X-ray during pregnancy ကိုယ်ဝန်နဲ့ ဓါတ်မှန်

Tint Swe

 

X-ray during pregnancy ကိုယ်ဝန်နဲ့ ဓါတ်မှန်

ကိုယ်ဝန်သယ်မိခင်တွေ ကိုယ်ဝန်ဘယ်နှစ်လစပြီး ဓါတ်မှန်ရိုက်ခွင့်မရှိပါသလဲ။ ကျွန်တော် ကြုံဖူးတာလေး တစ်ခု ပြောပါရစေ။ ကိုယ်ဝန်ရှိတဲ့မိခင်တစ်ယောက် ရိုးရိုးဓါတ်မှန်ရိုက်တာ တွေ့ဖူးပါတယ်။ ကိုယ်ဝန်ရှိတဲ့မိခင်ရဲ့ ဗိုက်အောက်နားမှာ အဝတ်တစ်ခုလိုပတ်ပြီး (အထဲမှာ သံပြားနဲပတ်ထားတယ်ထင်တယ်) ဆရာဝန်ကတော့ အဲဒီ အဝတ်ကို ပတ်ထားရင် ဗိုက်ထဲက ကလေးကိုမထိခိုက်ဘူးလို့ပြောပါတယ်။ ကျွန်တော်သိချင်တာလေးက အဲဒီအဝတ်ကို ပတ်ပြီး ဓါတ်မှန်ရိုက်ရင် ကိုယ်ဝန်ကို ထိခိုက်နိင်ပါသလား၊၊၊

• ကိုယ်ဝန်ဆောင်နေချိန်မှာ ဓါတ်မှန်ရိုက်ရင် အထဲကကလေးအတွက်အန္တရာယ်ရှိပါတယ်။ ဗိုက်ကိုမဟုတ်ဘဲ တခြားနေရာတွေကို ဓါတ်မှန်ရိုက်ရင် အကာအကွယ်ပေးထားရမယ်။ Leaded apron and collar ခဲပါတဲ့ အကာအကွယ် သုံးရမယ်။ Special film badge နဲ့ကာကွယ်တာလဲလုပ်ပါမယ်။
• ဓါတ်ရောင်ခြည်အနည်း-အများအပေါ်မှာလဲမူတည်တယ်။ ကလေးအတွက်အန္တရာယ်တွေဆိုတာထဲမှာ Leukemia ခေါ်တဲ့ သွေးကင်ဆာလဲပါတယ်။
• Ultrasound အာလ်ထွာဆောင်း နဲ့ Magnetic resonance imaging (MRI) တွေက ကလေးကိုမထိခိုက်စေပါ။
• ဓါတ်ရောင်ခြည်ကြောင့် မွေးလာတဲ့ကလေးမှာ ကိုယ်အင်္ဂါချို့ယွင်းရတာတော့မဟုတ်ပါ။ ဓါတ်မှန်မရိုက်ပေမဲ့ ကလေး ၄-၆% မှာ ချို့ယွင်းတာရှိတယ်။
• ဓါတ်ရောင်ခြည် 10 rads ထက်များရင် လေ့လာမှုနဲ့ မျက်စိအားနည်းစေတယ်။ ဓါတ်မှန်အများစုဟာ ဒိထက် နည်းပါတယ်။ ဥပမာ သွားအတွက်ရိုက်ရင် 0.01 millirad သာသုံးတယ်။ ရင်ပတ်ဓါတ်မှန် = 60 millirads ရှိတယ်။ ဗိုက်ဓါတ်မှန် = 290 millirads နဲ့ Computerised tomographic (CT) = 800 millirads ရှိတယ်။

• 'Ten day rule' (၁ဝ) ရက်ဥပဒေသဆိုတာရှိတယ်။ အမျိုးသမီးတယောက်ကို ရာသီစလာတဲ့နေ့ကနေ ၁ဝ ရက်အထိ ဝမ်းဗိုက်နဲ့ တင်ပါးဆုံနေရာကို ဓါတ်မှန်မရိုက်တာကောင်းတယ်။ ဒါတောင် ၁ဝ ရက်ဆိုတာကို တင်းတင်းကြပ်ကြပ်လိုက်နာဘို့မလိုဘူးလို့လဲပြောလာပါတယ်။ကိုယ်ဝန်မကပ်နိုင်တာသာ ဖြစ်ချင်ဖြစ်နိုင်ပြီး ကိုယ်ဝန်ကပ်လို့သန္ဓေသားကို အင်္ဂါချို့ယွင်းတာမဖြစ်စေနိုင်ဘူးလို့ထောက်ပြတာဖြစ်တယ်။ ကိုယ်အင်္ဂါတွေဟာ မျိုးစပ်မှုဖြစ်ပြီးနောက် ၃-၅ ပါတ်နေမှသာစတယ်။ ဒါကြောင့်ကိုယ်ဝန်သိပ်နုနေစဉ်မှာ စိုးရိမ်ဘို့မလိုဘူးလို့ ထောက်ပြတာပါ။ ကလေးကို ဓါတ်ရောင်ခြည် 100 mGy ထက်ပိုမှသာ ကိုယ်ဝန်ပျက်စေနိုင်တယ်။ ဒီအချက်တွေကို ထောက်ရှုပြီး ကနေ့လက်ခံထားတာက ရာသီမလာတာ ၂၈ ရက်အတွင်း ဓါတ်မှန်ရိုက်တာအတွက် စိုးရိမ်ဘို့မလိုပါ။

• ဓါတ်မှန်ဌာနမှာ အလုပ်လုပ်နေတဲ့အမျိုးသမီး ကိုယ်ဝန်ဆောင်နေရင်လဲ အလုပ် ဆက်လုပ်နိုင်ပါတယ်။ သတိထားဘို့က ဓါတ်ရောင်ခြည် 1 mGy ထက်မများစေရပါ။

ဒေါက်တာတင့်ဆွေ
၁၂-၈-၂ဝ၁၄