အရံငွေဆိုသည်မှာ

Ohn Mar Oo

 

အရံငွေဆိုသည်မှာ

ကမ္ဘာပေါ်ရှိ တိုင်းပြည်အားလုံးတွင် “အရံငွေ” (reserves) များ ရှိကြပါသည်။ ဤအရံငွေ များကို ရည်ရွယ်ချက်မျိုးစုံဖြင့် အသုံးပြုလေ့ရှိကြသည်။ သမိုင်းအရပြောရလျှင်၊ တိုင်းပြည်၏ ငွေကြေးကို ကျောထောက်နောက်ခံ ပြုနိုင်ရန်၊ အရံငွေများကို အသုံးပြုခဲ့ကြသည်။ ဥပမာ-တောင်အာဖရိက ငွေကြေး “ရန်း” နှင့် အာဂျင်တီးနားငွေကြေး “ပီဆို” ဆိုလျှင်၊ ၎င်းငွေကြေး များ၏ ကျောထောက် နောက်ခံအဖြစ်၊ ဒေါ်လာ (သို့မဟုတ်) ရွှေဖြင့်လဲလှယ်နိုင်သည်။ သို့နှင့်အမျှ အဆိုပါ “ရန်း” နှင့် “ပီဆို” ကိုင်ထားသူများမှာ၊ သူတို့လက်ထဲမှ ငွေကြေးများကို ယုံကြည်မှုအပြည့်ရှိခဲ့ကြသည်။

ရှေးအခါက အရောင်းအဝယ်လုပ်ကြသည့်အခါ ရွှေကို ဖလှယ်မှုကိရိယာ (ငွေကြေးအဖြစ်) အသုံးပြု ခဲ့ကြသည်။ စားစရာ၊ ဝတ်စရာ စသော ကုန်စည်များကို ရွှေဖြင့် ဖလှယ်နိုင်သည်။ ထိုသည်၏နောက် တွင်မူ၊ သက်ဆိုင်ရာအစိုးရများ၏ အမိန့်နှင့် သတ်မှတ်ထားသော၊ “သင်္ကေတ ပိုက်ဆံ” (fiat money) များ ပေါ်လာသည်။ သင်္ကေတ ပိုက်ဆံဆိုသည်မှာ၊ ရွှေနှင့်လဲလှယ်နိုင်သော ငွေစက္ကူများကို ဆိုလို သည်။ ဤသို့သော သင်္ကေတ ပိုက်ဆံကို အသုံးပြုရသည်က၊ ပိုမိုအဆင်ပြေ လွယ်ကူသောကြောင့်၊ အစိုးရများနှင့် ဗဟိုဘဏ်များက ငွေစက္ကူများ ထုတ်ဝေလာကြသည်။

ပထမတွင်၊ ထုတ်ဝေသော ငွေစက္ကူများကို အပြည့်အဝ ကျောထောက်နောက်ခံပြုဖို့၊ လိုလိမ့်မည်ဟု ယူဆခဲ့ကြသည်။ ဥပမာ-ငွေစက္ကူတစ်ဒေါ်လာထုတ်တိုင်း၊ အစိုးရနှင့် ဗဟိုဘဏ်လက်ထဲတွင် တစ်ဒေါ်လာနှင့်ညီမျှသည့် ရွှေကိုင်ထားနိုင်ရမည်ဟု ဆိုလိုရင်း ဖြစ်သည်။ ထို့နောက်တွင်မူ၊ ဤသို့ တန်ဖိုးပြည့် ကျောထောက်နောက်ခံပြုစရာမလို၊ ထုတ်ဝေလိုက်သော ငွေစက္ကူအပေါ် ယုံကြည်မှု ကသာ ပိုအရေးကြီးသည်ဟု၊ သဘော ယူလာကြသည်။ ယုံကြည်မှုဆိုသည်မှာ၊ လူအများက အဆိုပါ ငွေစက္ကူများကို ငွေပေးချေ ရေးကိရိယာအဖြစ်၊ ယုံကြည်စွာ လက်ခံအသုံးပြုခြင်းပင် ဖြစ်သည်။ ဤသို့သော ယုံကြည်မှု ရစေရန် ရှေးကလို တန်ဖိုးပြည့် ကျောထောက်နောက်ခံ ထားစရာမလို။ တစ်စိတ်တစ်ပိုင်း ထားရုံနှင့် လုံလောက်သည်ဟု ယူဆလာကြသည်။

