ကောင်မလေးတစ်ယောက်ရဲ့ဘူတာရုံ

 

Nine Nine Sanay @ နိုင်းနိုင်းစနေ

 

ကောင်မလေးတစ်ယောက်ရဲ့ဘူတာရုံ
----------------
ဂျပန်နိုင်ငံစံတော်ချိန် ၂ဝ၁၆ခုနှစ် မတ်လ ၂၅ရက်နေ့ ညနေ၁နာရီခွဲမှာ ဟိုးအဝေးAsahikawa ကိုသွားမယ့်ရထားဟာ ဘူတာရုံကနေ စတင်ထွက်ခွာသွားပါတယ်။ ဒီရထားက စီးသူနည်းပါးတဲ့၊ လူသူမရှိသလောက်ရှားပါးတဲ့ Kyū-Shiratakiဘူတာမှာ နောက်ဆုံးအကြိမ်ရပ်နားမှာဖြစ်ပါတယ်။

Kyū-Shirataki ဘူတာထက် ဒီဘူတာကို “ကောင်မလေးတစ်ယောက်ရဲ့ဘူတာ” အဖြစ် လူသိများပါတယ်။ လွန်ခဲ့တဲ့သုံးနှစ်ကျော်က ရထားစီးသူတွေနည်းပါးတဲ့အတွက် ဂျပန် Hokkaido ရထားသယ်ယူပို့ဆောင်ရေးဌာနက ဒီဘူတာရုံကိုပိတ်လိုက်ဖို့ ဆုံးဖြတ်ခဲ့ကြတယ်။ ဒါပေမယ့် အဲဒီဒေသမှာနေထိုင်တဲ့ Harada Kana လို့ခေါ်တဲ့ ကောင်မလေးတစ်ယောက်က အထက်တန်းကျောင်းစတက်ချိန်မို့ နေ့တိုင်းရထားစီးဖို့ လိုအပ်လာခဲ့ပါတယ်။ နယ်ခံပြည်သူတွေရဲ့တောင်းဆိုမှုကြောင့် ရထားကုမ္ပဏီက တစ်ဦးတည်းသော ဒီရထားစီးသူအတွက် ဘူတာရုံကိုဆက်လက်ဖွင့်ထားခဲ့ပါတယ်။

အဲဒီနေ့က ရထားဟာ ဘူတာရုံနဲ့တဖြည်းဖြည်းနီးကပ်လာခဲ့ပါတယ်။ မကြာခင် နှင်းကျပါတော့မယ်။ အနက်ရောင်တောအုပ်၊ တောင်တန်းတွေနဲ့ အဖြူရောင်နှင်းတွေက ရထားပြတင်းပေါက်အပြင်ဘက်မှာ တမျှော်တခေါ်ဖြန့်ခင်းထားပါတယ်။

ဒီသုံးနှစ်တာကာလအတွင်းမှာ Haradaက ဒီဘူတာလေးရဲ့အနီးနားမှာနေထိုင်တဲ့ တစ်ဦးတည်းသော အထက်တန်းကျောင်းသူဖြစ်တယ်။

မနက်တိုင်း ဖခင်ဖြစ်သူက လယ်ထဲကအလုပ်တွေပြီးစီးတာနဲ့ ကားမောင်းပြီး သမီးကို ရထားဘူတာဆီ အချိန်မှန်ပို့ပါတယ်။ ၅မိနစ်လောက်စာဒီခရီးကို ဖခင်က အရမ်းတန်ဖိုးထားခဲ့တယ်။

“ဒီရထားဘူတာလေးက ကျွန်တော်တို့သားအမိကိုစကားတွေပြောဖို့ တန်ဖိုးရှိတဲ့အချိန်တွေပေးခဲ့ပါတယ်”

Harada အထက်တန်းအောင်လက်မှတ်သွားယူတဲ့နေ့က အိမ်နီးနားချင်းတွေအားလုံး ဂုဏ်ပြုခဲ့ကြတယ်။ သူတို့တတွေအားလုံး ဘူတာရုံဆီလာရောက်ပြီး “နောက်ဆုံးအထက်တန်းကျောင်းသူ” ကို လက်ပြနှုတ်ဆက်ခဲ့ကြတယ်။

“တင်း…တင်း…”

