အဲလ်တီချိုဟူသည်.......: သေးငယ်ပြီးအောင်မြင်နေသောနိုင်ငံများ

Wednesday, April 12, 2017

သေးငယ်ပြီးအောင်မြင်နေသောနိုင်ငံများ

သေးငယ်ပြီးအောင်မြင်နေသောနိုင်ငံများ
++++++++++++++++++++++++++++

ရေးသူ - ဟိန်းထက်

နိုင်ငံများနှင့် ပတ်သက်လျှင် အရွယ်အစားက လွန်စွာတာသွားသည်။ နိုင်ငံကြီးများသည် လူဦးရေ များပြားသလို စီးပွားရေးလည်းကြီးမား၊ စစ်တပ်များလည်း ကြီးမားကြသည်။ ပဝေသဏီကာလမှ ကြည့်လျှင် နိုင်ငံကြီးများက နိုင်ငံငယ်များကို လွှမ်းမိုးရိုးထုံး ရှိသည် ကိုတွေ့ ရသည်။ မျက်မှောက် ကာလခေတ်ပြိုင်လောက တွင်ပင် ကုလသ မဂ္ဂလုံ ခြုံရေးကောင်စီ Group of Seven ၊ Group of 20 စသော အရေးပါသော အဖွဲ့အစည်း များတွင် နိုင်ငံကြီးများက လွှမ်းမိုးထားသည်။ သို့သော် အရွယ်အစားကို အောင်မင်မှု လက္ခဏာတစ်ရပ်ဟု ယူမှတ်လျှင် အမှားကြီး မှားပေလိမ့်မည်။ ကမ္ဘာပေါ်တွင် အအောင်မြင် ဆုံးနိုင်ငံ၊ တသီးတခြားကဏ္ဍ တစ်ခုခုတွင် ထွန်းကားဆုံးနိုင်ငံအချို့မှာ နိုင်ငံငယ်လေး များဖြစ်နေခြင်းက ဤအချက်ကို မီးမောင်းထိုးလေ့ မရှိတတ်ချေ။ ထိုနိုင်ငံ ငယ်လေးများနှင့် ပတ်သက်၍ အမြင်လွဲမှားနေချက်ကို ပြုပြင်သင့်ပြီဟုဆိုရမည်။ ထို အမြင်ပြုပြင် မှုပြုရန် အတွက် အရွယ်အစားကို ပဓာနပြု ထူးထူးခြားခြားအောင်မြင်ခဲ့ သောနိုင်ငံငယ်များကို ရှုကြည့်ရန်လိုသည်။

အချမ်းသာဆုံးနိုင်ငံများ
-------------------------
ကျွန်တော် တို့သည် ငွေကို ကိုးကွယ်သောလောကတွင် နေထိုင်ကြပါသောကြာင့် ကမ္ဘာပေါ် တွင် မည်သည့်နိုင်ငံ အချမ်းဆုံးဖြစ်သည် ဆိုသည့်အချက်ကို ဆန်းစစ်မှုဖြင့် ဤစစ်တမ်းကို စသင့် သည်ဟု ထင်ပါသည်။ နိုင်ငံများ၏ GDP နှုန်းကို မှတ်ကျောက်အဖြစ် သတ်မှတ်၍ လူဦးရေ ဆယ်သန်းအောက် လူဦးရေနှင့် နိုင်ငံကိုသေး ငယ်သောနိုင်ငံဟု ဆိုကြပါစို့။ ကမ္ဘာ့ အချမ်းသာဆုံးနိုင်ငံများ စာရင်းကို အောက်တွင်ဖော်ပြလိုက်ပါသည်။ ဤတွင် အံ့သြ စရာကောင်းသော အချက်ကား ကမ္ဘာ့အချမ်းသာဆုံးနိုင် ၂၀ တွင် အများစုဖြစ်သော ၁၄ နိုင်ငံ မှာ နိုင်ငံလးများဖြစ်နေခြင်းပင်ဖြစ်သည်။

လူသားဖွံ့ဖြိုးမှုညွှန်းကိန်း
---------------------------
တစ်ဦးချင်း ၀င်ငွေဇယားက လူသားဖွံ့ဖြိုးမှု လူဖူလုံရေးကဏ္ဍ စသည်တို့နှင့် ပတ်သက်လျှင် မှတ်ကျောက်ပုနိုင်ရန် လုံလောက်မှု မရှိနိုင်သည်ကို လက်ခံပါသည်။ ဤကဏ္ဍနှင့်ပတ် သက်လျှင် အများစုက ကုလသမဂ္ဂ၏ လူသားဖွံ့ဖြိုးမှုညွှန်းကိန်းကို ပို၍ သဘောတွေ့ ကြလေ့ရှိသည်။ ဤညွှန်းကိန်းသည် တိုင်းပြည်တစ်ပြည်၏ ပညာရေး ကျန်းမာရေး၊ အိုးအိမ်၊ ကျားမ အတန်းစားညီမှု စသည်တို့ကိုထောက်ရှုသည်။ လူသား ဖွံ့ဖြိုးမှုညွှန်းကိန်းစာရင်း (၂၀၁၄ ခုနှစ်) ၀င် ထိပ်တန်းနိုင်ငံ ၂၀ မှာ နော်ဝေး၊ သြစတြေးလျ၊ ဆွစ်ဇာလန်၊ ဒိန်း မတ်၊ နယ်သာလန်၊ ဂျာမနီ၊ အိုင်ယာလန်၊ အမေရိကန်၊ ကနေဒါ၊ နယူးဇီလန်၊ စင်ကာပူ၊ လိုက်တန် စတိုင်း၊ ဆွီဒင်၊ ဗြိတိန်၊ အိုက်စလန်၊ တောင်ကိုရီးယား၊ အစ္စရေး၊ လူဇင်ဘတ်၊ ဂျပန်နှင့် ဘယ်လ်ဂျီယံ တို့ဖြစ်သည်။ ယင်းအရေအတွက်တွင် ၂၀ မှ ၁၂ နိုင်ငံမှာ နိုင်ငံလေးများဖြစ် သည်။ အလျဉ်းသင့်၍ ဤနေရာတွင် ပြောလိုက်ချင်ပါသည်။ နိုင်ငံကြီးများဖြစ်သာ တရုတ် က အဆင့် ၉၀၊ အင်ဒိုနီးရှား နိုင်ငံက အဆင့် ၁၁၀ နှင့် အိန္ဒိယနိုင်ငံက ၁၃၀ ၀င်သည်။