ဤသို့သော ကျောထောက်နောက်ခံ ထားရာတွင်လည်း မူလက၊ ရွှေကိုထားနိုင်မှ ခိုင်မာ လိမ့်မည်ဟု ယူဆခဲ့ကြသည်။ ယခုဤသို့မဟုတ်တော့၊ ရွှေအစား ငွေမာတစ်ခုခုကို ကျောထောက်နောက်ခံ ထားပြီး၊ နောက်ပိုင်းတွင် အမေရိကန်ဒေါ်လာကို အသုံးပြု လာကြသည်။

ဤသို့သော အရံငွေ (တစ်နည်း-ကျောထောက်နောက်ခံငွေများ) မှာ၊ တိုင်းပြည်များ ရင်ဆိုင် ကြ ရသော အန္တရာယ်များကို စီမံခန့်ခွဲရာတွင်၊ အကူအညီ ပေးနိုင်ပါသည်။ သက်ဆိုင်ရာ တိုင်းပြည် ကိုရော၊ ၎င်း၏ ငွေကြေးအပေါ်တွင်ပါ ယုံကြည်မှု ရှိလာစေရန်လည်း၊ အထောက် အပံ့ပြုပါသည်။ ထို့ထက် လိုအပ်သည့်အချိန်တွင်၊ အချိ်န်မရွေး ထုတ်သုံးနိုင်သေးသည်။ ထိုမျှမက၊ အတိုးနှုန်း အပြောင်းအလဲ၊ သီးနှံအထွက်ကျမှု စသော မမျှော်လင့်သည့် အပြောင်းအလဲများနှင့် ရင်ဆိုင်ရ ရာတွင်လည်း၊ အဆိုပါ အရံငွေက ဒဏ်ခံအဖြစ် တာဝန်ယူ ပေးနိုင်သည်။

တိုင်းပြည်တစ်ပြည်အနေနှင့်၊ အရံငွေ မည်ရွေ့မည်မျှ ထားသင့်၊ မထားသင့် ဆိုသည်မှာ၊ တိုင်းပြည် တစ်ပြည်နှင့် တစ်ပြည်မတူကြပါ။ ယေဘုယျအားဖြင့်ဆိုလျှင်၊ လ, အချို့ သွင်းကုန်အတွက် လုံလောက်မည့်ငွေမမာဏကို၊ အရံငွေထားလေ့ရှိသည်။ ယခင်က ဖွံ့ဖြိုးဆဲ နိုင်ငံအများစုမှာ၊ သုံးလစာ သွင်းကုန်အတွက် အရန်ထားပြီး၊ ယခု နောက်ပိုင်းတွင် ရှစ်လစာ သွင်းကုန်အတွက် အရန်ထားကြ သည်ကို တွေ့ရသည်။

နိုင်ငံတော်တော်များများမှာ ငွေမာ (အထူးသဖြင့် ဒေါ်လာ) ကို၊ ရေတိုချေးငွေအဖြစ် စုဆောင်း ရယူလေ့ ရှိတတ်ပါသည်။ ဤသို့သော ရေတိုချေးငွေများ ထုတ်ပေးကြသည့် မြီရှင် နိုင်ငံများမှာ၊ မကြာခဏဆိုသလို စိတ်အပြောင်းအလဲမြန်တတ်ကြသည်။ အကယ်၍ မြီစား နိုင်ငံဘက်မှ၊ ပေးရန်ရှိသော အကြွေးများကို ပြန်မဆပ်နိုင်တော့ဟု စိုးရိမ်လာလျှင်၊ ၎င်းတို့ ထုတ်ချေးထားသော ရေတိုချေးငွေများကို၊ ဒရောသောပါး ပြန်တောင်းလေ့ ရှိကြသည်။ ဤတွင် သက်ဆိုင်ရာ မြီစားနိုင်ငံ များအတွက် အခက်အခဲတွေ့ရတော့သည်။

