တေးရေးဆရာ စိုင်းခမ်းလိတ်

ဂီတအကြောင်း သောင်းပြောင်းထွေလာ

 

╔══════════════════╗
► တေးရေးဆရာ စိုင်းခမ်းလိတ် ◄
╚══════════════════╝
===================================
ဂီတလောကမှာ နှစ်ပေါင်းတော်တော်ကြာ
ဖြတ်သန်းလာခဲ့ပြီးပြီဖြစ်တဲ့ ဆရာ့အနေနဲ့ အခက်အခဲတွေနဲ့
ကြုံခဲ့ရတဲ့အခါ ဘယ် လို ခွန်အားမျိုးတွေနဲ့ ရှေ့ ဆက်ခဲ့ပါသလဲ။
===================================
ကျွန်တော်ကတော့ခွန်အားဆိုတာထက် ခံနိုင်ရည် နဲ့
ကြံ့ကြံ့ခိုင်ရပ် တည်ပြီး လုပ်ချင်တာကို ရင်ထဲမှာ စွဲစွဲမြဲမြဲ
ထည့်ထားပြီး လုပ်ကိုင်ခဲ့ပါတယ်။

===================================
အရင်တုန်းက စိုင်းထီးဆိုင် ဆိုခဲ့တဲ့ သီချင်းတွေကို
အခုဘိုဖြူ ပြန် ဆို တဲ့အပေါ် ဆရာအားရမှုရှိပါသလား။
===================================
ကျွန်တော်ဟာ အခုထက်ထိတော့ သူများ ရေးပြီး
ကျွန်တော်ကြိုက်တဲ့ သီချင်းတွေ၊ကျွန်တော် ရေးပြီး
ပရိသတ်တွေနှစ်သက်ခဲ့တဲ့ သီချင်း တွေကို ဘယ်လိုလူမျိုးပဲ
လာဆိုဆို၊ ဆိုတဲ့သူရဲ့ ကောင်းကွက် ကိုပဲရှာကြည့် တတ်ပါတယ်။
အဲဒီ ကောင်းကွက်တစ်ကွက်ကိုပဲမူတည်ပြီး ဆိုတဲ့သူ ကိုချီးကျူး တတ်ပါတယ်။လက်ခံတတ်ပါတယ်။

===================================
ကိုယ်ပိုင်သံစဉ်အနေနဲ့ရေးဖွဲ့တဲ့အခါ မှာ ဆရာ့ရဲ့သီချင်းတွေက
အထူးအောင် မြင်ခဲ့တယ်။အဲဒါအကြောင်းအရာ
ကောင်းနေခြင်းကြောင့်လား၊ သံစဉ်ကြောင့်လား။
===================================
အခုထက်ထိ ကျွန်တော့်ကို လာမေးတဲ့ သူတွေကို ကျွန်တော် ဘာမှ ပြန်မပြောပြတတ် ပါဘူး။ သီချင်းတစ်ပုဒ်ဘာကြောင့် အောင်မြင် သလဲဆိုတာပေါ့လေ။တချို့က စာသား ကြိုက် ကြပါတယ်။
တချို့က တေး သွားလေးတွေကို ကြိုက် ကြပါတယ်။
ကျွန်တော်က ကြိုက်ကြမယ် ထင် ထား တဲ့ သီချင်းတွေလည်း
လူမကြိုက်တာ တွေ့ရတယ်။ တစ်ခါတလေကြိုက်မယ်လို့
မထင် ထားတဲ့ သီချင်းကိုကျ လူကြိုက်ပြန်ရော။ အမျိုးမျိုးပါပဲ။