အဂတိအနည်းဆုံးနိုင်ငံများ
------------------------------
အဂတိသည် လောကပျက်တရား ဖြစ်နေသည်ဟု ဆိုရမည်။ တစ်လောကလုံး ကြုံဆုံနေ ရသော ကိစ္စဖြစ်ရာအဂတိလိုက် စားမှုကင်းရာအရပ်တွင်နေထိုင်ရန် ဆန္ဒသည် သုခဘုံ တွင်နေထိုင်လိုသည့် ဆန္ဒနှင့် တစ်တန်းတည်း နီးပါး ဖြစ်ထွန်းနေသည်ဟုဆိုလျှင် လွန်မည် မထင်ချေ။ အစိုးရမဟုတ်သော အဖွဲ့အစည်းတစ်ရပ်ဖြစ်သည့် Transparency International သည် နှစ်စဉ်နှစ်တိုင်းပင် အဂတိညွှန်းကိန်းတစ်ခု ထုတ်ပြန်လ့ရှိသည်။ ၂၀၁၅ ခုနှစ်တွင် အဂတိအနည်း ဆုံးနိုင်ငံ ၂၀ အဖြစ် မည်သည့်နိုင်ငံများကို ညွှန်းခဲ့ပါ သနည်း။ ဒိန်းမတ်၊ ဖင်လန်၊ ဆွီဒင်၊ နယူးဇီလန်၊ နော်ဝေ၊ ဆွစ်ဇာလန်၊ စင်ကာပူ၊ ကနေဒါ၊ ဂျာမနီ၊ လူဇင်ဘတ်၊ ဗြိတိန်၊ အိုက်စလန်၊ ဘယ်လ်ဂျီယံ၊ သြစတြီးယား၊ အမေရိကန်၊ အိုင်ယာလန်၊ ဂျပန်နှင့် ဥရုဂွေးနိုင်ငံတို့ကို ညွှန်းခဲ့သည်။ ထိုနိုင်ငံများမှာ နိုင်ငံသေးများဖြစ် သည်။ အိန္ဒိယက အဆင့် ၇၆၊ တရုတ်က ၈၃ နှင့် အင်ဒိုနီးရှားက ၈၈ ချိတ်ခဲ့သည်။

ကျား၊ မအခွင့်အရေးတန်းတူညီခြင်း
--------------------------------------
အမျိုးသမီးများသည် အမျိုးသားများနှင့် အခွင့်အရေး တန်းတူရရှိရန် ကာလကြာမြင့်စွာ တိုက် ပွဲဝင်ခဲ့ကြသည်။ လွန်ခဲ့သောနှစ်ပေါင်း ၅၀ တွင် အတော်တိုးတက် လာခဲ့ပါသော်လည်း ထိုတိုးတက်မှု ညီမျှခြင်း မရှိချေ။ အချို့သောနိုင်ငံ၊ အချို့သော ယဉ်ကျးမှုများတွင် အမျိုးသမီး များကို ဒုတိယတန်းစား နိုင်ငံသားများအဖြစ် ဆက်ဆံနေကြဆဲဖြစ်သည်။ ကုလသမဂ္ဂ၏ ဖွံ့ဖြိုးရေး အစီရင်ခံစာတွင် ထိုကျား၊ မအခွင့်အရေး ညွှန်းကိန်းပါရှိသည်။ ၂၀၁၆ ခုနှစ်တွင် မည်သည့်နိုင်ငံ ၂၀ ကို ထိပ်တန်းအဆင့် သတ်မှတ်မှုပြုခဲ့ပါသနည်း။ ဆလိုဗီးနီးယား၊ ဆွစ် ဇာလန်၊ ဂျာမနီ၊ ဒိန်းမတ်၊ သြစတြီးယား၊ ဆွီဒင်၊ နယ်သာလန်၊ ဘယ်လ်ဂျီယံ၊ နော်ဝေ၊ အီတလီ၊ ဖင်လန်၊ အိုက်စလန်၊ ပြင်သစ်၊ စင်ကာပူ၊ ချက်ပြည်ထောင်စု၊ စပိန်၊ လူဇင် ဘတ်၊ အစ္စရေး၊ သြစတြေးလျနှင့် ပေါ်တူဂီ နိုင်ငံကိုသတ်မှတ်ခဲ့သည်။ ထို ၂၀ မှ ၁၄ နိုင်ငံက နိုင်ငံလေး များဖြစ်သည်။

ပညာရေးကဏ္ဍအကောင်းဆုံးနိုင်ငံများ
------------------------------------------
ဤမျက်မှောက် ကမ္ဘာတွင် လူသားရင်းမြစ်သည် နိုင်ငံတစ်နိုင်ငံ၏ အရေးကြီးဆုံးရင်းမြစ် များပင်ဖြစ်သည်။ နိုင်ငံသားများကို ကောင်းစွာ ပညာသင်ကြားလေ့ကျင့်ပေးသာနိုင်ငံတို့ ကောင်းရိုးရှိသည်။ ကမ္ဘာ့စီးပွားရေးဖိုရမ်က ကမ္ဘာပေါ်တွင် ပညာရေး အကောင်းဆုံးနိုင်ငံ ၁၁ နိုင်ငံစာရင်းကို ထုတ်ပြန်ခဲ့သည်။ ထိုနိုင်ငံများ၏ အမှတ်စဉ်မှာ အောက်ပါအတိုင်းဖြစ်သည်။
၁- စင်ကာပူ၊ ၂- ဖင်လန်၊ ၃- နယ်သာလန်၊ ၄- ဆွစ်ဇာလန်၊ ၅- ဘယ်လ်ဂျီ ယံ၊ ၆- ဒိန်းမတ်၊ ၇- နော်ဝေ၊ ၈- အမေရိ ကန်၊ ၉- သြစတြေးလျ၊ ၁၀- နယူးဇီလန် နှင့် ၁၁- အိုက်စလန် တို့ဖြစ် သည်။ ယင်းင်ငံပေါင်း ၁၁ နိုင်ငံမှ ရှစ်နိုင်ငံက နိုင်ငံသးလေး များဖြစ်ကြသည်။
ဤကိန်းဂဏန်း အချက်အလက်များကို ရှုကြည့်လျှင် ပုံရိပ်တစ်ခု ထင်းထင်း ပေါ်လာသည် ဟုဆိုရမည်။ အချို့သောနိုင်ငံလေးများ လွန်မင်းစွာအောင်မြင်နေခြင်းမှာ အုပ် ချုပ်ရေးကောင်း မွန်၍ (အဂတိကင်းသည်)၊ အမျိုးသမီး အခွင့်အရေးပေး၍ (ကျား၊ မတန်းတူ အဆင့်မြင့်သည်)၊ လူသားဖွံ့ဖြိုးရေးကို ပဓာနထား၍ (လူသားဖွံ့ဖြိုးရေးကဏ္ဍတွင် အမှတ်ပြည့် ရသည်) ဖြစ်ကြောင်း တွေ့ရသည်။ ယင်းအခြေခံ အကြောင်းတရားများအပြင် ထပ်တိုး အချက်နှစ်ချက်ကြောင့် ဟုလည်း ဆိုရမည်။ ပထမတစ်ချက်ကား ပြည်သူလူထုကို ကောင်းစွာ ပညာသင်ကြားလေ့ကျင့်ပေး ထားခြင်းပင်ဖြစ်သည်။ ဒုတိယ အချက်ကား စီးပွားရေး ကဏ္ဍတွင် ပွင့်လင်းမှုရှိပြီး ပြည်ပ ကုန်ပို့ဆောင်ရေးကို ပဓာနထားသော ကမ္ဘာ တစ်ဝန်းဖြန့်ကြက်မှု ဦးစားပေး စီပွားရေးများဖြစ်ခြင်းကြောင့်ပင်ဖြစ်သည်။

