မြောက်ကိုရီးယားရှိ အလုပ်ကြမ်းစခန်းများ

 

天下第一

 

မြောက်ကိုရီးယားရှိ အလုပ်ကြမ်းစခန်းများ
--------------------

မြောက်ကိုရီးယားသည် ကွန်မြူနစ်နိုင်ငံ တခုဖြစ်ပြီး အုပ်ချုပ်သူတို့မှာ အများသိကြသည့် ကင်မင်းဆက် ဖြစ်သည်။ မြောက်ကိုရီးယားရှိ အလုပ်ကြမ်းစခန်းများမှာ အဓိကအားဖြင့် နိုင်ငံတော်ကို ပုန်ကန်သူ များရဲ့ မိသားစုများ၊ ကွန်မြူနစ် ဝါဒကို မယုံကြည် သူများနှင့် နိုင်ငံရေး အကျဉ်းသားများ စသည်တို့ကို ညှင်းပန်းနှိပ်စက်ရာ စခန်းများ ဖြစ်ကြ သည်။ အနည်းဆုံး ဆွေစဉ်မျိုးဆက် ၃ ဆက် လောက် ထိ အဆိုပါ စခန်းများတွင် နှိပ်စက်ခံကြရသည်။ တချို့ဆိုလျှင် စခန်းထဲမှာ ကြီးပြင်း လာခဲ့သူများဖြစ်ကြသည်။

"မြောက်ကိုရီးယားတွင် ဘာတွေဖြစ်ပျက်နေလဲ။ ဘယ်လိုဖိနှိပ်နေလဲ" ဆိုတာတွေကို ဖော်ထုတ်သည့် နေရာတွင် အဓိက အခက်အခဲမှာ ဝင်ထွက်သွားလာခွင့် မရရှိခြင်းပင်ဖြစ်သည်။

ဥပမာ - မြန်မာနိုင်ငံကို ကမ္ဘာလှည့်ခရီးသွားဟန်ဖြင့် ဝင်ရောက် လေ့လာ သတင်းရေးလို့ရပေမယ့် မြောက်ကိုရီးယားတွင်တော့ လုံးဝပိတ်ပင်ထားသည်။

အလုပ်ကြမ်းစခန်းမှ လူမှုဘဝနှင့် မြောက်ကိုရီးယား သာမန် လူမှု ဘဝ ကို နှိုင်းယှဉ်နိုင်ရန် သာမန်လူမှုဘဝကို ဦးစွာ ဖော်ပြ ပေးပါ မည်။

မြောက်ကိုရီးယား သာမန်လူတန်းစားအများစုသည် တိုက်ခန်း တခန်း တည်းတွင် စုပေါင်းနေကြရပြီး သန့်စင်ခန်း တခန်းကို မိသားစု ၁၀ ယောက်ခန့် ကပေါင်းသုံးရသည်။ သို့သော် သူ့အဆင့်အတန်း အလိုက် ပါတီ ဝင် သို့မဟုတ် စစ်ဘက်ဆိုင်ရာ အရာရှိများမှာ လုံးချင်း အိမ်ရာ သို့မဟုတ် ကိုယ်ပိုင် သန့်စင်ခန်းပါသည့် တိုက်ခန်းများ ရရှိကြ သည်။

ငယ်စဉ်ကတည်းကပင် ခေါင်းဆောင်ကြီးကို ရိုသေလေးစားရန် ဝါဒ များကို သွတ်သွင်းခြင်းခံကြရပြီး မူလတန်းကတည်းက သဘော တရား ရေးရာများကို ပို့ချသည်။ မည်သည့်ဘာသာကိုမှ ကိုးကွယ်ဖို့ မဖြစ်နိုင်ပဲ ကင်အီဆွန်းကိုသာ ကိုးကွယ်ရသည်။ အမှားအမှန်ကို မည်သူမျှ ဆုံးဖြတ်ပိုင်ခွင့်မရှိ။ ခေါင်းဆောင်ကြီး၏ အဆုံးအဖြတ်သာ အမှန် ဖြစ်သည်။ ခေါင်းဆောင်ကြီးနှင့် မိသားစုကို စော်ကားပြောဆို လျှင် သံချောင်းဖြင့် သေသည်အထိ ရိုက်နှက်ဆုံးမ ပိုင်ခွင့်ရှိသည်ဟု ဥပဒေ ပြဌာန်းထားသည်။

ခေါင်းဆောင်ကြီး၏ ဝါဒသဘောတရားကို ဝေဖန်ပြောဆိုလျှင် အလုပ် ကြမ်း စခန်းများသို့ ပို့ဆောင်ခြင်းခံရတတ်သည်။ တက္ကသိုလ် ရောက် သည် အထိ ရည်းစား ထားခွင့်မရှိ။ ယောင်္ကျား မိန်းမ အိမ်ထောင် မပြု မီ အထိ ချိန်းတွေ့သည်ကို မိလျှင်ပင် အလုပ်ကြမ်းစခန်းသို့ လွှတ် ရက် မရှိ ပို့ခံရသည်။ မိန်းကလေးများကို ပုံမှန်စစ်ဆေးသည်။ ယင်းသို့ စစ်ဆေးရာတွင် အပျိုရည် ပျက်မပျက် ကိုပါ စစ်ဆေးသည်။