လမ်းဆုံမှာ ခေါင်းလောင်သံမြည်လာခဲ့ပြန်ပါပြီ။ ရထားက ဘူတာရုံဆီ တဖြည်းဖြည်းချဉ်းကပ်လာခဲ့ပါတယ်။ ဒီလိုအသံမျိုးက ဒီနှင်းတောထဲမှာ နှစ် ၇ဝနီးပါး လူးလားခေါက်ပြန်ခဲ့ပါတယ်။ ဒီကနေ့က သူ့ရဲ့နောက်ဆုံးအကြိမ်ဖြစ်တယ်။ ရထားသံလမ်းစွဲလမ်းသူနဲ့ သတင်းထောက်တွေလည်း ဒီဘူတာရုံဆီလာရောက်ကြပြီး ဘူတာရုံဆီ ရထားနောက်ဆုံးဝင်ရောက်ဆိုက်ကပ်ပုံကို အမီအရ ရိုက်ယူနေခဲ့ကြပါတယ်။

လွန်ခဲ့တဲ့ ၃နှစ်တာကာလမှာ နှင်းပြင်းပြင်းထန်ထန်ကျတဲ့ နေ့ရက်တွေကလွဲလို့ ရထားဟာ Harada အတွက် မနက် ၇နာရီ ၁၅မိနစ်မှာ အချိန်မှန်ဆိုက်ရောက်လာခဲ့ပါတယ်။ မနက်ပိုင်းရထားက ရထားတွဲနှစ်တွဲသာရှိတဲ့ အထက်တန်းကျောင်းသူ ၁ဝဦးလောက်သာပါတဲ့ ရထားဖြစ်ပါတယ်။ မြို့ပြက ရထားတွေလို တိုးစီးစရာမလိုတဲ့ ဒီရထားပေါ်မှာ ကျောင်းသူကျောင်းသားတွေဟာ ကိုယ်တိုင်နေရာတွေ သတ်မှတ်ထားကြတယ်။ မနက်တိုင်း ရထားရောက်လာတာနဲ့ Harada က သူထိုင်နေကျ ပထမတွဲရဲ့နောက်ဆုံးတန်းတစ်နေရာမှာ ထိုင်လေ့ရှိခဲ့တယ်။

ဘူတာရုံမှာ နောက်ဆုံးအကြိမ်ရထားဆိုက်ကပ်မယ့် မတ်လ ၂၅ရက်နေ့ ညနေ ၂နာရီ ၇မိနစ်မှာ ရထားဟာ ဘူတာရုံဆီ အချိန်မှန်ရောက်လာခဲ့ပါတယ်။ ရထားအပြင်ဘက်မှာ ဘူတာရုံပိတ်အခမ်းအနားကို ကိုယ်တိုင်ကျင်းပမယ့် ပြည်သူတွေက စီတန်းပြီးလက်ပြနေကြပါတယ်။ ဘူတာနဲ့ ရထားကြားမှာ ဆိုင်းဘုတ်ကြီးတစ်ခုကို သူတို့ထောင်ထားကြပါတယ်။ ဆိုင်းဘုတ်ပေါ်မှာ ရေးထားတာက “Kyū-Shirataki… ၆၉နှစ်တာကာလအတွက် အထူးကျေးဇူးတင်ပါတယ်” ဆိုတာဖြစ်တယ်။

ဒီဘူတာရုံနဲ့ရထားက Harada အတွက် တမင်ဆောက်လုပ်ပေးထားတာလို့ တချို့က အထင်မှားကြတယ်။ တကယ်တော့ ဆိုင်းဘုတ်ပေါ်မှာရေးထားတဲ့အတိုင်းပဲ ဒီဘူတာဟာ ဒီနေရာမှာရှိနေခဲ့တဲ့ နှစ် ၇ဝနီးနီးရှိခဲ့ပါပြီ။ ဘူတာလေးဟာ ဒီအထက်တန်းသူကောင်မလေးနဲ့ ရေစက်ရှိရုံတင်မက နယ်ခံပြည်သူတွေနဲ့လည်း နုနယ်ပျိုမြစ်တဲ့အချိန်အခါတွေ အတူဖြတ်သန်းခဲ့ကြပါတယ်။