#MyanmarB2BManagementMagazine

No comments:

တို့ရွာသမိုင်း

" တို့ရွာသမိုင်း "

သူတို့လာမှ
တို့ရွာသမိုင်း၊ အဖြစ်ရိုင်းသည်
တွေးတိုင်း တက်ခေါက်မိသတည်း။
ငါတို့ရွာတွင်
မိုးခါမိုးလျောက်၊ ငါးဖားလောက်၏၊
ဆောင်းလျောက်ဆောင်းခွင်၊ သီးပွင့်ရွှင်၏။
နွေလျှင်စုံတော၊ ဟင်းရွက်ပေါ၏။

သူတို့လာမှ
တို့ရွာအိုင်အင်း၊ ငါးဖားကင်းခဲ့။
စိုက်ခင်းစင်အုံ၊ သီးပွင့်ကုန်ခဲ့။
တောစုံမြိုင်ကြား၊ ဟင်းရွက်ရှားခဲ့။

ငါတို့ရွာတွင်
ရှေးခါအရှက်၊ အကြောက်ဖက်၍
ကျင့်ပျက်အမှု၊ မကောင်းစုကို
ပြုခဲပြောခဲ၊ တွေးကြံခဲ၏။

သူတို့လာမှ
ချော့ကာတမျိုး၊ ခြောက်တမျိုးနှင့်
ကျင့်ရိုးပျက်အောင်၊ မျှားသွေးဆောင်၍
ယောင်ယောင်မှားမှား၊ ကျင့်ပျက်ပြားခဲ့။

တက်တခေါက်ခေါက်၊ စိတ်နောက်နောက်နှင့်
တယောက်တမျိုး၊ ထဲကြံခိုး၍
တိုးတိုးတိတ်တိတ်၊ အတွင်းကျိတ်လျက်
စိတ်ချင်းညှိကာ၊ သွေးညှိကာလျှင်
ညီညာသောလိုက်၊ အချိန်ဆိုက်သော်
ကောက်စိုက်စူးတံ၊ ကောက်ဆွလှံနှင့်
ဝါးချွန်ကိုင်စွဲ၊ ဓားကိုင်ဆွဲ၍
ရွာထဲရွာပြင်၊ တောတခွင်၌
(မြို့ထဲမြို့ပြင်၊ ပြည်တခွင်၌)
သမင်ကိုကျား၊ ချောင်းသောလားသို့
စောင့်စားထိုးခုတ်၊ ရန်မျိုးဖြုတ်က
မျိုးယုတ်လူညစ်၊ သူကောင်ပစ်လျက်
လစ်သည်လွတ်ရာ၊ လွတ်ကြောင်းရှာသော်
တို့ရွာသမိုင်း၊ အဖြစ်ရိုင်းမှ
(မြန်မာသမိုင်း၊ အဖြစ်ရိုင်းမှ)
ရှိတိုင်းအမှန်၊ ထွန်းသစ်ပြန်သည်
တော်လှန်ရေး၏ ကျေးဇူးတည်း။ ။

မင်းသုဝဏ်

နတ်မောက် မင်းဘာမှထပ်မလုပ်နဲ့

နတ်မောက် မင်းဘာမှထပ်မလုပ်နဲ့
************************

နတ်မောက်
မင်းဘာမှ ထပ်မလုပ်နဲ့
ထိန်လင်း ကို
ငါတို့ဆီပေးပြီးကတည်းက
ဆယ်ကမ္ဘာစာလောက်
တာဝန်ကျေပြီ။

ခင်ကြည်
ညည်းယောင်္ကျားကို
သေချာကြည့်ထား
သမီးကလေး ခမည်းပေးဖို့
ရွှေကလေးတစ်ပဲတစ်မူးတောင်
အမေအိုဆီ
လက်ဖြန့်တဲ့လူသား
နိုင်ငံ့ခေါင်းဆောင်ငမွဲကို
ညည်းစိတ်ပျက်ချင်ပျက်
သမိုင်းက စိတ်မပျက်စေနဲ့ ။

ဗိုလ်ထွန်းလှ
ခင်ဗျားဆရာကိုကြည့်ပြောဦး
လမ်းဘေးမှာ အကြော်ဝင်စားနေတာ
နှောင်းလူတွေသိရင်
မျက်နှာမထားတတ်အောင်
ရှက်နေရှာဦးမယ် ။

ဆရာတော် ဦးသောဘိတ
ဒီတစ်ခါကြမ်းတမ်းမိလို့
ဒီကလေးကို မရိုက်ပါနဲ့
ရရင်ရ မရရင်ချဆိုတာ
ကျွန်တော်တို့အတွက်ပါဘုရား ။

ဦးဘဝင်း
ခင်ဗျားညီအငယ်ဆုံးလေးကို
ခွင့်လွှတ်ပေးပါ
သူပြောခိုင်းတဲ့
ရည်းစားစကားပြောပေးလိုက်ပါ
စစ်သားကြီးအသည်းက
ဆေးရုံပေါ်မှာ ကျန်ခဲ့ရင်
ကျွန်တော်တို့ပဲ နစ်နာကြမှာ ။

ရဲဘော်ကျော်စိန်
ခင်ဗျားကားမောင်းရင် သတိကို
ငယ်ထိပ်မှာကပ်ထား
ခင်ဗျားတင်မောင်းလာတာ
ကျွန်တော်တို့
အတိတ်ကြီး ပစ္စုပ္ပန်ကြီး
အနာဂတ်ကြီး ။