အဆိုပါမြီစားနိုင်ငံတွင် စုဆောင်းပြီး အရံငွေရှိလျှင်မူ ပြဿနာ သိပ်မရှိ။ မြီရှင် နိုင်ငံဘက် မှလည်း သိပ်အစိုးရိမ်ကြီးစရာမရှိ၍ အတင်းအကျပ် ပြန်မတောင်း။ အကယ်၍ တောင်းခဲ့ လျှင်လည်း၊ အရံငွေထဲမှ ထုတ်ယူပြီး ပြန်ဆပ်နိုင်သည်။ သို့အတွက်၊ အမြော်အမြင်ရှိသော ဖွံ့ဖြိုးဆဲနိုင်ငံများမှာ၊၎င်းတို့ပေးရန်ရှိသော ရေတိုချေးငွေနှင့် တန်ဖိုးညီသည့် ဒေါ်လာငွေကို၊ အရံငွေအဖြစ် ထိန်းသိမ်း ထားတတ်ကြသည်။ ဒေါ်လာ မဟုတ်လျှင်လည်း၊ ယူရို, ယန်း စသော အခြားနိုင်ငံခြားငွေ တစ်ခုခုကို၊ ကျောထောက်နောက်ခံ အဖြစ် ထားလေ့ရှိကြသည်။

ဤသို့သော အရံငွေဖြင့် နိုင်ငံခြားငွေလဲလှယ်နှုန်းကိုလည်း စီမံခန့်ခွဲ နိုင်ပါသည်။ အကယ်၍၊ တိုင်းပြည်တစ်ပြည်တွင် အရံငွေမရှိတော့လျှင်၊ နိုင်ငံခြားငွေနှင့် လဲလှယ်နိုင်သော ၎င်းတိုင်းပြည်၏ ငွေတန်ဖိုးမှာ၊ ရုတ်တရက် ကျဆင်းသွားပါလိမ့်မည်။ ဤသို့ဆိုလျှင်၊ စိတ်အပြောင်းအလဲမြန်သော ရင်းနှီးမြှုပ်နှံသူများ၊ (သို့မဟုတ်) အမြတ်ကိုသာ မျှော်ကိုး သော ငွေကြေးကစားသူများ၊ (သို့မဟုတ်) ငွေကြေးလောကအပေါ် ကြိုးကိုင်ခြယ်လှယ်သူ များအနေနှင့်၊ တန်ဖိုးကျလာသော အဆိုပါနိုင်ငံများ၏ ငွေကြေးကို ထုတ်ရောင်းကြပေလိမ့် မည်။ ဤနည်းဖြင့်၊ နိုင်ငံခြားငွေလဲလှယ်နှုန်း မတည်ငြိမ်ရာမှ အလွန်ကြီးမားသော စီးပွားရေးမတည်ငြိမ်မှုဆီသို့ ဦးတည်သွားကြသည်များ၊ မကြာခဏ ဆိုသလို တွေ့နေရ သည်။

နိုင်ငံတစ်ခုအနေနှင့်၊ ဤသို့သော မတည်ငြိမ်မှုနှင့် ရင်ဆိုင်လာရလျှင် ပြန်လည် ချိန်ခွင်လျှာ မျှနိုင်စေရန်၊ သီးသန့် အရံငွေရှိဖို့ လိုပါသည်။ အခြားသူများက မိမိတို့ ငွေကြေးကို ထုတ်ရောင်း လာလျှင်၊ ငွေတန်ဖိုးကျသထက် မကျစေရန် ကိုယ်ကလိုက်ဝယ်ရပါလိမ့်မည်။ အလားတူ အခြားသူ များက မိမိတို့ငွေကြေးကို လိုက်ဝယ်နေလျှင်လည်း၊ အလွန်အကျွံ တန်ဖိုးတက်မသွားစေရန်၊ ကိုယ်က ပြန်ထုတ်ရောင်းရပါလိမ့်မည်။ ဤနည်းဖြင့် နိုင်ငံခြားငွေ လဲလှယ်နှုန်းကို တည်ငြိမ်အောင် ဖန်တီးနိုင်ပြီး၊ ထိုမှတစ်ဆင့် စီးပွားရေး တည်ငြိမ်အောင် ပြန်လည်တည့်မတ်ယူနိုင်စရာ ရှိပါသည်။ သို့နှင့်တိုင် ဤသို့ ကစားနိုင်စေရန် မိမိတွင် အရံငွေ ရှိထားဖို့ လိုပါလိမ့်မည်။ အကြောင်းမူ မိမိငွေကြေးကို မိမိငွေကြေးဖြင့် ပြန်ဝယ် လို့မရ၊ ဒေါ်လာနှင့်ဝယ်မှ ရသောကြောင့် ဖြစ်သည်။