မိန်းကလေးများ၏ အပျိုရည်ကို နိုင်ငံတော်က ထိန်းသိမ်းပေးခြင်း ဖြစ်သည်ဟု ဆိုသည်။ သို့သော် ချောမောလှပသည့် မိန်းကလေး အများစု မှာ Spy အဖြစ်လည်ကောင်း၊ အရာရှိကြီးများအတွက် လိင် ဖျော်ဖြေ ပေးရန်လည်းကောင်း ခေါ်ဆောင်ခြင်းခံရတတ်သည်။

အများစုမှာ အသက် ၁၈ နှစ်မှ ၂၅ နှစ်ဖြစ်ကြပြီး လိင်ဖျော်ဖြေရန် စေခိုင်း ခံရသော မိန်းကလေးအများစုကို အသက် ၂၅ မှ ၂၇ နှစ်တွင် အနားပေးကာ သူတို့ကိုယ်တိုင် အိမ်ထောင်ချပေးသူနှင့် အိမ်ထောင်ပြု ခိုင်းလေ့ရှိကြသည်။ လိင်ဖျော်ဖြေရန် စေခိုင်းခံရသည့် မိန်းကလေး များကို လ ၂၀ ခန့် သင်တန်းပေးပြီးမှ ရုပ်ရည်အလိုက် အဆင့်အတန်း ခွဲခြားထားကာ အချောဆုံးမိန်းကလေးများကို ပါတီအကြီးအကဲများကို ဖျော်ဖြေခိုင်းလေ့ရှိကြသည်။ ဉာဏ်ရည်ထက်မြက်ပြီး ဘာသာစကား ၂ မျိုး သို့မဟုတ် ၃ မျိုး တတ်မြောက်ပါက သူလျှိုလုပ်ငန်းများတွင် သုံး လေ့ ရှိပြီး လိုအပ်ပါက ဘဝနှင့်ရင်းပြီး ဆောင်ရွက်ရန် ညွှန်ကြားခြင်း ခံထားရသည်။ အထင်ရှားဆုံး မိန်းကလေးသူလျှိုမယ်မှာ ကင်ဟွန်ဟီး ဖြစ်ပြီး သူရေးထားသော စာအုပ်တွင် အဆိုပါအကြောင်းများအား တွေ့ရနိုင်ပေသည်။

အိမ်ထောင်ပြု ခြင်းသည် မြောက်ကိုရီးယားတွင် ချစ်ခြင်း မေတ္တာ ကြောင့် မဟုတ်ပဲ တိုင်းပြည်အတွက် လိုအပ်သော အလုပ်သမားနှင့် စစ်သားများထုတ်လုပ်ရန်အတွက်သာ ဖြစ်ပေတော့သည်။

မြောက်ကိုရီးယားရှိ အလုပ်ကြမ်းစခန်းများသည် ဆိုဗီယက် ပြည်ထောင်စု တွင် ရှိခဲ့သည်ထက် ၂ ဆလောက်ရှိသည်။ နာဇီ အလုပ်ကြမ်း စခန်းများထက် ၁၂ဆ လောက် ကျယ်ဝန်းသည်။ သို့သော် မြောက်ကိုရီးယားမှာ အလုပ်ကြမ်းစခန်းများ မရှိပါဟု ငြင်းဆန် ထားသော်လည်း ဂြိုလ်တုမှ ရိုက်ကူးထားသည့် ကြည်လင် ပြတ်သားသော ဓာတ်ပုံအထောက်များကား ငြင်းလို့မရနိုင်ပေ။ မြောက်ကိုရီးယား တောင်တန်းများကြားတွင် သံဆူးကြိုးကာထား လျှပ်စစ်လွှတ်ထားသော ခြံဝန်းကြီးတွေကို Google Map မှ အထင်အရှား တွေ့နိုင်ပေသည်။

အလုပ်ကြမ်းစခန်းပေါင်း ၆ ခုရှိသည်ဟု တောင်ကိုရီးယား ထောက်လှမ်းရေး မှ ကြေညာထားပါတယ်။ အကျဉ်းသားပေါင်း ၁သိန်း ၆သောင်းကျော် ရှိမည်ဟု ခန့်မှန်းထားပြီး အမေရိကန် နိုင်ငံခြားရေး ဝန်ကြီးဋ္ဌာန နှင့် လူအခွင့်အရေး အဖွဲ့အစည်းများရဲ့ ထုတ်ပြန်ချက် မှာတော့ အကျဉ်းသား ၂သိန်း ရှိမည်ဟု ခန့်မှန်းထားပါတယ်။