ဟေ့လူ
ပလေဒီယံရုပ်ရှင်ရုံမန်နေဂျာ
သူ့ဟာသူ
ငါးမူးတန်းကကြည့်ကြည့်
တစ်မတ်တန်းကကြည့်ကြည့်
သွားမတားပါနဲ့
ဘဝမှာ အပန်းဖြေနည်း
လက်တစ်ဖက်မပြည့်ခဲ့တဲ့သူ
စိတ်လွတ်ကိုယ်လွတ်ခံစားပါစေဗျ ။

ဗိုလ်မှူးကြီး ဆူဇူကီး
တွေ့တယ်မလား ခင်ဗျားကို
လက်ဆွဲနှုတ်ဆက်ရင်း
ခင်ဗျားကို တိုက်သင့်ရင်
တိုက်ရမှာပဲလို့ပြောခဲ့တဲ့
အညာသားလေးကို
အဲ့သတ္တိ အဲ့စကားကို
သေချာမှတ်ထား
နှောင်းမြန်မာတွေထဲမှာ
ပြောရဲတာ တစ်ကောင်မှမရှိဘူး ။

အမွိုင်
မင်းမြေကို သူနင်းလိုက်တော့
တွန့်မသွားဘူးလား အာရှတိုက်ရဲ့
ကြယ်တစ်လုံးကို နှစ်လလောက်
ထမ်းထားလိုက်ရတာ အခုထိ
ဂုဏ်ယူမဆုံးမဟုတ်လား ။

ဦးစော
ခင်ဗျားကို မေ့ထားပါ့မယ်
ခွင့်လွှတ်လို့တော့ မရသေးဘူး
ဒါပေမဲ့ မပူပါနဲ့
ဒီနေ့ခေတ်မှာလည်း ခင်ဗျားလို
လူတွေအများကြီးရယ် ။

မစ္စတာနေရူး
ခင်ဗျားသူ့ကို
လောင်းကုတ်ကြီးပေးလိုက်တာ
ကျေးဇူးတင်တယ်ဗျာ
အခု ကျွန်တော်တို့မှာ
ဒါကြီးခြုံပြီး နွေးနေရတာ ။

ပဲခူးဆောင်
ခင်ဗျားအခန်းထဲက
ကြမ်းပိုးတွေ
မောင်းမထုတ်လိုက်နဲ့
စာအုပ်ပုံကြီးကို ရှင်းမပစ်လိုက်နဲ့
မခေါက်ရသေးတဲ့ အဝတ်တွေ
တန်းပေါ်မချိတ်လိုက်နဲ့
သူဇိမ်နဲ့ မနေခဲ့လို့
ကျွန်တော်တို့ ဇိမ်နဲ့
နေနေရတာ ။

ညိုညိုစိန်
ညည်းတစ်သက်လုံး
မင်းသမီးလုပ်လာတာ
အနယ်နယ်အရပ်ရပ်
ရွှေဘိုညချမ်းကလို
သူရဲကောင်းမျိုးတွေ့ဖူးရဲ့လား
" ကျုပ်မှာ ကာမပိုင်နဲ့ဗျ " တဲ့
မိန်းကလေးတန်မဲ့
လက်ဆွဲကျီစယ်မယ့်
ညည်းတောင် ကြက်သီးဖြန်းဖြန်း
ထသွားရဲ့မဟုတ်လား ။

ဆြာစတက်ဖို့ကရစ်ပ်
သူ ခင်ဗျားအင်္ကျီအိတ်ကြီး
ပြဲသွားအောင် ဖောင်တိန်ကို
ဆွဲလုလိုက်တာ မအံ့သြပါနဲ့ ။
၃၂ နှစ်နဲ့ သေခဲ့တာတောင်
ကျွန်တော်တို့ နှလုံးသားတွေကို
သူအခုထိ ဆွဲလုနေနိုင်တုန်း ။

ဦးဌေးမြိုင် (သို့) ဒဂုန်တာရာ
(ဇွတ်ချစ်မယ်) ဆိုတဲ့
အချစ်သီချင်းအစား
စစ်ချီစစ်တက်သီချင်းတွေပဲ
သူက ကြားချင်တယ်ဆို
တီးပေးလိုက်ပါဗျ
နှလုံးသားမရှိတာမဟုတ်ပါဘူး
နှလုံးသားရှိလွန်းလို့ပါ ။

ဂျူပလီဟော
ကျေးဇူးပြုပြီး
ရွှေတိဂုံဘုရားလမ်းဘက်
လှည့်မထားပါနဲ့ ။
ခင်ဗျားကိုမြင်တိုင်း
မျက်ရည်ဝဲရင်း အလေးပြုမိလို့ ။

ရဲဘော်ကလေးတွေ
စိတ်မကောင်းမဖြစ်နဲ့
မင်းတို့ခေါင်းဆောင်ကြီးက
သူ့မင်္ဂလာဆောင်မှာ
တိုက်တွေ ကားတွေ လက်မဖွဲ့လို့
စိတ်ဆိုးမယ့် လူစားလား
" ငွေသော်တာရောင်ခြည်" ဆိုတာ
အရိုးသားဆုံး အပြုံးနဲ့
ပျော်နေခဲ့တာလေ ။

ပြည်ထဲရေးဝန်ကြီး ဦးမြ
ခင်ဗျား မှားတယ်
သူ့ရုံးခန်းရှေ့က တပ်စိတ်ကို
သူဘာပြောပြော
ပေကပ်ထားခဲ့ရမှာ
အခုတော့ ကျွန်တော်တို့မှာ
ပြောခွင့်မရှိတော့ ။

ကိူကျော့မောင်
သူ့မင်္ဂလာဆောင်မှာ
ရွှေကြိုးသွားတားတော့
ဆွဲယူလွှင့်ပစ်လိုက်တာ
စိတ်မကောင်းမဖြစ်ပါနဲ့
သူအပင်ပန်းခံ သင်ယူခဲ့တဲ့
ပညာတွေထဲမှာ အဲလို
အပိုဆာဒါးတွေ မပါဘူး ။

မေမြို့
ဝမ်းနည်းစိတ်ကို
ကျိတ်မှိတ်ထားတော့
နိုင်ငံရေးလောက က ထွက်ရင်
ခြံစိုက်မယ် စာရေးမယ် ဆိုတဲ့ သူ
ကျည်ဆန် ၁၃ တောင့်
စိုက်သွားပြီ ရေးလို့မကုန်အောင်
ကျွန်တော်တို့ ရေးနေရပြီ။

(ဟိန်း) '

ဘာတွေဖြစ်ကုန်ကြပြီလဲ

(၁)