အသက် ၆၃နှစ်ရှိပြီဖြစ်တဲ့ Dan Yu က ဒီဘူတာလေးဟာ သူ့မိဘနဲ့ ရွာသူတွေ တက်ညီလက်ညီဆောက်လုပ်ခဲ့တာလို့ ပြန်ပြောင်းပြောပါတယ်။

အသက်၂ဝအရွယ်ကစ Dan Yu ဟာ ဒီဘူတာလေးမှာ နှင်းတွေလှဲကျင်းခဲ့ပါတယ်။ အခုဆိုရင် ၄၃နှစ်တောင်ရှိသွားခဲ့ပါပြီ။ သူလည်းတစ်ချိန်က အထက်တန်းကျောင်းသူတစ်ဦးဖြစ်ခဲ့ပြီး ဒီဘူတာကနေပဲ နေ့စဉ်ရထားစီးကျောင်းသွားတက်ခဲ့ပါတယ်။

ဘူတာမပိတ်ခင်ရှေ့တစ်ရက်မှာ Dan Yu ဟာ ရထားလိုက်စီးရင်း “ဒါဟာ နောက်ဆုံးအကြိမ်ပဲလေ” လို့ စိတ်မကောင်းစွာပြောခဲ့ပါတယ်။ ရထားပြတင်းပေါက်အပြင်ဘက်မှာ နှင်းထုတွေက အရင်အတိုင်းပဲ… သူ့မျက်ဝန်းမှာတော့ မျက်ရည်တွေရစ်ဝဲလို့။

ဒီကနေ့မှာ Kyū-Shiratakiဘူတာအနီး နေထိုင်ကြသူတွေ အိမ်ခြေပေါင်း ၅ဝခန့်ရှိပါတယ်။ အားလုံးက Dan Yuလိုပဲ လူလတ်ပိုင်းလူအိုတွေပါ။ သူတို့က သူတို့မိဘတွေနဲ့အတူ ဒီနေရာကိုရောက်လာခဲ့ကြတယ်။ ကျောင်းတက်ခဲ့ကြတယ်။ ခုချိန်မှာတော့ ဆံဖြူအိုမင်းတဲ့အရွယ်ရောက်ခဲ့ပါပြီ။ သူတို့မျိုးဆက်ရဲ့နောက်မျိုးဆက်တွေမှာ လူငယ်လူရွယ်တွေနည်းနည်းလာခဲ့လို့ ဘူတာရုံလေးလည်း တိတ်ဆိတ်ခြောက်ကပ်လာခဲ့တယ်။ ဒီနှင်းလွင်ပြင်ရဲ့အခြားတစ်ဘက်မှာ စက်မှုနည်းပညာတွေက မြန်မြန်ဆန်ဆန် ဖွံ့ဖြိုးတိုးတက်နေပါတယ်။

မတ်လ ၂၆ရက် ဒီဘူတာရုံကိုထာဝရပိတ်နားပြီးတဲ့ ဒုတိယနေ့မှာပဲ Honshu ကျွန်းကနေ Hakodate မြို့ကိုဆက်သွယ်တဲ့ သံလမ်းအသစ်စတင်ဖွင့်လှစ်ပါတယ်။ ရာသီဥတုဆိုးရွားတဲ့ Hokkaido မြို့မှာ မြန်နှုန်းမြင့်သံလမ်းပို့ဆောင်ရေးသမိုင်းသစ်ကို ဖွင့်လှစ်နိုင်ခဲ့ပါတယ်။

၂ဝ၁၆ခုနှစ် ဧပြီလမှာပဲ Harada က ဆိတ်ငြိမ်အေးချမ်းတဲ့ သူ့ရွာလေးနဲ့ ဘူတာရုံလေးကိုနှုတ်ဆက်ပြီး ရထားသံလမ်းဖွံ့ဖြိုးတိုးတက်တဲ့ တိုဂျိုတက္ကသိုလ်မှာ ပညာဆက်သင်ဖို့ သွားရောက်ခဲ့ပါတယ်။