အကြီးဆုံးအကျဉ်းစခန်းမှာ ၃၁ မိုင် X ၂၅ မိုင် ကျယ်ဝန်းသည်။ ယင်းအကျယ်အဝန်းမှာ လော့အိန်ဂျလိမြို့ထက် ကြီးမားပေသည်။ လျှပ်စစ်လွှတ်ထားသော သံဆူးကြိုးခြံဝန်း စောင့်ကြည့်ကင်းစင်တွေနဲ့ လက်နက်ကိုင်စစ်သားများကလည်း ကင်းလှည့်နေကြသည်။

အလုပ်ကြမ်းစခန်း အမှတ် ၁၅ နှင့် ၁၈ မှာ ပြန်လည်သင်ကြားရေး စခန်းများ ဖြစ်ကြပြီး ကင်ဂျုံအီလ်နဲ့ ကင်အီဆွန်းတို့ရဲ့ အတွေးအခေါ် တွေကို သင်ကြားပြသပေးသည်။ ကံကောင်းထောက်မ၍ သူတို့ သင်ကြား ပေးမှုကို အလွတ်ရွတ်ပြနိုင်လျှင်ဖြစ်စေ၊ နိုင်ငံတော်ကို သစ္စာရှိမည်ဟု သူတို့ယုံကြည်လျှင်ဖြစ်စေ ပြန်လွှတ်ပေးခြင်း ခံရတတ်သည်။

ကျန်အလုပ်ကြမ်းစခန်းများတွင်တော့ လုံးဝလွှတ်လမ်းမရှိ။ ထွက်ပြေး လျှင် သေဒဏ်ပေးတတ်သည်။ ထို့ကြောင့် သေဆုံးချိန်ထိ အလုပ် လုပ်ပေတော့ ဟူ၍ဖြစ်သည်။

စခန်းအမှတ် ၁၄ မှာ အဆိုးတကာ့ အဆိုးဆုံး အကြမ်းတကာ့ အကြမ်း ဆုံး ဖြစ်သည်။ လုပ်ငန်းခွင်တွေကလဲ အလွန်ပင်ပန်းသည်။ အစောင့် တွေကလည်း ကြမ်း၏။ အကျဉ်းသားအများစုမှာ နိုင်ငံရေး အကျဉ်း သား များ၊ ပါတီမှ လူဟောင်းများ၊ အစိုးရနှင့် စစ်ဘက်မှ နိုင်ငံတော် သစ္စာဖောက်မှုဖြင့် စွပ်စွဲခံရသော လူများ စသဖြင့် ဖြစ်ကြသည်။ တဦး တယောက် အလုပ်ကြမ်း စခန်း ပို့ခံရလျှင် ထိုသူ၏ မိသားစုဝင်များပါ ရောပါလာလေ့ရှိကြသည်။

အလုပ်ကြမ်းစခန်းကို ရောက်လာသူအများစုသည် ကျကျနန တရား စီရင် ခံရပြီးမှ ရောက်လာသူရှားသည်။ အများစုမှာ ဘာအမှုနှင့် ရောက်လာ လို့ ရောက်လာမှန်းကိုပင် မသိကြချေ။ အမျိုးသား လုံခြုံရေး အေဂျင်စီမှ တပ်ဖွဲ့ဝင်များက ညကြီးသန်းခေါင် အိမ်မှ လာခေါ် သွားခြင်း မျိုးဖြင့်သာ အတော်များများက ရောက်လာခဲ့ ရသည်။ ပြစ်မှုကျုးလွန်သူ တဦးအဖမ်းခံရပါက များသောအားဖြင့် ထိုသူရဲ့ မိသားစုဝင်နဲ့ ကလေးငယ်များကိုပါ တပါတည်းခေါ်ဆောင်ပြီး ထောင်ချခံရလေ့ရှိသည်။

ကင်အီဆွန်းက ၁၉၇၂ တွင် ဥပဒေတခု ထုတ်ပြန်ခဲ့သည်။ အဆိုပါ ဥပဒေမှာ လူတန်းစားရန်သူများသည် မည်သူမည်ဝါပင်ဖြစ်စေကာမှု ထိုသူတို့၏ မျိုးဆက် ၃ ဆက်ကိုပင် ရှင်းလင်း သင့်သည်ဟူ၍ ဖြစ် သည်။ အထင်ရှားဆုံး ဥပမာတခုအနေဖြင့်ဆိုလျှင် ကင်ဂျုံအန်း လက်ထက် တွင် သူ့ဦးလေးအရင်းကို ခွေးစာကျွေးပစ်ခဲ့သည်ဟူ၍ ကောလဟာလပင် ထွက်လာခဲ့သေးသည်။

(ဆက်ရန်ရှိ)
ကိုးကား
မြောက်ကိုရီးယားငရဲခန်းမှ လွှတ်မြောက်ခြင်း
စပိုင်ဧကရီ
Wikipedia
--------------------
- မှတ်စုကြမ်း #SwamHtet(天下第一)