အော်…… ဒုက္ခ ဒုက္ခ...
သူတို့ကြီးစိုးတဲ့ခေတ်မှာ... အာဇာနည်ဖြစ်ရတာ
မစားသာပါလားနော်။
တနှစ်တခါ ၀တ်ကျေတန်းကျေ အလေးပြုခံရ
ဥက္ကဌ ကြီး၏ လမ်းညွှန်မှုဖြင့်လို့
တလျှောက်လုံးအော်ခဲ့ပြီး
မအောင်မြင်ပဲကျဆုံးတော့မှ
ဗိုလ်ချုပ်အောင်ဆန်း လမ်းညွှန်ခဲ့တာပါလို့
လက်ညှိုးထိုး တရားခံ လုပ်ခံရ၏
သမီးအရင်းရင်း ခေါက်ခေါက်တောင်
လွတ်လွတ်လပ်လပ် ပန်းခွေချခွင့် မရ။

(၂)

ရွှေတိဂုံစေတီတော် ၀တ္တကမြေထဲမှာ
ကျူးကျော်ဆောက်လုပ်ထားလို့ဆိုပြီး
အာဇာနည်ဗိမာန်ကို
လှိုင်သာယာ ပို့မပစ်တာပဲ
ကျေးဇူးတင်ရမလိုလို
တိုင်းပြည်ကို ချစ်သောတပ်မတော်
မျိုးချစ်စိတ်ရှိသောတပ်မတော်
ပြည်သူကိုကာကွယ်ခဲ့သောတပ်မတော်
ဗမာပြည်ကိုကယ်တင်ခဲ့သောတပ်မတော်
သောက်ကျိုးနဲတော်တဲ့တပ်မတော်
လူတိုင်းပါးစပ်ဖျားက “ တော်တော် ” လို့
မြည်နေတဲ့တပ်မတော်
အိမ်ယာမဲ့တွေကို ရေမီးအစုံနဲ့
ပြည်လည်နေရာချထားပေးတာကိုပဲကြည့်
ဟုတ်တယ်လေ
မိုးတွင်းမှာရေကြီးတယ်
နွေမှာမီးလောင်တယ်
ဒါကရေမီးအစုံမဟုတ်ဘူးလား

(၃)

ဒီမိုကရေစီအရေးလှုပ်ရှားတဲ့
သံဃာတော်တွေကို သင်္ဃန်းဝတ်တွေတဲ့
ဘောင်းဘီဝတ်တွေကစွပ်စွဲတာလေ
ပြီးတော့သူတို့ပဲ
ဝါဆိုသင်္ဃန်းနဲ့ လာဘ်ထိုးတာ
နားမလည်နိုင်စရာ။
စစ်ကိုမုန်းလို့စစ်တိုက်နေရတာပါတဲ့
ပုံပြောကောင်းတဲ့ ပုဂ္ဂိုလ်ကြီးရဲ့စကား
ကြားဖူးပါတယ်အောက်မေ့နေ
လက်စသတ်တော့
စတားဝါး စီမံကိန်းကို
ကာကွယ်ပြောကြားသွားတဲ့
အမေရိကန် သမ္မတစကားနဲ့
သွားတူနေတာပါကလား
“ ရေဂင် ” အလုံးက
သူ့ပါးစပ်ထဲရောက်နေတာကိုး။
သတင်းစာဆရာကြီးများတဲ့အတိုင်း
မိမိတို့အနေဖြင့်
ဟ၀ှာပြုလျှင် ဟ၀ှာပြုမည်ဖြစ်ကြေင်း
ဟ၀ှာမပြုလျှင် ဟ၀ှာမပြုမည်ဖြစ်ကြောင်း
ထို့ကြောင့်
ဟ၀ှာပြုစေလိုကြောင်း…..
သတင်း(အချိန်ကုန်) ထုတ်ပြန်ရေးအဖွဲ့ရဲ့
ရှင်းလင်းချက်ပေါ့
ရှင်းပါတယ်နော်။

(၄)
ဟိုတယောက်လေ
တွေ့တဲ့လူကိုနေကောင်းလားမေးတဲ့လူ
ဟိုလက်ညှိုးထိုး ဒီလက်ညှိုးထိုး
ဘာမှလည်းနားမလည်ဘဲနဲ့
အဲဒါပေါ့
လက်ညှိုးညွှန်ရာဒုက္ခဖြစ်တယ်ဆိုတာ
လာပါပြီ…. လာပါပြီ….
နိုင်ငံတော်ပန်းခြံတည်ဆောက်ရေးအဖွဲ့
ဥက္ကဌတဲ့…..

(၅)

သူ့ရဲ့ အနှစ်ဆုံးဝါသနာက
မိန့်ခွန်းပြောခြင်းပါတဲ့
“ ကိုယ်မပြောချင်ဘူး
ဒါပေမယ့်ပြောသင့်တာတော့ပြောမယ်
အဲဒါကဘာလဲဆိုရင်
ကိုယ်မပြောချင်ဘူး ဆိုတာပဲ ” တဲ့
မှတ်သားလောက်ပါပေရဲ့
“ ကိုယ်တို့အစိုးရဟာ တရားဝင်အစိုးရ
ကမ္ဘာကအသိအမှတ်ပြုထားတဲ့အစိုးရတဲ့
ဟုတ်ကဲ့
ကမ္ဘာမှာ အရှက်အနည်းဆုံးအစိုးရလို့
တညီတညွတ်ထဲ အသိအမှတ်ပြုကြပါသတဲ့
တိတိကျကျ မှန်မှန်ကန်ကန် မြန်မြန်ဆန်ဆန်
လုပ်ဆိုတဲ့အထဲမှာ
အခြေခံဥပဒေနဲ့
အာဏာလွှဲပြောင်းရေးတော့မပါဘူးတဲ့
အခြေခံဥပဒေဆိုတာ
မာရှယ်လောဥပဒေလို
ချက်ချင်းထုတ်လို့ရတာမဟုတ်ဘူးတဲ့
အာဏာလွှဲတယ်ဆိုတာ
အာဏာသိမ်းသလို
ပြီးစလွယ် လုပ်လို့မရဘူးတဲ့

(၆)

