ကမ္ဘာ့နံပါတ် ၁ အရောင်းသမားရဲ့  လျို့ဝှက်ချက် (၁)

 

STEP-UP Training Institute

 

ကမ္ဘာ့နံပါတ် ၁ အရောင်းသမားရဲ့  လျို့ဝှက်ချက် (၁)
..............................................................

Joe Girard ဆိုတာဟာ World's greatest salesman ဆိုတဲ့ ဂုဏ်ပုဒ်နဲ့ Guinness Book of World Records ဆိုတဲ့ ဂင်းနစ်မှတ်တမ်းကနေ စံချိန်တင် ဖော်ပြခြင်း ခံထားရတဲ့သူပါ။

သူရဲ့  စံချိန်တွေ စတင်ခဲ့တဲ့ ၁၉၆၆ ကနေ သူအနားယူတဲ့ အချိန်ဖြစ်တဲ့ ၁၉၇၇ အထိ သူဟာ ပြိုင်ဘက်အားလုံးကို ကျော်ဖြတ်ပြီး ၁၂ နှစ်တိတိ ကမ္ဘာ့နံပါတ် ၁ ကားအရောင်းသမား အနေနဲ့ ရပ်တည်နိုင်ခဲ့ပါတယ်။

ဒီလို ရောင်းချရာမှာ အစုလိုက် အပြုံလိုက် ကားအစီးရေ အများကြီးကို တစ်ခါထည်း ၀ယ်တဲ့သူနဲ့ စာချုပ်ချုပ်ပြီးရောင်းချတာ၊ တင်ဒါလိုမျိုး အများကြီး တစ်ခါတည်းရောင်းတာမျိုးတွေ လုံးဝ မပါဝင်ပါဘူး။ သူဟာ တစ်စီးချင်းစီကို လူတွေနဲ့ နဖူးတွေ့ ဒူးတွေ့ မျက်နှာချင်းဆိုင်ပြီး ရောင်းချခဲ့တာ ဖြစ်ပါတယ်။ ဒါကြောင့်လဲ နှစ်ပေါင်းများစွာထိ သူဟာ ကမ္ဘာ့နံပါတ် ၁ အရောင်းသမားရယ်လို့ တစ်ကမ္ဘာလုံးက လက်ခံဂုဏ်ပြုခဲ့ကြတာဖြစ်ပါတယ်။

သူ့ကိုယ်တိုင်ရေးပြီး အုပ်ရေသန်းပေါင်းများစွာ ထုတ်ဝေခဲ့ရတဲ့ “HOW TO SELL ANYTHING TO ANYBODY” ထဲက ကောက်နှုတ်ချက်တွေကို နေ့စဉ်ရေးတင်ပေးသွားပါမယ်။ အဲဒီထဲကမှ သူ့ရဲ့  နာမည်ကျော် သီအိုရီ တစ်ခုဖြစ်တဲ့ “Girard’s Law of 250” ကို အရေးကြီးဆုံးလို့ ယူဆလို့ ဒီနေ့အရင်ဆုံး တင်ပေးလိုက်ပါတယ်။

…………………………………………………………………………

“Girard’s Law of 250”

ဒီသီအိုရီကို သူအစပြုခဲ့တာ အရမ်းစိတ်ဝင်စားစရာကောင်းပါတယ်။ သူ့သူငယ်ချင်းအမေရဲ့  အသုဘမှာ အစပြုခဲ့တာပါ။ အသုဘမှာ သေသူအကြောင်း ကဒ်လေးတွေ ဝေလေ့ရှိပါတယ်။ အဲဒီနေ့မှာတော့ ထူးထူးခြားခြားသိချင်စိတ်ဝင်လာပြီး သင်းအုပ်ဆရာကို ကဒ်ဘယ်နှစ်စောင် ရိုက်လဲမေးဖြစ်တော့ သင်းအုပ်ဆရာက ပုံမှန်အားဖြင့် အစောင် ၂၅၀ ရိုက်ပါတယ်တဲ့။ နောက်တစ်ပါတ်မှာလည်း သူ့ဆီက ကားလာဝယ်တဲ့ တခြား သင်းအုပ်ဆရာတစ်ယောက်ကို ဒီမေးခွန်းပဲ သူမေးတဲ့ အခါမှာလည်း အဖြေက ၂၅၀ ပါပဲတဲ့။ အဲဒီနောက် မင်္ဂလာဆောင် တစ်ခုကို သူတက်ဖြစ်တဲ့ အခါ မင်္ဂလာဆောင် ဖိတ်စာ ဘယ်လောက်ရိုက်ဖြစ်လဲမေးတော့ သတို့သားဘက် အတွက် အစောင် ၂၅၀ နဲ့ သတို့သမီးဘက်က အစောင် ၂၅၀ ပါတဲ့။ အဲဒီမှာ သူသတိထားမိတာက လူတစ်ယောက်မှာ သာရေး နာရေးတွေကို လာရောက်ဖို့အထိ ခင်မင်တဲ့ မိသားစု၊ မိတ်ဆွေ အပေါင်းအသင်းဟာ ပျမ်းမျအားဖြင့် ၂၅၀ ရှိပါတယ်ဆိုတာပါပဲ။ ၂၅၀ မကတဲ့ သူတွေလည်း ရှိသလို ၂၅၀ မပြည့်တဲ့ သူတွေလည်းရှိတာကို လက်ခံပါတယ်၊ ပျမ်းမျကိုပြောတာပါ။