===================================
သီချင်းရေးဆရာတစ်ယောက်က ငယ်ရွယ်တုန်းမှာခံစားမှုတွေ
ပြည့်နှက် ပြီးတော့ ရေးတာပိုလက်တွေ့နိုင်လား။
အခု နောက်ပိုင်း ဆရာသီချင်းရေး ကျဲသွားတာ ခံစားမှု
နည်းသွားလို့လား။ ဆရာသီချင်းရေးကျဲသွားရခြင်း
အကြောင်းအရင်းကို သိချင်ပါတယ်။ဆရာ အခုလက်ရှိမှာ
သီချင်းရေးဖြစ်နေ ပါသေးလား။
===================================
တေးရေးသူ တစ်ယောက်ဟာ များသောအားဖြင့် မသေခင်အထိ
ရေးနေတွေးနေမှာ ဒါမှမဟုတ် တွေးတာကိုရေးချင်နေမှာပဲလို့
ထင် ပါတယ်။ရေး ချင်တာ ကတော့ သီချင်းပဲ။ ဒါပေမဲ့
အများအားဖြင့် တွေးဖြစ်နေ တာကေ တာ့ ဖြတ်သန်းခဲ့ပြီးတဲ့ ဘဝနောက်ကြောင်းပေါ့လေ။ကျွန်တော်ဟာ ၁၉၆၆ ကတည်းက
သီချင်းများ (ရှမ်း)ရေးခဲ့ပြီး ၊၁၉၆၈မှာစပြီးနာမည်ရ ခဲ့ပါ တယ်။ ဒီနေ့ထက်ထိလည်း ရှမ်း၊မြန်မာသီချင်းနှစ်မျိုး လုံး ရေးနေဆဲ ပါပဲ။
နောက် ဆုံး အခွေထွက်ခဲ့တာ ကတော့ ပြင်ဦးလွင် မီးပုံးပျံပွဲတော်
သီချင်း ပါ။ နောက် ဆုံးစပ်နေဆဲ ရှမ်းသီချင်းကတော့
'ကျား မျက်လုံးနဲ့လိပ်ပြာ' ဆိုတဲ့သီချင်းပါ'ကပ်မို့တာဆေ'။
မြန်မာသီချင်းကတော 'နာတာရှည်' ဆိုတဲ့ သီချင်းနဲ့
'နောက် ထပ်တစ်ပုဒ်'ဆိုတဲ့ သီချင်းတွေပါ။

===================================
အရင်တုန်းကတော့ အဆိုတော် အောင်မြင်ရင်တေးရေးဆရာတွေပါ
ပရိ သတ် သိကြတယ်။အခု နောက်ပိုင်းမှာတော့ အဆိုတော်ကိုပဲ
ပိုသိကြ တယ်။ တေးရေးဆရာ တွေက နောက်မှာကျန်ရစ်ခဲ့ကြတယ်။
အဲဒီ အပေါ် ဆရာ့အနေနဲ့ ဘယ်လိုမြင်မိပါသလဲ။
===================================
ဒီမေးခွန်းကိုတော့ ကျွန်တော် မပြောတတ် ပါဘူး။
ဒီလိုလည်းတစ်ခါမှ မစဉ်းစားခဲ့ဖူးပါဘူး။

===================================
ပါရမီရှိတဲ့ တေးရေးဆရာတွေ၊ ပါရမီ ရှိတဲ့ အဆိုတော်တွေ
ကွယ်လွန် သွားတိုင်း ဆရာ့ရဲ့ ဂီတလောကအတွက်
နှမြောစိတ်ကိုလည်း သိချင် ပါ တယ်။
===================================
ပါရမီရှိရှိ၊မရှိရှိကျွန်တော်ကတော့ ခင်မင်တဲ့ သာမန်လူတစ်ယောက် ကွယ်လွန်သွား ရင်တောင် နှမြောစိတ်ဖြစ်ပေါ်လာတာပါပဲ။

===================================
အခုလက်ရှိ မျိုးဆက်သစ်တေးရေးဆရာတွေရဲ့ သီချင်းရေးဖွဲ့မှု
အားအပေါ် ဆရာ့အနေနဲ့ အားရမှုရှိပါသလား။
===================================
ကျွန်တော့်အနေနဲ့ တေးရေးမှန်သမျှကို ဘယ်လိုသီချင်းအမျိုးအစား ပဲရေးရေး၊အမြဲတမ်း အားပေးကြိုဆိုနေပါတယ်။ဘာလို့လဲဆိုရင်
သီချင်း တစ်ပုဒ်ရေးဖို့ဟာကျွန်တော့်အတွက် တော့တော်တော်ခက်ခဲတဲ့အလုပ်ဖြစ်နေလို့ပါ။