ဒါပေမယ့်
လွှဲမှာပါ.. လွှဲမှာပါ..
ပုခက်လွှဲသလို လွှဲမှာပါ
ဒေါက်တာမောင်မောင် စာအုပ်ဖတ်ကြည့်
ဆရာမောင်မောင်ရဲ့ စာအုပ်ကိုကြည့်တဲ့
တခါလာလဲ ဒေါက်တာမောင်မောင်
တခါလာလဲ ဒေါက်တာမောင်မောင်
စာအုပ်ကြော်ငြာပေးတာလား
ဒါဆိုဒီလိုလုပ်လေ
ဆရာမောင်မောင်ရဲ့စာအုပ်တအုပ်ဝယ်ရင်
ဆရာမောင်ဆေးနီမှုန့်တထုပ်
လက်ဆောင်ပေးမယ်ဆိုရင် မကောင်းဘူးလား
သိပ်ရောင်းကောင်းမယ်နော်။
ဒါနဲ့နေစမ်းပါအုံး
မိန့်ခွန်းပြောရင် ဘာဖြစ်လို့ရယ်တာလဲဟင်
သွားကြီးဖြဲဖြဲပြတာ ကြောက်စရာကြီး
ရှေးက ကဗျာတပုဒ်ထဲက
စာကြောင်းတကြောင်း သတိရမိတယ်
“ ဘီလူးသွားကို လဖြဲ ” တည်းတဲ့
နိဂုံးချုပ်အားဖြင့်ပြောရရင်
တပ်မတော်ရဲ့
လက်ငင်းတာဝန်ကြီး သုံးရပ်ကတော့
“ ဒို့အဖေကြီးမို့ကာကွယ်မလေ
ဒို့အဖေကြီးမို့ကာကွယ်မလေ
ဒို့အဖေကြီးမို့ကာကွယ်မလေ ”
အလိုဗျာ…. ဘာတွေဖြစ်ကုန်ကြပြီလဲ

မင်းလူ(၁၉၈၉)

ကျွန်

ကျွန်
-----
ရှေးရှေးတုန်းကတော့
နယ်ချဲ့ တွေက ကျွန်ပြုဖို့ ကျွန်တော်တို့ ဆီကိုလာတယ်။
ဒီဘက်ခေတ်မှာတော့
ကျွန်ခံဖို့ ကျွန်တော်တို့ ကိုယ်တိုင် ခရီးထွက်ရတယ်။
လူဖြစ်ပေမယ့် ရွေးချယ်ခွင့်က မရှိခဲ့ဘူး အမေရယ်။

ကျွန်တော့် အဖြစ်က
အိပ်မက်ထဲက ကမ္ဘာကို
ကျွန်ရွာ....မှာမှ သွားရှာမိတဲ့ အဖြစ်။

သေရင် မြေကြီးဆိုတာကတော့ မှန်ပါတယ်။
ရှင်ရင်တော့ မစို့ မပို့ ငွေလေးက ကျွန်တော်တို့ အတွက်ရွှေထီးပေါ့။

တရွာပြောင်းပေမယ့် သူကောင်းတော့ မဖြစ်ခဲ့ပါဘူး။
ကျွန်တော ကတော့ ကျွန် ...ပဲဖြစ်ခဲ့တယ်။
ကြောက်ရင်လွဲ ရဲ.....ရင်...မင်းဖြစ်သတဲ့။
ကျွန်တော်… အမေနဲ့ ညီမလေးတွေအတွက် ရဲ...ခဲ့ပါတယ်။
ကျွန်ပဲ ဖြစ်နေသေးတယ် အမေ။
ကျွန်တော့်ရဲ့  ရဲရင့်မှုတွေကပဲ နေရာလွဲခဲ့လို့ လား။

ကိုယ့်အခွင့်အရေးကို သိဖို့ နေနေသာသာ
တစ်ချို့ သူငယ်ချင်းတွေဆို ကိုယ့် အသက်ဘယ်လောက်ရှိမှန်းတောင် မသိရှာဘူး။
တချို့ ကလေးတွေဆို မြန်မာ နာမည်တောင် မရှိရှာဘူး။
ဘော(့စ်) ဆိုသူတွေ ပေးတဲ့နာမည်တွေ ပဲ ရှိကြတယ်။

အမေပြောတော့ အလုပ်လုပ်ရင် ကြီးပွါးမယ်ဆို။
အလုပ်လုပ်လေ ပိုခိုင်းလေလေပဲ အမေ။
ကျွန်ဖြစ်လေလေပဲ အမေရဲ့ ။
လူအချင်းချင်းဆိုတဲ့ အသိ
သူတို့ မှာ မရှိဘူး အမေ။
သွေးစုပ်ဖို့ ပဲ သူတို့ သိတယ်။

အမေရယ်
ကျွန်တော်လည်း အစကတော့
ချစ်သူရဲ့ မျက်နှာသုတ်ပုဝါလောက် ဖြစ်ဖို့ မှန်းပြီးထွက်ခဲ့တာပေါ့။
အခု ဖြစ်လာတာက အားလုံးရဲ့ ခြေသုတ်ပုဆိုး
မရှိသေးတဲ့ အစွယ်တောင် ကျိုးခဲ့ပြီ်။

ခုတော့
ကျွန်တော့် အသည်းနှလုံးကလည်း
ကျွန်အချင်းချင်တောင်
ပြန်မစုပ်ချင်တဲ့ သရက်စေ့ တစ်စေ့ပေါ့။

ကိုယ့်ကိုယ်ကို ကျွန်လို့ သုံးလို့ 
မငိုလိုက်ပါနဲ့ အမေရယ်။
သူတို့ ဒေါသလေးတစ်ချက်ထွက်ရုံနဲ့ 
ရာဘာခင်းထဲ ရက်ရက်စက်စက် အသတ်ခံရနိုင်တာဆိုတော့
ကျွန်တော်တို့ အသက်တစ်ချောင်းက
ရာဘာပင် တစ်ပင်လောက်တောင်တန်ဖိုးမရှိဘူးအမေ။
သူတို့ အချစ်တော် ကြောင်တစ်ကောင်လောက်တောင် တန်ဖိုး မရှိဘူး။
ဒါကို ကိုယ့်ကိုယ်ကို သခင်လို့ 
မျက်လုံးစုံမှိတ်ပြီး ကြွေးကျော်နေရမှာလား။
အနာရှိတာကို လက်ခံမှ ဆေးထည့်လို့ ရမှာပေါ့ အမေ။

လူတွေ ပြောတော့
မြန်မာ အချင်းချင်း ရိုင်းပင်းတယ်ဆို။
ကောင်းတဲ့သူတွေ လည်း အများကြီး ရှိပါတယ်။
တချို့ ကတော့ တော်တော့်ကိုဆိုးတယ်။
ကျွန်တော်တို့ ရွှေလို့့ခြုံငုံခေါ်နေတဲ့အထဲက တစ်ချို့ ကပဲ
အချင်းချင်း ရောင်းစားနေကြတာ အမေ။
တိုင်းပြည်မီးလောင်လို့ 
အချင်းချင်းချနင်းရက်တာလား။
ဘာပဲဖြစ်ဖြစ် သူတို့ လူစိတ်မရှိတာ ကတော့
သေချာပါတယ်။
ရွှေဆိုတဲ့ စကားလုံးက
အကုန်လုံးနဲ့ တော့မတန်ဘူး အမေ။
သူတို့ ကို ရွှေစာရင်းထဲက ကျွန်တော်ထုတ်တယ်။