အထက်တန်းတုန်းက မြို့ပြကြီးပေါ်သူရောက်ခဲ့ဖူးပါတယ်။ ရှေ့ရထားတစ်စီးကိုမမီပေမယ့် မိနစ်ပိုင်းအတွင်းမှာ နောက်ရထားတစ်စီးဆိုက်ရောက်လာလို့ “သိပ်မိုက်တယ်” လို့ သူထင်ခဲ့ဖူးပါတယ်။ ဒါဟာ တစ်ရက်မှာ ရထားလေးစီးသာဖြတ်သန်းသွားတဲ့ Kyū-Shiratakiဘူတာနဲ့ တခြားစီပါပဲ။ မြို့ပြကြီးမှာ အမြန်ရထား၊ ကျည်ဆန်ရထားတွေစီးရင်း Harada အံ့သြဝမ်းသာရသလို စိုးရိမ်စိတ်လည်းဖြစ်မိပါတယ်။

“ရထားသံလမ်းတွေ ဒီလောက်များတာ ရထားမောင်းသူတွေ ကိုယ့်လမ်းကြောင်းကို မှတ်ရောမှတ်မိရဲ့လားလို့ စိုးရိမ်စိတ်ဖြစ်မိပါတယ်”

ဘူတာမှာ ရထားဆယ်မိနစ်ခန့်ရပ်ပြီးနောက် ဖြည်းဖြည်းချင်း Kyū-Shiratakiဘူတာကနေ ထွက်ခွာသွားခဲ့ပါတယ်။ ဒီတစ်ကြိမ်မှာတော့ ရထားတွဲပေါ်မှာ Haradaရဲ့အရိပ်အယောင်ရှိမနေခဲ့တော့ပါဘူး။ တစ်ချိန်တစ်ခါတုန်းက ဒီရထားဟာ ဘူတာမှာရပ်နားပြီး ဒီ့ထက်ပိုကျယ်ပြောတဲ့ လောကကြီးတစ်ခုဆီကိုသွားမယ့် ကောင်မလေးတစ်ယောက်ကို ရပ်စောင့်ပြီး သယ်ဆောင်သွားခဲ့ဖူးပါတယ်။ တွေ့ကြုံဆုံကွဲဖြတ်သန်းမှုနဲ့ ကြီးပြင်းအိုမင်းမှုတွေကို တွေ့ကြုံခဲ့ဖူးတဲ့ဒီဘူတာရုံလေးဟာ လောကကြီးကိုထွက်ခွာသွားတော့မယ့် လူအိုတစ်ယောက်လိုပါပဲ…. ဧပြီလကုန်ရင် နှင်းထုတွေအရည်ပျော်တဲ့အခါ ဒီဘူတာရုံကို ဖြိုဖျက်ပစ်ကြမှာမို့ပါ။

သူက ငယ်ရွယ်နုပျိုတဲ့ Harada ကို ကောင်းမွန်လှပတဲ့အတိတ်တွေ ပေးဆောင်ခဲ့ပါတယ်။

“ဒီဘူတာရုံလေးကို ကျွန်မကျေးဇူးတင်တယ်… ကျွန်မအထက်တန်းပြီးတဲ့အထိ သူရှိနေခဲ့လို့ပါ။ အထူးပဲ ကျေးဇူးတင်မိပါတယ်”

မနှစ်က စက်တင်ဘာလမှာ ဂျပန်ရထားသံလမ်းဌာနက စနစ်တစ်ခုကို ထုတ်ပြန်ကြေညာခဲ့ပါတယ်။

အဲဒီထုတ်ပြန်ကြေညာချက်မှာ .. တစ်ရက်တာအတွင်း လူနှစ်ယောက်ထက်မလျော့ဘဲ အသုံးပြုနေတဲ့ ဘူတာရုံရှိရင် ဒါမှမဟုတ် ကားဂိတ်ပတ်ဝန်းကျင်အနီးနားမှာ အလယ်တန်းကျောင်းသား ၄ယောက်ထက်မနည်းရှိရင် ဒါမှမဟုတ် သယ်ယူပို့ဆောင်ရေးလိုအပ်တဲ့ အထက်တန်းကျောင်းသားရှိခဲ့ရင် စီးသူနည်းတဲ့ဘူတာရုံဖြစ်ပါစေ ဆက်လက်ထိန်းသိမ်းဖွင့်လှစ်ထားခွင့်ရှိတယ်ဆိုတာပဲဖြစ်ပါတယ်။
.
မူရင်းလင့် -- http://www.85nian.net/rensheng/57311.html

#NineNineSaNay (The Chic မဂ္ဂဇင်းဧပြီ ၂ဝ၁၇)