အဲဒီတော့ ဘာဖြစ်သလဲ ဆက်စဉ်းစားတဲ့အခါ အတွေးတစ်ခု ပေါ်လာပါတယ်။ လူတွေဟာ ကောင်းသတင်း မကောင်းသတင်းကို မိသားစု မိတ်ဆွေ သူငယ်ချင်းတွေကို မျှဝေတတ်ကြပါတယ်။ အထူးသဖြင့် မကောင်းသတင်းပေါ့။ လူတစ်ယောက် လိမ်တာ၊ နှပ်ချတာ ခံလိုက်ရရင် ဖြစ်ဖြစ်၊ ၀န်ဆောင်မှု ဒါမှမဟုတ် ပစ္စည်း တစ်မျိုးမျိုးကို မကျေနပ်တဲ့ အခါမှာပဲ ဖြစ်ဖြစ် အသိမိတ်ဆွေတွေကို ပြန်ပြောပြဖြစ်တာများကြပါတယ်။ ဥပမာ “သူငယ်ချင်းရေ နင်တော့ အဲဒီဆိုင်ကို ဘယ်တော့မှ ထပ်မသွားနဲ့ သိလား၊ ဟိုနေ့ကပေါ့ ငါလေ…” အစချီပြီး ဖြစ်ကြောင်းကုန်စင် ပြောကြလေသတည်းပေါ့။

ယနေ့ခေတ်လို အင်တာနက်ခေတ်မှာတော့ Facebook ပေါ်တင်တာ၊ Review တွေမှာ ၀င်ပြီးဝေဖန်တာမျိုးပေါ့။ အခုခေတ်ဆိုရင် သူငယ်ချင်းတွေကပါ ထပ် Share ကြရင် ပိုလို့တောင် ဆပွားပြီး ကြောက်စရာကောင်းလောက်အောင် ပြန့်ဖို့လွယ်တာပေါ့။ ဒါကြောင့်လဲ ဒီနေ့ခေတ်မှာ Social Media တွေဟာ သုံးတတ်ရင် ဆေးဖြစ်သလောက် မသုံးတတ်ရင် (ဒါမှမဟုတ် လျစ်လျူရှုလိုက်ရုံနဲ့တင်) ဘေးဖြစ်နိုင်ပါတယ်။

Joe Girard ရဲ့ Law အကြောင်း စကားပြန်ကောက်ရရင် customer တစ်ယောက်ကို လျစ်လျူရှုလိုက်လို့ သူမကျေနပ်သွားရင် သူတစ်ယောက်ထဲနဲ့ ရပ်နေမှာ မဟုတ်ပါဘူး။ အဲဒီတော့ မကျေနပ်တဲ့ customer တစ်ယောက်ဟာ နောက်ထပ်သူ့ဆီလာနိုင်မယ့် ၂၅၀သော potential customer တွေအတွက် ကြီးမားသော အတားအဆီးပါပဲ။ အဲဒါကြောင့် ရောင်းအားအကောင်းဆုံး အရောင်းသမားဖြစ်တဲ့ Joe Girard ဟာ ဘယ် customer တစ်ယောက်ကိုမှ စိတ်ဆိုးအောင် မထီမဲ့မြင်လုပ်တာ၊ နင်ပဲငဆ ဆက်ဆံတာ မလုပ်ပါဘူးတဲ့။

ဒါက ကာကွယ်ခြင်းသက်သက်ပါ (defense strategy) ပါ။ ဖောက်သည်ပိုရအောင် (offense strategy) က ဘာများပါလိမ့် ?