ဟိုတလောက စာအုပ်ထဲမှာ ဖတ်လိုက်ရတယ်အမေ။
လင်ကွန်းဆိုတဲ့ သူက ကျွန်စနစ် ပပျောက်အောင်လုပ်ပေးခဲ့သတဲ့။
ဘယ်မှာ ဟုတ်လို့ လဲ အမေရယ်။
သားတို့ ကိုလာကြည့်စမ်းပါ။
သူလုပ်နိုင်ခဲ့တာ သူ့ နိုင်ငံကွက်ကွက်လေးပဲ
သူ့ ကိုလေးစားပေမယ့်
ကျွန်တော်တို့ အတွက်တော့ သူက
သမိုင်းတင်လောက်အောင် မစွမ်းသေးပါဘူးအမေရယ်။

လူ့ အဖြစ်က ရခဲတယ်ဆို။
ရခဲ တာပဲ ကောင်းပါတယ် အမေ။
ကျွန်တော် လူမဖြစ်ချင်တော့ဘူး။
ကျွန်တော် ငှက်တွေကို ငေးကြည့်မိတယ် အမေ။
ငှက်အချင်းချင်း အမျိုးအနွယ်မတူလို့ ရက်စက်ကြတာမရှိဘူးအမေ။
ငှက်တွေမှာ ပြည်တွင်းစစ်မရှိဘူး။
ငှက်တွေမှာ ဘာသာရေး အဓိကရုဏ်းတွေ မရှိဘူး။
ငှက်တွေမှာ ကိုယ့်အသိုက်အမြုံကို ဗိုလ်ကျပြီး အတင်းရွှေ့ ခိုင်းတာမျိုး မရှိဘူး။
ငှက်တွေ ကံဆိုးမိုးမှောင်ကျပြီး လှောင်အိမ်ထဲမှာ နေရရင်တောင်
သူတို့ သခင်က သူတို့ ကို အချစ်နဲ့ လှောင်ထားတာ။
ကျွန်တော်တို့ ကတော့ အမုန်းနဲ့ လှောင်ထားခြင်းခံရတယ်။
မေတ္တာ အရမ်းငတ်တယ် အမေရယ်။

ကမ္ဘာ့ ခေါင်းဆောင်တွေကလည်း
ကျွန်တော်တို့ ငိုသံတွေ ဘယ်လောက်ကျယ်ကျယ်
အမျိုးသား အကျိုးစီးပွါးဆိုတဲ့ စကားလုံးအောက်မှာ
နားမကြားကြဘူး ထင်ပါရဲ့ ။

လူ့ အခွင့်အရေးဆိုတဲ့ ပန်းဟာ
ဖိနှိပ်သူတွေရဲ့ နှုတ်ခမ်းမှာ မပွင့်ဘူး အမေ။
ကျွန်စနစ်ဟာ
စာရွက်ပေါ်မှာတောင်မှ
မပပျောက်သေးပါဘူး အမေရယ်။

ကောင်းကင်ကို

" ဒေါ်လာစား"

" ဒေါ်လာစား"
~~~~~~~~~~~~~~~~~~~~~

ဒေါ်လာတွေရတာပဲ
မကြည့်နဲ့
စိတ်ညစ်ရင်
ဘယ်သူ့မျက်နှာပြေးကြည့်ရမှန်းမသိဘူး

ဖျားတာ နာတာလား
အပြင်းဖျားဖို့စိတ်မကူးနဲ့
ကိုယ့်ခြေကိုယ့်လက်နိုင်အောင်ကြိုးစား
ဆေးခန်းကိုယ့်ပါသာသွား
ကိုယ်စားမဲ့ဆန်ပြုတ် ကိုယ့်ပါသာပြုတ်
ဆေး..ကိုယ့်ပါသာသောက်နိုင်အောင်ကြိုးစားထား
ရက်ဆက်ဖျားမယ် စိတ်မကူးနဲ့
ဘယ်သူမှ တစ်ရက်ထက်ပိုပြီး
လာကြည့်မပေးနိုင်ဘူး

အလုပ်ကအပြန်မိုးချုပ်
ဗိုက်ဆာသလား
အရသာရှိရှိမရှိရှိ
အပြင်မှာဝယ်စား
ဒါမှမဟုတ် မြန်ဆန်လွယ်ကူခေါက်ဆွဲပြုတ်

တခါတခါ
စကားပြောဖော်
ငွေထက်ရှားတယ်
အခန်းဖော်လား
လူချင်းတူတိုင်း
ပေါင်းလို့ရတာမဟုတ်ဘူး
လမ်းချင်းတူမှသွားလို့ရသလို
စိတ်ချင်းတူမှပြောလို့ရတယ်

ချစ်သူ
ကြေကွဲစရာပေါ့
ကိုယ်အားချိန်နဲ့သူအားချိန်လွဲ
အလွဲပေါင်းများစွာနဲ့
ကြာတော့ရင်ခွင်တွေလွဲခဲ့ရတယ်

ဖုန်း
လက်တော့
အိုင်ပတ်
သက်မဲ့ပစ္စည်းတွေလေ
အထီးကျန်ချိန်
အကောင်းဆုံးအဖော်တွေ
သူတို့တွေရှိလို့တခါတခါ
ရူးမသွားတာ..

ငွေမရှိလို့မဖြစ်ဘူး
အဲဒီအတွက်ရှာကြတယ်
နှစ်အချိန်ကြာ
ရင်းနှီးရတယ်
ပျိုမြစ်မှုတွေ
လတ်ဆတ်မှုတွေ
ပျော်ရွှင်မှုတွေ
ပြန်တွေ့ခွင့်တောင်မရ
တဖြုတ်ဖြုတ်ကြွေသွားတဲ့သွေးရင်းသားရင်းတွေ
ငွေအတွက် အရင်းအနှီးကြီးခဲ့ရတယ်

အဲဒီလိုနဲ့
ဘဝအမောကြား
လူချင်းတွေ့ရင်တောင်
ပြုံးရီပြဖို့မေ့
တခါတခါ ရီနိုင်ဖို့
ဟာသကားတွေကြည့်ကူရတယ်

ဘဝက ရထားပေါ်
ကားပေါ်
သုတ်သုတ်ပြေး
သုတ်သုတ်ပြန်
မိုးလင်းမျက်နှာသစ်အလုပ်သွား
ပြန်လာအိပ်ယာဝင်
ဒါ တနေ့တာဖြစ်စဉ်
နှစ်ပေါင်းများစွာဖြစ်စဉ်

ရင်မနာပေမဲ့
အကြင်နာတွေနဲ့ဝေးခဲ့ကြတယ်
ပြန်မပြင်ချင်ပေမဲ့
မေတ္တာတွေနဲ့ဝေးခဲ့ကြတယ်

ဒါဘဝတခု
တခါတခါ
ဝမ်းနည်းသလိုရှိပေမဲ့
လကုန်ငွေလွှဲတဲ့အခါ
မိဘတွေရဲ့စကားသံ
သားရေ သမီးရေ
လွှဲလိုက်တဲ့ပိုက်ဆံရပြီ
ညီ ညီမလေးတွေရဲ့ပျော်ရွှင်သံ
ကိုကြိး မကြိး
ညီတို့ ညီမတို့ဒါဝယ်မယ်နော်

အဲလိုမေတ္တာစကားသံတွေနဲ့
ဘဝရဲ့ နေ့ရက်များအား
ပီတိကိုစား
ကျနော်တို့.တွေ အားရှိခဲ့ကြတယ်

ခင်မင်လျက်
ကောင်ကလေး

အမလေး ရှား

အမလေး ရှား
~~~~~~~~