တိုင်းပြည်များအနေနှင့် ဆိုခဲ့ပါအတိုင်း အရံငွေများကို ကိုင်ထားကြစဉ်အတွင်းမှာပင် သူတို့ ကိုင်ထားသော ငွေပမာဏမှာ ပို၍ ပို၍ များလာလေ့ရှိပါသည်။ ၂၀၀၁ မှ ၂၀၀၅ အထိ ၄ နှစ်တာ ကာလအတွင်း အရှေ့အာရှ ရှစ်နိုင်ငံ (ဂျပန်၊ တရုတ်၊ တောင်ကိုရီးယား၊ စင်္ကာပူ၊ မလေးရှား၊ ထိုင်း၊ အင်ဒိုနီးရှားနှင့် ဖိလစ်ပိုင်) တို့၏ စုစုပေါင်း အရံငွေမှာ နှစ်ဆကျော် တိုးပွားလာသည်။ အကြမ်းအားဖြင့် ဒေါ်လာ ၁ ထရီလီယံမှ ဒေါ်လာ ၂.၃ ထရီလီယံ ဖြစ်သွားသည်။

ဤဖြစ်စဉ်တွင် တကယ့်စူပါစတားမှာ တရုတ်ပြည်ဟု ဆိုရပါလိမ့်မည်။ ၂၀၀၆ ခုနှစ် နှစ်လယ်လောက် တွင် တရုတ်ပြည်စုဆောင်းထားနိုင်သော အရံငွေမှာ ဒေါ်လာ ၉၀၀ ဘီလီယံခန့် အထိ ရှိသည်။ ယောက်ျား, မိန်းမ, ကလေးမှအစ နိုင်ငံသားတစ်ဦးချင်း ခေါင်းတွင် ဒေါ်လာ ၇၀၀ မျှ ကိုင်ထားနိုင် သည့်သဘော ဖြစ်ပါသည်။ ဤအချိန်တွင် တရုတ် ပြည်၏ တစ်ဦးချင်း တစ်နှစ် ဝင်ငွေမှာ ဒေါ်လာ ၁၅၀၀ ဖြစ်သည်။ ဖွံ့ဖြိုးဆဲ နိုင်ငံအားလုံး၏ စုစုပေါင်း အရံငွေ တိုးတက်မှုနှုန်းကို ကြည့်လိုက်လျှင် ၁၉၇၀ အလွန် နှစ်များနှင့် ၁၉၈၀ အလွန်နှစ်များအတွင်း ဂျီဒီပီ၏ ၇ % မှ ၈ % အထိ တိုးလာပြီး၊ ၂၀၀၄ ခုနှစ်သို့ ရောက် သောအခါ ဂျီဒီပီ၏ ၃၀ % အထိ ရောက်လာသည်။ ၂၀၀၆ အဆုံး စာရင်း ဇယားများအရ ပြောရလျှင် ဖွံ့ဖြိုးဆဲနိုင်ငံများ၏ အရံငွေမှာ ဒေါ်လာ ၃.၃၅ ထရီလီယံ အထိ ရှိလာပြီဟု ခန့်မှန်းရပါသည်။

ဤသို့ အရံငွေများ အကြီးအကျယ် တိုးပွားလာသည့်အကြောင်းနှင့် ပတ်သက်ပြီး အများ သဘောတူ လက်ခံနိုင်သော ရှင်းလင်းချက်မျိုးကား ယခုအချိန်ထိ မရှိသေးပါ။ သို့နှင့်တိုင် အရေးကြီးသည့် ဖက်တာနှစ်ခုကိုမူ ရှင်းရှင်းလင်းလင်း မြင်တွေ့နေရပါသည်။ “ကမ္ဘာလုံးချီ စီးပွားရေးနှင့် ဘဏ္ဍာရေး စနစ်၏ အလွန်မြင့်မားသော မတည်ငြိမ်မှု” နှင့် “၁၉၉၇ အရှေ့အာရှ အကျပ်အတည်းအပေါ် အိုင်အမ်အက်(ဖ) ၏ ကိုင်တွယ်ပုံ” တို့ ဖြစ်သည်။