ပထမ အချက်က Joe Girard ဟာ သူ့ရဲ့  customer တိုင်းကို လာဝယ်တဲ့ အချိန်မှာ အကောင်းဆုံး ဆက်ဆံပြီး ကျေနပ်စေရုံသာမက ရောင်းပြီးတဲ့ အချိန်မှာလည်း (after sales service) အကောင်းဆုံး ၀န်ဆောင်မှုကို ပေးပါတယ်။ သူ့ဆီက ၀ယ်သွားတဲ့ကား အဆင်ပြေမပြေ မေးပြီး အဆင်ပြေရင်တော့ အသိမိတ်ဆွေတွေကို သူ့ဆီကို ညွှန်ပေးဖို့ (Referral) တောင်းဆိုပါတယ်။ လူတွေက ကောင်းတာထက် ဆိုးတာကို ပိုပြောဖြစ်တော့ ကောင်းသတင်းအတွက် ကိုယ်က တက်တက်ကြွကြွ (actively) တောင်းဆိုရမှာပါ။

ဒုတိယ အချက် အနေနဲ့ Joe Girard က သူ့ customer တွေရဲ့  ရင်ထဲထိ ရောက်အောင် ကြိုးစားပါတယ်။ ဘာကိုပြောတာပါလဲ။ သူဟာ သူ့ဆီက ၀ယ်သူတွေရဲ့ မွေးနေ့၊ ကလေးတွေမွေးနေ့ စတဲ့ information တွေကို စုထားပြီး အဲဒီနေ့တွေမှာ အမှတ်တရ Card လေးတွေ ပို့တတ်ပါတယ်။ စာဖတ်သူ အနေနဲ့တော့ ကိုယ့်ရဲ့  အလုပ်အကိုင် သဘာဝကို လိုက်ပြီးတော့ customer ကို heart ထိ စေမယ့် အရာတွေကို ဖန်တီးနိုင်ပါတယ်။

နောက်ဆုံးတစ်ချက်ကတော့ ကိုယ့်ကို သဘောကျလို့ နောက်အသိမိတ်ဆွေတွေကို နတ်လမ်းညွှန်လိုက်တဲ့ ပထမ customer ကို ကျေးဇူးတင်ရမှာပါ။ သူ့ကို ကျေးဇူးတင်တဲ့အနေနဲ့ လက်ဆောင်လေး တစ်ခုခုဖြစ်ဖြစ် နောက်ဆုံး ကျေးဇူးတင်ကြောင်း (Thank you post card) ကဒ်လေးတစ်ကဒ်ဖြစ်ဖြစ်ပေါ့၊ နောက်ပြီး သူ့သူငယ်ချင်းလာကြောင်း အဆင်ပြေကြောင်းလေး (မပြေရင်လည်း ဘယ်သို့ဘယ်ပုံဆိုတာ) ပြောပြတာကလည်း သူ့ကို ကိုယ်ဟာ တာဝန်သိ တာဝန်ယူကြောင်း ပြသရာ ရောက်ပါတယ်။ တစ်ခုပါပဲ ဖုံးနဲ့ဆိုရင်လည်း ဟိုဘက်ကလူက အားမအား ပြောဖို့ အဆင်ပြေမပြေ သိဖို့လိုပါတယ်။ မဟုတ်ရင် တစ်ခါတစ်လေမှာ တစ်ဘက်လူက ကိုယ့်ကို တွန်းလွန်းအားကြီးတယ် (Pushy) ထင်ရင် အထင်လွဲမှားနိုင်ပါတယ်။

စာဖတ်သူလည်း Girard’s Rule of 250 ကို အကျိုးရှိရှိ အသုံးချပြီး စားသုံးသူတွေ ကိုယ့်ဆီပဲ ပြန်လာအောင်၊ နောက်ထပ် စားသုံးသူတွေလည်း တိုးပွားအောင် လုပ်နိုင်ကြပါစေ ခင်ဗျာ။

Dr. Htet Naing Lin
Step-Up Training Institute
19.4.2017

*******

Joe Girard ရဲ့  ကိုယ်ရေး အကျဉ်းကို ဖတ်ချင်ရင် အောက်ပါ Link မှာ ဖတ်ရှုနိုင်ပါတယ်...

https://www.facebook.com/stepuptraininginstitute.myanmar/posts/461232617601987:0

ဒီ Post ကို Step-Up Training Institute ကနေ တင်ဆက်ပေးတာဖြစ်ပြီး Step-Up Training Institute ရဲ့  Facebook Page ကို Like လုပ်ပြီး Follow လုပ်ထားမယ်ဆိုရင် သင့်အတွက် လုပ်ငန်းခွင် (Career Development) နဲ့ ဘ၀ဆိုင်ရာ တိုးတက်မှု (Personal Development)၊ မိမိကိုယ်ကို ယုံကြည်မှု (Self-Confidence) တွေကို တိုးတက်စေမယ့် Post တွေကို နေ့စဉ် ဖတ်ရှုနိုင်မှာဖြစ်ပါတယ်။