ငါ ပြန်ခဲ့မယ်....
ဝဖီးနေတဲ့ အာရှကျား ခံတွင်းဝက_
မေဒေး မသိတဲ့ သူဌေးကြီး ဖ၀ါးအောက်က_
တစ်နေ့ ၁၂ နာရီ အလုပ်လုပ်ရတဲ့ စက်ရုပ်ဘ၀က_
တစ်နေ့အလုပ်ပျက်ရင် ၃ ရက်စာ လုပ်ခ ဖြတ်တဲ့ ဘူဇွာ ဥပဒေအောက်က_
လူကို လေချွန်ပြီးခေါ် ခြေထောက်နဲ့ ထိုးပြပြီး ခိုင်းတတ်တဲ့ ယဉ်ကျေးမှုကြားက_

အလုပ်ရှင်သူဌေးကို ကြောက်ရ_
လမ်းထွက်ရင် ရဲကိုကြောက်ရ_
အိမ်မှာ ညအိပ်ရင် အော်ပရာစီ ကြောက်ရ_
ပွဲစား လူလိမ်၊ ဂိုဏ်းစတား ၊အိန္ဒိယ
ရဲ ရေလာ ဖာသယ် အရက်အတု_
အမလေး ရှား နေရတဲ့ဘ၀
..........ထွီ...............
ဘုရင့်နောင်ကို အားနာပါရဲ့..
ဦးအောင်ဇေယျရေ တောင်းပန်ပါတယ်...
အာရှ ကျားတွေသနားမှ ချမ်းသာရမယ့်....
အာရှ နွားဘ၀မို့ပါ....
ဒါလေး ၀ရိန်ဆော်ပြီးရင်
ဒီကဗျာကို ဆက်ရေးပါ့မယ်...
ဒီတစ်လ အကြွေးကျေရင်တော့.....
စိတ်ချ......
စိတ်ချ......
မုတ်သုန်မိုးနဲ့ အတူ ငါပြန်ခဲ့မယ်...။
ကျော် န၀ဒေး(ခေတ္တ..မလေးရှား)
၁၅ .၆. ၂၀၁၃

INVICTUS အနိုင်မခံ

INVICTUSအနိုင်မခံ(ဗိုလ်ချုပ်အောင်ဆန်း)

မူရင်း W.E.Henley ၏ Invictus

ငါ့အား ဖုံးလွှမ်းထားသော လကွယ်သန်းခေါင်၊ ဤမှောင်မိုက်တွင်းမှနေ၍ အနိုင်မခံ အရှုံးမပေးတတ် သော ငါ၏ စိတ်ဓာတ်ကို ဖန်ဆင်းပေးသည့် နတ်သိကြားတို့အား ငါကျေးဇူးတင်၏။

Out of the Night that covers me, black as the pit from pole to pole. I think what ever Gods may be for My unconquerable soul.
လောကဓံ တရားတို့၏ရက်စက်ကြမ်းကြုတ်သော လက်ဆုပ်တွင်းသို့ ကျရောက်နေရငြားသော်လည်း ငါ ကား မတုန်လှုပ်၊ မငိုကြွေး၊ ကံတရား၏ရိုက်ပုတ်ခြင်းဒဏ်ချက်တို့ကြောင့် ငါ၏ဦးခေါင်းသည် သွေးသံတို့ ဖြင့် ရဲရဲနီ၏။ ညွှတ်ကား မညွှတ်။

In the fell clutch of circumatance I have not winced nor cried aloud. Under the bludgeoniñG of chance My head is bloody, but unbowed. Beyond the place of wrath and tears, Loom but the horror of the shade.

ဤလောဘဒေါသတို့ ကြီးစိုးရာဌာန၏ အခြားမဲ့၌ကား သေခြင်းတရားသည် ကြောက်မယ်ဖွယ်ရာ ငံ့လင့် လျက် ရှိ၏။ သို့သော် ငါ့အားမတုန်လှုပ်သည်ကိုသာ တွေ့ရအံ့။ နောင်ကိုလည်း ဘယ်တော့မှ မကြောက် သည် ကိုသာ တွေ့ရအံ့။

And yet the menace of the years finds and shall find me unafraid.

သုဂတိသို့ သွားရာတံခါးဝသည် မည်မျှကျဉ်းမြောင်းသည်ဖြစ်စေ၊ ယမမင်း၏ခွေးရေပရပိုက်၌ ငါ့အပြစ် တို့ကို မည်မျှပင်များစွာ မှတ်သားထားသည်ဖြစ်စေ၊ ငါကား ဂရုမပြု။

It matters not how strait the gate, how charged with punishments in the scroll.

ငါသာလျှင် ငါ့ကံ၏အရှင်သခင်ဖြစ်၍ ငါသာလျှင် ငါ့စိတ်၏အကြီးအကဲဖြစ်သတည်း။

I am the master of my fate. I am the captain of my soul.

သခင်အောင်ဆန်း
Bogyoke Aung San

Followers အားပေးသူများ အထူး အထူးပဲ ကျေးဇူးတင်ပါသည်။

✩✩ ✩ ✩ ✩ ✩ ✩သီချင်းချစ်သူ ✪ မှ ✪ သီချင်းချစ်သူသို့✩ ✩ ✩ ✩ ✩ ✩✩

Facebook မှာ ဖတ်ချင်ရင် Like တစ်ချက်လောက် နဲ့ အားပေးနိုင်ပါသည်

Wednesday, April 12, 2017

သေးငယ်ပြီးအောင်မြင်နေသောနိုင်ငံများ

No comments:

Post a Comment