ်ဖော်ကိုင်ဖက်တွေ ကြားထဲမှာကို ဆုချပေးလိုက်တဲ့သဘော။ Name Tag လေးတစ်ခုကို
ဒီလိုလုပ်ပေးလိုက်ရတာ ဘာမှ အပန်းမကြီးပါဘူး။ ကိုယ်ပြန်ရလိုက်တာကတော့ အဲ့ဒီ ဝန်ထမ်းရဲ့ Motivation
အပြင် အခြားအလားတူ ဝန်ထမ်းတွေမှာလဲ အခုလိုပဲ ကြိုးစားချင်စိတ်တွေပေါ်လာနိုင်ပါတယ်။ ကျွန်တော်ပြော
ချင်တာက Tangible Reward တွေကို ဥပေက္ခာပြုဖို့ပြောတာ မဟုတ်ဘူးနော်။ Reward ပေးတဲ့နေရာမှာ
Employee ရဲ့ Emotional Need ကိုထည့်သွင်း စဉ်းစားစေချင်တာကိုပြောတာပါ။

နောက်ဆုံးတစ်ခု Motivation အတွက် အရေးကြီးတာက Reinforcement ပဲဖြစ်ပါတယ်။ ဒါကတော့ ဝန်ထမ်း ကို Supporting လုပ်ပေးတဲ့ သဘောပါပဲ။ ဝန်ထမ်းရဲ့ Performance အပေါ်မှာ ကိုယ်က လူကြီးတစ်ယောက်
အနေနဲ့သမာသမတ်ကျကျ ကြိုက်တဲ့ အပိုင်း မကြိုက်တဲ့အပိုင်း ပြုပြင်ဖို့လိုအပ်တဲ့အရာတွေကို Guideline ပေး
ခြင်းမျိုးဖြစ်ပါတယ်။ Process တွေ အဆင့်ဆင့် လုပ်ရတဲ့ လုပ်ငန်း ဆိုပါတော့ ၊ Process တစ်ခုပြီးသွားတိုင်း ကိုယ့်လူတွေ ၊ ဝန်ထမ်းတွေကို ငါတို့ဘယ်အဆင့်ထိ ရောက်နေပြီဆိုတာမျိုး ၊ ဘယ်အပိုင်းတွေမှာ ဘယ်သူလုပ်
တာတော့ ကောင်းတယ်၊ ဘာ လိုအပ်ချက်တွေတော့ရှိတယ် စသဖြင့် ပြန်ပြီးတော့ Objective ကို ပုံဖေါ်ပေးတာ
မျိုးဖြစ်ပါတယ်။

ဝန်ထမ်းတွေကို Motivation ရနေဖို့အတွက် ခေါင်းဆောင်လုပ်တဲ့သူကလဲ အမြဲတမ်း ပံပိုးနေ
ဖို့လိုပါတယ်၊ မိမိတို့ သွားနေတဲ့ Objective ကို ဝန်ထမ်းတွေကို အမြဲသိရှိနေအောင်၊ ဝန်ထမ်း တစ်ဦးချင်းဆီရဲ့
စိတ်နေစိတ်ထား ၊ အပြုအမူ၊ အပြောအဆို အားလုံးကို လိုအပ်သလိုထိန်းကျောင်း တည့်မတ်ပေးခြင်းဖြင့်လည်း
ဝန်ထမ်းများ၏ Motivation တတ်လာနိုင်ပါတယ်။ လုပ်ငန်း ၊ အဖွဲ့အစည်းတွေမှာ Motivation ရဖို့လုပ်ချင်ကိုင်
ချင်စိတ်တွေ ရှိလာစေဖို့အတွက် R သုံးလုံးကို ကျင့်သုံးကြည့်ပါလို့တိုက်တွန်း ချင်ပါတယ်

ခင်မင်စွာဖြင့်
MinYar Pyae
Ref : ဘုန်းခန့် 