===================================
တေးရေးဆရာကောင်းတစ်ယောက် ဖြစ်ဖို့ဆိုရင်
ဘယ်လိုလေ့လာမှုတွေ လိုအပ် မလဲ။ ဆရာ အကြံဥာဏ်ပေးပါဦး။
===================================
တေးရေးဆရာကောင်းဖြစ်ဖို့ဆိုရင် မြန်မာ စာ၊အင်္ဂလိပ်စာ ၊
တိုင်းရင်း သား ဘာသာစာ၊ နောက် နိုင်ငံခြားစာနဲ့ သီချင်းများကို
လေ့လာ ဖို့လိုအပ် ပါ တယ်။

===================================
စိုင်းခမ်းလိတ် ဖောင်ဒေးရှင်းကနေ မျိုးဆက်သစ်အဆိုတော်တွေ
မွေး ထုတ်မယ်လို့ သိရပါတယ်။ ဆရာ့ရဲ့ ဖောင်ဒေးရှင်းနဲ့
ပတ်သက်ပြီး ရှေ့ဆက် သွား မယ့်အစီအစဉ် တွေကို သိချင်ပါတယ်။
===================================
မြန်မာနိုင်ငံမှာ တေးရေးရှားနေလို့ တေး ရေးတွေအတွက်
အထောက် အကူပြုနိုင်အောင် စဉ်းစားခဲ့တာကြာပါပြီ။
နှစ်၅ဝပြည့် မွေးနေ့ တုန်းက လည်း ဖောင်ဒေးရှင်းတစ်ခု
ထောင်ဖို့ ကြိုးစားခဲ့ပါသေးတယ်။ အခြေအနေ မပေးခဲ့ လို့မဖြစ်ခဲ့တာပါ။အခုကတော့ ကူညီထောက်ပံ့ ပေးမယ့်သူ
ပေါ်လာလို့ အစပျိုးနိုင်တာပါ။

===================================
အခုချိန်မှာတော့ ပြောင်းလဲလာတဲ့ ခေတ်နဲ့အညီ ဂီတကလည်း
အသစ်တွေ ပေါ်လာပါတယ်။ အသစ်တွေကို ဖန်တီးကြတဲ့
လူငယ်တွေအပေါ် ဆရာ့ရဲ့အားပေး စကားလေးလည်း ပြောပေးပါဦး။
အခု လက်ရှိ လူငယ်တွေ တအားကြိုက်နေကြတဲ့ ဟစ် ဟော့ပ်မြူးဇစ်အပေါ်လည်း ဆရာ့ရဲ့ထင်မြင် ချက်လေး သိချင်ပါတယ်။
===================================
ဟစ်ဟော့ပ်အပါအဝင် ဂီတအသစ်တွေ အပေါ်မှာ အမြဲလက်ခံ
ကြိုဆို အားပေးနေလျက် ပါပဲ။လူငယ်တွေကို ပြောချင်တာကတော့
အခြေ အနေပေးပေး၊မပေးပေး လုပ်ချင်တာကို တစိုက်မတ်မတ်
ကိုယ်ရော ၊စိတ်ရော၊ ဝိညာဉ်ပါ ပူးပေါင်း ကြိုးစားကြပါလို့ပါပဲ။

===================================
ဆရာ့ရဲ့သီချင်းတွေကို မျှော်နေမယ့် ပရိသတ်အတွက်
ပေါ်ပြူလာ ဂျာနယ်ကနေ အကြိုစကားလေးဆရာပြောပေးပါဦး။
===================================
သီချင်းတွေကို မျှော်နေမယ့်ပရိသတ်အတွက်တော့
သီချင်းတွေ ပွင့်တဲ့ ချယ်ရီမြေသီချင်းတွေကို အားရင်
နားထောင်ကြည့်ပါလို့။
(အခုလိုဖြေကြားပေးတဲ့အတွက်ကျေးဇူးတင်ပါတယ်ဆရာ)

လင်းအက္ခရာ
Popular News
#KoNaing