ကမ္ဘာ့စီးပွားရေးနှင့် နိုင်ငံရေးမတည်ငြိမ်မှုများကြောင့် နိုင်ငံတော်တော်များများ (အထူး သဖြင့် ဖွံ့ဖြိုးဆဲနိုင်ငံများ) မှာ မိမိတို့၏ စီးပွားရေးအချုပ်အခြာအာဏာများ ထိခိုက်ပွန်းပဲ့ ခဲ့ရသည်ဟု ခံစားကြရသည်။ ထို့ထက်ပို၍ အခြေအနေ ဆိုးစေသည်မှာ အိုင်အမ်အက်(ဖ) ပေါ်လစီအညွှန်း ဖြစ်သည်။ ဤပေါ်လစီအညွှန်းအတိုင်း လိုက်နာဆောင်ရွက်ခဲ့သော နိုင်ငံများမှာ “ဆေးအတွက်လေး” သလို ဖြစ်ခဲ့ရသည်။ ဤကိစ္စနှင့် ပတ်သက်ပြီး “၉၇ စာသင်နှစ်” (Class of '97) ဆိုသော စကားပင် ရှိသည်။ ၁၉၉၇ အကျပ်အတည်း၏ သင်ခန်းစာများကို ကိုယ်တွေ့လေ့လာခွင့်ရခဲ့သောအရှေ့အာရှနိုင်ငံ များကို ရည်ညွှန်း သည့် ဝေါဟာရ ဖြစ်ပါသည်။

ဤနိုင်ငံများအနေနှင့် နောက်တစ်ကြိမ် အကျပ်အတည်းနှင့် ရင်ဆိုင်ရလျှင် ဘာလုပ်ကြ မည်နည်း ဆိုသည်ကို ဦးတည်စဉ်းစားလာကြရသည်။ ယခင်ကလို “ဆေးအတွက်လေး” စေသည့် အိုင်အမ်အက်(ဖ) ချေးငွေကို မယူချင်တော့။ ကိုယ့်နည်း ကိုယ့်ဟန်ဖြင့် ဖြေရှင်း နိုင်ရန် မိမိတို့၏ အရံငွေများကိုသာ အဆတိုး စုဆောင်းကြဖို့ အားသန်လာကြသည်။ မိမိတို့ အိမ်နီးနားချင်းများ၏ ဒုက္ခ,သုက္ခကို အနီးကပ် မြင်တွေ့ခဲ့ရသော အခြားအာရှနိုင်ငံများ ကလည်း အလားတူ နိဂုံးချုပ်လာကြသည်။ “ကမ္ဘာ့စီးပွားရေးသံသရာ၏ အဆိုးဆုံး အခြေ အနေများကို ရင်ဆိုင်နိုင်ရန် လုံလောက်သော အရံငွေရှိရေးမှာ နိုင်ငံများ၏ မလွှဲမရှောင်သာ လုပ်ကိုလုပ်ကြရသည့် တာဝန်” ဆိုသော နိဂုံးချုပ်ချက် ဖြစ်ပါသည်။

နိုင်ငံခြားငွေလဲလှယ်နှုန်းဆိုင်ရာ စီမံခန့်ခွဲမှုကလည်း အရံငွေ စုဆောင်းရေးအပေါ် အရေးကြီးသော သြဇာ သက်ရောက်မှု ရှိပါသည်။ တိုင်းပြည်များအနေနှင့် မိမိ ငွေကြေးနှင့် နိုင်ငံခြားငွေ လဲလှယ်နှုန်း ကို ချထားနိုင်မှသာ ပို့ကုန်လုပ်ငန်းကို မြှင့်တင်နိုင်မည် ဖြစ်သည်။ ဤသို့ မိမိတို့ငွေကြေးကို ငွေမာ မဖြစ်အောင် ထိန်းထားဖို့ဆိုလျှင် ၎င်းတို့ကို ထုတ်ရောင်းပြီး ဒေါ်လာဝယ်ကြရမည်ဖြစ်သည်။ တစ်နည်းဆိုရလျှင် အရံငွေကို ဖြည့်ပေးရသည့် သဘော ပင် ဖြစ်ပါသည်။

Joseph Stiglitz ရေးသားသည့် Making Globalization Work စာအုပ်အား ကျော်ဝင်းဘာသာပြန်ဆို သည့် `လက်တွေ့အသုံးချ ဂလိုဘယ်လိုက်ဇေးရှင်း´ ဒုတိယတွဲ အခန်း(၉) ကမ္ဘာ့သီးသန့်ရန်ပုံငွေ စနစ် ပြုပြင်ပြောင်းလဲရေး မှကူးယူဖော်ပြသည်
ကိုစိုးနိုင်